Narahari: Bodhasara 16.18

अथ देवपूजोपयुक्तशास्त्रार्थनिर्णयः त्यक्त्वा मोहमयीं पूजां पूजां बोधमयीं कुरु । चन्दनैरर्चनीयोऽयं न तु पङ्केन शंकरः

atha devapūjopayuktaśāstrārthanirṇayaḥ tyaktvā mohamayīṃ pūjāṃ pūjāṃ bodhamayīṃ kuru / candanairarcanīyo'yaṃ na tu paṅkena śaṃkaraḥ

Sanskrit only: no published translation is held for this verse.

परिचीय पुरा देवं देवपूजापरो भव । देवे परिचयो नास्ति वद पूजा कथं भवेत्

paricīya purā devaṃ devapūjāparo bhava / deve paricayo nāsti vada pūjā kathaṃ bhavet

Sanskrit only: no published translation is held for this verse.

तावत्पूजां न मनुते यावत्परिचयो न हि । जाते परिचये देवः पूजामपि न काङ्क्षति

tāvatpūjāṃ na manute yāvatparicayo na hi / jāte paricaye devaḥ pūjāmapi na kāṅkṣati

Sanskrit only: no published translation is held for this verse.

पक्षद्वयेऽपि पश्यामि पूजां देवस्य दुर्घटाम् । पूज्यपूजकता न ज्ञे मूर्खस्त्वज्ञानसूतकी

pakṣadvaye'pi paśyāmi pūjāṃ devasya durghaṭām / pūjyapūjakatā na jñe mūrkhastvajñānasūtakī

Sanskrit only: no published translation is held for this verse.

न जाने क्व पलायन्ते धूपदीपाक्षतादयः । अस्माकं देवपूजायां देव एवावशिष्यते

na jāne kva palāyante dhūpadīpākṣatādayaḥ / asmākaṃ devapūjāyāṃ deva evāvaśiṣyate

Sanskrit only: no published translation is held for this verse.

देवानुसंधानधिया विस्मृते पूजनक्रमे । पूजायां जायते विघ्नः पूर्णपूजाफलं हि तत्

devānusaṃdhānadhiyā vismṛte pūjanakrame / pūjāyāṃ jāyate vighnaḥ pūrṇapūjāphalaṃ hi tat

Sanskrit only: no published translation is held for this verse.

आनन्दघनगोविन्दपूजनारम्भकर्मणि । बोधे स्फुरति मोहात्मा यजमानः पलायितः

ānandaghanagovindapūjanārambhakarmaṇi / bodhe sphurati mohātmā yajamānaḥ palāyitaḥ

Sanskrit only: no published translation is held for this verse.