Nārada Purāṇa 1.56

अकालजा भवन्त्येते विद्युन्नीहारवृष्टयः । दोषाय मङ्गले नूनमदोषायैव कालतः

akālajā bhavantyete vidyunnīhāravṛṣṭayaḥ / doṣāya maṅgale nūnamadoṣāyaiva kālataḥ

Sanskrit only: no published translation is held for this verse.

बृहस्पतिः केन्द्रगतः शुक्रो वा यदि वा बुधः । एको ऽपि दोषनिचयं हरत्येव न संशयः

bṛhaspatiḥ kendragataḥ śukro vā yadi vā budhaḥ / eko 'pi doṣanicayaṃ haratyeva na saṃśayaḥ

Sanskrit only: no published translation is held for this verse.

तिर्यक्पञ्चोर्द्धूगाः पञ्च रेखा द्वे द्वे च कोणयोः । द्वितीये शंभुकोणे ऽग्निधिष्ण्यं चक्रे प्रविन्यसेत्

tiryakpañcorddhūgāḥ pañca rekhā dve dve ca koṇayoḥ / dvitīye śaṃbhukoṇe 'gnidhiṣṇyaṃ cakre pravinyaset

Sanskrit only: no published translation is held for this verse.

भान्यत्र साभिजित्येकरेखाखेटेन विद्धभम् । पुरतः पृष्टतोर्ऽकाद्या दिनर्क्षं लत्तयन्ति यत्

bhānyatra sābhijityekarekhākheṭena viddhabham / purataḥ pṛṣṭator'kādyā dinarkṣaṃ lattayanti yat

Sanskrit only: no published translation is held for this verse.

अर्काकृतिगुणाद्य्नङ्गबाणाष्टनवसंख्यभम् । सूर्यभात्सार्प्पपित्र्यान्त्यत्वाष्ट्रमित्रोडुविष्णुभम्

arkākṛtiguṇādynaṅgabāṇāṣṭanavasaṃkhyabham / sūryabhātsārppapitryāntyatvāṣṭramitroḍuviṣṇubham

Sanskrit only: no published translation is held for this verse.

संख्याया दिनभेतावदश्विभात्पातदुष्टभम् । सौराष्ट्रे साल्वदेशे तु लत्तितं भं विवर्जयेत्

saṃkhyāyā dinabhetāvadaśvibhātpātaduṣṭabham / saurāṣṭre sālvadeśe tu lattitaṃ bhaṃ vivarjayet

Sanskrit only: no published translation is held for this verse.

कलिङ्गवङ्गदेशेषु पातितं न शुभप्रदम् । बाह्लिके कुरुदेशे चान्यस्मिन्देशे न दूषणम्

kaliṅgavaṅgadeśeṣu pātitaṃ na śubhapradam / bāhlike kurudeśe cānyasmindeśe na dūṣaṇam

Sanskrit only: no published translation is held for this verse.

तिथयो मासदग्धाश्च दग्धलग्नानि यान्यपि । मध्यदेशे विवर्ज्यानि न दृष्टानीतरेषु च

tithayo māsadagdhāśca dagdhalagnāni yānyapi / madhyadeśe vivarjyāni na dṛṣṭānītareṣu ca

Sanskrit only: no published translation is held for this verse.

षङ्ग्वं धकाणलग्नानि मासशून्याश्च राशयः । गौडमालवयोस्त्याज्या अन्यदेशे न गर्हिताः

ṣaṅgvaṃ dhakāṇalagnāni māsaśūnyāśca rāśayaḥ / gauḍamālavayostyājyā anyadeśe na garhitāḥ

Sanskrit only: no published translation is held for this verse.

दोषदुष्टं सदा कालं सन्निमार्ष्टुं न शक्यते । अपि धातुरतो ग्राह्यं दोषाल्पत्वं गुणाधिकम्

doṣaduṣṭaṃ sadā kālaṃ sannimārṣṭuṃ na śakyate / api dhāturato grāhyaṃ doṣālpatvaṃ guṇādhikam

Sanskrit only: no published translation is held for this verse.

एवं सुलग्ने दंपत्योः कारयेत्सम्यगीक्षणम् । हस्तोच्छ्रितां चतुर्हस्तैश्चतुरस्रां समन्ततः

evaṃ sulagne daṃpatyoḥ kārayetsamyagīkṣaṇam / hastocchritāṃ caturhastaiścaturasrāṃ samantataḥ

Sanskrit only: no published translation is held for this verse.

स्तंभश्चतुर्भिः सुश्लक्ष्णैर्वामभागे तु सन्नताम् । समण्डपां चतुर्दिक्षु सोपानैरतिशोभिताम्

staṃbhaścaturbhiḥ suślakṣṇairvāmabhāge tu sannatām / samaṇḍapāṃ caturdikṣu sopānairatiśobhitām

Sanskrit only: no published translation is held for this verse.

प्रागुदक्प्रवणां रंभास्तंभैर्हंसशुकादिभिः । विचित्रितां चित्रकुंभैर्विविधैस्तोरणाङ्कुरैः

prāgudakpravaṇāṃ raṃbhāstaṃbhairhaṃsaśukādibhiḥ / vicitritāṃ citrakuṃbhairvividhaistoraṇāṅkuraiḥ

Sanskrit only: no published translation is held for this verse.

शृङ्गारपुष्पनिचयैर्वर्णकैः समलङ्कृताम् । विप्राशीर्वचनैः पुण्यस्रीभिर्दिव्यैर्मनोरमाम्

śṛṅgārapuṣpanicayairvarṇakaiḥ samalaṅkṛtām / viprāśīrvacanaiḥ puṇyasrībhirdivyairmanoramām

Sanskrit only: no published translation is held for this verse.

वादित्रनृत्यगीताद्यैर्हृदयानन्दिनीं शुभाम् । एवं विधां समारोहेन्मिथुनं स्वाग्निवेदिकाम्

vāditranṛtyagītādyairhṛdayānandinīṃ śubhām / evaṃ vidhāṃ samārohenmithunaṃ svāgnivedikām

Sanskrit only: no published translation is held for this verse.

