पुंपादवत् पुरुषस्यामृतपादत्रयमिव । कुतः । पूर्णाः । नारायणं प्रादुर्भावरूपम् । जीवांशेभ्यः परं विलक्षणम् । जगाद । *८,६३९* अधिदैवादिस्वरूपनिर्णयाय पादो ऽयमारब्ध इत्युक्तम् । तत्र कीदृशो ऽत्र निर्णयो जात इत्यतस्तं बुद्धयारोहाय पिण्डीकृत्याह अक्षय इति ॥ अक्षयो भगवान् विष्णुर्लक्ष्म्यावासो लये स्थितः देहादिक्षयरहित एव प्रलये स्थितः । अनेन"असम्भवस्तु सतो ऽनुपपत्तेःऽ,"नात्मा श्रुतेर्नित्यत्वाच्च ताभ्यःऽ; इत्यधिकरणतात्पर्यमुक्तं भवति । लक्ष्म्यावास इति । देव्या अपि प्रलये ऽवस्थानोक्त्या वियत्प(देनोप)दोपलक्षितायास्तस्या न जीववज्जननमिति । वियदादिपदोपादानेन तदभिमानित्वदशायामेव ब्रह्मादीनां देहाद्युत्पत्तिर्न मुक्ताविति सूचितम् । तत्सूचयति मुक्तैरिति ॥ मुक्तैः सदा चिन्त्यमानो ब्रह्माद्यैस्तारतम्यगैः
puṃpādavat puruṣasyāmṛtapādatrayamiva / kutaḥ / pūrṇāḥ / nārāyaṇaṃ prādurbhāvarūpam / jīvāṃśebhyaḥ paraṃ vilakṣaṇam / jagāda / *8,639* adhidaivādisvarūpanirṇayāya pādo 'yamārabdha ityuktam / tatra kīdṛśo 'tra nirṇayo jāta ityatastaṃ buddhayārohāya piṇḍīkṛtyāha akṣaya iti // akṣayo bhagavān viṣṇurlakṣmyāvāso laye sthitaḥ dehādikṣayarahita eva pralaye sthitaḥ / anena"asambhavastu sato 'nupapatteḥ',"nātmā śruternityatvācca tābhyaḥ'; ityadhikaraṇatātparyamuktaṃ bhavati / lakṣmyāvāsa iti / devyā api pralaye 'vasthānoktyā viyatpa(denopa)dopalakṣitāyāstasyā na jīvavajjananamiti / viyadādipadopādānena tadabhimānitvadaśāyāmeva brahmādīnāṃ dehādyutpattirna muktāviti sūcitam / tatsūcayati muktairiti // muktaiḥ sadā cintyamāno brahmādyaistāratamyagaiḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.