अथखलु भगवां शाक्यमुनिः पुनरपि मञ्जुश्रियं कुमारभूतमामन्त्रयते स्म । सर्वां च शुद्धावासभवनसन्निपतितां देवगणानामन्त्रयते स्म । शृण्वन्तु भवन्तो देवसङ्घाः मञ्जुश्रियस्य कुमारभूतस्य महाऋद्धिविकुर्वणप्रातिहार्यविक्रीडितचेष्टितबालरूपस्वरूपनिदर्शनयथाशयत्वसन्तोषणमहायानाग्रधर्मप्रापणं सत्त्वपाकसंयोजनमुद्रामन्त्रप्रभावतत्रसत्त्वयोजनमभिप्रायसम्पूरणार्थं मुद्रापटलं परमगुह्यतमं सर्वमन्त्रतन्त्रकल्पेषु बीजभूतं सारभूतं परमरहस्यं महागुह्यतमं परमोत्तरतन्त्रेषु सर्वलौकिकलोकोत्तरेषु अप्रकाश्यं परमगोप्यं नाशिष्याणां च देयम् अश्राद्धानामनुत्पादितबोधिचित्तानां मत्सरिणामन्यतीर्थायतनभक्त्यानां महायानाग्रधर्मविद्वेषिणां सर्वमन्त्रतन्त्रेषु अगौरवजातानाम् । एतेषां प्रकाश्य अन्येषां प्रकाश्यमिति समयज्ञानां बुद्धशासने प्रतिपन्नानां सुरूपसुवेषश्राद्धमविकलचित्तसन्धानमहोत्साहा सर्वमन्त्रेषु च सगौरव सर्वबुद्धबोधिसत्त्वेषु प्रत्येकबुद्धार्यश्रावक सर्वदेव सब्रह्मचारी सप्रतीसादरजातेषु सत्त्वेषु महासन्नाहसन्नद्धेषु सकलसत्त्वाधात्वोत्तारणाभ्युद्यमोद्यतेषु महाकारुणिकेषु क्षान्तिसौरभ्यसुवचस्केषु सत्त्वेष्वेतेषां देयमन्येषामदेयमित्याहु च ॥ एक मुद्रागणः श्रेष्ठः प्रयुक्तो मन्त्रयोजितः । करोति कर्म विविधा मनेष्टा मनुयोजिता
athakhalu bhagavāṃ śākyamuniḥ punarapi mañjuśriyaṃ kumārabhūtamāmantrayate sma / sarvāṃ ca śuddhāvāsabhavanasannipatitāṃ devagaṇānāmantrayate sma / śṛṇvantu bhavanto devasaṅghāḥ mañjuśriyasya kumārabhūtasya mahāṛddhivikurvaṇaprātihāryavikrīḍitaceṣṭitabālarūpasvarūpanidarśanayathāśayatvasantoṣaṇamahāyānāgradharmaprāpaṇaṃ sattvapākasaṃyojanamudrāmantraprabhāvatatrasattvayojanamabhiprāyasampūraṇārthaṃ mudrāpaṭalaṃ paramaguhyatamaṃ sarvamantratantrakalpeṣu bījabhūtaṃ sārabhūtaṃ paramarahasyaṃ mahāguhyatamaṃ paramottaratantreṣu sarvalaukikalokottareṣu aprakāśyaṃ paramagopyaṃ nāśiṣyāṇāṃ ca deyam aśrāddhānāmanutpāditabodhicittānāṃ matsariṇāmanyatīrthāyatanabhaktyānāṃ mahāyānāgradharmavidveṣiṇāṃ sarvamantratantreṣu agauravajātānām / eteṣāṃ prakāśya anyeṣāṃ prakāśyamiti samayajñānāṃ buddhaśāsane pratipannānāṃ surūpasuveṣaśrāddhamavikalacittasandhānamahotsāhā sarvamantreṣu ca sagaurava sarvabuddhabodhisattveṣu pratyekabuddhāryaśrāvaka sarvadeva sabrahmacārī sapratīsādarajāteṣu sattveṣu mahāsannāhasannaddheṣu sakalasattvādhātvottāraṇābhyudyamodyateṣu mahākāruṇikeṣu kṣāntisaurabhyasuvacaskeṣu sattveṣveteṣāṃ deyamanyeṣāmadeyamityāhu ca // eka mudrāgaṇaḥ śreṣṭhaḥ prayukto mantrayojitaḥ / karoti karma vividhā maneṣṭā manuyojitā
Sanskrit only: no published translation is held for this verse.
जापिभिः सर्वकालं तु प्रयोक्तव्यः सिद्धिमिच्छता । नाम्ना त्रैलोक्यविख्यातः बुद्धैः अजितः सदा
jāpibhiḥ sarvakālaṃ tu prayoktavyaḥ siddhimicchatā / nāmnā trailokyavikhyātaḥ buddhaiḥ ajitaḥ sadā
Sanskrit only: no published translation is held for this verse.
स्त्रीसम्पत्करो ह्येष प्रथितः सर्वजन्तुभिः । श्रीवत्सो नाम मुद्रो ऽयं प्रमुखो ऽष्टशते भुवि
strīsampatkaro hyeṣa prathitaḥ sarvajantubhiḥ / śrīvatso nāma mudro 'yaṃ pramukho 'ṣṭaśate bhuvi
Sanskrit only: no published translation is held for this verse.
मुद्राणामष्टशतं ज्ञेयं मञ्जुघोष शृणोहि मे । पुरा जिनवरैर्गीतं बुद्धपुत्रैश्च धारितम्
mudrāṇāmaṣṭaśataṃ jñeyaṃ mañjughoṣa śṛṇohi me / purā jinavarairgītaṃ buddhaputraiśca dhāritam
Sanskrit only: no published translation is held for this verse.
अहं वक्ष्ये प्रत्यहं वर्त्तमानमनागतम् । अर्थार्थं समनुमोद्ये रक्ष्ये ऽहं भुवनत्रये
ahaṃ vakṣye pratyahaṃ varttamānamanāgatam / arthārthaṃ samanumodye rakṣye 'haṃ bhuvanatraye
Sanskrit only: no published translation is held for this verse.
मञ्जुघोषस्तथा हृष्टः उवाच वदतां वरम् । देशयन्तु महात्मानो बुद्धाः सर्वत्र पूजिताः
mañjughoṣastathā hṛṣṭaḥ uvāca vadatāṃ varam / deśayantu mahātmāno buddhāḥ sarvatra pūjitāḥ
Sanskrit only: no published translation is held for this verse.
