सप्ताभिमन्त्रितं भस्म दर्भपाणिः समाहरेत् । ईशानः सर्वविद्यानामुक्त्वा शिरसिपातयेत्
saptābhimantritaṃ bhasma darbhapāṇiḥ samāharet / īśānaḥ sarvavidyānāmuktvā śirasipātayet
Sanskrit only: no published translation is held for this verse.
Library·Nārada Purāṇa·1·1.79
Nārada Purāṇa 1.79
तत्पुरुषाय विद्महे मुखे भस्म प्रसेचयेत् । अघोरेभ्यो ऽथ घोरेभ्यो भस्म वक्षसि निक्षिपेत्
tatpuruṣāya vidmahe mukhe bhasma prasecayet / aghorebhyo 'tha ghorebhyo bhasma vakṣasi nikṣipet
Sanskrit only: no published translation is held for this verse.
वामदेवय नमः इति गुह्यस्थाने विनिक्षिपेत् । सद्योजातं प्रपद्यामि निक्षिपेदथ पादयोः
vāmadevaya namaḥ iti guhyasthāne vinikṣipet / sadyojātaṃ prapadyāmi nikṣipedatha pādayoḥ
Sanskrit only: no published translation is held for this verse.
उद्ध्वूलयेत्समस्ताङ्गं प्रणवेन विचक्षणाः । त्रैवर्णिकानामुदितऋ स्नानादिविधिरुत्तमः
uddhvūlayetsamastāṅgaṃ praṇavena vicakṣaṇāḥ / traivarṇikānāmuditaṛ snānādividhiruttamaḥ
Sanskrit only: no published translation is held for this verse.
शूद्रादीनां प्रवक्ष्यामि यदुक्तं गुरुणा तथो । शिवेति पदमुञ्चार्य भस्म संमन्त्रयेत्सुधीः
śūdrādīnāṃ pravakṣyāmi yaduktaṃ guruṇā tatho / śiveti padamuñcārya bhasma saṃmantrayetsudhīḥ
Sanskrit only: no published translation is held for this verse.
सप्त वारमथादाय शिवायेति शिरस्यथ । शङ्कराय मुखे प्रोक्तं सर्वज्ञाय हृदि क्षिपेत्
sapta vāramathādāya śivāyeti śirasyatha / śaṅkarāya mukhe proktaṃ sarvajñāya hṛdi kṣipet
Sanskrit only: no published translation is held for this verse.
स्थाणवे नम इत्युक्त्वा मुखे चापि स्वयंभुवे । उच्चार्य पादयोः क्षिप्त्वा भस्म शुद्ध्वमतः परम्
sthāṇave nama ityuktvā mukhe cāpi svayaṃbhuve / uccārya pādayoḥ kṣiptvā bhasma śuddhvamataḥ param
Sanskrit only: no published translation is held for this verse.
नमः शिवायेत्युच्चार्य सर्वाङ्गोद्ध्वूलनं स्मृतम् । प्रक्षाल्य हस्तावाचम्य दर्भपाणिः समाहितः
namaḥ śivāyetyuccārya sarvāṅgoddhvūlanaṃ smṛtam / prakṣālya hastāvācamya darbhapāṇiḥ samāhitaḥ
Sanskrit only: no published translation is held for this verse.
दर्भाभावे सुवर्णं स्यात्तदभावे गवालुकाः । तदभावे तु दूर्वाः स्युस्तदभावे तु राजतम्
darbhābhāve suvarṇaṃ syāttadabhāve gavālukāḥ / tadabhāve tu dūrvāḥ syustadabhāve tu rājatam
Sanskrit only: no published translation is held for this verse.
संध्योपास्तिं जपं देव्याः कृत्वा देवगृहं व्रजेत् । देववेदीमथो वापि कल्पितं स्थण्डिलं तु वा
saṃdhyopāstiṃ japaṃ devyāḥ kṛtvā devagṛhaṃ vrajet / devavedīmatho vāpi kalpitaṃ sthaṇḍilaṃ tu vā
Sanskrit only: no published translation is held for this verse.
मृण्मयं कल्पितं शुद्धूं पद्मादिरचनायुतम् । चातुर्वर्णकरं गैश्च श्वेतेनैकेन वा पुनः
mṛṇmayaṃ kalpitaṃ śuddhūṃ padmādiracanāyutam / cāturvarṇakaraṃ gaiśca śvetenaikena vā punaḥ
Sanskrit only: no published translation is held for this verse.