अष्टधा राशिकूटं च स्वादूडुगणराशयः । राशीशयोनिर्वर्णाख्यऋतवः पुत्रपौत्रदाः

aṣṭadhā rāśikūṭaṃ ca svādūḍugaṇarāśayaḥ / rāśīśayonirvarṇākhyaṛtavaḥ putrapautradāḥ

Sanskrit only: no published translation is held for this verse.

एकराशौ पृथग्दिष्ण्ये दंपत्योः पाणिपीजनम् । उत्तमं मध्यमं भिन्नं राश्यैकत्वं ययोस्तयोः

ekarāśau pṛthagdiṣṇye daṃpatyoḥ pāṇipījanam / uttamaṃ madhyamaṃ bhinnaṃ rāśyaikatvaṃ yayostayoḥ

Sanskrit only: no published translation is held for this verse.

एकर्क्षे त्वेकराशौ हि विवाहः प्राणहानिदः । स्त्रीधिष्ण्यादाद्यनवके स्त्रीदूरमतिनिन्दितम्

ekarkṣe tvekarāśau hi vivāhaḥ prāṇahānidaḥ / strīdhiṣṇyādādyanavake strīdūramatininditam

Sanskrit only: no published translation is held for this verse.

द्वितीये मध्यमं श्रेष्ठं तृतीये नवके नृभम् । तिस्रः पूर्वोत्तरा धातृयाम्यमाहेशतारकाः

dvitīye madhyamaṃ śreṣṭhaṃ tṛtīye navake nṛbham / tisraḥ pūrvottarā dhātṛyāmyamāheśatārakāḥ

Sanskrit only: no published translation is held for this verse.

इति मर्त्यगणे ज्ञेयः स्यादमर्त्यगणः परः । हर्यादित्यार्कवाय्वन्त्यमित्राश्वीज्येन्दुतारकाः

iti martyagaṇe jñeyaḥ syādamartyagaṇaḥ paraḥ / haryādityārkavāyvantyamitrāśvījyendutārakāḥ

Sanskrit only: no published translation is held for this verse.

रक्षोगणः पितृत्वाष्ट्रद्विदैवाग्नीन्द्रतारकाः । वसुवारीशमूलाहितारकाभिर्युतास्ततः

rakṣogaṇaḥ pitṛtvāṣṭradvidaivāgnīndratārakāḥ / vasuvārīśamūlāhitārakābhiryutāstataḥ

Sanskrit only: no published translation is held for this verse.

दंपत्योर्जन्मभे चैकगणे प्रीतिरनेकधा । मध्यमा देवमर्त्यानां राक्षसानां तयोर्मृतिः

daṃpatyorjanmabhe caikagaṇe prītiranekadhā / madhyamā devamartyānāṃ rākṣasānāṃ tayormṛtiḥ

Sanskrit only: no published translation is held for this verse.

मृत्युः षष्टाष्टके पञ्चनवमे त्वनपत्यता । नैःस्व्य द्विर्द्वादशे ऽन्येषु दंपत्योः प्रीतिरुत्तमा

mṛtyuḥ ṣaṣṭāṣṭake pañcanavame tvanapatyatā / naiḥsvya dvirdvādaśe 'nyeṣu daṃpatyoḥ prītiruttamā

Sanskrit only: no published translation is held for this verse.

एकाधिपे मित्रभावे शुभदं पाणिपीडनम् । द्विर्दादशे त्रिकोणे च न कदाचित्षडष्टके

ekādhipe mitrabhāve śubhadaṃ pāṇipīḍanam / dvirdādaśe trikoṇe ca na kadācitṣaḍaṣṭake

Sanskrit only: no published translation is held for this verse.

अश्वेभमेषसर्पाहिह्योतुमेषोतुमूषकाः । आखुगोमहिषव्याघ्रकालीव्याघ्रमृगद्वयम्

aśvebhameṣasarpāhihyotumeṣotumūṣakāḥ / ākhugomahiṣavyāghrakālīvyāghramṛgadvayam

Sanskrit only: no published translation is held for this verse.

श्वानः कपरिर्बभ्रुयुगे कपिसिंहतुरङ्गमाः । सिंहगोदन्तिनो भानां योनयः स्युर्यथाश्विभात्

śvānaḥ kaparirbabhruyuge kapisiṃhaturaṅgamāḥ / siṃhagodantino bhānāṃ yonayaḥ syuryathāśvibhāt

Sanskrit only: no published translation is held for this verse.

श्वैणं बभ्ररगं मेषवानरौ सिंहवारणम् । गोव्याघ्रमाखुमार्जारं महिषाश्चं च शात्रवम्

śvaiṇaṃ babhraragaṃ meṣavānarau siṃhavāraṇam / govyāghramākhumārjāraṃ mahiṣāścaṃ ca śātravam

Sanskrit only: no published translation is held for this verse.

झषालिकर्कटा विप्रास्त दूर्ध्वाः क्षत्रियादयः । पुंवर्णराशेः स्त्रीराशौ सतिहीने यथाशुभम्

jhaṣālikarkaṭā viprāsta dūrdhvāḥ kṣatriyādayaḥ / puṃvarṇarāśeḥ strīrāśau satihīne yathāśubham

Sanskrit only: no published translation is held for this verse.

चतुस्त्रिव्द्यङ्घ्रिभोत्थायाः कन्यायाश्चाश्विभात्क्रमात् । वह्निभादिन्दुभान्नाडीत्रिचतुःपञ्चपर्वसु

catustrivdyaṅghribhotthāyāḥ kanyāyāścāśvibhātkramāt / vahnibhādindubhānnāḍītricatuḥpañcaparvasu

Sanskrit only: no published translation is held for this verse.

गणयेत्संख्यया चैकनाड्यां मृत्युर्न पार्श्वयोः । प्राजापत्यब्राह्मदैवा विवाहाश्चार्षसंयुताः

gaṇayetsaṃkhyayā caikanāḍyāṃ mṛtyurna pārśvayoḥ / prājāpatyabrāhmadaivā vivāhāścārṣasaṃyutāḥ

Sanskrit only: no published translation is held for this verse.

