Nārada Purāṇa 1.56

द्वितीये मानुषं कार्यं तृतीये ःंशे च पैतृकम् । स्वनीचगे तदंशे वा स्वारिभे वा तदंशके

dvitīye mānuṣaṃ kāryaṃ tṛtīye ḥṃśe ca paitṛkam / svanīcage tadaṃśe vā svāribhe vā tadaṃśake

Sanskrit only: no published translation is held for this verse.

गुरुशिखिनोश्च शाखेशे कलाशीलविवर्जितः । स्वाधिशत्रुगृहस्थे वा तदंशस्थे ऽथ वा व्रती

guruśikhinośca śākheśe kalāśīlavivarjitaḥ / svādhiśatrugṛhasthe vā tadaṃśasthe 'tha vā vratī

Sanskrit only: no published translation is held for this verse.

शाखेशे वा गुरौ शुक्रे महापातककृद्भवेत् । स्वोच्चसंस्थे तदंशे वा स्वराशौ राशिगे गणे

śākheśe vā gurau śukre mahāpātakakṛdbhavet / svoccasaṃsthe tadaṃśe vā svarāśau rāśige gaṇe

Sanskrit only: no published translation is held for this verse.

शाखेशे वा गुरौ शुक्रे केन्द्रगे वा त्रिकोणगे । अतीव धनवांश्चैव वेदवेदाङ्गपारगः

śākheśe vā gurau śukre kendrage vā trikoṇage / atīva dhanavāṃścaiva vedavedāṅgapāragaḥ

Sanskrit only: no published translation is held for this verse.

परमोच्चगते जीवे शाखेशे वाथ वा सते । व्रती विशुद्धे निधने वेदशास्त्रविशारदः

paramoccagate jīve śākheśe vātha vā sate / vratī viśuddhe nidhane vedaśāstraviśāradaḥ

Sanskrit only: no published translation is held for this verse.

स्वाधिमित्रगृहस्थे वा तस्योञ्चस्थे तदंशगे । गुरौ भृगौ वा शाखेशे विद्याधनसमन्वितः

svādhimitragṛhasthe vā tasyoñcasthe tadaṃśage / gurau bhṛgau vā śākheśe vidyādhanasamanvitaḥ

Sanskrit only: no published translation is held for this verse.

शाखाधिपतिवारश्च शाखाधिपबलं शिशोः । शआखाधिपतिलग्नं च दुर्लभं त्रितयं व्रते

śākhādhipativāraśca śākhādhipabalaṃ śiśoḥ / śaākhādhipatilagnaṃ ca durlabhaṃ tritayaṃ vrate

Sanskrit only: no published translation is held for this verse.

तस्माद्वेद्वांशगे चन्द्रे व्रती विद्याविशारदः । पापांशगे वा दरिद्रो नित्यदुःखितः

tasmādvedvāṃśage candre vratī vidyāviśāradaḥ / pāpāṃśage vā daridro nityaduḥkhitaḥ

Sanskrit only: no published translation is held for this verse.

श्रवणादिनि नक्षत्रे कर्कांशस्थे निशाकरे । तदा व्रती वेदशास्त्रधनधान्यसमृद्धिमान्

śravaṇādini nakṣatre karkāṃśasthe niśākare / tadā vratī vedaśāstradhanadhānyasamṛddhimān

Sanskrit only: no published translation is held for this verse.

शुभलग्ने शुभांशे च नैधने शुद्धिसंयुते । लग्ने तु निधने सौम्यैः संयुते वा निरीक्षिते

śubhalagne śubhāṃśe ca naidhane śuddhisaṃyute / lagne tu nidhane saumyaiḥ saṃyute vā nirīkṣite

Sanskrit only: no published translation is held for this verse.

इष्टैर्जीवार्कचन्द्राद्यैः पञ्चभिर्बलिभिर्ग्रहै । स्थानादिबलसंपूर्णैश्चतुर्भिर्वा शुभान्वितैः

iṣṭairjīvārkacandrādyaiḥ pañcabhirbalibhirgrahai / sthānādibalasaṃpūrṇaiścaturbhirvā śubhānvitaiḥ

Sanskrit only: no published translation is held for this verse.

ईक्षन्नैवात्रैकविंशमहादोषविवर्जिते । राशयः सकलाः श्रेष्ठाः शुभग्रहयुतेक्षिताः

īkṣannaivātraikaviṃśamahādoṣavivarjite / rāśayaḥ sakalāḥ śreṣṭhāḥ śubhagrahayutekṣitāḥ

Sanskrit only: no published translation is held for this verse.

शुभनवांशकगता ग्राह्यास्ते शुभराशयः । न कदाचित्कर्कटांशशुभेक्षितयुतो ऽपि वा

śubhanavāṃśakagatā grāhyāste śubharāśayaḥ / na kadācitkarkaṭāṃśaśubhekṣitayuto 'pi vā

Sanskrit only: no published translation is held for this verse.

तस्माद्गोमिथुनांशाश्च तुलाकन्यांशकाः शुभाः । एवंविधे लग्नगते नवांशे व्रतमीरितम्

tasmādgomithunāṃśāśca tulākanyāṃśakāḥ śubhāḥ / evaṃvidhe lagnagate navāṃśe vratamīritam

Sanskrit only: no published translation is held for this verse.

त्रिषडायगतैः पापैः षडष्टान्त्यविवर्जितैः । शुभैः षष्टाष्टलग्नान्त्यवर्जितेन हिमांशुना

triṣaḍāyagataiḥ pāpaiḥ ṣaḍaṣṭāntyavivarjitaiḥ / śubhaiḥ ṣaṣṭāṣṭalagnāntyavarjitena himāṃśunā

Sanskrit only: no published translation is held for this verse.

स्वोञ्चसंस्थो ऽपि शीतांशुर्व्रतिनो यदि लग्नगः । न करोति शिशुं निःस्वं सर्वतः क्षयरोगिणम्

svoñcasaṃstho 'pi śītāṃśurvratino yadi lagnagaḥ / na karoti śiśuṃ niḥsvaṃ sarvataḥ kṣayarogiṇam

Sanskrit only: no published translation is held for this verse.