यं श्रुत्वा पुरुषाः प्राज्ञाः नियतं बोधिमाश्रये । सर्वेषां तु प्रवृत्तानां जपहोमव्रते स्थिताम्
yaṃ śrutvā puruṣāḥ prājñāḥ niyataṃ bodhimāśraye / sarveṣāṃ tu pravṛttānāṃ japahomavrate sthitām
Sanskrit only: no published translation is held for this verse.
ध्रुवं मन्त्रास्तु सिद्ध्येयुरिमैर्मुद्रैस्तु मुद्रिताः । अध्येष्ये ऽहं महावीरं शाक्यसिंहं नरोत्तमम्
dhruvaṃ mantrāstu siddhyeyurimairmudraistu mudritāḥ / adhyeṣye 'haṃ mahāvīraṃ śākyasiṃhaṃ narottamam
Sanskrit only: no published translation is held for this verse.
अस्माकं सत्त्वमर्थाय धर्मकोशार्थपूरणम् । महायानाग्रधर्मार्थं मन्त्रचर्यार्थसाधक
asmākaṃ sattvamarthāya dharmakośārthapūraṇam / mahāyānāgradharmārthaṃ mantracaryārthasādhaka
Sanskrit only: no published translation is held for this verse.
दुर्दान्तदमकं पुण्यं पवित्रं पापनाशनम् । देशयन्तु महावीरा पटलं मुद्रसम्भवम्
durdāntadamakaṃ puṇyaṃ pavitraṃ pāpanāśanam / deśayantu mahāvīrā paṭalaṃ mudrasambhavam
Sanskrit only: no published translation is held for this verse.
पूरणार्थं तु मुद्राणां सूचनार्थं तु देवताम् । ॥॥॥॥॥। अनुकम्पार्थं तु जापिनाम्
pūraṇārthaṃ tu mudrāṇāṃ sūcanārthaṃ tu devatām / ........... anukampārthaṃ tu jāpinām
Sanskrit only: no published translation is held for this verse.
एवमुक्त्वा तु मञ्जुश्रीः कुमारो बालरूपिणः । निरीक्ष्य सुगतश्रेष्ठं सुखो मञ्जुरवस्तदा
evamuktvā tu mañjuśrīḥ kumāro bālarūpiṇaḥ / nirīkṣya sugataśreṣṭhaṃ sukho mañjuravastadā
Sanskrit only: no published translation is held for this verse.
उवाच मधुरां वाणीं मुनिश्रेष्ठो विनायक । कलविङ्करुतः श्रीमां मेघदुन्दुभिनिःस्वनः
uvāca madhurāṃ vāṇīṃ muniśreṣṭho vināyaka / kalaviṅkarutaḥ śrīmāṃ meghadundubhiniḥsvanaḥ
Sanskrit only: no published translation is held for this verse.
ब्रह्मस्वरेण वचसा वाचो मभ्याचचक्ष सः । शृणोथ भूतगणाः सर्वे कल्पार्थं मन्त्रदेवताम्
brahmasvareṇa vacasā vāco mabhyācacakṣa saḥ / śṛṇotha bhūtagaṇāḥ sarve kalpārthaṃ mantradevatām
Sanskrit only: no published translation is held for this verse.
समयं सर्वदैवानां मुख्यं मुद्राश्च दैवतम् । समतिक्रान्तबुद्धैस्तु प्रत्येकार्हतसाधकैः
samayaṃ sarvadaivānāṃ mukhyaṃ mudrāśca daivatam / samatikrāntabuddhaistu pratyekārhatasādhakaiḥ
Sanskrit only: no published translation is held for this verse.
कः पुनरन्यसत्त्वैस्तु विद्यादैवतलौकिकैः । एष मुद्रागणज्येष्ठः सर्वमुद्रेषु कत्थ्यते
kaḥ punaranyasattvaistu vidyādaivatalaukikaiḥ / eṣa mudrāgaṇajyeṣṭhaḥ sarvamudreṣu katthyate
Sanskrit only: no published translation is held for this verse.
यं तथा जापिनः सर्वे नियतं सिद्ध्यन्ति देवता । आदौ किसलयं नाम्ना द्वितीयं भवति मेखला
yaṃ tathā jāpinaḥ sarve niyataṃ siddhyanti devatā / ādau kisalayaṃ nāmnā dvitīyaṃ bhavati mekhalā
Sanskrit only: no published translation is held for this verse.
तृतीयं सुमेखला चैव चतुर्थी सुमनुसोद्भवा । पञ्चमी सङ्कलेत्याहुः षष्ठी रेखा प्रघुष्यते
tṛtīyaṃ sumekhalā caiva caturthī sumanusodbhavā / pañcamī saṅkaletyāhuḥ ṣaṣṭhī rekhā praghuṣyate
Sanskrit only: no published translation is held for this verse.
सुवर्णा सप्तमी ज्ञेया माला भवति चाष्टमी । नवमी अङ्कुशी ख्याता दशमी सप्तदशच्छदा
suvarṇā saptamī jñeyā mālā bhavati cāṣṭamī / navamī aṅkuśī khyātā daśamī saptadaśacchadā
Sanskrit only: no published translation is held for this verse.
एकादशी भवेत् कुन्ता सुकुन्ता द्वादशी भवेत् । कर्दमी त्रयोदशी चात्र पटही पञ्चदशी भवेत्
ekādaśī bhavet kuntā sukuntā dvādaśī bhavet / kardamī trayodaśī cātra paṭahī pañcadaśī bhavet
Sanskrit only: no published translation is held for this verse.
षोडशी तु भवेद् यष्टिः मुष्टिः सप्तदशी विदुः । अष्टादश समाख्याता वज्रमाला प्रगीयते
ṣoḍaśī tu bhaved yaṣṭiḥ muṣṭiḥ saptadaśī viduḥ / aṣṭādaśa samākhyātā vajramālā pragīyate
Sanskrit only: no published translation is held for this verse.
हेममालोनविंशा तु पद्ममाला थ विंशति । नागी नागमुखी चैव तृतीया भवति महामुखी
hemamālonaviṃśā tu padmamālā tha viṃśati / nāgī nāgamukhī caiva tṛtīyā bhavati mahāmukhī
Sanskrit only: no published translation is held for this verse.
वक्त्रा च वक्त्रसहिता छत्री भवति लोहिता । लोहिता चाष्टविंशा तु नीललोहितिका सिनी
vaktrā ca vaktrasahitā chatrī bhavati lohitā / lohitā cāṣṭaviṃśā tu nīlalohitikā sinī
Sanskrit only: no published translation is held for this verse.