उक्तकाले तु कर्तव्याश्चत्वारः फलदायकाः । गन्धर्वासुरपैशाचराक्षसाख्यास्तु सर्वदा

uktakāle tu kartavyāścatvāraḥ phaladāyakāḥ / gandharvāsurapaiśācarākṣasākhyāstu sarvadā

Sanskrit only: no published translation is held for this verse.

चतुर्थमभिजिल्लग्नमुदयर्क्षाञ्च सप्तमम् । गोधूलिकं तदुभयं विवाहे पुत्रपौत्रदम्

caturthamabhijillagnamudayarkṣāñca saptamam / godhūlikaṃ tadubhayaṃ vivāhe putrapautradam

Sanskrit only: no published translation is held for this verse.

प्राच्या न च कलिङ्गानां मुख्यं गोधूलिकं स्मृतम् । अभिजित्सर्वदेशेषु मुख्यो दोषविनाशकृत्

prācyā na ca kaliṅgānāṃ mukhyaṃ godhūlikaṃ smṛtam / abhijitsarvadeśeṣu mukhyo doṣavināśakṛt

Sanskrit only: no published translation is held for this verse.

मध्यन्दिनगते भानौ मुहूर्तो ऽभिजिदाह्वयः । नाशयत्यखिलान्दोषान्पिनाकी त्रिपुरं यथा

madhyandinagate bhānau muhūrto 'bhijidāhvayaḥ / nāśayatyakhilāndoṣānpinākī tripuraṃ yathā

Sanskrit only: no published translation is held for this verse.

पुत्रोद्वाहात्परं पुत्रीविवाहो न ऋतुत्रये । न तयोर्व्रतमुद्वाहान्मङ्गले नान्यमङ्गलम्

putrodvāhātparaṃ putrīvivāho na ṛtutraye / na tayorvratamudvāhānmaṅgale nānyamaṅgalam

Sanskrit only: no published translation is held for this verse.

विवाहश्चैकजन्यानां षण्मासाभ्यन्तरे यदि । असंशयं त्रिभिर्वर्षैस्तत्रैका विधवा भवेत्

vivāhaścaikajanyānāṃ ṣaṇmāsābhyantare yadi / asaṃśayaṃ tribhirvarṣaistatraikā vidhavā bhavet

Sanskrit only: no published translation is held for this verse.

प्रत्युद्वाहो नैव कार्यो नैकस्मै दुहितृद्वयम् । न चैकजन्ययोः पुंसोरेकजन्ये तु कन्यके

pratyudvāho naiva kāryo naikasmai duhitṛdvayam / na caikajanyayoḥ puṃsorekajanye tu kanyake

Sanskrit only: no published translation is held for this verse.

नैवं कदाचिदुद्वाहो नैकदा मुण्डनद्वयम् । दिवाजातस्तु पितरं रात्रौ तु जननीं तथा

naivaṃ kadācidudvāho naikadā muṇḍanadvayam / divājātastu pitaraṃ rātrau tu jananīṃ tathā

Sanskrit only: no published translation is held for this verse.

आत्मानं संध्ययोर्हन्ति नास्ति गण्डे विपर्ययः । सुतः सुता वा नियतं श्वसुरं हॄन्ति मूलजः

ātmānaṃ saṃdhyayorhanti nāsti gaṇḍe viparyayaḥ / sutaḥ sutā vā niyataṃ śvasuraṃ hṝnti mūlajaḥ

Sanskrit only: no published translation is held for this verse.

तदन्त्यपादजो नैव तथाश्लेषाद्यपादजः । ज्येष्टान्त्यपादजौ ज्येष्टं बालो हॄन्ति न बालिका

tadantyapādajo naiva tathāśleṣādyapādajaḥ / jyeṣṭāntyapādajau jyeṣṭaṃ bālo hṝnti na bālikā

Sanskrit only: no published translation is held for this verse.

न बालिकांबुमूलर्क्षे मातरं पितरं तथा । सैन्द्री धवाग्रजं हॄन्ति देवरं तु द्विदैवजा

na bālikāṃbumūlarkṣe mātaraṃ pitaraṃ tathā / saindrī dhavāgrajaṃ hṝnti devaraṃ tu dvidaivajā

Sanskrit only: no published translation is held for this verse.

आरभ्योद्वाहदिवसात् षष्टे वाप्यष्टमे दिने । वधूप्रवेश संपत्त्यैदशमे सप्तमे दिने

ārabhyodvāhadivasāt ṣaṣṭe vāpyaṣṭame dine / vadhūpraveśa saṃpattyaidaśame saptame dine

Sanskrit only: no published translation is held for this verse.

हायनद्वितयं जन्मभलग्नदिवसानपि । संत्यज्य ह्यतिशुक्रे ऽपि यात्रा वैवाहिकी शुभा

hāyanadvitayaṃ janmabhalagnadivasānapi / saṃtyajya hyatiśukre 'pi yātrā vaivāhikī śubhā

Sanskrit only: no published translation is held for this verse.

श्रीप्रदं सर्वगीर्वाणस्थापनं चोत्तरायणे । गीर्वाणपूर्वगीर्वाणमत्रिणोर्दृश्यमानयोः

śrīpradaṃ sarvagīrvāṇasthāpanaṃ cottarāyaṇe / gīrvāṇapūrvagīrvāṇamatriṇordṛśyamānayoḥ

Sanskrit only: no published translation is held for this verse.

विचैत्रेष्वेव मासेषु माघादिषु च पञ्चसु । शुक्लपक्षेषु कृष्णेषु तदादिष्वष्टसु शुभम्

vicaitreṣveva māseṣu māghādiṣu ca pañcasu / śuklapakṣeṣu kṛṣṇeṣu tadādiṣvaṣṭasu śubham

Sanskrit only: no published translation is held for this verse.