विचित्राणि च पद्मानि स्वस्तिकादि तथैव च । उत्पलादिगदाशङ्खत्रिशूलडमरूंस्तथा
vicitrāṇi ca padmāni svastikādi tathaiva ca / utpalādigadāśaṅkhatriśūlaḍamarūṃstathā
Sanskrit only: no published translation is held for this verse.
शरोक्तपञ्चप्रासादं शिवलिङ्गमथैव च । सर्वकामफलं वृक्षं कुलकं कोलकं तथा
śaroktapañcaprāsādaṃ śivaliṅgamathaiva ca / sarvakāmaphalaṃ vṛkṣaṃ kulakaṃ kolakaṃ tathā
Sanskrit only: no published translation is held for this verse.
षट्कोणं च त्रिकोणं च नवकोणमथापि वा । कोणे द्वादशकान्दोलापादुकाव्यजनानि च
ṣaṭkoṇaṃ ca trikoṇaṃ ca navakoṇamathāpi vā / koṇe dvādaśakāndolāpādukāvyajanāni ca
Sanskrit only: no published translation is held for this verse.
चामरच्छत्त्रयुगलं विष्णुब्रह्मादिकांस्तथा । चूर्णैविरचयेद्वेद्यां धीमान्देवालये ऽपि वा
cāmaracchattrayugalaṃ viṣṇubrahmādikāṃstathā / cūrṇaiviracayedvedyāṃ dhīmāndevālaye 'pi vā
Sanskrit only: no published translation is held for this verse.
यत्रापि देवपूजा स्यात् तत्रैवं कल्पयेद्बुधः । स्वहस्तरचितं मुख्यं क्रीतं चैव तु मध्यमम्
yatrāpi devapūjā syāt tatraivaṃ kalpayedbudhaḥ / svahastaracitaṃ mukhyaṃ krītaṃ caiva tu madhyamam
Sanskrit only: no published translation is held for this verse.
याचितं तु कनिष्टं स्याद्बलात्कारमथो ऽधमम् । अर्हेषु यत्त्वनर्हेषु बलात्कारात्तु निष्फलम्
yācitaṃ tu kaniṣṭaṃ syādbalātkāramatho 'dhamam / arheṣu yattvanarheṣu balātkārāttu niṣphalam
Sanskrit only: no published translation is held for this verse.
रक्तशालिजपाशाणकलमासितरक्तकैः । तन्दुलैर्वीहिमात्रोत्थैः कणैश्चैव यथाक्रमम्
raktaśālijapāśāṇakalamāsitaraktakaiḥ / tandulairvīhimātrotthaiḥ kaṇaiścaiva yathākramam
Sanskrit only: no published translation is held for this verse.
उत्तमैर्मध्यमैश्चैव कनिष्ठैरधमैस्तथा । पद्मादिस्थापनैरेव तत्सम्यग्यागमाचरेत्
uttamairmadhyamaiścaiva kaniṣṭhairadhamaistathā / padmādisthāpanaireva tatsamyagyāgamācaret
Sanskrit only: no published translation is held for this verse.
प्रागुत्तरमुखो वापि यदि वा प्राङ्मुखो भवेत् । आसनं च प्रवक्ष्यामि यथादृष्टं यथा श्रुतम्
prāguttaramukho vāpi yadi vā prāṅmukho bhavet / āsanaṃ ca pravakṣyāmi yathādṛṣṭaṃ yathā śrutam
Sanskrit only: no published translation is held for this verse.
कौशं चार्मं चैलतल्पे दारवं तालपत्रकम् । कांबलं काञ्चनं चैव राजतं ताम्रमेव च
kauśaṃ cārmaṃ cailatalpe dāravaṃ tālapatrakam / kāṃbalaṃ kāñcanaṃ caiva rājataṃ tāmrameva ca
Sanskrit only: no published translation is held for this verse.
गोकरीपार्कजैर्वापि ह्यासनं परिकल्पयेत् । वैयाघ्रं रौरवं चैव हारिण मार्गमेव च
gokarīpārkajairvāpi hyāsanaṃ parikalpayet / vaiyāghraṃ rauravaṃ caiva hāriṇa mārgameva ca
Sanskrit only: no published translation is held for this verse.