स्फूर्जिते केन्द्रगे भानौ व्रतिनां पितृनाशनम् । पञ्चदोषोनितं लग्नं शुभदं चोपनायने

sphūrjite kendrage bhānau vratināṃ pitṛnāśanam / pañcadoṣonitaṃ lagnaṃ śubhadaṃ copanāyane

Sanskrit only: no published translation is held for this verse.

विना वसंतऋतुना कृष्णपक्षे गलग्रहे । अनध्याये विष्टिषष्ट्योर्न तु सस्कारमर्हति

vinā vasaṃtaṛtunā kṛṣṇapakṣe galagrahe / anadhyāye viṣṭiṣaṣṭyorna tu saskāramarhati

Sanskrit only: no published translation is held for this verse.

त्रयोदश्यादिचत्वारि सप्तम्यादिदिनत्रयम् । चतुर्थी वा शुभाः प्रोक्ता अष्टावेते गलग्रहाः

trayodaśyādicatvāri saptamyādidinatrayam / caturthī vā śubhāḥ proktā aṣṭāvete galagrahāḥ

Sanskrit only: no published translation is held for this verse.

क्षुरिकाबन्धं वक्ष्ये नृपाणां प्राक्करग्रहात् । विवाहोक्तेषु मासेषु शुक्लपक्षे ऽप्यनस्तगे

kṣurikābandhaṃ vakṣye nṛpāṇāṃ prākkaragrahāt / vivāhokteṣu māseṣu śuklapakṣe 'pyanastage

Sanskrit only: no published translation is held for this verse.

जीवे शुक्रे च भूपुत्रे चन्द्रताराबलान्विते । मैञ्जीबन्धोक्ततिथिषु कुजवर्जितवासरे

jīve śukre ca bhūputre candratārābalānvite / maiñjībandhoktatithiṣu kujavarjitavāsare

Sanskrit only: no published translation is held for this verse.

नचेन्नवांशके कर्तुरष्टमोदयवर्जिते । शुद्धे ऽष्टमे विधौ लग्ने षष्टाष्टान्त्यविवर्जिते

nacennavāṃśake karturaṣṭamodayavarjite / śuddhe 'ṣṭame vidhau lagne ṣaṣṭāṣṭāntyavivarjite

Sanskrit only: no published translation is held for this verse.

धनत्रिकोणकेन्द्रस्थैः शुभैस्त्र्यायारिगैः परैः । क्षुरिकाबन्धनं कार्यमर्चयित्वामरान्पितॄन्

dhanatrikoṇakendrasthaiḥ śubhaistryāyārigaiḥ paraiḥ / kṣurikābandhanaṃ kāryamarcayitvāmarānpitṝn

Sanskrit only: no published translation is held for this verse.

अर्चयेत्क्षुरिकां सम्यग्देवतानां च सन्निधौ । ततः सुलग्ने बध्नीयात्कट्यां लक्षणसंयुताम्

arcayetkṣurikāṃ samyagdevatānāṃ ca sannidhau / tataḥ sulagne badhnīyātkaṭyāṃ lakṣaṇasaṃyutām

Sanskrit only: no published translation is held for this verse.

आयामार्द्धाग्रविस्तारप्रमाणेनैवच्छेदयत् । तच्छेदखण्डान्यायाः स्युर्ध्वजाये रिपुनाशनम्

āyāmārddhāgravistārapramāṇenaivacchedayat / tacchedakhaṇḍānyāyāḥ syurdhvajāye ripunāśanam

Sanskrit only: no published translation is held for this verse.

घूम्राये मरणं सिंहे जयः शुनि च रोगिता । धनलाभो वृषे ऽत्यन्तं दुःखी भवति गर्दभे

ghūmrāye maraṇaṃ siṃhe jayaḥ śuni ca rogitā / dhanalābho vṛṣe 'tyantaṃ duḥkhī bhavati gardabhe

Sanskrit only: no published translation is held for this verse.

गजाये ऽत्यन्तसंप्रीतिर्ध्वाङ्क्षे वित्तविनाशनम् । खड्गपुत्रिकयोर्मानं गणयेत्स्वाङ्गुलेन तु

gajāye 'tyantasaṃprītirdhvāṅkṣe vittavināśanam / khaḍgaputrikayormānaṃ gaṇayetsvāṅgulena tu

Sanskrit only: no published translation is held for this verse.

मानाङ्गुलेषु पर्यायामेकादशमितां त्यजेत् । शेषाणामगुलीनां च फलानि स्युर्यथाक्रमम्

mānāṅguleṣu paryāyāmekādaśamitāṃ tyajet / śeṣāṇāmagulīnāṃ ca phalāni syuryathākramam

Sanskrit only: no published translation is held for this verse.

पुत्रलाभः शत्रुवधः स्त्रीलाभो गमन शुभम् । अर्थहानिश्चार्थवृद्धिः प्रीति सिद्धिजयः स्तुतिः

putralābhaḥ śatruvadhaḥ strīlābho gamana śubham / arthahāniścārthavṛddhiḥ prīti siddhijayaḥ stutiḥ

Sanskrit only: no published translation is held for this verse.

स्थितो ध्वजे वृषाये वा नष्टाचेत्पूर्वतो व्रणम् । सिंहेगजे मध्यभागे त्वन्तभागे श्वकाकयोः

sthito dhvaje vṛṣāye vā naṣṭācetpūrvato vraṇam / siṃhegaje madhyabhāge tvantabhāge śvakākayoḥ

Sanskrit only: no published translation is held for this verse.

धृम्रगर्द्दभयोर्नैव व्रणं श्रयोन्त्यभागगम् । अथोत्तरायणे शुक्रजीवयोर्द्दश्यमानयोः

dhṛmragarddabhayornaiva vraṇaṃ śrayontyabhāgagam / athottarāyaṇe śukrajīvayorddaśyamānayoḥ

Sanskrit only: no published translation is held for this verse.