दिनेषु यस्य देवस्य या तितिस्तत्र तस्य च । द्वतीयादिद्वये पञ्चम्यादितस्तिसृषु क्रमात्

dineṣu yasya devasya yā titistatra tasya ca / dvatīyādidvaye pañcamyāditastisṛṣu kramāt

Sanskrit only: no published translation is held for this verse.

दशम्यादेष्चतसृषु पौर्णमास्यां विशेषतः । त्र्युत्तरादितिचन्द्रान्त्यहस्तत्रयगुरूडुषु

daśamyādeṣcatasṛṣu paurṇamāsyāṃ viśeṣataḥ / tryuttarāditicandrāntyahastatrayagurūḍuṣu

Sanskrit only: no published translation is held for this verse.

साश्विधातृजलाधीशहरिमित्रवसुष्वपि । कुजवर्जितवारेषु कर्तुः सूर्ये बलप्रदे

sāśvidhātṛjalādhīśaharimitravasuṣvapi / kujavarjitavāreṣu kartuḥ sūrye balaprade

Sanskrit only: no published translation is held for this verse.

चन्द्रताराबलोपेते पूर्वाह्ने शोभने दिने । शुभलग्ने शुभांशे च कर्त्तुर्न निधनोदये

candratārābalopete pūrvāhne śobhane dine / śubhalagne śubhāṃśe ca kartturna nidhanodaye

Sanskrit only: no published translation is held for this verse.

राशयः सकलाः श्रेष्ठाः शुभग्रहयुतेक्षिताः । पञ्चाष्टके शुभे लग्ने नैधने शुद्धिसंयुते

rāśayaḥ sakalāḥ śreṣṭhāḥ śubhagrahayutekṣitāḥ / pañcāṣṭake śubhe lagne naidhane śuddhisaṃyute

Sanskrit only: no published translation is held for this verse.

लग्नस्थाश्चन्द्रसूर्यारराहुकेत्वर्कसूनवः । कर्त्तुर्मृत्युप्रदाश्चान्ये धनधान्यसुखप्रदाः

lagnasthāścandrasūryārarāhuketvarkasūnavaḥ / kartturmṛtyupradāścānye dhanadhānyasukhapradāḥ

Sanskrit only: no published translation is held for this verse.

द्वितीये नेष्टदाः पापाः सौम्याश्चन्द्रश्चः वित्तदाः । तृतीये निखिलाः खेटाः पुत्रपौत्रसुखप्रदाः

dvitīye neṣṭadāḥ pāpāḥ saumyāścandraścaḥ vittadāḥ / tṛtīye nikhilāḥ kheṭāḥ putrapautrasukhapradāḥ

Sanskrit only: no published translation is held for this verse.

चतुर्थे सुखदाः सौम्याः क्रूराः खेटाश्च दुःखदाः । ग्लानिदाः पञ्चमे क्रूराः सौम्याः पुत्रसुखप्रदाः

caturthe sukhadāḥ saumyāḥ krūrāḥ kheṭāśca duḥkhadāḥ / glānidāḥ pañcame krūrāḥ saumyāḥ putrasukhapradāḥ

Sanskrit only: no published translation is held for this verse.

षष्टे शुभाः शत्रुदाः स्युः पापाः शब्रुक्षयङ्कराः । व्याधिदाः सप्तमे पापाः सौम्याः शुभफलप्रदाः

ṣaṣṭe śubhāḥ śatrudāḥ syuḥ pāpāḥ śabrukṣayaṅkarāḥ / vyādhidāḥ saptame pāpāḥ saumyāḥ śubhaphalapradāḥ

Sanskrit only: no published translation is held for this verse.

अष्टमस्थाः खगाः सर्वेकर्तुर्मृत्युप्रदायकाः । धर्मे पापा घ्नन्ति सौम्याः शुभदा मङ्गलप्रदाः

aṣṭamasthāḥ khagāḥ sarvekarturmṛtyupradāyakāḥ / dharme pāpā ghnanti saumyāḥ śubhadā maṅgalapradāḥ

Sanskrit only: no published translation is held for this verse.

कर्मगा दुःखदाः पापा सौम्याश्चन्द्रश्च कीर्तिदाः । लाभस्थानगताः सर्वे भूरिलाभप्रदा ग्रहाः

karmagā duḥkhadāḥ pāpā saumyāścandraśca kīrtidāḥ / lābhasthānagatāḥ sarve bhūrilābhapradā grahāḥ

Sanskrit only: no published translation is held for this verse.

व्ययस्थानगताः शश्वद्बहूव्ययकरा ग्रहाः । हॄन्त्यर्थहीनाः कर्तारं मन्त्रहीनास्तु ऋत्विजम्

vyayasthānagatāḥ śaśvadbahūvyayakarā grahāḥ / hṝntyarthahīnāḥ kartāraṃ mantrahīnāstu ṛtvijam

Sanskrit only: no published translation is held for this verse.

स्रियं लक्षणहीनास्तु न प्रतिष्टासमो रिपुः ॥ गुणाधिकतरे लग्ने दोषः स्वल्पतरो यदि

sriyaṃ lakṣaṇahīnāstu na pratiṣṭāsamo ripuḥ // guṇādhikatare lagne doṣaḥ svalpataro yadi

Sanskrit only: no published translation is held for this verse.

सुराणां स्थापनं तत्र कर्तुरिष्टार्थसिद्धिदम् । निर्माणायतनग्रामगृहादीनां समासतः

surāṇāṃ sthāpanaṃ tatra karturiṣṭārthasiddhidam / nirmāṇāyatanagrāmagṛhādīnāṃ samāsataḥ

Sanskrit only: no published translation is held for this verse.

क्षेत्रमादौ परीक्षेत गन्धवर्णरसांशकैः । मधुपुष्पाम्लपिशितगन्धं विप्रानुपूर्वकम्

kṣetramādau parīkṣeta gandhavarṇarasāṃśakaiḥ / madhupuṣpāmlapiśitagandhaṃ viprānupūrvakam

Sanskrit only: no published translation is held for this verse.

