Mrgendratantra, Vidyapada 1 - 7.23 1.1.6

* रुद्रो देवतास्या इति रौद्री संहिता ऋग्यजुःसामलक्षणे चाथर्वणे च वेदे ऽस्ति । * यजुर्वेदे हि रुद्रैकादशिनी संहिता श्रूयते यस्यां भगवन्तो रुद्राः सर्वाभिप्रेतसाधकाः पठ्यन्ते । * ऋग्वेदे ऽपि । * त्र्यम्बकं यजामहे

* rudro devatāsyā iti raudrī saṃhitā ṛgyajuḥsāmalakṣaṇe cātharvaṇe ca vede 'sti / * yajurvede hi rudraikādaśinī saṃhitā śrūyate yasyāṃ bhagavanto rudrāḥ sarvābhipretasādhakāḥ paṭhyante / * ṛgvede 'pi / * tryambakaṃ yajāmahe

Sanskrit only: no published translation is held for this verse.

* इमा रुद्राय तवसे कपर्दिने

* imā rudrāya tavase kapardine

Sanskrit only: no published translation is held for this verse.

* इमा रुद्राय स्थिरधन्वने गिरः

* imā rudrāya sthiradhanvane giraḥ

Sanskrit only: no published translation is held for this verse.

* इत्यादिका ऋग्विधानाम्नातास् तत्तद्विशिष्टविधानफला विद्यन्त एव । * सामवेदे ऽप्य् अस्ति । * श्रूयते हि साम्नां विधाने । * आ वो राजा तद् वो वर्ग आज्यदोहानि देवव्रतानि चैषा रौद्री नाम संहितैतां प्रयुञ्जानो रुद्रं प्रीणाति

* ityādikā ṛgvidhānāmnātās tattadviśiṣṭavidhānaphalā vidyanta eva / * sāmavede 'py asti / * śrūyate hi sāmnāṃ vidhāne / * ā vo rājā tad vo varga ājyadohāni devavratāni caiṣā raudrī nāma saṃhitaitāṃ prayuñjāno rudraṃ prīṇāti

Sanskrit only: no published translation is held for this verse.

* इति । * एवम् आथर्वणे ऽपि रुद्राराधनविधयः तन्मन्त्रसंहिताश् च सम्भवन्ति

* iti / * evam ātharvaṇe 'pi rudrārādhanavidhayaḥ tanmantrasaṃhitāś ca sambhavanti

Sanskrit only: no published translation is held for this verse.

* न च केवलं संहितामात्रम् एवास्ति

* na ca kevalaṃ saṃhitāmātram evāsti

Sanskrit only: no published translation is held for this verse.

* तत्र तत्र रुद्र एव देवता वाच्यरूपतया श्रूयते यम् उद्दिश्य । * एष ते रुद्र भागः सह स्वस्राम्बिकया तं जुषस्व स्वाहा । * इति श्रुतिः

* tatra tatra rudra eva devatā vācyarūpatayā śrūyate yam uddiśya / * eṣa te rudra bhāgaḥ saha svasrāmbikayā taṃ juṣasva svāhā / * iti śrutiḥ

Sanskrit only: no published translation is held for this verse.

* न चैतावत् यावत्काल्पिक इति कल्पो वेदाङ्गं तदुक्तो विधिः भगवतः सांनिध्यकल्पनाय श्रूयते

* na caitāvat yāvatkālpika iti kalpo vedāṅgaṃ tadukto vidhiḥ bhagavataḥ sāṃnidhyakalpanāya śrūyate

Sanskrit only: no published translation is held for this verse.

* तथा हि काठके सूत्रपरिशिष्टीये रुद्रकल्पे । * त्रिषवणम् उदकोपस्पर्शनम् इत्य् उक्त्वोक्तं दर्भेष्व् आसीनो दर्भमुष्टिं धारयमाणो रक्षोभ्योप्यविज्ञेयो भवति शाकयावकपयोभैक्षभक्षः षड्भिर् मासैः प्रत्यक्षीभवन्तं भगवन्तं पश्यति । * इति

* tathā hi kāṭhake sūtrapariśiṣṭīye rudrakalpe / * triṣavaṇam udakopasparśanam ity uktvoktaṃ darbheṣv āsīno darbhamuṣṭiṃ dhārayamāṇo rakṣobhyopyavijñeyo bhavati śākayāvakapayobhaikṣabhakṣaḥ ṣaḍbhir māsaiḥ pratyakṣībhavantaṃ bhagavantaṃ paśyati / * iti

Sanskrit only: no published translation is held for this verse.

* एवं च श्रद्दधानमनसां जैमिनीयच्छायाश्रयिणाम् अपि चोदनाप्रदर्शितो ऽयम् अस्तीव प्रसिद्धः पन्थाः किं पुनः परमेश्वरप्रकाशनविहतमहामोहतिमिरतया विस्पष्टदृष्टीनाम् अन्येषाम्

* evaṃ ca śraddadhānamanasāṃ jaiminīyacchāyāśrayiṇām api codanāpradarśito 'yam astīva prasiddhaḥ panthāḥ kiṃ punaḥ parameśvaraprakāśanavihatamahāmohatimiratayā vispaṣṭadṛṣṭīnām anyeṣām

Sanskrit only: no published translation is held for this verse.