द्विजातीनां गुरोर्गेहान्निवृत्तानां यतात्मनाम् । चित्रोत्तरादितीज्यान्त्यहरिमित्रविधातृषु

dvijātīnāṃ gurorgehānnivṛttānāṃ yatātmanām / citrottarāditījyāntyaharimitravidhātṛṣu

Sanskrit only: no published translation is held for this verse.

भेष्वर्केन्दुज्ञेज्यशुक्रवारलग्नांशकेषु च । प्रतिपत्पर्वरिक्ता मा चाष्टमी च दिनत्रयम्

bheṣvarkendujñejyaśukravāralagnāṃśakeṣu ca / pratipatparvariktā mā cāṣṭamī ca dinatrayam

Sanskrit only: no published translation is held for this verse.

हित्वान्यदिवसे कार्यं समावर्तनमुण्डनम् । सर्वाश्रमाणां विप्रेन्द्र ह्युत्तमो ऽयं गृहाश्रमः

hitvānyadivase kāryaṃ samāvartanamuṇḍanam / sarvāśramāṇāṃ viprendra hyuttamo 'yaṃ gṛhāśramaḥ

Sanskrit only: no published translation is held for this verse.

सुखं तत्रापि भामिन्यां शीलवत्यां स्थितं ततः । तस्याः सच्छीलर्ला धस्तु सुलग्नवशतः खलु

sukhaṃ tatrāpi bhāminyāṃ śīlavatyāṃ sthitaṃ tataḥ / tasyāḥ sacchīlarlā dhastu sulagnavaśataḥ khalu

Sanskrit only: no published translation is held for this verse.

पितामहोक्तं संवीक्ष्य लग्नशुद्धिं प्रवच्म्यहम् । पुण्ये ऽह्निलक्षणोपेतं सुखासीनं सुचेतसम्

pitāmahoktaṃ saṃvīkṣya lagnaśuddhiṃ pravacmyaham / puṇye 'hnilakṣaṇopetaṃ sukhāsīnaṃ sucetasam

Sanskrit only: no published translation is held for this verse.

प्रणम्य देववत्पृच्छेर्द्दैवज्ञं भक्तिपूर्वकम् । तांबूलफलपुष्पाद्यैः पूर्णाञ्जलिरुपागतः

praṇamya devavatpṛccherddaivajñaṃ bhaktipūrvakam / tāṃbūlaphalapuṣpādyaiḥ pūrṇāñjalirupāgataḥ

Sanskrit only: no published translation is held for this verse.

तत्र चेल्लग्नगः क्रूरस्तस्मात्सप्तमगः कुजः । दंपत्योर्मरण वाच्य वर्षाणामष्टकात्पुरा

tatra cellagnagaḥ krūrastasmātsaptamagaḥ kujaḥ / daṃpatyormaraṇa vācya varṣāṇāmaṣṭakātpurā

Sanskrit only: no published translation is held for this verse.

यदि लग्नगतश्चन्द्रस्तस्मात्सप्तमगः कुजः । विज्ञेयं भर्तृमरणमष्टवर्षान्त्तरे बुधैःझ

yadi lagnagataścandrastasmātsaptamagaḥ kujaḥ / vijñeyaṃ bhartṛmaraṇamaṣṭavarṣānttare budhaiḥjha

Sanskrit only: no published translation is held for this verse.

लग्नात्पञ्चमगः पापः शत्रुदृष्टश्च नीचगः । मृतपुत्राथ वा कन्या कुलटा वा न संशयः

lagnātpañcamagaḥ pāpaḥ śatrudṛṣṭaśca nīcagaḥ / mṛtaputrātha vā kanyā kulaṭā vā na saṃśayaḥ

Sanskrit only: no published translation is held for this verse.

तृतीयपञ्चसप्तायकर्मगो वा निशाकरः । लग्नात्करोति संबन्धं दंपत्योर्गुरुवीक्षितः

tṛtīyapañcasaptāyakarmago vā niśākaraḥ / lagnātkaroti saṃbandhaṃ daṃpatyorguruvīkṣitaḥ

Sanskrit only: no published translation is held for this verse.

तुलागोकर्कटा लग्नसंस्थः शुक्रेन्दुसंयुताः । वीक्षिताः पृच्छतां नॄणां कन्यालाभो भवेत्तदा

tulāgokarkaṭā lagnasaṃsthaḥ śukrendusaṃyutāḥ / vīkṣitāḥ pṛcchatāṃ nṝṇāṃ kanyālābho bhavettadā

Sanskrit only: no published translation is held for this verse.

स्त्रीद्रेष्काणः स्त्रीनवांशे युग्मलग्नं समागतम् । वीक्षितं चन्द्रशुक्राभ्यां कन्यालाभो भवेत्तदा

strīdreṣkāṇaḥ strīnavāṃśe yugmalagnaṃ samāgatam / vīkṣitaṃ candraśukrābhyāṃ kanyālābho bhavettadā

Sanskrit only: no published translation is held for this verse.

एवं स्त्रीणां भर्तृलब्धिः पुंलग्ने पुंनवांशके । पृच्छकस्य भवेल्लग्नं पुङ्ग्रहैरवलोकितम्

evaṃ strīṇāṃ bhartṛlabdhiḥ puṃlagne puṃnavāṃśake / pṛcchakasya bhavellagnaṃ puṅgrahairavalokitam

Sanskrit only: no published translation is held for this verse.

कृष्णपक्षे प्रश्नलग्नाद्यस्य राशी यदा । पापदृष्टो ऽथ वा रन्ध्रे न संबन्धो भवेत्तदा

kṛṣṇapakṣe praśnalagnādyasya rāśī yadā / pāpadṛṣṭo 'tha vā randhre na saṃbandho bhavettadā

Sanskrit only: no published translation is held for this verse.