सितं रक्तं च हरितं कृष्णवर्णं यथाक्रमम् । मधुरं कटुकं तिक्तं कषायकरसं क्रमात्

sitaṃ raktaṃ ca haritaṃ kṛṣṇavarṇaṃ yathākramam / madhuraṃ kaṭukaṃ tiktaṃ kaṣāyakarasaṃ kramāt

Sanskrit only: no published translation is held for this verse.

अत्यन्तवृद्धिदं नॄणामीशानप्रागुदग्प्लवम् । अन्यदिक्षु प्लवे तेषां शश्वदत्यन्तहानिदम्

atyantavṛddhidaṃ nṝṇāmīśānaprāgudagplavam / anyadikṣu plave teṣāṃ śaśvadatyantahānidam

Sanskrit only: no published translation is held for this verse.

समगर्तारत्निमात्रं खनित्वा तत्र पूरयेत् । अत्यन्तवृद्धिरधिके हीने हानिः समे समम्

samagartāratnimātraṃ khanitvā tatra pūrayet / atyantavṛddhiradhike hīne hāniḥ same samam

Sanskrit only: no published translation is held for this verse.

तथा निशादौ तत्कृत्वा पानीयेन प्रपूरयेत् । प्रातर्दृष्टे जले वृद्धिः समं पङ्के क्षयः क्षये

tathā niśādau tatkṛtvā pānīyena prapūrayet / prātardṛṣṭe jale vṛddhiḥ samaṃ paṅke kṣayaḥ kṣaye

Sanskrit only: no published translation is held for this verse.

एवं लक्षणसंयुक्तं सम्यक् क्षेत्रं समीक्ष्यते । दिक्साधनाय तन्मध्ये समं मण्डलमालिखेत्

evaṃ lakṣaṇasaṃyuktaṃ samyak kṣetraṃ samīkṣyate / diksādhanāya tanmadhye samaṃ maṇḍalamālikhet

Sanskrit only: no published translation is held for this verse.

द्वादशाङ्गुलकं शङ्कुं स्थाप्येक्षेत्तत्र दिक्त्रमम् । चतुरस्रीकृते क्षेत्रे षड्वर्गपरिशोधिते

dvādaśāṅgulakaṃ śaṅkuṃ sthāpyekṣettatra diktramam / caturasrīkṛte kṣetre ṣaḍvargapariśodhite

Sanskrit only: no published translation is held for this verse.

रेखामार्गे च कर्त्तव्यं प्राकारं सुमनोहरम् । आयामेषु चतुर्दिक्षु प्रागादिषु च सत्स्वपि

rekhāmārge ca karttavyaṃ prākāraṃ sumanoharam / āyāmeṣu caturdikṣu prāgādiṣu ca satsvapi

Sanskrit only: no published translation is held for this verse.

अष्टावष्टौ प्रतिदिशं द्वाराणि स्युर्यथाक्रमम् । प्रदक्षिणक्रमात्तेषाममूनि च फलानि वै

aṣṭāvaṣṭau pratidiśaṃ dvārāṇi syuryathākramam / pradakṣiṇakramātteṣāmamūni ca phalāni vai

Sanskrit only: no published translation is held for this verse.

हानिर्नैः ख्यन्धनप्राप्तिर्नृपपूजा महद्वनम् । अतिचौर्यमतिक्रोधो भीतिर्दिशि शचीपतेः

hānirnaiḥ khyandhanaprāptirnṛpapūjā mahadvanam / aticauryamatikrodho bhītirdiśi śacīpateḥ

Sanskrit only: no published translation is held for this verse.

निधनं बन्धनं भीतिरर्थाप्तिर्द्धनवर्द्धनम् । अनान्तकं व्याधिभयं निःसत्त्वं दक्षिणादिशि

nidhanaṃ bandhanaṃ bhītirarthāptirddhanavarddhanam / anāntakaṃ vyādhibhayaṃ niḥsattvaṃ dakṣiṇādiśi

Sanskrit only: no published translation is held for this verse.

पुत्रहानिः शत्रुवृद्धिर्लक्ष्मीप्राप्तिर्द्धनागमः । सौभाग्यमतिदौर्भाग्यं दुःखं शोकश्च पश्चिमे

putrahāniḥ śatruvṛddhirlakṣmīprāptirddhanāgamaḥ / saubhāgyamatidaurbhāgyaṃ duḥkhaṃ śokaśca paścime

Sanskrit only: no published translation is held for this verse.

कलत्रहानिर्निः सत्त्वं हानिर्द्धान्यधनागमः । संपद्वृद्धिर्मासभीतिरामयं दिशि शीतगोः

kalatrahānirniḥ sattvaṃ hānirddhānyadhanāgamaḥ / saṃpadvṛddhirmāsabhītirāmayaṃ diśi śītagoḥ

Sanskrit only: no published translation is held for this verse.

एवं गृहादिषु द्वारविस्ताराद्द्विगुणोच्छ्रितम् । पश्चिमे दक्षिणे वापि कपाटं स्थापयेद्गृहे

evaṃ gṛhādiṣu dvāravistārāddviguṇocchritam / paścime dakṣiṇe vāpi kapāṭaṃ sthāpayedgṛhe

Sanskrit only: no published translation is held for this verse.

प्राकारान्तः क्षितिं कुर्यादेकाशीतिपदं यथा । मध्ये नवपदे ब्रह्मस्थानं तदतिनिन्दितम्

prākārāntaḥ kṣitiṃ kuryādekāśītipadaṃ yathā / madhye navapade brahmasthānaṃ tadatininditam

Sanskrit only: no published translation is held for this verse.

द्वात्रिंशदंशाः प्राकारसमीयांशाः समन्ततः । पिशाचांशे गृहारंभे दुःखशोकभयप्रदः

dvātriṃśadaṃśāḥ prākārasamīyāṃśāḥ samantataḥ / piśācāṃśe gṛhāraṃbhe duḥkhaśokabhayapradaḥ

Sanskrit only: no published translation is held for this verse.

