Narahari: Bodhasara 16.14

अथ सहोमाङ्गहोमनिर्णयः । एवं समाप्य विधिना प्रातः संध्याविधिं मुनिः । होमस्यावसरं ज्ञात्वा यज्ञशालां ततो विशेत्

atha sahomāṅgahomanirṇayaḥ | evaṃ samāpya vidhinā prātaḥ saṃdhyāvidhiṃ muniḥ / homasyāvasaraṃ jñātvā yajñaśālāṃ tato viśet

Sanskrit only: no published translation is held for this verse.

यज्ञशाला भूमिका स्यात्तृतीया तनुमानसा । सव्यार्हान्सव्यतः कुर्यादसव्यार्हानसव्यतः । संचरेत तथा नैव प्रायश्चित्तीयते यथा

yajñaśālā bhūmikā syāttṛtīyā tanumānasā | savyārhānsavyataḥ kuryādasavyārhānasavyataḥ / saṃcareta tathā naiva prāyaścittīyate yathā

Sanskrit only: no published translation is held for this verse.

अथ कर्मातिपातः स्याद्दुर्गत्वाद्ब्रह्मकर्मणः । प्रायश्चित्तविधिं ज्ञात्वा तच्च सद्यः समाचरेत्

atha karmātipātaḥ syāddurgatvādbrahmakarmaṇaḥ / prāyaścittavidhiṃ jñātvā tacca sadyaḥ samācaret

Sanskrit only: no published translation is held for this verse.

कर्मातिपाते प्रायश्चितं तत्कालमिति वचनात्प्रायश्चित्तानि

karmātipāte prāyaścitaṃ tatkālamiti vacanātprāyaścittāni

Sanskrit only: no published translation is held for this verse.

अथ प्रायश्चित्तानि । क्षमयैव जयेत्क्रोधं सत्येनैवानृतं जयेत् । अश्रद्धां श्रद्धया जित्त्वा दानैः कृपणतां जयेत्

atha prāyaścittāni | kṣamayaiva jayetkrodhaṃ satyenaivānṛtaṃ jayet / aśraddhāṃ śraddhayā jittvā dānaiḥ kṛpaṇatāṃ jayet

Sanskrit only: no published translation is held for this verse.

इतीमे सेतुसामोक्ताश्चत्वारः सेतवो दृढाः । उपलक्षणमेवैतदन्यानपि तथा जयेत्

itīme setusāmoktāścatvāraḥ setavo dṛḍhāḥ / upalakṣaṇamevaitadanyānapi tathā jayet

Sanskrit only: no published translation is held for this verse.

उत्थानेन जयेन्निद्रां कामं सङ्कल्पवर्जनात् । सन्तोषेण जयेल्लोभं मोहं बोधदृशा जयेत्

utthānena jayennidrāṃ kāmaṃ saṅkalpavarjanāt / santoṣeṇa jayellobhaṃ mohaṃ bodhadṛśā jayet

Sanskrit only: no published translation is held for this verse.

मदमत्सरमुख्यांश्च सर्वभूतात्मभावनात् । अन्यानपि जयेद्दोषान्नित्यानित्यविचारणात्

madamatsaramukhyāṃśca sarvabhūtātmabhāvanāt / anyānapi jayeddoṣānnityānityavicāraṇāt

Sanskrit only: no published translation is held for this verse.

लये सम्बोधयेच्चित्तं विक्षिप्तं शमयेत्पुनः । सकषायं विजानीयात्समप्राप्तं न चालयेत्

laye sambodhayeccittaṃ vikṣiptaṃ śamayetpunaḥ / sakaṣāyaṃ vijānīyātsamaprāptaṃ na cālayet

Sanskrit only: no published translation is held for this verse.

नास्वादयेद्रसं तत्र निःसङ्गः प्रज्ञया भवेत् । विशेदेकाग्रया बुद्ध्या सिद्धिमेवमवाप्नुयात्

nāsvādayedrasaṃ tatra niḥsaṅgaḥ prajñayā bhavet / viśedekāgrayā buddhyā siddhimevamavāpnuyāt

Sanskrit only: no published translation is held for this verse.

उद्धृते गार्हपत्याग्नौ तत्तत्संस्कारसंस्कृते । सत्यरूपः स्वयं यज्वा श्रद्धा पत्नी पतिव्रता

uddhṛte gārhapatyāgnau tattatsaṃskārasaṃskṛte / satyarūpaḥ svayaṃ yajvā śraddhā patnī pativratā

Sanskrit only: no published translation is held for this verse.

गृहं देहः पतिर्जीवश्छादितो मोहभस्मना । जीवस्य गार्हपत्याग्नेस्तदुद्धरणमुत्तमम्

gṛhaṃ dehaḥ patirjīvaśchādito mohabhasmanā / jīvasya gārhapatyāgnestaduddharaṇamuttamam

Sanskrit only: no published translation is held for this verse.

द्वे आहुती जुहोत्येते अग्निहोत्रविधानतः । ममतां प्रथमं हुत्वाऽहन्तां च जुहुयात्ततः

dve āhutī juhotyete agnihotravidhānataḥ / mamatāṃ prathamaṃ hutvā'hantāṃ ca juhuyāttataḥ

Sanskrit only: no published translation is held for this verse.

हुते चेदाहुती एते सर्वमेतद्धुतं भवेत् । श्रद्धापत्नीसमेतानां मुमुक्षागृहवासिनाम्

hute cedāhutī ete sarvametaddhutaṃ bhavet / śraddhāpatnīsametānāṃ mumukṣāgṛhavāsinām

Sanskrit only: no published translation is held for this verse.