Mrgendragama 1.3

अथोपलभ्य देहादि वस्तु कार्यत्वधर्मकम् । कर्तारमस्य जानीमो विशिष्टमनुमानतः

athopalabhya dehādi vastu kāryatvadharmakam / kartāramasya jānīmo viśiṣṭamanumānataḥ

Sanskrit only: no published translation is held for this verse.

वैशिष्ट्यं कार्यवैशिष्ट्याद् दृष्टं लोकस्थितावपि । थिस् लस्त् हल्फ़्-लिने अप्पेअर्स् अस् पर्त् ओफ़् थे चोम्मेन्तर्य् (केद् प्।१०४, लिनेस् ४--५) बुत् इत् प्रोबब्ल्य् बेलोन्ग्स् तो थे तेxत् अन्द् इस् क़ुओतेद् अस् पर्त् ओफ़् इत् इन् त्रिलोचनऽस् सिद्धान्तार्थसमुच्चय (इफ़्प् म्स् त्।२०६, प्।६२ अन्द् त्।२८४, प्।१३३)। यद्यथा यादृशं यावत् कार्यं तत्कारणं तथा । नित्यं कालानवच्छेदाद् द्वैतत्यान्न प्रदेशगम्

vaiśiṣṭyaṃ kāryavaiśiṣṭyād dṛṣṭaṃ lokasthitāvapi / This last half-line appears as part of the commentary (Ked p.104, lines 4--5) but it probably belongs to the text and is quoted as part of it in Trilocana's Siddhāntārthasamuccaya (IFP MS T.206, p.62 and T.284, p.133). yadyathā yādṛśaṃ yāvat kāryaṃ tatkāraṇaṃ tathā / nityaṃ kālānavacchedād dvaitatyānna pradeśagam

Sanskrit only: no published translation is held for this verse.

क्रमाक्रमसमुत्पत्तेः क्रमाद्युत्पत्तिशक्तिमत् । तस्यास्ति करणं येन दृष्टा नाकरणा कृतिः

kramākramasamutpatteḥ kramādyutpattiśaktimat / tasyāsti karaṇaṃ yena dṛṣṭā nākaraṇā kṛtiḥ

Sanskrit only: no published translation is held for this verse.

अनागामि च तज्ज्ञेयं कार्यस्यानादिसंस्थितेः । करणं च न शक्त्यन्यच् छक्तिर्नाचेतना चितः

anāgāmi ca tajjñeyaṃ kāryasyānādisaṃsthiteḥ / karaṇaṃ ca na śaktyanyac chaktirnācetanā citaḥ

Sanskrit only: no published translation is held for this verse.

विषयानियमादेकं बोधे कृत्ये च तत्तथा । कार्यं न स्थितिजन्मादि बीजस्य प्रकृतेरणोः

viṣayāniyamādekaṃ bodhe kṛtye ca tattathā / kāryaṃ na sthitijanmādi bījasya prakṛteraṇoḥ

Sanskrit only: no published translation is held for this verse.

पारिशेष्यान्महेशस्य मुक्तस्य शिव एव सः । सम्बन्धाग्रहणे बाधा मानस्याभ्येति कस्यचित्

pāriśeṣyānmaheśasya muktasya śiva eva saḥ / sambandhāgrahaṇe bādhā mānasyābhyeti kasyacit

Sanskrit only: no published translation is held for this verse.

सा परस्यापि धूमो ऽन्यो गिरौ माहानसाद्यतः । लोके वपुष्मतो दृष्टं कृत्यं सो ऽप्यस्मदादिवत्

sā parasyāpi dhūmo 'nyo girau māhānasādyataḥ / loke vapuṣmato dṛṣṭaṃ kṛtyaṃ so 'pyasmadādivat

Sanskrit only: no published translation is held for this verse.

मूलाद्यसम्भवाच्छाक्तं वपुर्नो तादृशं प्रभोः । तद्वपुः पञ्चभिर्मन्त्रैः पञ्चकृत्योपयोगिभिः

mūlādyasambhavācchāktaṃ vapurno tādṛśaṃ prabhoḥ / tadvapuḥ pañcabhirmantraiḥ pañcakṛtyopayogibhiḥ

Sanskrit only: no published translation is held for this verse.

ईशतत्पुरुषाघोर- वामाजैर्मस्तकादिकम् । ईष्टे येन जगत्सर्वं गुणेनोपरिवर्तिना

īśatatpuruṣāghora- vāmājairmastakādikam / īṣṭe yena jagatsarvaṃ guṇenoparivartinā

Sanskrit only: no published translation is held for this verse.

स मूर्धसमदेशत्वान् मूर्धा नावयवस्तनोः । तस्य तस्य तनुर्या पूस् तस्यामुषति येन सः

sa mūrdhasamadeśatvān mūrdhā nāvayavastanoḥ / tasya tasya tanuryā pūs tasyāmuṣati yena saḥ

Sanskrit only: no published translation is held for this verse.

तत्त्राणाद्व्यञ्जनाच्चापि स तत्पुरुषवक्त्रकः । हृदयं बोधपर्यायः सो ऽस्याघोरः शिवो यतः

tattrāṇādvyañjanāccāpi sa tatpuruṣavaktrakaḥ / hṛdayaṃ bodhaparyāyaḥ so 'syāghoraḥ śivo yataḥ

Sanskrit only: no published translation is held for this verse.

परिग्रहस्य घोरत्वाद् घोरोक्तिरुपचारतः । वामस्त्रिवर्गवामत्वाद् रहस्यश्च स्वभावतः । वामं धाम परं गुह्यं यस्यासौ वामगुह्यकः

parigrahasya ghoratvād ghoroktirupacārataḥ / vāmastrivargavāmatvād rahasyaśca svabhāvataḥ / vāmaṃ dhāma paraṃ guhyaṃ yasyāsau vāmaguhyakaḥ

Sanskrit only: no published translation is held for this verse.

सद्यो ऽणूनां मूर्तयः सम्भवन्ति यस्येच्छातस्तेन सद्यो ऽभिधानः । सद्यो मूर्तीर्योगिनां वा विधत्ते सद्योमूर्तिः कृत्यशैघ्र्यान्न मूर्तेः

sadyo 'ṇūnāṃ mūrtayaḥ sambhavanti yasyecchātastena sadyo 'bhidhānaḥ / sadyo mūrtīryogināṃ vā vidhatte sadyomūrtiḥ kṛtyaśaighryānna mūrteḥ

Sanskrit only: no published translation is held for this verse.

इत्थं शक्तिः कुर्वती देहकृत्यं देहाभावादुच्यते देहशब्दैः । तस्या भेदा ये ऽपि वामादयः स्युस् ते ऽपि प्रोक्ताः कृत्यभेदेन सद्भिः

itthaṃ śaktiḥ kurvatī dehakṛtyaṃ dehābhāvāducyate dehaśabdaiḥ / tasyā bhedā ye 'pi vāmādayaḥ syus te 'pi proktāḥ kṛtyabhedena sadbhiḥ

Sanskrit only: no published translation is held for this verse.