शेषाशाः स्युश्च निर्माणे पुत्रपौत्रधनप्रदाः । शिराः स्युर्वास्तुनोरेखा दिग्विदिग्मध्यसंभवाः

śeṣāśāḥ syuśca nirmāṇe putrapautradhanapradāḥ / śirāḥ syurvāstunorekhā digvidigmadhyasaṃbhavāḥ

Sanskrit only: no published translation is held for this verse.

ब्रह्मभागाः पिशाचांशाः शिराणां यत्र संहतिः । तत्र तत्र विजानीयाद्वास्तुनो मर्मसंधयः

brahmabhāgāḥ piśācāṃśāḥ śirāṇāṃ yatra saṃhatiḥ / tatra tatra vijānīyādvāstuno marmasaṃdhayaḥ

Sanskrit only: no published translation is held for this verse.

मर्माणि संधयो नेष्टाः स्वस्थे ऽप्येवं निवेशने । सौम्यफआल्गुनवैशाखमाघश्रावणकार्तिकाः

marmāṇi saṃdhayo neṣṭāḥ svasthe 'pyevaṃ niveśane / saumyaphaālgunavaiśākhamāghaśrāvaṇakārtikāḥ

Sanskrit only: no published translation is held for this verse.

मासाः स्युर्गृहनिर्माणे पुत्रारोग्यधनप्रदाः । अकारादिषु भाग्षु दिक्षु प्रागादिषु क्रमात्

māsāḥ syurgṛhanirmāṇe putrārogyadhanapradāḥ / akārādiṣu bhāgṣu dikṣu prāgādiṣu kramāt

Sanskrit only: no published translation is held for this verse.

खरोश्वोथ हरिः श्वाख्यः सपोखुगजशाशकाः । दिग्वर्गाणामियं योनिः स्ववर्गात्पञ्चमो रिपुः

kharośvotha hariḥ śvākhyaḥ sapokhugajaśāśakāḥ / digvargāṇāmiyaṃ yoniḥ svavargātpañcamo ripuḥ

Sanskrit only: no published translation is held for this verse.

साध्यवर्गः पुरः स्थाप्य पृष्टतः साधकं न्यसेत् । व्यत्यये नाशनं तस्य ऋणमध्यं धनाच्छुभम्

sādhyavargaḥ puraḥ sthāpya pṛṣṭataḥ sādhakaṃ nyaset / vyatyaye nāśanaṃ tasya ṛṇamadhyaṃ dhanācchubham

Sanskrit only: no published translation is held for this verse.

आरभ्य साधकं घिष्ण्यं साध्यं यावच्चतुर्गुणम् । विभेजेत्सप्तभिः शेषं साधकस्य धनं तदा

ārabhya sādhakaṃ ghiṣṇyaṃ sādhyaṃ yāvaccaturguṇam / vibhejetsaptabhiḥ śeṣaṃ sādhakasya dhanaṃ tadā

Sanskrit only: no published translation is held for this verse.

विस्तार आयामगुणो गृहस्य पदमुच्यते । तस्माद्धनाधनायर्क्षवारांशाः संख्यया क्रमात्

vistāra āyāmaguṇo gṛhasya padamucyate / tasmāddhanādhanāyarkṣavārāṃśāḥ saṃkhyayā kramāt

Sanskrit only: no published translation is held for this verse.

धनाधिकं गृहं वृद्ध्यै ऋणाधिकमशोभनम् । विषमायः शुभघायैव समायो निर्धनाय च

dhanādhikaṃ gṛhaṃ vṛddhyai ṛṇādhikamaśobhanam / viṣamāyaḥ śubhaghāyaiva samāyo nirdhanāya ca

Sanskrit only: no published translation is held for this verse.

घनक्षयस्तृतीयर्क्षे पञ्चमर्क्षे परः क्षयः । आत्मक्षयः सप्तमर्क्षे भवत्येव हि भर्तृभात्

ghanakṣayastṛtīyarkṣe pañcamarkṣe paraḥ kṣayaḥ / ātmakṣayaḥ saptamarkṣe bhavatyeva hi bhartṛbhāt

Sanskrit only: no published translation is held for this verse.

द्विर्द्वादशो निर्धनाय त्रिकोणमसुताय च । षट्काष्टकं मृत्यवे स्याच्छुभदाराशयः परे

dvirdvādaśo nirdhanāya trikoṇamasutāya ca / ṣaṭkāṣṭakaṃ mṛtyave syācchubhadārāśayaḥ pare

Sanskrit only: no published translation is held for this verse.

सूर्याङ्गारकवारांशा वैश्वानरभयप्रदाः । इतरे ग्रहवारांशाः सर्वकामार्थसिद्धिदाः

sūryāṅgārakavārāṃśā vaiśvānarabhayapradāḥ / itare grahavārāṃśāḥ sarvakāmārthasiddhidāḥ

Sanskrit only: no published translation is held for this verse.

नभस्यादिषु मासेषु त्रिषु त्रिषु यथाक्रमम् । पूर्वादिकशिरोवामपार्श्वेशायाप्रदक्षिणम्

nabhasyādiṣu māseṣu triṣu triṣu yathākramam / pūrvādikaśirovāmapārśveśāyāpradakṣiṇam

Sanskrit only: no published translation is held for this verse.

चराह्वयो वास्तुपुमान् चरत्येवं महोदरः । यद्दिङ्मुखो वास्तुपुमान् कुर्यात्तद्दिङ्मुखं गृहम्

carāhvayo vāstupumān caratyevaṃ mahodaraḥ / yaddiṅmukho vāstupumān kuryāttaddiṅmukhaṃ gṛham

Sanskrit only: no published translation is held for this verse.

प्रतिकूलमुखं गेहं रोगशोकभयप्रदम् । सबलो मुखगेहानामेष दोषो न विद्यते

pratikūlamukhaṃ gehaṃ rogaśokabhayapradam / sabalo mukhagehānāmeṣa doṣo na vidyate

Sanskrit only: no published translation is held for this verse.

