Library·Narahari: Bodhasara·5·5.1
धर्मजिज्ञासा अथातो धर्मजिज्ञासा धर्मः प्रोक्तश्चतुर्विधः । नित्यो नैमित्तिकः काम्यः प्रायश्चित्तमिति क्रमात्
dharmajijñāsā athāto dharmajijñāsā dharmaḥ proktaścaturvidhaḥ / nityo naimittikaḥ kāmyaḥ prāyaścittamiti kramāt
Sanskrit only: no published translation is held for this verse.
वर्णाश्रमसमाचाराः शौचस्नानादयश्च ये । आवश्यकास्ते नित्याः स्युरकृत्य प्रत्यवैति यान्
varṇāśramasamācārāḥ śaucasnānādayaśca ye / āvaśyakāste nityāḥ syurakṛtya pratyavaiti yān
Sanskrit only: no published translation is held for this verse.
देशकालनिमित्ता ये ते तु नैमित्तिकाः स्मृताः । संक्रान्तिग्रहणस्नानदानश्राद्धजपादयः
deśakālanimittā ye te tu naimittikāḥ smṛtāḥ / saṃkrāntigrahaṇasnānadānaśrāddhajapādayaḥ
Sanskrit only: no published translation is held for this verse.
प्रायश्चित्तात्मका धर्माः कृच्छ्रचान्द्रायणादयः । कामनापूर्वकं काम्यं मुमुक्षोर्न विधीयते
prāyaścittātmakā dharmāḥ kṛcchracāndrāyaṇādayaḥ / kāmanāpūrvakaṃ kāmyaṃ mumukṣorna vidhīyate
Sanskrit only: no published translation is held for this verse.
हरिप्रसादकाम्या च चित्तशुद्धेश्च कामना । मोक्षस्य कामना चेति कामनेयं न कामना
hariprasādakāmyā ca cittaśuddheśca kāmanā / mokṣasya kāmanā ceti kāmaneyaṃ na kāmanā
Sanskrit only: no published translation is held for this verse.
तस्मात्तया कामनया स्नानदानजपादिकम् । तीर्थव्रततपोनिष्ठा मोक्षकामैर्विधीयताम्
tasmāttayā kāmanayā snānadānajapādikam / tīrthavratataponiṣṭhā mokṣakāmairvidhīyatām
Sanskrit only: no published translation is held for this verse.
कर्मणां निर्णयं त्वेवं गीतायामाह माधवः । सर्वथा न परित्याज्यं नित्यं कर्म मुमुक्षुणा
karmaṇāṃ nirṇayaṃ tvevaṃ gītāyāmāha mādhavaḥ / sarvathā na parityājyaṃ nityaṃ karma mumukṣuṇā
Sanskrit only: no published translation is held for this verse.
ज्ञाने जातेऽपि न त्याज्यं लोकानुग्रहहेतुना । यो वासनापरित्यागः कर्मत्यागः स एवहि
jñāne jāte'pi na tyājyaṃ lokānugrahahetunā / yo vāsanāparityāgaḥ karmatyāgaḥ sa evahi
Sanskrit only: no published translation is held for this verse.
न कर्मणां परित्यागः कर्मत्यागो मनोमयः । यज्ञो दानं तपश्चेति पावनानि मनीषिणाम्
na karmaṇāṃ parityāgaḥ karmatyāgo manomayaḥ / yajño dānaṃ tapaśceti pāvanāni manīṣiṇām
Sanskrit only: no published translation is held for this verse.
कर्मणा चित्तशुद्धिः स्यात्तया तीव्रा मुमुक्षुता । ततो विवेकान्मुक्तिः स्यात्कर्म त्याज्यं कथं तु तत्
karmaṇā cittaśuddhiḥ syāttayā tīvrā mumukṣutā / tato vivekānmuktiḥ syātkarma tyājyaṃ kathaṃ tu tat
Sanskrit only: no published translation is held for this verse.
ये तु बोधेन संप्राप्तास्तात कर्मातिगां दशाम् । न विधेः किंकरास्तस्मात्स्वच्छन्दं विचरन्तु ते
ye tu bodhena saṃprāptāstāta karmātigāṃ daśām / na vidheḥ kiṃkarāstasmātsvacchandaṃ vicarantu te
Sanskrit only: no published translation is held for this verse.