सम्यग् गुरुप्रसादश्च मुख्यतो दृष्टिकारणम् न केवलं श्रवणादि किन्तु सम्यग्गुरुप्रसादश्च । सम्यक् प्रसादपूर्वकं गुरोर्यद्विद्यादानं तच्च भगवद्दृष्टेः कारणमित्यर्थः । ननु"प्रज्ञान्तरपृथक्त्ववत्ऽ; इति सूत्रं प्रदानवदेवेत्यतः पश्चात्तनं तत्कुतो व्युत्क्रमः । उच्यते । योग्यताचिन्तासङ्गतं तदिति प्रकरणशुद्धये पूर्वमेव व्याख्यातमिति न दोषः । ॥ ॐ लिङ्गभूयस्त्वात्तद्धि बलीयस्तदपि ॐ ॥ अत्र गुरुप्र(साद)दानस्य बलवत्त्वमुक्तम् । तदयुक्तम् । श्रवणादितो हि बलवत्त्वम् । तच्च प्रदानशब्दार्थान्तर्गतमेव । नहि स्वस्मादेव स्वय बलीय इति सम्भवतीत्यतो व्याचष्टे सम्यगिति ॥ मुख्यतः श्रवणाद्यपेक्षयातिशयेन । अयमभिसन्धिः । प्रदानशब्देन हि सम्यग्गुरुप्रसादपूर्वकं दानं प्रकृतम् । तत्र सम्यग्गुरुप्रसादमात्रं तदिति अत्र परामृश्यत इति । लिङ्गभूयस्त्वादित्युक्तम् । यास्वाख्यायिकासु लिङ्गानि दृश्यन्ते तत्र गुरुप्रसादेनैव ज्ञानप्राप्तिश्रवणात् श्रवणादिकं न करणीयमिति शङ्का स्यात्तां निवारयितुं तदपीत्युक्तम् । तद्वयाख्याति श्रवणादि चेति ॥ श्रवणादि च कर्तव्यं नान्यथा दर्शनं क्वचित्
samyag guruprasādaśca mukhyato dṛṣṭikāraṇam na kevalaṃ śravaṇādi kintu samyagguruprasādaśca / samyak prasādapūrvakaṃ guroryadvidyādānaṃ tacca bhagavaddṛṣṭeḥ kāraṇamityarthaḥ / nanu"prajñāntarapṛthaktvavat'; iti sūtraṃ pradānavadevetyataḥ paścāttanaṃ tatkuto vyutkramaḥ / ucyate / yogyatācintāsaṅgataṃ taditi prakaraṇaśuddhaye pūrvameva vyākhyātamiti na doṣaḥ / // oṃ liṅgabhūyastvāttaddhi balīyastadapi oṃ // atra gurupra(sāda)dānasya balavattvamuktam / tadayuktam / śravaṇādito hi balavattvam / tacca pradānaśabdārthāntargatameva / nahi svasmādeva svaya balīya iti sambhavatītyato vyācaṣṭe samyagiti // mukhyataḥ śravaṇādyapekṣayātiśayena / ayamabhisandhiḥ / pradānaśabdena hi samyagguruprasādapūrvakaṃ dānaṃ prakṛtam / tatra samyagguruprasādamātraṃ taditi atra parāmṛśyata iti / liṅgabhūyastvādityuktam / yāsvākhyāyikāsu liṅgāni dṛśyante tatra guruprasādenaiva jñānaprāptiśravaṇāt śravaṇādikaṃ na karaṇīyamiti śaṅkā syāttāṃ nivārayituṃ tadapītyuktam / tadvayākhyāti śravaṇādi ceti // śravaṇādi ca kartavyaṃ nānyathā darśanaṃ kvacit
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.