Narahari: Bodhasara 16.2

शौचनिर्णयः । देहेन्द्रियमनःप्राणबुद्ध्यहङ्कारचेतसि । अशुचावात्मभावोऽसावशुचित्वस्य कारणम्

śaucanirṇayaḥ | dehendriyamanaḥprāṇabuddhyahaṅkāracetasi / aśucāvātmabhāvo'sāvaśucitvasya kāraṇam

Sanskrit only: no published translation is held for this verse.

साक्षित्वभावनातोयैस्तथा वैराग्यमृत्स्नया । गन्धलेपक्षयकरं शौचं कुर्यादतन्द्रितः

sākṣitvabhāvanātoyaistathā vairāgyamṛtsnayā / gandhalepakṣayakaraṃ śaucaṃ kuryādatandritaḥ

Sanskrit only: no published translation is held for this verse.

एवंविधेन विधिना यत्सर्वं मंगलार्जनम् । एतदेव मुनीन्द्राणां प्रातःशौचं विशुद्धिकृत्

evaṃvidhena vidhinā yatsarvaṃ maṃgalārjanam / etadeva munīndrāṇāṃ prātaḥśaucaṃ viśuddhikṛt

Sanskrit only: no published translation is held for this verse.

ज्ञानयोगप्रसन्नानां मुमुक्षा मुखमुच्यते । श्रद्धाजलेन तच्छुद्धिर्मुखप्रक्षालनं हि तत्

jñānayogaprasannānāṃ mumukṣā mukhamucyate / śraddhājalena tacchuddhirmukhaprakṣālanaṃ hi tat

Sanskrit only: no published translation is held for this verse.