Mrgendratantra, Vidyapada 1 - 7.23 1.1.7

* एवम् अपि कथिते तदीयं भक्तिप्रकर्षं ज्ञातुम् इच्छुर् इन्द्रत्वेन परमैश्वर्ययोगात् प्रभुः प्रभवनशीलः स तान् मुनीन् सस्मितम् आह

* evam api kathite tadīyaṃ bhaktiprakarṣaṃ jñātum icchur indratvena paramaiśvaryayogāt prabhuḥ prabhavanaśīlaḥ sa tān munīn sasmitam āha

Sanskrit only: no published translation is held for this verse.

* किं तत्

* kiṃ tat

Sanskrit only: no published translation is held for this verse.

* मिथ्या ज्ञानं वः युष्माकं सम्बन्धि यद् एतल्लिङ्गार्चनादिशिवाराधनप्रतिपादकं ज्ञानं शास्त्रं तन् मिथ्या न सत्यं तत् प्रणेतृतथाविधदेवतानुपपत्तेः

* mithyā jñānaṃ vaḥ yuṣmākaṃ sambandhi yad etalliṅgārcanādiśivārādhanapratipādakaṃ jñānaṃ śāstraṃ tan mithyā na satyaṃ tat praṇetṛtathāvidhadevatānupapatteḥ

Sanskrit only: no published translation is held for this verse.

* यतः कर्मानुष्ठानाद् एव फलं न देवतातः

* yataḥ karmānuṣṭhānād eva phalaṃ na devatātaḥ

Sanskrit only: no published translation is held for this verse.

* शब्दमात्रं हि देवता

* śabdamātraṃ hi devatā

Sanskrit only: no published translation is held for this verse.

* न खलु वयं प्रत्यक्षेतरप्रमाणापह्नवप्रवृत्तदुराचारचार्वाकवदसंभवम् एव देवतायाः प्रतिपद्यामहे

* na khalu vayaṃ pratyakṣetarapramāṇāpahnavapravṛttadurācāracārvākavadasaṃbhavam eva devatāyāḥ pratipadyāmahe

Sanskrit only: no published translation is held for this verse.

* किं तर्हि

* kiṃ tarhi

Sanskrit only: no published translation is held for this verse.

* विद्यत एव देवता सा तु शब्दान् नातिरिच्यते अपि तु अयोगोलकवह्निवद् अनुपलभ्यमानवाच्यार्थपृथग्भावः शब्द एव तेषु तेषु क्रियाविशेषेषु अङ्गभावं गच्छन् यागसम्प्रदानदेवता विशेषाख्यां लभते

* vidyata eva devatā sā tu śabdān nātiricyate api tu ayogolakavahnivad anupalabhyamānavācyārthapṛthagbhāvaḥ śabda eva teṣu teṣu kriyāviśeṣeṣu aṅgabhāvaṃ gacchan yāgasampradānadevatā viśeṣākhyāṃ labhate

Sanskrit only: no published translation is held for this verse.

* तद् उक्तम् । * अविनिर्भिन्नशब्दार्थं ध्यायेद् ॐकारम् ईश्वरम् । * इति

* tad uktam / * avinirbhinnaśabdārthaṃ dhyāyed oṃkāram īśvaram / * iti

Sanskrit only: no published translation is held for this verse.

* न चात्र कश्चिद् एक एव विश्वेशितास्तीति नियमः प्रतिज्ञातुं शक्यः अनेकाकारसुप्रसिद्धबहुतरदेवताविशेषश्रवणात्

* na cātra kaścid eka eva viśveśitāstīti niyamaḥ pratijñātuṃ śakyaḥ anekākārasuprasiddhabahutaradevatāviśeṣaśravaṇāt

Sanskrit only: no published translation is held for this verse.

* तच् चेदम् अनुपममहिम्नः शब्दरूपस्यैवं विजृम्भितं यद् एकम् अपि सत् तत् तद् देवताविशेषप्रतीतिहेतुताम् आत्मप्रतीतिहेतुतां चाभ्येति

* tac cedam anupamamahimnaḥ śabdarūpasyaivaṃ vijṛmbhitaṃ yad ekam api sat tat tad devatāviśeṣapratītihetutām ātmapratītihetutāṃ cābhyeti

Sanskrit only: no published translation is held for this verse.

* तथैव श्रुतिः । * इन्द्रं मित्रं वरुणम् अग्निम् आहुर् अथो दिव्यः स सुपर्णो गरुत्मान् । * एकं सद्विप्रा बहुधा वदन्त्य् अग्निं यमं मातरिश्वानम् आहुः

* tathaiva śrutiḥ / * indraṃ mitraṃ varuṇam agnim āhur atho divyaḥ sa suparṇo garutmān / * ekaṃ sadviprā bahudhā vadanty agniṃ yamaṃ mātariśvānam āhuḥ

Sanskrit only: no published translation is held for this verse.

* इति

* iti

Sanskrit only: no published translation is held for this verse.

* तत् संस्थितम् एतच् छब्दात्मिका देवतेति

* tat saṃsthitam etac chabdātmikā devateti

Sanskrit only: no published translation is held for this verse.

* एवम् अन्वयेनाभिधाय व्यतिरेकेणामुम् एवार्थं द्रढयितुम् आह

* evam anvayenābhidhāya vyatirekeṇāmum evārthaṃ draḍhayitum āha

Sanskrit only: no published translation is held for this verse.