ज्योत्स्ना जनि तामसी द्वात्रिंशा कथिता भुवि । तारा सुतारा तारावर्ता सुमुद्रजापि
jyotsnā jani tāmasī dvātriṃśā kathitā bhuvi / tārā sutārā tārāvartā sumudrajāpi
Sanskrit only: no published translation is held for this verse.
घोररूपिणी विख्याता रात्री भयदा सदा । महाप्रभावेति विख्याता या मुद्रा भुवि लोचना
ghorarūpiṇī vikhyātā rātrī bhayadā sadā / mahāprabhāveti vikhyātā yā mudrā bhuvi locanā
Sanskrit only: no published translation is held for this verse.
सप्तत्रिंशतिमुद्रास्तु सङ्ख्या ह्येषा प्रगीयते । श्वेता पण्डरा चैव एवला मामकी च या
saptatriṃśatimudrāstu saṅkhyā hyeṣā pragīyate / śvetā paṇḍarā caiva evalā māmakī ca yā
Sanskrit only: no published translation is held for this verse.
महाभयहरी देवी भ्रुकुटी तु प्रगीयते । अजिता अपराजिता ख्याता जया विजया पराजिता
mahābhayaharī devī bhrukuṭī tu pragīyate / ajitā aparājitā khyātā jayā vijayā parājitā
Sanskrit only: no published translation is held for this verse.
साधकी साधनी चैव तारा श्वेतेति गीयते । घटकर्परमित्याहुः सुगती गतिशोधिका
sādhakī sādhanī caiva tārā śveteti gīyate / ghaṭakarparamityāhuḥ sugatī gatiśodhikā
Sanskrit only: no published translation is held for this verse.
पद्मी पद्मसुता चैव वज्री वज्रमनोद्भवा । स्त्रीसङ्ख्या गणो मुद्रैः पुरुषाणां तु प्रगीयते
padmī padmasutā caiva vajrī vajramanodbhavā / strīsaṅkhyā gaṇo mudraiḥ puruṣāṇāṃ tu pragīyate
Sanskrit only: no published translation is held for this verse.
भद्रं मुद्रपीठं तु आसनं शयनं भुवि । स्वयम्भूशम्भुचक्रश्च कुलिशो मुसलस्तथा
bhadraṃ mudrapīṭhaṃ tu āsanaṃ śayanaṃ bhuvi / svayambhūśambhucakraśca kuliśo musalastathā
Sanskrit only: no published translation is held for this verse.
स्वस्तिको लिङ्गमुद्रश्च पक्षिराड् गरुत्मनः । मुद्रो गरुडध्वजो ज्ञेयः विष्णुरुद्रसवासवः
svastiko liṅgamudraśca pakṣirāḍ garutmanaḥ / mudro garuḍadhvajo jñeyaḥ viṣṇurudrasavāsavaḥ
Sanskrit only: no published translation is held for this verse.
ब्रह्मा पद्मोद्भवः श्रीमां श्रीसम्पुट एव च । तथ्यं यमलमुद्रं च मयूरासनमेव तु
brahmā padmodbhavaḥ śrīmāṃ śrīsampuṭa eva ca / tathyaṃ yamalamudraṃ ca mayūrāsanameva tu
Sanskrit only: no published translation is held for this verse.
विदितं सर्वदिग् धीमां कार्त्तिकेयार्थदः सदा । कुमारस्यानुचरो ज्ञेयः मञ्जुघोषस्य
viditaṃ sarvadig dhīmāṃ kārttikeyārthadaḥ sadā / kumārasyānucaro jñeyaḥ mañjughoṣasya
Sanskrit only: no published translation is held for this verse.
तस्य मुद्रं महावीर्यं ता ताः शक्तिधरः सदा । मयूरासनमुद्रं तु तस्यैवैतत् प्रयुज्यते
tasya mudraṃ mahāvīryaṃ tā tāḥ śaktidharaḥ sadā / mayūrāsanamudraṃ tu tasyaivaitat prayujyate
Sanskrit only: no published translation is held for this verse.
अनेन बद्ध्वा मन्त्रेण कार्त्तिकेयस्य युक्तितः । यावन्तो लौकिका मुद्रा शैवाश्चैव सवासवाः
anena baddhvā mantreṇa kārttikeyasya yuktitaḥ / yāvanto laukikā mudrā śaivāścaiva savāsavāḥ
Sanskrit only: no published translation is held for this verse.
सर्वे भवन्ति बद्ध्वा वै वश्यार्थं हि प्रयुज्यते । एष मुद्रा करो ह्यर्थां पुष्कलां साधु चेष्टिताम्
sarve bhavanti baddhvā vai vaśyārthaṃ hi prayujyate / eṣa mudrā karo hyarthāṃ puṣkalāṃ sādhu ceṣṭitām
Sanskrit only: no published translation is held for this verse.
प्रसन्नो बुद्धपुत्रस्य मञ्जुघोषस्य धीमतः । बुद्धशासनमवतीर्णो बालरूपी महर्द्धिकः
prasanno buddhaputrasya mañjughoṣasya dhīmataḥ / buddhaśāsanamavatīrṇo bālarūpī maharddhikaḥ
Sanskrit only: no published translation is held for this verse.
कार्त्तिकेयो ऽथ विख्यातः मन्त्रमुख्ये ऽथ लौकिके । सर्वेषां च प्रयोक्तव्यो बालिशानां विशेषतः
kārttikeyo 'tha vikhyātaḥ mantramukhye 'tha laukike / sarveṣāṃ ca prayoktavyo bāliśānāṃ viśeṣataḥ
Sanskrit only: no published translation is held for this verse.
ग्रहमातरकूष्माण्डैः गृहीता कटपूतनैः । दैत्यदानवयक्षैश्च पिशाचोरगराक्षसैः
grahamātarakūṣmāṇḍaiḥ gṛhītā kaṭapūtanaiḥ / daityadānavayakṣaiśca piśācoragarākṣasaiḥ
Sanskrit only: no published translation is held for this verse.
क्रव्यादैर्मानुषैश्चापि नित्यं चापि विमोक्षकः । रौद्रसत्त्वे ऽथ दुष्टेभिः पिशिताशनव्यन्तरैः
kravyādairmānuṣaiścāpi nityaṃ cāpi vimokṣakaḥ / raudrasattve 'tha duṣṭebhiḥ piśitāśanavyantaraiḥ
Sanskrit only: no published translation is held for this verse.
मुद्रितेभिश्च मनुजैर्मुद्रो ऽयं सम्प्रमोक्षकः । सर्वसत्त्वार्थयुक्तश्च प्रयुक्तः सुखदः सदा
mudritebhiśca manujairmudro 'yaṃ sampramokṣakaḥ / sarvasattvārthayuktaśca prayuktaḥ sukhadaḥ sadā
Sanskrit only: no published translation is held for this verse.
