विदुषां बहुलातिप्रयोगानुमिता सा रूढिर्मुख्या हि यस्मात्तस्मान्न साम्यमिति शेषः । कथं मुख्यत्वमित्यत आह विद्वदिति ॥ विद्वद्रूढिर्वैदिका स्यात् सा योगादेव लभ्यते वैदिकबहुलप्रयोगानुमिता हि विद्वद्रूढिरित्युच्यते । सा च लौकिकमात्रप्रयोगानुमिताया मुख्येति स्फुटमेवेति । ननु वैदिकेति कथम् । टिढ्ढाणञ् इत्यादिना ङीपा भवितव्यम् । मैवम् । परमवैदिकत्वख्यापनार्थत्वात् । अथवा वैदिकाः प्रयोगा अस्यां सन्ति ज्ञापका इति"अर्शादिभ्यो ऽच्ऽ; इत्यचि कृते वैदिकेति भवति । यद्वा वैदिकानां पुरुषाणामास्यादिति तत्प्रयोगात्सिद्धेति । हेत्वन्तरमाह सेति ॥ ल्यब्लोपनिमित्ता पञ्चमी । यतः सा विद्वद्रूढिर्योगमविहायैवोपलभ्यते । न त्वविद्वद्रूढिवत्सङ्केततुल्यातो ऽपि सा मुख्येति । *३,५००* ततः किमित्यत आह तस्मादिति ॥ तस्मान्मुख्यार्थता विष्णोर् ॥। यस्मादेवं विष्णौ महायोगो मुख्या च रूढिः । अन्यत्र योगमात्रममुख्यरूढिश्च तस्मात्सर्वशब्दमुख्यार्थता विष्णोरुपपन्नेति । उपसंहरति इति कृत्वेति ॥ ॥। कृत्वा हृदि प्रभुः
viduṣāṃ bahulātiprayogānumitā sā rūḍhirmukhyā hi yasmāttasmānna sāmyamiti śeṣaḥ / kathaṃ mukhyatvamityata āha vidvaditi // vidvadrūḍhirvaidikā syāt sā yogādeva labhyate vaidikabahulaprayogānumitā hi vidvadrūḍhirityucyate / sā ca laukikamātraprayogānumitāyā mukhyeti sphuṭameveti / nanu vaidiketi katham / ṭiḍhḍhāṇañ ityādinā ṅīpā bhavitavyam / maivam / paramavaidikatvakhyāpanārthatvāt / athavā vaidikāḥ prayogā asyāṃ santi jñāpakā iti"arśādibhyo 'c'; ityaci kṛte vaidiketi bhavati / yadvā vaidikānāṃ puruṣāṇāmāsyāditi tatprayogātsiddheti / hetvantaramāha seti // lyablopanimittā pañcamī / yataḥ sā vidvadrūḍhiryogamavihāyaivopalabhyate / na tvavidvadrūḍhivatsaṅketatulyāto 'pi sā mukhyeti / *3,500* tataḥ kimityata āha tasmāditi // tasmānmukhyārthatā viṣṇor ... yasmādevaṃ viṣṇau mahāyogo mukhyā ca rūḍhiḥ / anyatra yogamātramamukhyarūḍhiśca tasmātsarvaśabdamukhyārthatā viṣṇorupapanneti / upasaṃharati iti kṛtveti // ... kṛtvā hṛdi prabhuḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.