चार्मं चतुर्विधं ज्ञेयमथ बन्धुकमेव च । यथासंभवमेतेषु ह्यासनं परिकल्पयेत्
cārmaṃ caturvidhaṃ jñeyamatha bandhukameva ca / yathāsaṃbhavameteṣu hyāsanaṃ parikalpayet
Sanskrit only: no published translation is held for this verse.
कृतपद्मासनो वापि स्वस्तिकासन एव च । दर्भभस्मसमासीनः प्राणानायम्य वाग्यन्तः
kṛtapadmāsano vāpi svastikāsana eva ca / darbhabhasmasamāsīnaḥ prāṇānāyamya vāgyantaḥ
Sanskrit only: no published translation is held for this verse.
तावत्स देवतारूपो ध्यानं चान्तः समाचरेत् । शिखान्ते द्वादशाङ्गुल्ये स्थितं सूक्ष्मतनुं शिवम्
tāvatsa devatārūpo dhyānaṃ cāntaḥ samācaret / śikhānte dvādaśāṅgulye sthitaṃ sūkṣmatanuṃ śivam
Sanskrit only: no published translation is held for this verse.
अन्तश्चरन्तं भूतेषु गुहायां विश्वतोमुखम् । सर्वाभरणसंयुक्तमिमादिगुणान्वितम्
antaścarantaṃ bhūteṣu guhāyāṃ viśvatomukham / sarvābharaṇasaṃyuktamimādiguṇānvitam
Sanskrit only: no published translation is held for this verse.
ध्यात्वा तं धारयेञ्चित्ते तद्दीप्त्या पूरयेत्तनुम् । तया दीप्त्या शरीरस्थं पापं नाशमुपागतम्
dhyātvā taṃ dhārayeñcitte taddīptyā pūrayettanum / tayā dīptyā śarīrasthaṃ pāpaṃ nāśamupāgatam
Sanskrit only: no published translation is held for this verse.
स्वर्णपादैरसंपर्काद्रक्तं श्वेतं यथा भवेत् । तद्द्वादशदलावृत्तमष्ट पञ्च त्रिरेव वा
svarṇapādairasaṃparkādraktaṃ śvetaṃ yathā bhavet / taddvādaśadalāvṛttamaṣṭa pañca trireva vā
Sanskrit only: no published translation is held for this verse.
परिकल्प्यासनं शुद्धवं तत्र लिङ्गं निधाय च । गुहास्थितं महेशानं र्लिङ्गेशं चिन्तयेत्था
parikalpyāsanaṃ śuddhavaṃ tatra liṅgaṃ nidhāya ca / guhāsthitaṃ maheśānaṃ rliṅgeśaṃ cintayetthā
Sanskrit only: no published translation is held for this verse.
शोधिते कलशे तोयं शोधितं गन्धवासितम् । सुगन्धपुष्पं निक्षिप्य प्राणवेनाभिमन्त्रितम्
śodhite kalaśe toyaṃ śodhitaṃ gandhavāsitam / sugandhapuṣpaṃ nikṣipya prāṇavenābhimantritam
Sanskrit only: no published translation is held for this verse.
प्राणायामश्च प्रणवः शूद्रेषु न विधीयते । प्राणायामपदे ध्यानं शिवेत्योङ्कारमन्त्रितम्
prāṇāyāmaśca praṇavaḥ śūdreṣu na vidhīyate / prāṇāyāmapade dhyānaṃ śivetyoṅkāramantritam
Sanskrit only: no published translation is held for this verse.
गन्धपुष्पाक्षतादीनि पूजाद्रव्याणि यानि च । तानि स्थाप्य समीपे तु ततः संकल्प माचरेत्
gandhapuṣpākṣatādīni pūjādravyāṇi yāni ca / tāni sthāpya samīpe tu tataḥ saṃkalpa mācaret
Sanskrit only: no published translation is held for this verse.
शिवपूजां करिष्यामि शिवतुष्ट्यर्थमेव च । इति संकल्पयित्वा तु तत आवाहनादिकम्
śivapūjāṃ kariṣyāmi śivatuṣṭyarthameva ca / iti saṃkalpayitvā tu tata āvāhanādikam
Sanskrit only: no published translation is held for this verse.
कृत्वा तु स्नानपर्यन्तं ततः स्नानं प्रकल्पयेत् । नमस्तेत्यादिमन्त्रेण शतरुद्रविधानतः
kṛtvā tu snānaparyantaṃ tataḥ snānaṃ prakalpayet / namastetyādimantreṇa śatarudravidhānataḥ
Sanskrit only: no published translation is held for this verse.