पुण्यैर्निमित्तशकुनैः प्रश्नकाले तु मङ्गलम् । दंपत्योरशुभैरेतैरशुभं सर्वतो भवेत्

puṇyairnimittaśakunaiḥ praśnakāle tu maṅgalam / daṃpatyoraśubhairetairaśubhaṃ sarvato bhavet

Sanskrit only: no published translation is held for this verse.

पञ्चाङ्गशुद्धिदिवसे चन्द्रताराबलान्विते । विवाहभस्योदये वा कन्यावरणमन्वयैः

pañcāṅgaśuddhidivase candratārābalānvite / vivāhabhasyodaye vā kanyāvaraṇamanvayaiḥ

Sanskrit only: no published translation is held for this verse.

भूषणैः पुष्पतांबूलफलैर्गन्धाक्षतादिभिः । शुक्लांबरैर्गीतवाद्यैंर्विघ्नाशीर्वचनैः सह

bhūṣaṇaiḥ puṣpatāṃbūlaphalairgandhākṣatādibhiḥ / śuklāṃbarairgītavādyaiṃrvighnāśīrvacanaiḥ saha

Sanskrit only: no published translation is held for this verse.

कारयेत्कन्यकागेहे वरः प्रणवपूर्वकम् । तदा कुर्यात्पिता तस्याः प्रदानं प्रीतिपूर्वकम्

kārayetkanyakāgehe varaḥ praṇavapūrvakam / tadā kuryātpitā tasyāḥ pradānaṃ prītipūrvakam

Sanskrit only: no published translation is held for this verse.

कुलशीलवयोरूपवित्तविद्यायुताय च । वराय च रूपवतीं कन्यां दद्याद्यवीयसीम्

kulaśīlavayorūpavittavidyāyutāya ca / varāya ca rūpavatīṃ kanyāṃ dadyādyavīyasīm

Sanskrit only: no published translation is held for this verse.

संपूज्य प्रार्थयित्वा च शचीं देवीं गुणाश्रयाम् । त्रैलोक्यसुन्दरीं दिव्यगन्धमाल्यांबरावृताम्

saṃpūjya prārthayitvā ca śacīṃ devīṃ guṇāśrayām / trailokyasundarīṃ divyagandhamālyāṃbarāvṛtām

Sanskrit only: no published translation is held for this verse.

सर्वलक्षणसंयुक्तां सर्वाभरणभूषिताम् । अनर्घमणिमालाभिर्भासयन्तीं दिगन्तरान्

sarvalakṣaṇasaṃyuktāṃ sarvābharaṇabhūṣitām / anarghamaṇimālābhirbhāsayantīṃ digantarān

Sanskrit only: no published translation is held for this verse.

विलासिनीसहस्राद्यैः सेवमानामहर्निशम् । एवंविधां कुमारीं तां पूजान्ते प्रार्थयेदिति

vilāsinīsahasrādyaiḥ sevamānāmaharniśam / evaṃvidhāṃ kumārīṃ tāṃ pūjānte prārthayediti

Sanskrit only: no published translation is held for this verse.

देवीन्द्राणि नमस्तुभ्यां देवेन्द्रप्रियभामिनि । विवाहे भाग्यमारोग्यं पुत्रलाभं च देहि मे

devīndrāṇi namastubhyāṃ devendrapriyabhāmini / vivāhe bhāgyamārogyaṃ putralābhaṃ ca dehi me

Sanskrit only: no published translation is held for this verse.

युग्मे ऽब्दे जन्मतः स्त्रीणां पीतिदं पाणिपीडनम् । एतत्पुंसामयुग्मे ऽब्दे व्यत्ययेनाशनं तयोः

yugme 'bde janmataḥ strīṇāṃ pītidaṃ pāṇipīḍanam / etatpuṃsāmayugme 'bde vyatyayenāśanaṃ tayoḥ

Sanskrit only: no published translation is held for this verse.

माघफआल्गुनवैशाखज्येष्टमासाः शुभप्रदाः । मध्यमा कार्तिको मार्गशीर्षो वै निन्दिताः परे

māghaphaālgunavaiśākhajyeṣṭamāsāḥ śubhapradāḥ / madhyamā kārtiko mārgaśīrṣo vai ninditāḥ pare

Sanskrit only: no published translation is held for this verse.

न कदाचिद्वशर्क्षेषु भानोरार्द्राप्रवेशनात् । विवाहो देवतानां च प्रतिष्टां चोपनायनम्

na kadācidvaśarkṣeṣu bhānorārdrāpraveśanāt / vivāho devatānāṃ ca pratiṣṭāṃ copanāyanam

Sanskrit only: no published translation is held for this verse.

नास्तङ्गते सिते जीवे न तयोर्बालवृद्धयोः । न गुरौ सिंहराशिस्थे सिंहांशकगतेपि वा

nāstaṅgate site jīve na tayorbālavṛddhayoḥ / na gurau siṃharāśisthe siṃhāṃśakagatepi vā

Sanskrit only: no published translation is held for this verse.

पश्चात्प्रागुदितः शुक्रो दशत्रिदिवसं शिशुः । बुद्धः पञ्चदिनं पक्षं गुरुः पक्षं च सर्वतः

paścātprāguditaḥ śukro daśatridivasaṃ śiśuḥ / buddhaḥ pañcadinaṃ pakṣaṃ guruḥ pakṣaṃ ca sarvataḥ

Sanskrit only: no published translation is held for this verse.

अप्रबुद्धो हृषीकेशो यावत्तावन्न मङ्गलम् । उत्सवे वासुदेवस्य दिवसे नान्यमङ्गलम्

aprabuddho hṛṣīkeśo yāvattāvanna maṅgalam / utsave vāsudevasya divase nānyamaṅgalam

Sanskrit only: no published translation is held for this verse.

न जन्ममासे जन्मर्क्षे न जन्मदिवसे ऽपि च । आद्य गर्भसुतस्याथ दुहितुर्वा करग्रहः

na janmamāse janmarkṣe na janmadivase 'pi ca / ādya garbhasutasyātha duhiturvā karagrahaḥ

Sanskrit only: no published translation is held for this verse.

