Library·Narahari: Bodhasara·14·14.7
षष्ठी भूमिका । भूमिकापञ्चकाभ्यासात्पदार्थाभाविनी भवेत् । षष्ठी घनसुषुप्तिः स्यान्महादीक्षेति सा भवेत्
ṣaṣṭhī bhūmikā | bhūmikāpañcakābhyāsātpadārthābhāvinī bhavet / ṣaṣṭhī ghanasuṣuptiḥ syānmahādīkṣeti sā bhavet
Sanskrit only: no published translation is held for this verse.
महानिद्रेति सा प्रोक्ता यस्यामानन्दघूर्णिता । पदार्थविस्मृतिः सैव प्रोक्ता परिणतिश्च सा
mahānidreti sā proktā yasyāmānandaghūrṇitā / padārthavismṛtiḥ saiva proktā pariṇatiśca sā
Sanskrit only: no published translation is held for this verse.
तल्लक्षणानि । नरवाहनसंरूढाः सुप्ता एव यथा नृपाः । चलन्ति तद्वत्स्वानन्दे सुप्त एव चलत्यसौ
tallakṣaṇāni | naravāhanasaṃrūḍhāḥ suptā eva yathā nṛpāḥ / calanti tadvatsvānande supta eva calatyasau
Sanskrit only: no published translation is held for this verse.
ध्यानाध्वरविधौ यस्य पशवश्चक्षुरादयः । स्वयमेवोपतिष्ठन्ति रन्तिदेवमखे यथा
dhyānādhvaravidhau yasya paśavaścakṣurādayaḥ / svayamevopatiṣṭhanti rantidevamakhe yathā
Sanskrit only: no published translation is held for this verse.
पूर्णे बोधे समुत्पन्ने मनोबुद्धीन्द्रियादयः । अपूर्णाः पूर्णतां यान्ति का वाच्या तस्य पूर्णता
pūrṇe bodhe samutpanne manobuddhīndriyādayaḥ / apūrṇāḥ pūrṇatāṃ yānti kā vācyā tasya pūrṇatā
Sanskrit only: no published translation is held for this verse.
तत्सर्वममृतं तस्य यत्खादति पिबत्यपि । यत्र तिष्ठति सा काशी स जपो यत्प्रजल्पति
tatsarvamamṛtaṃ tasya yatkhādati pibatyapi / yatra tiṣṭhati sā kāśī sa japo yatprajalpati
Sanskrit only: no published translation is held for this verse.
संचारस्तीर्थसंचारः समाधिः शयनं मुनेः । यं पश्यति स विश्वेशः शृणोत्युपनिषच्च सा
saṃcārastīrthasaṃcāraḥ samādhiḥ śayanaṃ muneḥ / yaṃ paśyati sa viśveśaḥ śṛṇotyupaniṣacca sā
Sanskrit only: no published translation is held for this verse.
पीयते प्रेमपीयूषं श्लिष्यते परमा कला । भुज्यते परमानन्दो योगिना न स भोगिना
pīyate premapīyūṣaṃ śliṣyate paramā kalā / bhujyate paramānando yoginā na sa bhoginā
Sanskrit only: no published translation is held for this verse.
संप्राप्ते परमानन्दे न शोचति गतं वयः । भूतं भवद्भविष्यच्च सर्वमानन्दतां गतम्
saṃprāpte paramānande na śocati gataṃ vayaḥ / bhūtaṃ bhavadbhaviṣyacca sarvamānandatāṃ gatam
Sanskrit only: no published translation is held for this verse.