Library·Narahari: Bodhasara·14·14.9
भूमिकाशास्त्रार्थनिर्णयः । भूमिकात्रितयं जाग्रच्चतुर्थी स्वप्न उच्यते । तावती साधकावस्था तारतम्येन योगिनाम्
bhūmikāśāstrārthanirṇayaḥ | bhūmikātritayaṃ jāgraccaturthī svapna ucyate / tāvatī sādhakāvasthā tāratamyena yoginām
Sanskrit only: no published translation is held for this verse.
पञ्चमीं तु समारभ्य सिद्धावस्थैव सा त्रिधा । तिसृणामप्यवस्थानां दृष्टान्तोऽत्र निरूप्यते
pañcamīṃ tu samārabhya siddhāvasthaiva sā tridhā / tisṛṇāmapyavasthānāṃ dṛṣṭānto'tra nirūpyate
Sanskrit only: no published translation is held for this verse.
सुषुप्तेः प्रथमावस्था तस्यां यत्सुखमाप्यते । सुषुप्तेर्या घनावस्था तस्यामपि तदेव हि
suṣupteḥ prathamāvasthā tasyāṃ yatsukhamāpyate / suṣupteryā ghanāvasthā tasyāmapi tadeva hi
Sanskrit only: no published translation is held for this verse.
सुखं घनसुषुप्तौ तत्सुखं गाढसुषुप्तके । तुर्यायामपि सप्तम्यामानन्दानुभवः समः
sukhaṃ ghanasuṣuptau tatsukhaṃ gāḍhasuṣuptake / turyāyāmapi saptamyāmānandānubhavaḥ samaḥ
Sanskrit only: no published translation is held for this verse.
तथा य एव पञ्चम्यां षष्ठ्यामपि स एव हि । तुर्यायामपि सप्तम्यां ब्रह्मानन्दः स एव हि
tathā ya eva pañcamyāṃ ṣaṣṭhyāmapi sa eva hi / turyāyāmapi saptamyāṃ brahmānandaḥ sa eva hi
Sanskrit only: no published translation is held for this verse.
अभ्यासतारतम्येन तारतम्ये चिरस्थितौ । अपरोक्षानुभूतेस्तु तारतम्यं मनाङ्ग हि
abhyāsatāratamyena tāratamye cirasthitau / aparokṣānubhūtestu tāratamyaṃ manāṅga hi
Sanskrit only: no published translation is held for this verse.
नास्वादिता सिता यावत्तावन्नास्वादितैव सा । एकदास्वादिता चेत्सा नैव नास्वादिता भवेत्
nāsvāditā sitā yāvattāvannāsvāditaiva sā / ekadāsvāditā cetsā naiva nāsvāditā bhavet
Sanskrit only: no published translation is held for this verse.
जाता चेत्सा तु जातैव जातु नाजाततां भजेत् । कथं भूयो भ्रमत्येष भ्रान्तिरेव गता यदि
jātā cetsā tu jātaiva jātu nājātatāṃ bhajet / kathaṃ bhūyo bhramatyeṣa bhrāntireva gatā yadi
Sanskrit only: no published translation is held for this verse.
अथ कश्चिद्विशेषः । तुरीया प्रथमाभासे विद्युदाभासलक्षणा । ततश्चञ्चलदीपाभा ततो निश्चलदीपवत्
atha kaścidviśeṣaḥ | turīyā prathamābhāse vidyudābhāsalakṣaṇā / tataścañcaladīpābhā tato niścaladīpavat
Sanskrit only: no published translation is held for this verse.
सूर्यप्रभावच्च ततः सप्तमी चिरवर्त्तिनी । उदयास्तविहीना सा दिनपक्षर्त्तुवत्सरम्
sūryaprabhāvacca tataḥ saptamī ciravarttinī / udayāstavihīnā sā dinapakṣarttuvatsaram
Sanskrit only: no published translation is held for this verse.
पुष्कला निश्चला पूर्णा परमानन्दसुन्दरी
puṣkalā niścalā pūrṇā paramānandasundarī
Sanskrit only: no published translation is held for this verse.
येषां ध्यानकलायां च लीयन्ते गुणपङ्क्तयः । येषां कृपाकटाक्षेण सद्यो मुक्तिरवाप्यते
yeṣāṃ dhyānakalāyāṃ ca līyante guṇapaṅktayaḥ / yeṣāṃ kṛpākaṭākṣeṇa sadyo muktiravāpyate
Sanskrit only: no published translation is held for this verse.
पञ्चमीमथवा षष्ठीं सप्तमीं वा समाश्रिताः । न तेषां पुनरावृत्तिः कल्पकोटिशतैरपि
pañcamīmathavā ṣaṣṭhīṃ saptamīṃ vā samāśritāḥ / na teṣāṃ punarāvṛttiḥ kalpakoṭiśatairapi
Sanskrit only: no published translation is held for this verse.
पूर्वावस्थाचतुष्के ये स्थिता देहं विहाय ते । पुनर्देहान्तरं प्राप्य ब्रह्माभ्यासं प्रकुर्वते
pūrvāvasthācatuṣke ye sthitā dehaṃ vihāya te / punardehāntaraṃ prāpya brahmābhyāsaṃ prakurvate
Sanskrit only: no published translation is held for this verse.
योगभ्रष्टास्त उच्यन्ते क्रमेण ब्रह्मगामिनः । योगिनो योगसिद्धाश्च दत्ताद्या जनकादयः
yogabhraṣṭāsta ucyante krameṇa brahmagāminaḥ / yogino yogasiddhāśca dattādyā janakādayaḥ
Sanskrit only: no published translation is held for this verse.
ईश्वरानुग्रहं प्राप्ता अर्वाचीनाश्च के चन । स्वरूपानुभवं प्राप्ता मुक्तास्ते सर्व एव हि
īśvarānugrahaṃ prāptā arvācīnāśca ke cana / svarūpānubhavaṃ prāptā muktāste sarva eva hi
Sanskrit only: no published translation is held for this verse.
सुषुप्तौ केचिदाश्वस्ताः केचिद्घनसुषुप्तके । केचिद्गाढसुषुप्तौ च सर्वेषाममृतं समम्
suṣuptau kecidāśvastāḥ kecidghanasuṣuptake / kecidgāḍhasuṣuptau ca sarveṣāmamṛtaṃ samam
Sanskrit only: no published translation is held for this verse.