नैवोद्वाहो ज्येष्ठपुत्रीपुत्रयोश्च परस्परम् । ज्येष्टमासे तयोरेकज्येष्ठे श्रेष्ठश्च नान्यथा

naivodvāho jyeṣṭhaputrīputrayośca parasparam / jyeṣṭamāse tayorekajyeṣṭhe śreṣṭhaśca nānyathā

Sanskrit only: no published translation is held for this verse.

उत्पातग्रहणादूर्द्धं सप्ताहमखिलग्रहे । नाखिले त्रिदिनं नेष्टं त्रिद्युस्पृक् च क्षयं तथा

utpātagrahaṇādūrddhaṃ saptāhamakhilagrahe / nākhile tridinaṃ neṣṭaṃ tridyuspṛk ca kṣayaṃ tathā

Sanskrit only: no published translation is held for this verse.

ग्रस्तास्ते त्रिदिनं पूर्वं पश्चाद्ग्रस्तोदये ऽथवा । संध्यायां त्रिदिनं तद्वन्निशीथे सप्त एव च

grastāste tridinaṃ pūrvaṃ paścādgrastodaye 'thavā / saṃdhyāyāṃ tridinaṃ tadvanniśīthe sapta eva ca

Sanskrit only: no published translation is held for this verse.

मासान्ते पञ्च दिवसांस्त्यजेद्रिक्तां तथाष्टमीम् । व्यतीपातं वैधृतिं च संपूर्णं परिघार्द्धकम्

māsānte pañca divasāṃstyajedriktāṃ tathāṣṭamīm / vyatīpātaṃ vaidhṛtiṃ ca saṃpūrṇaṃ parighārddhakam

Sanskrit only: no published translation is held for this verse.

पौष्णभत्र्युत्तरामैत्रमरुञ्चन्द्रार्कपित्र्यभैः । समूलभैरविद्धैस्तैः स्त्रीकरग्रह इष्यते

pauṣṇabhatryuttarāmaitramaruñcandrārkapitryabhaiḥ / samūlabhairaviddhaistaiḥ strīkaragraha iṣyate

Sanskrit only: no published translation is held for this verse.

विवाहे बलमावश्यं दंपत्योर्गुरुसूर्ययोः । चेत्पूजा यत्नतः कार्या दुर्बल ग्रहयोस्तयोः

vivāhe balamāvaśyaṃ daṃpatyorgurusūryayoḥ / cetpūjā yatnataḥ kāryā durbala grahayostayoḥ

Sanskrit only: no published translation is held for this verse.

गोचरं वेधजं चाष्टवर्गजं रूपजं बलम् । यथोत्तरं बलाधिक्यं स्थूलं गोचरमार्गजम्

gocaraṃ vedhajaṃ cāṣṭavargajaṃ rūpajaṃ balam / yathottaraṃ balādhikyaṃ sthūlaṃ gocaramārgajam

Sanskrit only: no published translation is held for this verse.

चन्द्रताराबलं वीक्ष्य ततः पञ्चाङ्गजं बलम् । तिथिरेकगुणा वारो द्विगुणस्त्रिगुणं च भम्

candratārābalaṃ vīkṣya tataḥ pañcāṅgajaṃ balam / tithirekaguṇā vāro dviguṇastriguṇaṃ ca bham

Sanskrit only: no published translation is held for this verse.

योगश्चतुर्गुणः पञ्चगुणं तिथ्यर्द्धसंज्ञितम् । ततो मनहूर्तो बलवांस्ततो लग्नं बलाधिकम्

yogaścaturguṇaḥ pañcaguṇaṃ tithyarddhasaṃjñitam / tato manahūrto balavāṃstato lagnaṃ balādhikam

Sanskrit only: no published translation is held for this verse.

ततो बलवती होरा द्रेष्काणो बलवांस्ततः । ततो नवांशो बलवान्द्वादशांशो बली ततः

tato balavatī horā dreṣkāṇo balavāṃstataḥ / tato navāṃśo balavāndvādaśāṃśo balī tataḥ

Sanskrit only: no published translation is held for this verse.

त्रिंशांशो बलवांस्तस्माद्वीक्ष्यमेतद्बलाबलम् । शुभेक्षितयुताः शस्ता उद्वाहे ऽखिलराशयः

triṃśāṃśo balavāṃstasmādvīkṣyametadbalābalam / śubhekṣitayutāḥ śastā udvāhe 'khilarāśayaḥ

Sanskrit only: no published translation is held for this verse.

चन्द्रार्केज्यादयः पच यस्य राशेस्तुखेचराः । इष्टास्तच्छुभदं लग्नं चत्वारो ऽपि बलान्विताः

candrārkejyādayaḥ paca yasya rāśestukhecarāḥ / iṣṭāstacchubhadaṃ lagnaṃ catvāro 'pi balānvitāḥ

Sanskrit only: no published translation is held for this verse.

जामित्रशुद्ध्यैकविंशन्महादोषविवर्जितम् । एकविंशतिदोषाणां नामरूपफलानि च

jāmitraśuddhyaikaviṃśanmahādoṣavivarjitam / ekaviṃśatidoṣāṇāṃ nāmarūpaphalāni ca

Sanskrit only: no published translation is held for this verse.

वक्ष्यन्ते ऽत्र समासेन शृणु नारद सांप्रतम् । पञ्चाङ्गशुद्धिराहित्यं दोषस्त्वाद्यः प्रकीर्तितः

vakṣyante 'tra samāsena śṛṇu nārada sāṃpratam / pañcāṅgaśuddhirāhityaṃ doṣastvādyaḥ prakīrtitaḥ

Sanskrit only: no published translation is held for this verse.

उदयास्तशुद्धिर्हानिर्द्वितीयः सूर्यसंक्रमः । तृतीयः पापषड्वर्गो भृगुः षष्टः कुजो ऽष्टमः

udayāstaśuddhirhānirdvitīyaḥ sūryasaṃkramaḥ / tṛtīyaḥ pāpaṣaḍvargo bhṛguḥ ṣaṣṭaḥ kujo 'ṣṭamaḥ

Sanskrit only: no published translation is held for this verse.

