Mrgendratantra, Vidyapada 1 - 7.23 1.6.7

* स चात्मा नाव्यापकः नापि क्षणिकः देशकालाभ्याम् अनवच्छिन्नत्वात्

* sa cātmā nāvyāpakaḥ nāpi kṣaṇikaḥ deśakālābhyām anavacchinnatvāt

Sanskrit only: no published translation is held for this verse.

* तदाहुः । * अनवच्छिन्नसद्भावं वस्तु यद् देशकालतः । * तन् नित्यं विभु चेच्छन्तीत्यात्मनो विभुनित्यते

* tadāhuḥ / * anavacchinnasadbhāvaṃ vastu yad deśakālataḥ / * tan nityaṃ vibhu cecchantītyātmano vibhunityate

Sanskrit only: no published translation is held for this verse.

* इति

* iti

Sanskrit only: no published translation is held for this verse.

* न चासाव् एकः । * एको वशी सर्वभूतान्तरात्मा । * इति प्रतिपन्नानां ब्रह्मविदामिव जन्ममरणकरणादिप्रतिनियमदर्शनस्य पुरुषबहुत्वज्ञापकस्यापह्नोतुम् अशक्यत्वात्

* na cāsāv ekaḥ / * eko vaśī sarvabhūtāntarātmā / * iti pratipannānāṃ brahmavidāmiva janmamaraṇakaraṇādipratiniyamadarśanasya puruṣabahutvajñāpakasyāpahnotum aśakyatvāt

Sanskrit only: no published translation is held for this verse.

* न च नैयायिकवैशेषिकाणामिव जडः

* na ca naiyāyikavaiśeṣikāṇāmiva jaḍaḥ

Sanskrit only: no published translation is held for this verse.

* नापि सांख्यानामिवाकर्ता

* nāpi sāṃkhyānāmivākartā

Sanskrit only: no published translation is held for this verse.

* न च केषांचिदिवागन्तुना चिता युक्तः

* na ca keṣāṃcidivāgantunā citā yuktaḥ

Sanskrit only: no published translation is held for this verse.

* कुतः इत्याह पाशान्ते शिवताश्रुतेः पाशानामविद्यादीनाम् अन्ते तत्प्रतिबन्धकत्वव्यपगमे यतो ऽस्यात्मनः शिवत्वव्यक्तिः श्रूयते

* kutaḥ ityāha pāśānte śivatāśruteḥ pāśānāmavidyādīnām ante tatpratibandhakatvavyapagame yato 'syātmanaḥ śivatvavyaktiḥ śrūyate

Sanskrit only: no published translation is held for this verse.

* तथा चोक्तम् । * अथात्ममलमायाख्यकर्मबन्धविमुक्तये । * व्यक्तये च शिवत्वस्य शिवाज् ज्ञानं प्रवर्तते

* tathā coktam / * athātmamalamāyākhyakarmabandhavimuktaye / * vyaktaye ca śivatvasya śivāj jñānaṃ pravartate

Sanskrit only: no published translation is held for this verse.

* इति

* iti

Sanskrit only: no published translation is held for this verse.

* न च तच्छिवत्वम् अव्यापकत्वादिधर्मयुक्तं ज्ञत्वकर्तृत्वरहितं वा

* na ca tacchivatvam avyāpakatvādidharmayuktaṃ jñatvakartṛtvarahitaṃ vā

Sanskrit only: no published translation is held for this verse.

* नित्यं कालानवच्छेदाद् वैतत्यान् न प्रदेशगम्

* nityaṃ kālānavacchedād vaitatyān na pradeśagam

Sanskrit only: no published translation is held for this verse.

* इत्यादिना प्रत्युत तद्विलक्षणत्वस्योपपादितत्वात्

* ityādinā pratyuta tadvilakṣaṇatvasyopapāditatvāt

Sanskrit only: no published translation is held for this verse.

* न च व्यापकत्वनित्यत्वादेर् मुक्ताव् एवोदयात् संसार्यवस्थायाम् अभाव इति मन्तव्यम् असदुत्पत्त्यसम्भवस्योपपादयिष्यमाणत्वाद् इति

* na ca vyāpakatvanityatvāder muktāv evodayāt saṃsāryavasthāyām abhāva iti mantavyam asadutpattyasambhavasyopapādayiṣyamāṇatvād iti

Sanskrit only: no published translation is held for this verse.