वृत्येटिकां स्वर्णरेणुधान्यशैवलसंयुतम् । गृहमध्ये हस्तमात्रे गर्ते न्यासाय विन्यसेत्

vṛtyeṭikāṃ svarṇareṇudhānyaśaivalasaṃyutam / gṛhamadhye hastamātre garte nyāsāya vinyaset

Sanskrit only: no published translation is held for this verse.

वस्त्वायामदलं नाभिस्तस्मादध्यङ्गुलत्रयम् । कुक्षिस्तस्मिन्न्यसेच्छङ्कुं पुत्रपौत्रविवर्धनम्

vastvāyāmadalaṃ nābhistasmādadhyaṅgulatrayam / kukṣistasminnyasecchaṅkuṃ putrapautravivardhanam

Sanskrit only: no published translation is held for this verse.

चतुर्विशत्रयोर्विंशत्षोडशद्वादशाङ्गुलैः । विप्रादीनां कुक्षिमानं स्वर्णवस्त्राद्यलङ्कृतम्

caturviśatrayorviṃśatṣoḍaśadvādaśāṅgulaiḥ / viprādīnāṃ kukṣimānaṃ svarṇavastrādyalaṅkṛtam

Sanskrit only: no published translation is held for this verse.

खदिरार्जुनशालोत्थं युगयन्त्रं तरूद्भघवम् । रक्तचन्दनपालाशरक्तशानविशालजम्

khadirārjunaśālotthaṃ yugayantraṃ tarūdbhaghavam / raktacandanapālāśaraktaśānaviśālajam

Sanskrit only: no published translation is held for this verse.

शकुं त्रिधा विभज्यान्द्यं चतुरस्रं ततः परम् । अष्टास्रं च तृतीयासौ मन्वस्रं मृदुमव्रणम्

śakuṃ tridhā vibhajyāndyaṃ caturasraṃ tataḥ param / aṣṭāsraṃ ca tṛtīyāsau manvasraṃ mṛdumavraṇam

Sanskrit only: no published translation is held for this verse.

एवं लक्षणसंयुक्तं परिकल्प्य शुभे दिने । षड्वर्गशुद्धिसूत्रेण सूत्रिते धरणीतले

evaṃ lakṣaṇasaṃyuktaṃ parikalpya śubhe dine / ṣaḍvargaśuddhisūtreṇa sūtrite dharaṇītale

Sanskrit only: no published translation is held for this verse.

मृदुध्रुवक्षिप्रभेषु रिक्तामावर्जिते दिने । व्यर्कारचरलग्नेषु पापे चाष्टमवर्जिते

mṛdudhruvakṣiprabheṣu riktāmāvarjite dine / vyarkāracaralagneṣu pāpe cāṣṭamavarjite

Sanskrit only: no published translation is held for this verse.

नैधने शुद्धिसंयुक्ते शुभघलग्ने शुभांशके । शुभेक्षिते ऽथ वा युक्ते लग्ने शङ्कुं विनिक्षिपेत्

naidhane śuddhisaṃyukte śubhaghalagne śubhāṃśake / śubhekṣite 'tha vā yukte lagne śaṅkuṃ vinikṣipet

Sanskrit only: no published translation is held for this verse.

पुण्याहघोषैर्वादित्रैः पुण्यपुण्याङ्गनादिभिः । स्वत्रिकेन्द्रत्रिकोणस्थैः शुभैस्त्र्यायारिगैः परैः

puṇyāhaghoṣairvāditraiḥ puṇyapuṇyāṅganādibhiḥ / svatrikendratrikoṇasthaiḥ śubhaistryāyārigaiḥ paraiḥ

Sanskrit only: no published translation is held for this verse.

लग्नांशाष्टारिचन्द्रेण दैवज्ञार्चनपूर्वकम् । एकद्वित्रिचतुःशालाः सप्त शाला दशाह्वयाः

lagnāṃśāṣṭāricandreṇa daivajñārcanapūrvakam / ekadvitricatuḥśālāḥ sapta śālā daśāhvayāḥ

Sanskrit only: no published translation is held for this verse.

ताः पुनः षड्विधाः शालाः प्रत्येकं दशषड्विधाः । ध्रुवं धान्यं जयं नन्दं खरः कान्तं मनोरमम्

tāḥ punaḥ ṣaḍvidhāḥ śālāḥ pratyekaṃ daśaṣaḍvidhāḥ / dhruvaṃ dhānyaṃ jayaṃ nandaṃ kharaḥ kāntaṃ manoramam

Sanskrit only: no published translation is held for this verse.

सुमुखं दुर्मुखं क्रूरं शत्रुं स्वर्णप्रदं क्षयम् । आक्रन्दं विपुलाख्य च विजयं षोडशं गृहम्

sumukhaṃ durmukhaṃ krūraṃ śatruṃ svarṇapradaṃ kṣayam / ākrandaṃ vipulākhya ca vijayaṃ ṣoḍaśaṃ gṛham

Sanskrit only: no published translation is held for this verse.

गृहाणि गणयेदेवं तेषां प्रस्तारभेदतः । गुरोरघो लघुः स्थाप्यः पुरस्तादूर्ध्ववन्न्यसेत्

gṛhāṇi gaṇayedevaṃ teṣāṃ prastārabhedataḥ / guroragho laghuḥ sthāpyaḥ purastādūrdhvavannyaset

Sanskrit only: no published translation is held for this verse.

गुरुभिः पूरयेत्पश्चात्सर्वलध्ववधीर्विधिः । कुर्याल्लघुपदे ऽलिन्दं गृहद्वारात्प्रदक्षिणम्

gurubhiḥ pūrayetpaścātsarvaladhvavadhīrvidhiḥ / kuryāllaghupade 'lindaṃ gṛhadvārātpradakṣiṇam

Sanskrit only: no published translation is held for this verse.

पूर्वादिगेष्वलिन्देषु गृहभेदास्तु षोडश । स्नानागारं दिशि प्राच्यामाग्नेय्यां पाकमन्दिरम्

pūrvādigeṣvalindeṣu gṛhabhedāstu ṣoḍaśa / snānāgāraṃ diśi prācyāmāgneyyāṃ pākamandiram

Sanskrit only: no published translation is held for this verse.