गण्डान्तं कर्तरी रिषअफषडष्टेन्दुगतो ग्रहः । दंपत्योरष्टमं लग्नं राशिर्विषघटी तथा

gaṇḍāntaṃ kartarī riṣaaphaṣaḍaṣṭendugato grahaḥ / daṃpatyoraṣṭamaṃ lagnaṃ rāśirviṣaghaṭī tathā

Sanskrit only: no published translation is held for this verse.

दुर्मुहीर्तो वारदोषः खार्जूरिकसमाङ्घ्रिभम् । ग्रहणोत्पातभं क्रूरविद्धर्क्षं क्रूरसंयुतम्

durmuhīrto vāradoṣaḥ khārjūrikasamāṅghribham / grahaṇotpātabhaṃ krūraviddharkṣaṃ krūrasaṃyutam

Sanskrit only: no published translation is held for this verse.

कुनवांशो महापातो वैधृतिश्चैकविंशतिः । तिथिवारर्क्षयोगानां करणस्य च मेलनम्

kunavāṃśo mahāpāto vaidhṛtiścaikaviṃśatiḥ / tithivārarkṣayogānāṃ karaṇasya ca melanam

Sanskrit only: no published translation is held for this verse.

पञ्चाङ्गमस्य शुद्धिस्तु पञ्चाङ्गशुद्धिरीरिता । यस्मिन्पञ्चाङ्गदोषो ऽस्ति तस्मिंल्लग्ने निरर्थकम्

pañcāṅgamasya śuddhistu pañcāṅgaśuddhirīritā / yasminpañcāṅgadoṣo 'sti tasmiṃllagne nirarthakam

Sanskrit only: no published translation is held for this verse.

त्यजेत्पञ्चैष्टिकं चापि विषसंयुक्तदुग्धवत् । लग्नलग्नांशकौ स्वस्वपतिना वीक्षितौ युतौ

tyajetpañcaiṣṭikaṃ cāpi viṣasaṃyuktadugdhavat / lagnalagnāṃśakau svasvapatinā vīkṣitau yutau

Sanskrit only: no published translation is held for this verse.

न चेद्वान्योन्यपतिना शुभघमित्रेण वा तथा । वरस्य मृत्युः स्यात्ताभ्यां सप्तसप्तोदयांशकौ

na cedvānyonyapatinā śubhaghamitreṇa vā tathā / varasya mṛtyuḥ syāttābhyāṃ saptasaptodayāṃśakau

Sanskrit only: no published translation is held for this verse.

एवं तौ न युतौ दृष्टौ मुत्युर्वध्वाः करग्रहे । त्याज्याः सूर्यस्य संक्रान्तेः पूर्वतः परतस्तथा

evaṃ tau na yutau dṛṣṭau mutyurvadhvāḥ karagrahe / tyājyāḥ sūryasya saṃkrānteḥ pūrvataḥ paratastathā

Sanskrit only: no published translation is held for this verse.

विवाहादिषु कार्येषु नाड्यः षोडशषोडशा । । षड्वर्गः शुभदः श्रेष्ठो विवाहसथापनादिषु

vivāhādiṣu kāryeṣu nāḍyaḥ ṣoḍaśaṣoḍaśā / / ṣaḍvargaḥ śubhadaḥ śreṣṭho vivāhasathāpanādiṣu

Sanskrit only: no published translation is held for this verse.

भृगुषष्ठाह्वयो दोषो लग्नात्षष्ठगते सिते । उच्चगे शुभसंयुक्ते तल्लग्नं सर्वदा त्यजेत्

bhṛguṣaṣṭhāhvayo doṣo lagnātṣaṣṭhagate site / uccage śubhasaṃyukte tallagnaṃ sarvadā tyajet

Sanskrit only: no published translation is held for this verse.

कुजो ऽष्टमो महादोषो लग्नादष्टमगे कुजे । शुभत्रययुतं लग्नं न त्यजेत्तुङ्गगो यदि

kujo 'ṣṭamo mahādoṣo lagnādaṣṭamage kuje / śubhatrayayutaṃ lagnaṃ na tyajettuṅgago yadi

Sanskrit only: no published translation is held for this verse.

पूर्णानन्दाङ्ख्ययोस्तिथ्योः संधिर्नाडीद्वयं यदा । गण्डान्तं मृत्युदं जन्मयात्रोद्वाहव्रतादिषु

pūrṇānandāṅkhyayostithyoḥ saṃdhirnāḍīdvayaṃ yadā / gaṇḍāntaṃ mṛtyudaṃ janmayātrodvāhavratādiṣu

Sanskrit only: no published translation is held for this verse.

कुलीरसिंहयोः कीटचापयोर्मिनमेषयोः । गण्डातंमन्तरालं स्याद्धटिकार्द्धं मृतिप्रदम्

kulīrasiṃhayoḥ kīṭacāpayorminameṣayoḥ / gaṇḍātaṃmantarālaṃ syāddhaṭikārddhaṃ mṛtipradam

Sanskrit only: no published translation is held for this verse.

सार्पैन्द्रपौष्णोभेष्वन्त्यषोडशेशा भसंधयः । तदग्निमेष्वाद्यपादा भानां गण्डातसंज्ञकाः

sārpaindrapauṣṇobheṣvantyaṣoḍaśeśā bhasaṃdhayaḥ / tadagnimeṣvādyapādā bhānāṃ gaṇḍātasaṃjñakāḥ

Sanskrit only: no published translation is held for this verse.

उग्रं च संधित्रितयं गण्डातं त्रिविधं महत् । लग्नाभिमुखयोः पापग्रहयोरृजुवक्रयोः

ugraṃ ca saṃdhitritayaṃ gaṇḍātaṃ trividhaṃ mahat / lagnābhimukhayoḥ pāpagrahayorṛjuvakrayoḥ

Sanskrit only: no published translation is held for this verse.

