Mrgendratantra, Vidyapada 1 - 7.23 1.1.4

* स इन्द्रस् तैर् भरद्वाजादिभिर् आश्रमसमुचितेनातिथिसत्कारेणाभ्यर्चितस् तान् भरद्वाजादीन् प्रत्येकं कुशलं पृष्ट्वाब्रवीत्

* sa indras tair bharadvājādibhir āśramasamucitenātithisatkāreṇābhyarcitas tān bharadvājādīn pratyekaṃ kuśalaṃ pṛṣṭvābravīt

Sanskrit only: no published translation is held for this verse.

* किं तद् इत्य् अत आह चोदनाधर्मः किम् अर्थं नानुवर्त्यत इति

* kiṃ tad ity ata āha codanādharmaḥ kim arthaṃ nānuvartyata iti

Sanskrit only: no published translation is held for this verse.

* चोदनेति क्रियायाः प्रवर्तकं वचनम् आहुः तदाम्नातो धर्मः किम् इति नानुष्ठीयते चोदनैव हि धर्मे प्रमाणं प्रमाणम् एव चोदना इत्य् एवम् अन्ययोगायोगव्यवच्छेदनेन ततः प्रवर्तमानानाम् ऐहिकस्यामुत्रिकस्य च फलस्याविसंवादात्

* codaneti kriyāyāḥ pravartakaṃ vacanam āhuḥ tadāmnāto dharmaḥ kim iti nānuṣṭhīyate codanaiva hi dharme pramāṇaṃ pramāṇam eva codanā ity evam anyayogāyogavyavacchedanena tataḥ pravartamānānām aihikasyāmutrikasya ca phalasyāvisaṃvādāt

Sanskrit only: no published translation is held for this verse.

* तथा चोक्तम् । * श्रुतिस्मृत्युदितं धर्मम् अनुतिष्ठन् हि मानवः । * इह कीर्तिम् अवाप्नोति प्रेत्य चानुत्तमां गतिम् इति

* tathā coktam / * śrutismṛtyuditaṃ dharmam anutiṣṭhan hi mānavaḥ / * iha kīrtim avāpnoti pretya cānuttamāṃ gatim iti

Sanskrit only: no published translation is held for this verse.

* तद्विपरीतं तु त्रयीबाह्यं लिङ्गाराधनादि च यत् तत् त्रयीबाह्यत्वाद् एव फल्गुप्रायम्

* tadviparītaṃ tu trayībāhyaṃ liṅgārādhanādi ca yat tat trayībāhyatvād eva phalguprāyam

Sanskrit only: no published translation is held for this verse.

* यद् आह भट्टः । * तथातिक्रान्तवेदोक्तमर्यादाव्यवहारिणाम् । * संवादिष्व् अपि वाक्येषु नेष्यते मानहेतुता

* yad āha bhaṭṭaḥ / * tathātikrāntavedoktamaryādāvyavahāriṇām / * saṃvādiṣv api vākyeṣu neṣyate mānahetutā

Sanskrit only: no published translation is held for this verse.

* मनुर् अपि । * या वेदबाह्याः स्मृतयो याश् च काश्चित् कुदृष्टयः । * सर्वास् ता निष्फलाः प्रेत्य तमोभूता हि ताः स्मृताः

* manur api / * yā vedabāhyāḥ smṛtayo yāś ca kāścit kudṛṣṭayaḥ / * sarvās tā niṣphalāḥ pretya tamobhūtā hi tāḥ smṛtāḥ

Sanskrit only: no published translation is held for this verse.

* इत्य् एवं जैमिनिमतानुसारिणः

* ity evaṃ jaiminimatānusāriṇaḥ

Sanskrit only: no published translation is held for this verse.

* तस्य वचः श्रुत्वा

* tasya vacaḥ śrutvā

Sanskrit only: no published translation is held for this verse.