याम्यां च शयनागारं नैरृत्यां शास्रमन्दिरम् । प्रतीच्यां भोजनगृहं वा यव्यां धान्यमदिरम्

yāmyāṃ ca śayanāgāraṃ nairṛtyāṃ śāsramandiram / pratīcyāṃ bhojanagṛhaṃ vā yavyāṃ dhānyamadiram

Sanskrit only: no published translation is held for this verse.

कौबेर्यां देवतागारमीशान्यां क्षिरमन्दिरम् । शय्यामूत्रास्त्रतद्विच्च भोजनं मङ्गलाश्रयम्

kauberyāṃ devatāgāramīśānyāṃ kṣiramandiram / śayyāmūtrāstratadvicca bhojanaṃ maṅgalāśrayam

Sanskrit only: no published translation is held for this verse.

धान्यस्त्रीभोगवित्तं च शृङ्गारायतनानि च ॥। ईशान्यादिक्रमस्तेषां गृहनिर्माणकं शुभम्

dhānyastrībhogavittaṃ ca śṛṅgārāyatanāni ca /// īśānyādikramasteṣāṃ gṛhanirmāṇakaṃ śubham

Sanskrit only: no published translation is held for this verse.

एतेष्वेतानि शस्त्राणि स्वं स्थाप्यानि स्वदिक्ष्वपि । ध्वजो धूम्रोथ सिंहः श्वा सौरमेयः खरो गजाः

eteṣvetāni śastrāṇi svaṃ sthāpyāni svadikṣvapi / dhvajo dhūmrotha siṃhaḥ śvā saurameyaḥ kharo gajāḥ

Sanskrit only: no published translation is held for this verse.

ध्वाङ्क्षश्चैव भवन्त्यष्टौ पूर्वादिपाः क्रमादमी । प्लक्षोदुंबरचूताख्या निंबस्तु हि विभीतकाः

dhvāṅkṣaścaiva bhavantyaṣṭau pūrvādipāḥ kramādamī / plakṣoduṃbaracūtākhyā niṃbastu hi vibhītakāḥ

Sanskrit only: no published translation is held for this verse.

य कटका दुग्धवृक्षा वृक्षाश्वत्थकपित्थकाः । अगस्तिसिंधुवालाख्यतिन्तिडीकाश्च निन्दिताः

ya kaṭakā dugdhavṛkṣā vṛkṣāśvatthakapitthakāḥ / agastisiṃdhuvālākhyatintiḍīkāśca ninditāḥ

Sanskrit only: no published translation is held for this verse.

पित्तवाग्रजदेहस्यात्पश्चिमे दक्षिणे तथा । गृहपादागृहस्तभाः समाः शस्ताश्च नासमाः

pittavāgrajadehasyātpaścime dakṣiṇe tathā / gṛhapādāgṛhastabhāḥ samāḥ śastāśca nāsamāḥ

Sanskrit only: no published translation is held for this verse.

नात्युच्छ्रितं नातिनीचं कुड्योत्सेधं यथारुचि । गृहोपरि गृहादीनामेवं सर्वत्र चिन्तयेत्

nātyucchritaṃ nātinīcaṃ kuḍyotsedhaṃ yathāruci / gṛhopari gṛhādīnāmevaṃ sarvatra cintayet

Sanskrit only: no published translation is held for this verse.

गृहादीनां गृहश्रावं क्रमशो ऽष्टविधं स्मृतम् । पाञ्चालमानं वैदेहं कौरवं च कुजन्यकम्

gṛhādīnāṃ gṛhaśrāvaṃ kramaśo 'ṣṭavidhaṃ smṛtam / pāñcālamānaṃ vaidehaṃ kauravaṃ ca kujanyakam

Sanskrit only: no published translation is held for this verse.

मागधं शूरसेनं च गान्धारावतिका स्मृतम् । सचतुर्भागविस्तारमुत्सेधं यत्तदुच्यते

māgadhaṃ śūrasenaṃ ca gāndhārāvatikā smṛtam / sacaturbhāgavistāramutsedhaṃ yattaducyate

Sanskrit only: no published translation is held for this verse.

पाञ्चालमातुलानां च ह्युत्तरोत्तरवृद्धितः । वैदेहादीन्यशेषाणि मानानि स्युर्यथाक्रमम्

pāñcālamātulānāṃ ca hyuttarottaravṛddhitaḥ / vaidehādīnyaśeṣāṇi mānāni syuryathākramam

Sanskrit only: no published translation is held for this verse.

पाञ्चालमानं सर्वेषां साधारणमतः परम् । अवन्तिमानं विप्राणां गान्धारं क्षत्रियस्य च

pāñcālamānaṃ sarveṣāṃ sādhāraṇamataḥ param / avantimānaṃ viprāṇāṃ gāndhāraṃ kṣatriyasya ca

Sanskrit only: no published translation is held for this verse.

कौजन्यमानं वैश्यानां विप्रादीनां यथोत्तरम् । यथोदितं जलस्त्राव्यं द्वित्रिभूमिकवेश्मनाम्

kaujanyamānaṃ vaiśyānāṃ viprādīnāṃ yathottaram / yathoditaṃ jalastrāvyaṃ dvitribhūmikaveśmanām

Sanskrit only: no published translation is held for this verse.

उष्ट्रकुञ्जरशालानां ध्वजायेप्यथा वा गजे । पशुशालाश्च शालानां ध्वजायेप्यथ वा गजे

uṣṭrakuñjaraśālānāṃ dhvajāyepyathā vā gaje / paśuśālāśca śālānāṃ dhvajāyepyatha vā gaje

Sanskrit only: no published translation is held for this verse.

द्वारशय्याशनामत्रध्वजाः सिंहवृषध्वजाः । वास्तुपूजाविधिं वक्ष्ये नववेश्मप्रवेशने

dvāraśayyāśanāmatradhvajāḥ siṃhavṛṣadhvajāḥ / vāstupūjāvidhiṃ vakṣye navaveśmapraveśane

Sanskrit only: no published translation is held for this verse.