Manu-Smrti (analytic version) 2

अब्राह्मणाद् अध्यायनम् आपत्काले विधीयते & अनुव्रज्या च शुश्रूषा यावद् अध्यायनं गुरोः

abrāhmaṇād adhyāyanam āpatkāle vidhīyate & anuvrajyā ca śuśrūṣā yāvad adhyāyanaṃ guroḥ

Sanskrit only: no published translation is held for this verse.

ना७ब्राह्मणे गुरौ शिष्यो वासम् आत्यन्तिकं वसेत् & ब्राह्मणे वा९ननूचाने काङ्क्षन् गतिम् अनुत्तमाम्

nā7brāhmaṇe gurau śiṣyo vāsam ātyantikaṃ vaset & brāhmaṇe vā9nanūcāne kāṅkṣan gatim anuttamām

Sanskrit only: no published translation is held for this verse.

यदि त्व् आत्यन्तिकं वासं रोचयेत गुरोः कुले & युक्तः परिचरेद् एनम् आ शरीरविमोक्षणात्

yadi tv ātyantikaṃ vāsaṃ rocayeta guroḥ kule & yuktaḥ paricared enam ā śarīravimokṣaṇāt

Sanskrit only: no published translation is held for this verse.

आ समाप्तेः शरीरस्य यस् तु शुश्रूषते गुरुम् & स गच्छत्य् अञ्जसा विप्रो ब्रह्मणः सद्म शाश्वतम्

ā samāpteḥ śarīrasya yas tu śuśrūṣate gurum & sa gacchaty añjasā vipro brahmaṇaḥ sadma śāśvatam

Sanskrit only: no published translation is held for this verse.

न पूर्वं गुरवे किं चिद् उपकुर्वीत धर्मवित् & स्नास्यंस् तु गुरुणा०ज्ञप्तः शक्त्या गुर्व्-अर्थम् आहरेत्

na pūrvaṃ gurave kiṃ cid upakurvīta dharmavit & snāsyaṃs tu guruṇā0jñaptaḥ śaktyā gurv-artham āharet

Sanskrit only: no published translation is held for this verse.

क्षेत्रं हिरण्यं गाम् अश्वं छत्रो१पानहम् आसनम् [म्: छत्रोपानहम् अन्ततः] & धान्यं शाकं च वासांसि गुरवे प्रीतिम् आवहेत् [म्: धान्यं वासांसि शाकं वा गुरवे प्रीतिम् आहरन्

kṣetraṃ hiraṇyaṃ gām aśvaṃ chatro1pānaham āsanam [M: chatropānaham antataḥ] & dhānyaṃ śākaṃ ca vāsāṃsi gurave prītim āvahet [M: dhānyaṃ vāsāṃsi śākaṃ vā gurave prītim āharan

Sanskrit only: no published translation is held for this verse.

आचार्ये तु खलु प्रेते गुरुपुत्रे गुणान्विते & गुरुदारे सपिण्डे वा गुरुवद् वृत्तिम् आचरेत्

ācārye tu khalu prete guruputre guṇānvite & gurudāre sapiṇḍe vā guruvad vṛttim ācaret

Sanskrit only: no published translation is held for this verse.

एतेष्व् अविद्यमानेषु स्थाना३सन-विहारवान् & प्रयुञ्जानो ऽग्निशुश्रूषां साधयेद् देहम् आत्मनः

eteṣv avidyamāneṣu sthānā3sana-vihāravān & prayuñjāno 'gniśuśrūṣāṃ sādhayed deham ātmanaḥ

Sanskrit only: no published translation is held for this verse.

एवं चरति यो विप्रो ब्रह्मचर्यम् अविप्लुतः & स गच्छत्य् उत्तमस्थानं न चे७ह जायते पुनः

evaṃ carati yo vipro brahmacaryam aviplutaḥ & sa gacchaty uttamasthānaṃ na ce7ha jāyate punaḥ

Sanskrit only: no published translation is held for this verse.