अविच्छिन्ना तु या धारा मुक्तिधारेति कीर्तिता । तया यः स्नापयेन्मांस जपचुद्रमुखांश्च चा
avicchinnā tu yā dhārā muktidhāreti kīrtitā / tayā yaḥ snāpayenmāṃsa japacudramukhāṃśca cā
Sanskrit only: no published translation is held for this verse.
एकवारं त्रिवारं च पञ्च सप्त नवापि वा । एकादश तथा वारमथैकादशधान्वितम्
ekavāraṃ trivāraṃ ca pañca sapta navāpi vā / ekādaśa tathā vāramathaikādaśadhānvitam
Sanskrit only: no published translation is held for this verse.
मुक्तिस्नानमिदं ज्ञेयं मासं मोक्षप्रदायकम् । शैवयाविद्यया स्नानं केवलं प्रणवेन वा
muktisnānamidaṃ jñeyaṃ māsaṃ mokṣapradāyakam / śaivayāvidyayā snānaṃ kevalaṃ praṇavena vā
Sanskrit only: no published translation is held for this verse.
मृण्ययैर्नालिकेरस्य शकलैश्चोर्मिभिस्तथा । कांस्येन मुक्ताशुक्त्या च पुष्पादिकेसरेण वा
mṛṇyayairnālikerasya śakalaiścormibhistathā / kāṃsyena muktāśuktyā ca puṣpādikesareṇa vā
Sanskrit only: no published translation is held for this verse.
स्नापयेद्देवदेवेशं यथासंभवमीरितैः । शृङ्गस्य च विधिं वक्ष्ये स्नानयोग्यं यथा भवेत्
snāpayeddevadeveśaṃ yathāsaṃbhavamīritaiḥ / śṛṅgasya ca vidhiṃ vakṣye snānayogyaṃ yathā bhavet
Sanskrit only: no published translation is held for this verse.
पूर्वमन्तस्तु संशोध्य बहिरन्तस्तु शोधयेत् । सुग्रिग्धं लघु कृत्वाथ नाङ्गं छिन्द्यात्कथञ्चन
pūrvamantastu saṃśodhya bahirantastu śodhayet / sugrigdhaṃ laghu kṛtvātha nāṅgaṃ chindyātkathañcana
Sanskrit only: no published translation is held for this verse.
नीचैकदेशविन्यस्तद्वारद्रोण्या सुहृत्तया । कृशानुयुक्तं स्नानं तु देवाय परिकल्पयेत्
nīcaikadeśavinyastadvāradroṇyā suhṛttayā / kṛśānuyuktaṃ snānaṃ tu devāya parikalpayet
Sanskrit only: no published translation is held for this verse.
एवं गवयशृङ्गस्य जलपूर्तिरथोच्यते । द्वारे निषिद्धलोहार्द्धसंधिद्वारासमन्विते
evaṃ gavayaśṛṅgasya jalapūrtirathocyate / dvāre niṣiddhalohārddhasaṃdhidvārāsamanvite
Sanskrit only: no published translation is held for this verse.
योगवक्रं नागदण्डं नागाकारं प्रकल्पंयेत् । फलस्थाने तु चषकं दण्डेन समरन्ध्रकम्
yogavakraṃ nāgadaṇḍaṃ nāgākāraṃ prakalpaṃyet / phalasthāne tu caṣakaṃ daṇḍena samarandhrakam
Sanskrit only: no published translation is held for this verse.
तत्रैव पातयेत्तोयं मूर्द्ध्वयन्त्रघटे स्थितम् । पातयेदथ चान्येन वामेनैव करेण वा
tatraiva pātayettoyaṃ mūrddhvayantraghaṭe sthitam / pātayedatha cānyena vāmenaiva kareṇa vā
Sanskrit only: no published translation is held for this verse.
मुक्तिधारा कृता तेन पवित्र पापनाशनम् । एवं संस्नाप्य देवेशं पञ्चगव्यैस्तथैव च
muktidhārā kṛtā tena pavitra pāpanāśanam / evaṃ saṃsnāpya deveśaṃ pañcagavyaistathaiva ca
Sanskrit only: no published translation is held for this verse.
