* गतः समाप्तः क्रियादृक्प्रतिरोधकत्वरूपो ऽधिकारो यस्य तद्गताधिकारं नीहारस्य तमसो मलस्य सम्बन्धि वीर्यं सामर्थ्यं यस्य तस्य तथाविधस्य सतः पशोर् बद्धात्मनो ऽनुग्रह एधते वर्धते बहुलीभवति निवृत्ताधिकारायां मलशक्ताव् इति यावत्
* gataḥ samāptaḥ kriyādṛkpratirodhakatvarūpo 'dhikāro yasya tadgatādhikāraṃ nīhārasya tamaso malasya sambandhi vīryaṃ sāmarthyaṃ yasya tasya tathāvidhasya sataḥ paśor baddhātmano 'nugraha edhate vardhate bahulībhavati nivṛttādhikārāyāṃ malaśaktāv iti yāvat
Sanskrit only: no published translation is held for this verse.
* अन्यस्य तु मलादेः पाशजालस्य यत् कर्मणः परिणामितादेस् तादर्थ्यं तत्प्रयोजकत्वं तस्माद् अनुग्रहो भवति
* anyasya tu malādeḥ pāśajālasya yat karmaṇaḥ pariṇāmitādes tādarthyaṃ tatprayojakatvaṃ tasmād anugraho bhavati
Sanskrit only: no published translation is held for this verse.
* बद्धात्मविमुक्त्यै यत् परिणामिताप्रयोजकत्वं स एव पाशानाम् अनुग्रह इत्यर्थः
* baddhātmavimuktyai yat pariṇāmitāprayojakatvaṃ sa eva pāśānām anugraha ityarthaḥ
Sanskrit only: no published translation is held for this verse.
* एवं च प्रकृते किं व्यवस्थितम् इत्याह
* evaṃ ca prakṛte kiṃ vyavasthitam ityāha
Sanskrit only: no published translation is held for this verse.