संक्षेपेण तु उक्तो ऽयं विस्तरश्चैव संज्ञकम् । अपरं मुद्रं प्रवक्ष्यामि यं बद्ध्वा सुखी भवेत्
saṃkṣepeṇa tu ukto 'yaṃ vistaraścaiva saṃjñakam / aparaṃ mudraṃ pravakṣyāmi yaṃ baddhvā sukhī bhavet
Sanskrit only: no published translation is held for this verse.
जापिनः सर्वकर्मेषु प्रयुक्तस्याप्यमोघवाम् । नाम्ना बुद्धासनो नाम महामुद्रा प्रकत्थ्यते । विस्तरः सर्वतन्त्रेषु पठ्यते तां निबोधत
jāpinaḥ sarvakarmeṣu prayuktasyāpyamoghavām / nāmnā buddhāsano nāma mahāmudrā prakatthyate / vistaraḥ sarvatantreṣu paṭhyate tāṃ nibodhata
Sanskrit only: no published translation is held for this verse.
यं बद्ध्वा जापिनः सर्वे नियतं बोधिपरायणाः । कः पुनः सिद्धिकामानां भोगालिप्सपरायणम्
yaṃ baddhvā jāpinaḥ sarve niyataṃ bodhiparāyaṇāḥ / kaḥ punaḥ siddhikāmānāṃ bhogālipsaparāyaṇam
Sanskrit only: no published translation is held for this verse.
पूर्वव चौक्षसमाचारः स्थित्वा च प्राङ्मुखः शुचिः । उभौ हस्तौ समौ कृत्वा अञ्जल्याकारमाशृतौ । कुर्याद् विकासितौ चाग्रे उभावङ्गुष्ठनामितौ
pūrvava caukṣasamācāraḥ sthitvā ca prāṅmukhaḥ śuciḥ / ubhau hastau samau kṛtvā añjalyākāramāśṛtau / kuryād vikāsitau cāgre ubhāvaṅguṣṭhanāmitau
Sanskrit only: no published translation is held for this verse.
मध्यमाङ्गुलिमाश्लिष्टौ कुण्डलाकारचिह्नितौ । पर्यङ्केनोपविष्टे तु नाभिदेशे तदा न्यसेत्
madhyamāṅgulimāśliṣṭau kuṇḍalākāracihnitau / paryaṅkenopaviṣṭe tu nābhideśe tadā nyaset
Sanskrit only: no published translation is held for this verse.
एष मुद्रावरः श्रेष्ठः सर्वकर्मेषु योजितः । उत्तमेषु च उत्तिष्ठे नाधमे मध्यमे ऽपि वा
eṣa mudrāvaraḥ śreṣṭhaḥ sarvakarmeṣu yojitaḥ / uttameṣu ca uttiṣṭhe nādhame madhyame 'pi vā
Sanskrit only: no published translation is held for this verse.
क्षिप्रमर्थकरो ह्येष सिद्धः सर्वत्र युज्यते । महापुण्यो पवित्रो ऽयं मङ्गल्यमघनाशनः
kṣipramarthakaro hyeṣa siddhaḥ sarvatra yujyate / mahāpuṇyo pavitro 'yaṃ maṅgalyamaghanāśanaḥ
Sanskrit only: no published translation is held for this verse.
सर्वपापहरः पुण्यः मुद्रो ऽयं सिद्धिहेतवः । द्वितीयमपरं मुद्रा महामुद्रा प्रकत्थ्यते
sarvapāpaharaḥ puṇyaḥ mudro 'yaṃ siddhihetavaḥ / dvitīyamaparaṃ mudrā mahāmudrā prakatthyate
Sanskrit only: no published translation is held for this verse.
नाम्ना शत्रुञ्जयी नाम सर्वविघ्नविनाशिनी । यं बद्ध्वा शत्रवः सर्वां वशं कुर्यान्न संशयः
nāmnā śatruñjayī nāma sarvavighnavināśinī / yaṃ baddhvā śatravaḥ sarvāṃ vaśaṃ kuryānna saṃśayaḥ
Sanskrit only: no published translation is held for this verse.
सर्वेच्छोषमायान्ति गच्छन्ते वाथ दासताम् । रागो द्वेषश्च मोहश्च स्वपक्षः सगणैः सह
sarvecchoṣamāyānti gacchante vātha dāsatām / rāgo dveṣaśca mohaśca svapakṣaḥ sagaṇaiḥ saha
Sanskrit only: no published translation is held for this verse.
लोकमात्सर्यमानश्च विचिकित्सा कथंकथा । प्रमाद्यो माया कौसीद्यं साध्येष्या कुमार्गता
lokamātsaryamānaśca vicikitsā kathaṃkathā / pramādyo māyā kausīdyaṃ sādhyeṣyā kumārgatā
Sanskrit only: no published translation is held for this verse.
मित्थ्यादृष्टिदशे माने दन्ते स्तम्भे च लुब्धता । दशा कुशलपथा कर्मा सर्वे ते शत्रवः स्मृताः
mitthyādṛṣṭidaśe māne dante stambhe ca lubdhatā / daśā kuśalapathā karmā sarve te śatravaḥ smṛtāḥ
Sanskrit only: no published translation is held for this verse.
एष शत्रुगणः प्रोक्तो बुद्धैर्बुद्धसु तैस्तथा । एष मार्गेष्ववस्थाभिः प्राणिनो य च माशृता । बुद्धशासनहन्तारः तेषां मुद्रा प्रयुज्यते
eṣa śatrugaṇaḥ prokto buddhairbuddhasu taistathā / eṣa mārgeṣvavasthābhiḥ prāṇino ya ca māśṛtā / buddhaśāsanahantāraḥ teṣāṃ mudrā prayujyate
Sanskrit only: no published translation is held for this verse.
इयं मुद्रा महामुद्रा गीतं बुद्धैः पुरा सदा । प्रयोक्तव्या प्राणिनां ह्येषा दमनार्त्थं पापनाशनी
iyaṃ mudrā mahāmudrā gītaṃ buddhaiḥ purā sadā / prayoktavyā prāṇināṃ hyeṣā damanārtthaṃ pāpanāśanī
Sanskrit only: no published translation is held for this verse.
