Mrgendratantra, Vidyapada 1 - 7.23 1.1.2

* बदर्याश्रमनाम्नि विष्णोर् आश्रमे तदाश्रमत्वाद् एव पावने भरद्वाजप्रभृतयो मुनयस् तेपुर् इति सम्बन्धः

* badaryāśramanāmni viṣṇor āśrame tadāśramatvād eva pāvane bharadvājaprabhṛtayo munayas tepur iti sambandhaḥ

Sanskrit only: no published translation is held for this verse.

* भरद्वाजादीनाम् ऋषीणाम् अद्विजत्वप्रसिद्ध्यसंभवात् द्विजा इति विशेषणं वागीश्वरीगर्भसंयोजनसंजननादिना कृतदीक्षात्वेनोत्कर्षवत्त्वं न पुनर् उपनीतत्वमात्रं स्मार्तवद् द्विजशब्देनेष्टम् अदीक्षितानां तन्त्रादिश्रवणानधिकारात् प्रत्युत प्रत्यवायश्रुतेः

* bharadvājādīnām ṛṣīṇām advijatvaprasiddhyasaṃbhavāt dvijā iti viśeṣaṇaṃ vāgīśvarīgarbhasaṃyojanasaṃjananādinā kṛtadīkṣātvenotkarṣavattvaṃ na punar upanītatvamātraṃ smārtavad dvijaśabdeneṣṭam adīkṣitānāṃ tantrādiśravaṇānadhikārāt pratyuta pratyavāyaśruteḥ

Sanskrit only: no published translation is held for this verse.

* शिवं प्रतिष्ठाप्येति लोहबाणलिङ्गादाव् आधारे सामान्यमन्त्रादिना परमेश्वरप्रतिष्ठापनं परिकल्प्येत्य् आशयः अन्यथा यथावद् विदिततत्तद्विधानानां पुरस्तात् प्रतिष्ठादिविषयस्य प्रश्नस्यानुपपत्तेः

* śivaṃ pratiṣṭhāpyeti lohabāṇaliṅgādāv ādhāre sāmānyamantrādinā parameśvarapratiṣṭhāpanaṃ parikalpyety āśayaḥ anyathā yathāvad viditatattadvidhānānāṃ purastāt pratiṣṭhādiviṣayasya praśnasyānupapatteḥ

Sanskrit only: no published translation is held for this verse.

* तस्मिन्न् एवैकस्मिन्न् आहितम् एकाग्रीकृतं मानसं यैस् ते तथाविधाः सन्तः तेपुः शिवाराधनलक्षणं तपश् चक्रुर् इत्य् अर्थः

* tasminn evaikasminn āhitam ekāgrīkṛtaṃ mānasaṃ yais te tathāvidhāḥ santaḥ tepuḥ śivārādhanalakṣaṇaṃ tapaś cakrur ity arthaḥ

Sanskrit only: no published translation is held for this verse.