सा कर्तरीति विज्ञेया दंपत्योर्गलकर्तरी । कर्तरीयोगदुष्टं यल्लग्नं तत्परिवर्जयेत्

sā kartarīti vijñeyā daṃpatyorgalakartarī / kartarīyogaduṣṭaṃ yallagnaṃ tatparivarjayet

Sanskrit only: no published translation is held for this verse.

अपि सौम्यग्रहैर्युक्त गुणैः सर्वैः समन्वितम् । षडष्टरिष्फगे चन्द्रे लग्नदोषः स्वसंज्ञकः

api saumyagrahairyukta guṇaiḥ sarvaiḥ samanvitam / ṣaḍaṣṭariṣphage candre lagnadoṣaḥ svasaṃjñakaḥ

Sanskrit only: no published translation is held for this verse.

तल्लग्नं वर्जयेद्यत्राज्जीवशुक्रसमन्वितम् । उच्चगे नीचगे वापि मित्रभे शत्रुराशिगे

tallagnaṃ varjayedyatrājjīvaśukrasamanvitam / uccage nīcage vāpi mitrabhe śatrurāśige

Sanskrit only: no published translation is held for this verse.

अपि सर्वगुणोपेतं दंपत्योर्निधनप्रदम् । शशाङ्के ग्रहसंयुक्ते दोषः संग्रहसंज्ञकः

api sarvaguṇopetaṃ daṃpatyornidhanapradam / śaśāṅke grahasaṃyukte doṣaḥ saṃgrahasaṃjñakaḥ

Sanskrit only: no published translation is held for this verse.

तस्मिन्संग्रहदोषे तु विवाहं नैव कारयेत् । सूर्येण संयुते चन्द्रे दारिद्यं भवति स्फुटम्

tasminsaṃgrahadoṣe tu vivāhaṃ naiva kārayet / sūryeṇa saṃyute candre dāridyaṃ bhavati sphuṭam

Sanskrit only: no published translation is held for this verse.

कुजेन मरणं व्याधिः सौम्येन त्वनपत्यता । दौर्भाग्यं गुरुणा युक्ते सापत्यं भार्गवेण तु

kujena maraṇaṃ vyādhiḥ saumyena tvanapatyatā / daurbhāgyaṃ guruṇā yukte sāpatyaṃ bhārgaveṇa tu

Sanskrit only: no published translation is held for this verse.

प्रव्रज्या सूर्यपुत्रेण राहुणा मूलसंक्षयः । केतुना संयुते चन्द्रे नित्यं कष्टं दरिद्रता

pravrajyā sūryaputreṇa rāhuṇā mūlasaṃkṣayaḥ / ketunā saṃyute candre nityaṃ kaṣṭaṃ daridratā

Sanskrit only: no published translation is held for this verse.

पापग्रहयुते चन्द्रे दंपत्योर्मरणं भवेत् । शुभग्रहयुते चन्द्रे स्वोच्चस्थे मित्रराशिगे

pāpagrahayute candre daṃpatyormaraṇaṃ bhavet / śubhagrahayute candre svoccasthe mitrarāśige

Sanskrit only: no published translation is held for this verse.

दोषायनं भवेल्लग्नं दंपत्योः श्रेयसे सदा । स्वोच्चगो वा स्वर्क्षगो वा मित्र क्षेत्रगतोपि वा

doṣāyanaṃ bhavellagnaṃ daṃpatyoḥ śreyase sadā / svoccago vā svarkṣago vā mitra kṣetragatopi vā

Sanskrit only: no published translation is held for this verse.

पापग्नहयुतश्चन्द्रः करोति मरणं तयोः । दंपत्योरष्टमं लग्नमष्टमो राशिरेव च

pāpagnahayutaścandraḥ karoti maraṇaṃ tayoḥ / daṃpatyoraṣṭamaṃ lagnamaṣṭamo rāśireva ca

Sanskrit only: no published translation is held for this verse.

यदि लग्नगतः सोपि दंपत्योर्मरणप्रदः । स राशिः शुभसंयुक्तो लग्नं वा शुभसंयुतम्

yadi lagnagataḥ sopi daṃpatyormaraṇapradaḥ / sa rāśiḥ śubhasaṃyukto lagnaṃ vā śubhasaṃyutam

Sanskrit only: no published translation is held for this verse.

लग्नं विवर्जयेद्यत्नात्तदंशांशतदीश्वराम् । दंपत्योर्द्वादशं लग्नं राशिर्वा यदि लग्नगः

lagnaṃ vivarjayedyatnāttadaṃśāṃśatadīśvarām / daṃpatyordvādaśaṃ lagnaṃ rāśirvā yadi lagnagaḥ

Sanskrit only: no published translation is held for this verse.

अर्थहानिस्तयोरस्मात्तदंशस्वामिनं त्यजेत् । जन्मराश्युदयश्चैव जन्मलग्नोदयः शुभः

arthahānistayorasmāttadaṃśasvāminaṃ tyajet / janmarāśyudayaścaiva janmalagnodayaḥ śubhaḥ

Sanskrit only: no published translation is held for this verse.

तयोरुपचयस्थानं लग्नेत्यन्तशुभप्रदम् । खमार्गणा वेदपक्षाः खरामा वेदमार्गणाः

tayorupacayasthānaṃ lagnetyantaśubhapradam / khamārgaṇā vedapakṣāḥ kharāmā vedamārgaṇāḥ

Sanskrit only: no published translation is held for this verse.

वह्निचन्द्रा रूपदस्राः खरामा व्योमबाहवः । द्विरामाः स्वाग्नंयः शून्यदस्राः कुञ्जरभूमयः

vahnicandrā rūpadasrāḥ kharāmā vyomabāhavaḥ / dvirāmāḥ svāgnaṃyaḥ śūnyadasrāḥ kuñjarabhūmayaḥ

Sanskrit only: no published translation is held for this verse.