तथैव पुरतः स्थित्वा उभौ पाणिसमाश्रये । समाश्लिष्टौ थ तौ कृत्वा अञ्जल्याकारमाशृतौ । अङ्गुष्ठयुगले क्षिप्रं तर्जन्यौ संन्यसेदुभौ
tathaiva purataḥ sthitvā ubhau pāṇisamāśraye / samāśliṣṭau tha tau kṛtvā añjalyākāramāśṛtau / aṅguṣṭhayugale kṣipraṃ tarjanyau saṃnyasedubhau
Sanskrit only: no published translation is held for this verse.
कुण्डलाकारसंश्लिष्टौ तृतीये पर्वमाश्रयेत् । एषा अर्थकरी मुद्रा द्वितीया कथिता जिनैः । शत्रूणां नाशयेत् क्षिप्रं हृदयांसि प्रदोषिणाम्
kuṇḍalākārasaṃśliṣṭau tṛtīye parvamāśrayet / eṣā arthakarī mudrā dvitīyā kathitā jinaiḥ / śatrūṇāṃ nāśayet kṣipraṃ hṛdayāṃsi pradoṣiṇām
Sanskrit only: no published translation is held for this verse.
तृतीयं मुद्रं प्रवक्ष्यामि मञ्जुघोष शृणोहि ताम् । नाम्ना शल्यहरी दिव्या सर्वशल्यविनाशिनी । सर्वत्र योजिता मुद्रा सर्वव्याधिचिकित्सकी
tṛtīyaṃ mudraṃ pravakṣyāmi mañjughoṣa śṛṇohi tām / nāmnā śalyaharī divyā sarvaśalyavināśinī / sarvatra yojitā mudrā sarvavyādhicikitsakī
Sanskrit only: no published translation is held for this verse.
विषशस्त्रकृतां दोषां जलपावकसम्भवाम् । अनिलोद्भवदोषांश्च दुष्टसत्त्वगरप्रदाम्
viṣaśastrakṛtāṃ doṣāṃ jalapāvakasambhavām / anilodbhavadoṣāṃśca duṣṭasattvagarapradām
Sanskrit only: no published translation is held for this verse.
क्रव्यादां मानुषांश्चापि सविषां स्थावरजङ्गयाम् । यच्च देहगतां शल्यां नारीणां प्रसवात्मिनाम्
kravyādāṃ mānuṣāṃścāpi saviṣāṃ sthāvarajaṅgayām / yacca dehagatāṃ śalyāṃ nārīṇāṃ prasavātminām
Sanskrit only: no published translation is held for this verse.
संसाराभिरतां चान्यां प्राणिनां दोषपीडिताम् । सर्वनेतास्तथा शल्याः विशल्यकरणी ह्ययम्
saṃsārābhiratāṃ cānyāṃ prāṇināṃ doṣapīḍitām / sarvanetāstathā śalyāḥ viśalyakaraṇī hyayam
Sanskrit only: no published translation is held for this verse.
एष मुद्रा महामुद्रा स्मरिता सर्वजन्तुभिः । विशल्या सुखिता क्षिप्रं भवते नात्र संशयः
eṣa mudrā mahāmudrā smaritā sarvajantubhiḥ / viśalyā sukhitā kṣipraṃ bhavate nātra saṃśayaḥ
Sanskrit only: no published translation is held for this verse.
नाममात्रेण ते मर्त्या मन्त्रस्यास्य प्रभावतः । सर्वव्याधिविनिर्मुक्ता विचरन्ते महीतले
nāmamātreṇa te martyā mantrasyāsya prabhāvataḥ / sarvavyādhivinirmuktā vicarante mahītale
Sanskrit only: no published translation is held for this verse.
पूर्ववच्चौक्षसमाचारा शुचिर्वस्त्रशुची तदा । बध्नीयान्मुद्रवरं श्रेष्ठं तृतीयं पापनाशनम्
pūrvavaccaukṣasamācārā śucirvastraśucī tadā / badhnīyānmudravaraṃ śreṣṭhaṃ tṛtīyaṃ pāpanāśanam
Sanskrit only: no published translation is held for this verse.
उभौ हस्तौ समायोज्य विपरीताकारसम्भवाम् । समौ व्यक्तौ अञ्जल्याकारौ हृदयस्थाने तु तं न्यसेत्
ubhau hastau samāyojya viparītākārasambhavām / samau vyaktau añjalyākārau hṛdayasthāne tu taṃ nyaset
Sanskrit only: no published translation is held for this verse.
एष मुद्रा महामुद्रा सर्वानर्त्थनिवारणी । यं बद्ध्वा जापिनः सर्वे नियतं बोधिपरायणाः
eṣa mudrā mahāmudrā sarvānartthanivāraṇī / yaṃ baddhvā jāpinaḥ sarve niyataṃ bodhiparāyaṇāḥ
Sanskrit only: no published translation is held for this verse.
चतुर्थी तु महामुद्रां महायक्षीं तमादिशेत् । महाप्रभावा विज्ञेया सर्वमन्त्रेषु जापिनाम्
caturthī tu mahāmudrāṃ mahāyakṣīṃ tamādiśet / mahāprabhāvā vijñeyā sarvamantreṣu jāpinām
Sanskrit only: no published translation is held for this verse.
अत्र यक्षगणाः सर्वे यक्षिण्यश्च महर्द्धिकाः । मन्त्रदेवतसर्वेषु उत्तमाधममध्यमाः । सर्वसत्त्वैस्तु सम्पूज्या मुद्रेयं सम्प्रगीयते
atra yakṣagaṇāḥ sarve yakṣiṇyaśca maharddhikāḥ / mantradevatasarveṣu uttamādhamamadhyamāḥ / sarvasattvaistu sampūjyā mudreyaṃ sampragīyate
Sanskrit only: no published translation is held for this verse.
आदौ बद्ध्वा जपेन्मन्त्रं होमसाधनकर्मसु । सर्वत्र योजिता पुण्या सर्वमन्त्राणि साधयेत्
ādau baddhvā japenmantraṃ homasādhanakarmasu / sarvatra yojitā puṇyā sarvamantrāṇi sādhayet
Sanskrit only: no published translation is held for this verse.
वज्रपाणिस्तथा मान्त्रः सर्वमुद्रेश्वरी ह्ययम् । पठिता लोकनाथैस्तु पुरा ज्येष्ठैर्ह्यतीतकैः
vajrapāṇistathā māntraḥ sarvamudreśvarī hyayam / paṭhitā lokanāthaistu purā jyeṣṭhairhyatītakaiḥ
Sanskrit only: no published translation is held for this verse.
