Narahari: Bodhasara 16.3

अथ प्रातःस्मरणम् । प्रातः स्मरन्ति मुनयो देवस्य सवितुर्महः । वरेण्यं तद्धियः साक्षि तदेवास्मीति संततम्

atha prātaḥsmaraṇam | prātaḥ smaranti munayo devasya saviturmahaḥ / vareṇyaṃ taddhiyaḥ sākṣi tadevāsmīti saṃtatam

Sanskrit only: no published translation is held for this verse.

अन्वयव्यतिरेकाभ्यां जाग्रत्स्वप्नसुषुप्तिषु । यदेकं केवलं ज्ञानं तदेवाहमहं हि तत्

anvayavyatirekābhyāṃ jāgratsvapnasuṣuptiṣu / yadekaṃ kevalaṃ jñānaṃ tadevāhamahaṃ hi tat

Sanskrit only: no published translation is held for this verse.

ज्ञानाज्ञाने तद्विषयौ तदहङ्कार एव च । प्रकाश्यन्ते येन भूम्ना तदहं ह्यहमेव तत्

jñānājñāne tadviṣayau tadahaṅkāra eva ca / prakāśyante yena bhūmnā tadahaṃ hyahameva tat

Sanskrit only: no published translation is held for this verse.

विश्वश्च तैजसः प्राज्ञो नास्म्यहं सत्स्वरूपतः । यतस्ते तु प्रकाश्यन्ते तदहं नास्मि चेतरत्

viśvaśca taijasaḥ prājño nāsmyahaṃ satsvarūpataḥ / yataste tu prakāśyante tadahaṃ nāsmi cetarat

Sanskrit only: no published translation is held for this verse.

ज्ञानाज्ञानप्रपञ्चेऽस्मिञ्ज्ञानाज्ञानेन नाशिते । यत्सच्छिष्टं परं ब्रह्म ह्यहं तन्नेतरत्स्मरेत्

jñānājñānaprapañce'smiñjñānājñānena nāśite / yatsacchiṣṭaṃ paraṃ brahma hyahaṃ tannetaratsmaret

Sanskrit only: no published translation is held for this verse.