रूपपक्षा व्योमदस्रा वेदचन्द्राश्चतुर्द्दश । शून्यचन्द्रा वेदचन्द्रा षडृक्षा वेदबाहवः

rūpapakṣā vyomadasrā vedacandrāścaturddaśa / śūnyacandrā vedacandrā ṣaḍṛkṣā vedabāhavaḥ

Sanskrit only: no published translation is held for this verse.

शून्यदस्राः शून्यचन्द्राः पूर्णचन्द्रा गतेन्द्रवः । तर्कचन्द्रा वेदपक्षाः खरामाश्चाश्विभात्क्रमात्

śūnyadasrāḥ śūnyacandrāḥ pūrṇacandrā gatendravaḥ / tarkacandrā vedapakṣāḥ kharāmāścāśvibhātkramāt

Sanskrit only: no published translation is held for this verse.

आभ्याः परास्तु घटिकाश्चतस्रो विषसंज्ञिताः । विवाहादिषु कार्येषु विषनाडीं विवर्जयेत्

ābhyāḥ parāstu ghaṭikāścatasro viṣasaṃjñitāḥ / vivāhādiṣu kāryeṣu viṣanāḍīṃ vivarjayet

Sanskrit only: no published translation is held for this verse.

भास्करादिषु वारेषु ये मुहूर्ताश्च निन्दिताः । विवाहादिषु ते वर्ज्या अपिलक्षगुणैर्युताः

bhāskarādiṣu vāreṣu ye muhūrtāśca ninditāḥ / vivāhādiṣu te varjyā apilakṣaguṇairyutāḥ

Sanskrit only: no published translation is held for this verse.

निहितावारदोषा ये सूर्यवारादिषु क्रमात् । अपि सर्वगुणोपेतास्ते वर्ज्याः सर्वमङ्गले

nihitāvāradoṣā ye sūryavārādiṣu kramāt / api sarvaguṇopetāste varjyāḥ sarvamaṅgale

Sanskrit only: no published translation is held for this verse.

एकार्गलाङ्घ्रितुल्यं यत्तल्लग्नं च विवर्जयेत् । अपिशुक्रेज्यसंयुक्तं विषसंयुक्तदुग्धवत्

ekārgalāṅghritulyaṃ yattallagnaṃ ca vivarjayet / apiśukrejyasaṃyuktaṃ viṣasaṃyuktadugdhavat

Sanskrit only: no published translation is held for this verse.

ग्रहणोत्पातभं त्याज्यं मङ्गलेषु ऋतुत्रयम् । यावच्च शशिना भुक्त्वा मुक्तभं दग्धकाष्टवत्

grahaṇotpātabhaṃ tyājyaṃ maṅgaleṣu ṛtutrayam / yāvacca śaśinā bhuktvā muktabhaṃ dagdhakāṣṭavat

Sanskrit only: no published translation is held for this verse.

मङ्गलेषु त्यजेत्शेटैर्विद्धं च क्रूरसंयुतम् । अखिलर्क्षं पञ्चगव्यं सुराबिन्दुयुतं तथा

maṅgaleṣu tyajetśeṭairviddhaṃ ca krūrasaṃyutam / akhilarkṣaṃ pañcagavyaṃ surābinduyutaṃ tathā

Sanskrit only: no published translation is held for this verse.

पाद एव शुभैर्विद्धमशुभं नैव कृत्स्त्रभम् । क्रूरविद्धं युतं धिष्ण्यं निखिलं नैव मङ्गलम्

pāda eva śubhairviddhamaśubhaṃ naiva kṛtstrabham / krūraviddhaṃ yutaṃ dhiṣṇyaṃ nikhilaṃ naiva maṅgalam

Sanskrit only: no published translation is held for this verse.

तुलामिथुनकन्यांशा धनुरन्त्यार्द्धसंयुताः । एते नवांशाः शुभदा वृषभस्यांशकाः खलु

tulāmithunakanyāṃśā dhanurantyārddhasaṃyutāḥ / ete navāṃśāḥ śubhadā vṛṣabhasyāṃśakāḥ khalu

Sanskrit only: no published translation is held for this verse.

अन्त्यांशास्तेपि शुभदा यदि वर्गोत्तमाह्वयाः । अन्ये नवांशा न ग्राह्या यतस्ते कुनवांशकाः

antyāṃśāstepi śubhadā yadi vargottamāhvayāḥ / anye navāṃśā na grāhyā yataste kunavāṃśakāḥ

Sanskrit only: no published translation is held for this verse.

कुनवांशकलग्नं यत्त्याज्यं सर्वगुणान्वितम् । यस्मिन्दिने महापातस्तद्दिनं वर्जयेच्छुभे

kunavāṃśakalagnaṃ yattyājyaṃ sarvaguṇānvitam / yasmindine mahāpātastaddinaṃ varjayecchubhe

Sanskrit only: no published translation is held for this verse.

अपि सर्वगुणोपेतं दम्पत्योर्मृत्युदं यतः । अनुक्ताः स्वल्पदोषाः स्युर्विद्युन्नीहारवृष्टयः

api sarvaguṇopetaṃ dampatyormṛtyudaṃ yataḥ / anuktāḥ svalpadoṣāḥ syurvidyunnīhāravṛṣṭayaḥ

Sanskrit only: no published translation is held for this verse.

प्रत्यर्कपरिवेषेन्द्रचापांबुधरगर्जनाः । लत्तोपग्रहपाताख्या मासदग्धाह्वया तिथिः

pratyarkapariveṣendracāpāṃbudharagarjanāḥ / lattopagrahapātākhyā māsadagdhāhvayā tithiḥ

Sanskrit only: no published translation is held for this verse.

दग्धलग्नान्धबधिरपङ्गुसंज्ञाश्च राशयः । एवमाद्यास्ततस्तेषां व्यवस्था क्रियते ऽधुना

dagdhalagnāndhabadhirapaṅgusaṃjñāśca rāśayaḥ / evamādyāstatasteṣāṃ vyavasthā kriyate 'dhunā

Sanskrit only: no published translation is held for this verse.