तथैव शुचिनो भूत्वा स्थित्वा उदङ्मुखस्तदा । बध्नीयान्मुद्रवरे श्रेष्ठेः सर्वकर्मेषु जापिनः । दमनार्थं सर्वभूतानाम् ॥॥॥॥॥
tathaiva śucino bhūtvā sthitvā udaṅmukhastadā / badhnīyānmudravare śreṣṭheḥ sarvakarmeṣu jāpinaḥ / damanārthaṃ sarvabhūtānām ..........
Sanskrit only: no published translation is held for this verse.
यथायं कुरुते क्षिप्रं यः सत्त्वाचेष्टितं भुवि । उभौ हस्तौ तदा न्यस्य सम्पुटाकारवेष्टितौ
yathāyaṃ kurute kṣipraṃ yaḥ sattvāceṣṭitaṃ bhuvi / ubhau hastau tadā nyasya sampuṭākāraveṣṭitau
Sanskrit only: no published translation is held for this verse.
कुर्यात् त्रिसूचिकाकारं अङ्गुष्ठौ कन्यसमध्यमौ । अन्योन्यसंश्लिष्टौ चतुर्भिश्चाप्यथ नामितौ
kuryāt trisūcikākāraṃ aṅguṣṭhau kanyasamadhyamau / anyonyasaṃśliṣṭau caturbhiścāpyatha nāmitau
Sanskrit only: no published translation is held for this verse.
कुर्यान्मुद्रवरं ह्युक्तं शिरःस्थाने तु संस्थितम् । यं दृष्ट्वा सर्वभूता वै विद्रवन्ति न संशयः
kuryānmudravaraṃ hyuktaṃ śiraḥsthāne tu saṃsthitam / yaṃ dṛṣṭvā sarvabhūtā vai vidravanti na saṃśayaḥ
Sanskrit only: no published translation is held for this verse.
पञ्चमी तु महामुद्रा शृणु त्वं मञ्जुरवः सदा । नाम्ना त्रिसमया चैव महापुण्यतमा शिवा
pañcamī tu mahāmudrā śṛṇu tvaṃ mañjuravaḥ sadā / nāmnā trisamayā caiva mahāpuṇyatamā śivā
Sanskrit only: no published translation is held for this verse.
दुर्दान्तदमनी नित्यं सर्वसत्त्वार्त्थसाधनी । घोररूपी महेशाक्षा कालरात्रिसमप्रभा
durdāntadamanī nityaṃ sarvasattvārtthasādhanī / ghorarūpī maheśākṣā kālarātrisamaprabhā
Sanskrit only: no published translation is held for this verse.
कृतान्तरूपिणी भीमा यमस्यापि भयानिका । चण्डा च चण्डरूपीति दुःप्रेक्षा दुःसहा सदा
kṛtāntarūpiṇī bhīmā yamasyāpi bhayānikā / caṇḍā ca caṇḍarūpīti duḥprekṣā duḥsahā sadā
Sanskrit only: no published translation is held for this verse.
रुद्रवासवयक्षेषां राक्षसग्रहमातराम् । देवाननुसरांश्चैव मन्त्रमुख्यां महर्द्धिकाम्
rudravāsavayakṣeṣāṃ rākṣasagrahamātarām / devānanusarāṃścaiva mantramukhyāṃ maharddhikām
Sanskrit only: no published translation is held for this verse.
सर्वसत्त्वा तथा नित्यं दुर्दान्तदमकी हिता । अकालमृत्युविनाशाय मृत्युनाशाय वै हिता
sarvasattvā tathā nityaṃ durdāntadamakī hitā / akālamṛtyuvināśāya mṛtyunāśāya vai hitā
Sanskrit only: no published translation is held for this verse.
सृष्टा सर्वबुद्धैस्तु कृतान्तस्यापि भयावहा । यं बद्ध्वा पुरुषा नित्यं समयज्ञा भवन्ति ह
sṛṣṭā sarvabuddhaistu kṛtāntasyāpi bhayāvahā / yaṃ baddhvā puruṣā nityaṃ samayajñā bhavanti ha
Sanskrit only: no published translation is held for this verse.
ये च मन्त्राश्रिता नित्यं ते ऽपि मुक्ता जपे रता । तेषां सिद्ध्यन्ति मन्त्रा वै अयत्नेनैव देहिनाम्
ye ca mantrāśritā nityaṃ te 'pi muktā jape ratā / teṣāṃ siddhyanti mantrā vai ayatnenaiva dehinām
Sanskrit only: no published translation is held for this verse.
अजापिनो ऽपि भवेज्जापी अशुचिः शुचिनो भवेत् । संयुक्तः क्रोधराजेन यमान्तेनेह मुद्रया
ajāpino 'pi bhavejjāpī aśuciḥ śucino bhavet / saṃyuktaḥ krodharājena yamānteneha mudrayā
Sanskrit only: no published translation is held for this verse.
सर्वकर्मकरा ह्येषा संयुक्ता तत्त्वदर्शिभिः । सर्वविघ्नविनाशार्थं सर्वव्याधिचिकित्सना
sarvakarmakarā hyeṣā saṃyuktā tattvadarśibhiḥ / sarvavighnavināśārthaṃ sarvavyādhicikitsanā
Sanskrit only: no published translation is held for this verse.
सर्वसत्त्वार्थसम्भारा सर्वदुष्टनिवारणा । सर्वासां पूरणार्थाय विहिता मुनिवरैः पुरा
sarvasattvārthasambhārā sarvaduṣṭanivāraṇā / sarvāsāṃ pūraṇārthāya vihitā munivaraiḥ purā
Sanskrit only: no published translation is held for this verse.
एष मुद्रा हिता लोके समयभ्रंशाच्च पूरणी । बद्ध्वा तु मुद्रवरं श्रेष्ठं समयज्ञस्तत्क्षणाद् भवेद्
eṣa mudrā hitā loke samayabhraṃśācca pūraṇī / baddhvā tu mudravaraṃ śreṣṭhaṃ samayajñastatkṣaṇād bhaved
Sanskrit only: no published translation is held for this verse.
सर्वेषां चैव मन्त्राणां लौकिकानां च ततोत्तमात् । प्रविष्टो मण्डलो ज्ञेयः मुद्रा मन्त्रेण ईरितः
sarveṣāṃ caiva mantrāṇāṃ laukikānāṃ ca tatottamāt / praviṣṭo maṇḍalo jñeyaḥ mudrā mantreṇa īritaḥ
Sanskrit only: no published translation is held for this verse.
तथैव शुचिनो भूत्वा पूर्ववत् सर्वकर्मसु । त्रिसूच्याकार तथा वज्रं अङ्गुलीभिः समाचरेत्
tathaiva śucino bhūtvā pūrvavat sarvakarmasu / trisūcyākāra tathā vajraṃ aṅgulībhiḥ samācaret
Sanskrit only: no published translation is held for this verse.
ज्येष्ठमध्यमअङ्गुल्यौ अङ्गुष्ठैश्च सता न्यसेत् । मूर्ध्नि स्थाने ततः कृत्वा अपसव्येन भ्रामयेत् । एष मुद्रवरा श्रेष्ठा प्रयुक्तः सर्वकर्मसु
jyeṣṭhamadhyamaaṅgulyau aṅguṣṭhaiśca satā nyaset / mūrdhni sthāne tataḥ kṛtvā apasavyena bhrāmayet / eṣa mudravarā śreṣṭhā prayuktaḥ sarvakarmasu
Sanskrit only: no published translation is held for this verse.
एता पञ्च महामुद्रा लोकनाथैस्तु भाषिता । नियतं पुरुषवरा बद्ध्वा सम्बोध्यग्रं स्पृशन्ति ह
etā pañca mahāmudrā lokanāthaistu bhāṣitā / niyataṃ puruṣavarā baddhvā sambodhyagraṃ spṛśanti ha
Sanskrit only: no published translation is held for this verse.
सर्वासां पूरयत्येते जापिनां मनसोद्भवाम् । सर्वतथ्यं यथाभूतं दर्शयन्ति यथेप्सितम्
sarvāsāṃ pūrayatyete jāpināṃ manasodbhavām / sarvatathyaṃ yathābhūtaṃ darśayanti yathepsitam
Sanskrit only: no published translation is held for this verse.
अपरे मुद्रवरा श्रेष्ठा पञ्च चैव प्रकाशिता । शिरः वक्त्रो ऽथ गात्रं च उत्पलं कवचं तथा । एते मुद्रवरा दिव्या मञ्जुघोषस्य धीमतः
apare mudravarā śreṣṭhā pañca caiva prakāśitā / śiraḥ vaktro 'tha gātraṃ ca utpalaṃ kavacaṃ tathā / ete mudravarā divyā mañjughoṣasya dhīmataḥ
Sanskrit only: no published translation is held for this verse.
पुरा लोकवरैर्मुख्यैः कथिता तत्त्वदर्शिभिः । अहं च मञ्जुरवं वक्ष्ये कत्थ्यमानं निबोध्यताम्
purā lokavarairmukhyaiḥ kathitā tattvadarśibhiḥ / ahaṃ ca mañjuravaṃ vakṣye katthyamānaṃ nibodhyatām
Sanskrit only: no published translation is held for this verse.
शृणुष्वैकमना नित्यं मुद्रा मुद्रवरोत्तमाम् । पूर्ववच्चौक्षसमाचारः स्थित्वा धातुवराग्रतः
śṛṇuṣvaikamanā nityaṃ mudrā mudravarottamām / pūrvavaccaukṣasamācāraḥ sthitvā dhātuvarāgrataḥ
Sanskrit only: no published translation is held for this verse.
बध्नीयात् करपुटे नित्यं मुद्रां पञ्चार्थसंज्ञिकाम् । उभे करपुटाग्रे तु कुड्मलाकारकारिते
badhnīyāt karapuṭe nityaṃ mudrāṃ pañcārthasaṃjñikām / ubhe karapuṭāgre tu kuḍmalākārakārite
Sanskrit only: no published translation is held for this verse.
दद्युः शिरवरे नित्यं शिरमुद्रेति संज्ञितम् । यथैवोत्पलमुद्रा तु न्यस्तः दुरवरे सदा
dadyuḥ śiravare nityaṃ śiramudreti saṃjñitam / yathaivotpalamudrā tu nyastaḥ duravare sadā
Sanskrit only: no published translation is held for this verse.
सा च सर्वतः क्षिप्ता गात्रमुद्रा विधीयते । स चैव कुतो ज्ञेया वक्त्रमुद्रा तु सा भवेत्
sā ca sarvataḥ kṣiptā gātramudrā vidhīyate / sa caiva kuto jñeyā vaktramudrā tu sā bhavet
Sanskrit only: no published translation is held for this verse.
तथैव हस्तौ संन्यस्य नाभिस्थाने तु संन्यसेत् । ईषि तर्जन्याङ्गुल्यनाभिमात्मनः संस्पृशेत्
tathaiva hastau saṃnyasya nābhisthāne tu saṃnyaset / īṣi tarjanyāṅgulyanābhimātmanaḥ saṃspṛśet
Sanskrit only: no published translation is held for this verse.
सा भवेत् कवचमुद्रा तु आत्मरक्षा तु सा भवेत् । सर्वत्र योजिता ह्येते सफला सर्वार्थसाधिका
sā bhavet kavacamudrā tu ātmarakṣā tu sā bhavet / sarvatra yojitā hyete saphalā sarvārthasādhikā
Sanskrit only: no published translation is held for this verse.
एते मुद्रा महामुद्रा मङ्गल्या मघनाशना । जापिभिः सर्वकालं तु प्रयोक्तव्याः सफला हिताः
ete mudrā mahāmudrā maṅgalyā maghanāśanā / jāpibhiḥ sarvakālaṃ tu prayoktavyāḥ saphalā hitāḥ
Sanskrit only: no published translation is held for this verse.
महावीर्या महापुण्या सर्वानर्थनिवारिका । यं बद्ध्वा पुरुषा नित्यं नियतं बोधिपरायणाः
mahāvīryā mahāpuṇyā sarvānarthanivārikā / yaṃ baddhvā puruṣā nityaṃ niyataṃ bodhiparāyaṇāḥ
Sanskrit only: no published translation is held for this verse.
अपरे पञ्च महामुद्रा लोकनाथस्य तापिनः । मुनिने शाक्यसिंहाय तथा रत्नशिखे गुरौ
apare pañca mahāmudrā lokanāthasya tāpinaḥ / munine śākyasiṃhāya tathā ratnaśikhe gurau
Sanskrit only: no published translation is held for this verse.
सुपुष्पाय सुकेशाय तथा सुमनसोरवे । सङ्कुसुमाय च बुद्धाय तथा पद्मोत्तरे वरे
supuṣpāya sukeśāya tathā sumanasorave / saṅkusumāya ca buddhāya tathā padmottare vare
Sanskrit only: no published translation is held for this verse.
सम्पूर्णाय सुनेत्राय शुद्धा चैव जगद्गुरोः । पितामहाय चैव मुक्ताय जगद्वराम्बरमुक्तये
sampūrṇāya sunetrāya śuddhā caiva jagadguroḥ / pitāmahāya caiva muktāya jagadvarāmbaramuktaye
Sanskrit only: no published translation is held for this verse.
एतेषानां च बुद्धानामन्येषां च महात्मनाम् । अतीतानागता सत्त्वां वर्तमानां स्वयम्भुवाम्
eteṣānāṃ ca buddhānāmanyeṣāṃ ca mahātmanām / atītānāgatā sattvāṃ vartamānāṃ svayambhuvām
Sanskrit only: no published translation is held for this verse.
सर्वेषानां च बुद्धानां मूर्ध्नि सम्भूतिलक्षणा । महाप्रभावा महामुद्रा समन्ताज्ज्वालमालिनः
sarveṣānāṃ ca buddhānāṃ mūrdhni sambhūtilakṣaṇā / mahāprabhāvā mahāmudrā samantājjvālamālinaḥ
Sanskrit only: no published translation is held for this verse.
उष्णीषा इति विख्याता तृधातुसमालये । चक्रवर्त्ती महापुण्यो मङ्गल्यो मघनाशना
uṣṇīṣā iti vikhyātā tṛdhātusamālaye / cakravarttī mahāpuṇyo maṅgalyo maghanāśanā
Sanskrit only: no published translation is held for this verse.
सर्वेषां च विद्यानां विद्याराजः स्मृतः प्रभुः । एकाक्षरसंयुक्तः मन्त्रो सुगतमूर्धजः
sarveṣāṃ ca vidyānāṃ vidyārājaḥ smṛtaḥ prabhuḥ / ekākṣarasaṃyuktaḥ mantro sugatamūrdhajaḥ
Sanskrit only: no published translation is held for this verse.
मुद्रो तस्य विदो ज्ञेयो प्रभुरेकाक्षरस्य तु । चक्रवर्त्ती जिनकुले जात मुद्रः परमेश्वरः
mudro tasya vido jñeyo prabhurekākṣarasya tu / cakravarttī jinakule jāta mudraḥ parameśvaraḥ
Sanskrit only: no published translation is held for this verse.
उभौ हस्तौ समाश्लिष्य सम्पुटाकारचिह्नितौ । मुष्टियोगेन बद्ध्वा वै मध्याङ्गुल्यौ सुसूचितौ
ubhau hastau samāśliṣya sampuṭākāracihnitau / muṣṭiyogena baddhvā vai madhyāṅgulyau susūcitau
Sanskrit only: no published translation is held for this verse.
ईषित् सङ्कोच्यवत्कृत्वा कुण्डलाकारदर्शितौ । एष सर्वत्रगे मुद्रा सर्वमन्त्रेश्वरो विदो
īṣit saṅkocyavatkṛtvā kuṇḍalākāradarśitau / eṣa sarvatrage mudrā sarvamantreśvaro vido
Sanskrit only: no published translation is held for this verse.
मूर्धानं देवतं कृत्वा सुषिराकारकुड्मलम् । ईषिन्नामिततर्जन्यौ कन्यसं तु सुपूजितौ
mūrdhānaṃ devataṃ kṛtvā suṣirākārakuḍmalam / īṣinnāmitatarjanyau kanyasaṃ tu supūjitau
Sanskrit only: no published translation is held for this verse.
एष मुद्रवरः श्रेष्ठः तेजोराशे तु कथ्यते । तदेव सम्पुटं चाग्र्या छत्राकारसंज्ञकम्
eṣa mudravaraḥ śreṣṭhaḥ tejorāśe tu kathyate / tadeva sampuṭaṃ cāgryā chatrākārasaṃjñakam
Sanskrit only: no published translation is held for this verse.
विकास्याङ्गुली सर्वां सितातपत्रेति संज्ञितम् । जयोष्णीषं हितं देवं हि मध्याङ्गुल्यौ सुसूचितौ
vikāsyāṅgulī sarvāṃ sitātapatreti saṃjñitam / jayoṣṇīṣaṃ hitaṃ devaṃ hi madhyāṅgulyau susūcitau
Sanskrit only: no published translation is held for this verse.
तदेव विसारितौ चाग्रे पाणिभिः सर्वतो गतैः । उष्णीषसङ्कभवा ज्ञेया सर्वत्रार्थदर्शिभिः
tadeva visāritau cāgre pāṇibhiḥ sarvato gataiḥ / uṣṇīṣasaṅkabhavā jñeyā sarvatrārthadarśibhiḥ
Sanskrit only: no published translation is held for this verse.
मुनिमूर्धजसम्भूता मुद्रा अग्रा प्रगीयते । पञ्चमा तु भवेत् सा तु सर्वमुष्णीषसम्भवा
munimūrdhajasambhūtā mudrā agrā pragīyate / pañcamā tu bhavet sā tu sarvamuṣṇīṣasambhavā
Sanskrit only: no published translation is held for this verse.
अनेन वै सर्वबुद्धानां यावन्तमुष्णीषमूर्धजाम् । सर्वे ते च समायान्ति सर्वकर्मेषु योजिता
anena vai sarvabuddhānāṃ yāvantamuṣṇīṣamūrdhajām / sarve te ca samāyānti sarvakarmeṣu yojitā
Sanskrit only: no published translation is held for this verse.
सर्वे मुनिवरैर्मुद्रा ये गीता भुवनत्रये । सर्वेषां तु मुद्राणां मुद्रेयं परमेश्वरी
sarve munivarairmudrā ye gītā bhuvanatraye / sarveṣāṃ tu mudrāṇāṃ mudreyaṃ parameśvarī
Sanskrit only: no published translation is held for this verse.
अनेनाबाहयेन्मन्त्रां अनेनैव विसर्जयेत् । अनेन सर्वकर्माणि कुर्यात् सर्वत्र जापिनः
anenābāhayenmantrāṃ anenaiva visarjayet / anena sarvakarmāṇi kuryāt sarvatra jāpinaḥ
Sanskrit only: no published translation is held for this verse.
एते पञ्च महामुद्रा पुरा गीता मुनिवरैः । सर्वकमार्थयुक्ता वै सर्वमुष्णीषसाधिका
ete pañca mahāmudrā purā gītā munivaraiḥ / sarvakamārthayuktā vai sarvamuṣṇīṣasādhikā
Sanskrit only: no published translation is held for this verse.
यावन्तो मुनिवरैः गीता उष्णीषा भुवनत्रये । सर्वेषां तु सर्वत्र इमे पञ्चार्थपूरणा
yāvanto munivaraiḥ gītā uṣṇīṣā bhuvanatraye / sarveṣāṃ tu sarvatra ime pañcārthapūraṇā
Sanskrit only: no published translation is held for this verse.