पञ्चामृतैरथ स्नाप्य मधुरत्रितयेन च । विभूष्य भूषणैर्देवं पुनः स्नाप्यमहेश्वरम्
pañcāmṛtairatha snāpya madhuratritayena ca / vibhūṣya bhūṣaṇairdevaṃ punaḥ snāpyamaheśvaram
Sanskrit only: no published translation is held for this verse.
शीतोपचारं कृत्वाथ तत आचमनादिकम् । वस्त्रं तथोपवीतं च गन्धद्रव्यकमेव च
śītopacāraṃ kṛtvātha tata ācamanādikam / vastraṃ tathopavītaṃ ca gandhadravyakameva ca
Sanskrit only: no published translation is held for this verse.
कर्पूरमगरुं चापि पाटीरमथवा भवेत् । उभयमिश्रितं चापि शिवलिङ्गं प्रपूजयेत् । कृत्स्नं पीठं गन्धपूर्णं यद्वा विभवसारतः । तूष्णीमथोपचारं वा कालीयं पुष्पमेव च
karpūramagaruṃ cāpi pāṭīramathavā bhavet / ubhayamiśritaṃ cāpi śivaliṅgaṃ prapūjayet / kṛtsnaṃ pīṭhaṃ gandhapūrṇaṃ yadvā vibhavasārataḥ / tūṣṇīmathopacāraṃ vā kālīyaṃ puṣpameva ca
Sanskrit only: no published translation is held for this verse.
श्रीपन्नमरुचित्याज्यं यथाशक्तखिलं यथा । अनेकद्रव्यधूपं च गुग्गुलं केवलं तथा
śrīpannamarucityājyaṃ yathāśaktakhilaṃ yathā / anekadravyadhūpaṃ ca guggulaṃ kevalaṃ tathā
Sanskrit only: no published translation is held for this verse.
कपिलाघृतसंयुक्तं सर्वधूपं प्रशस्यते । धूपं दत्वा यथाशक्ति कपिलाघृतदीपकान्
kapilāghṛtasaṃyuktaṃ sarvadhūpaṃ praśasyate / dhūpaṃ datvā yathāśakti kapilāghṛtadīpakān
Sanskrit only: no published translation is held for this verse.
अथवा पूजामात्रेण दीपान्दत्वोपहारकम् । नैवेद्यमुपपन्नं च दत्वा पुष्पसमन्वितम्
athavā pūjāmātreṇa dīpāndatvopahārakam / naivedyamupapannaṃ ca datvā puṣpasamanvitam
Sanskrit only: no published translation is held for this verse.
मुखशुद्धिं ततः कृत्वा दत्त्वा तांबूलमादरात् । प्रदक्षिणनमस्कारौ पूजैवं हि समाप्यते
mukhaśuddhiṃ tataḥ kṛtvā dattvā tāṃbūlamādarāt / pradakṣiṇanamaskārau pūjaivaṃ hi samāpyate
Sanskrit only: no published translation is held for this verse.
गीत्यङ्गपञ्चकं पश्चात्तानि विज्ञापयामि ते । गीतिर्वाद्यं पुराणं च नृत्यं हासोक्तिरेव च
gītyaṅgapañcakaṃ paścāttāni vijñāpayāmi te / gītirvādyaṃ purāṇaṃ ca nṛtyaṃ hāsoktireva ca
Sanskrit only: no published translation is held for this verse.
नीराजनं च पुष्पाणामञ्जलिश्चाखिलार्पणम् । क्षमापनं चोद्रसनं प्रोक्तं पञ्चोपचारकम्
nīrājanaṃ ca puṣpāṇāmañjaliścākhilārpaṇam / kṣamāpanaṃ codrasanaṃ proktaṃ pañcopacārakam
Sanskrit only: no published translation is held for this verse.
भूषणं च तथा छत्रं चामरव्यजने अपि । उपवीत च कैकर्यं षोडशानुपचारकान्
bhūṣaṇaṃ ca tathā chatraṃ cāmaravyajane api / upavīta ca kaikaryaṃ ṣoḍaśānupacārakān
Sanskrit only: no published translation is held for this verse.
द्वात्रिंशदुपचारैस्तु यः समाराधयेच्छिवम् । एकेनाह्ना समस्तानां पातकानां क्षयो भवेत्
dvātriṃśadupacāraistu yaḥ samārādhayecchivam / ekenāhnā samastānāṃ pātakānāṃ kṣayo bhavet
Sanskrit only: no published translation is held for this verse.
एतच्छ्रुत्वा हनुमतो वचनं प्राह शङ्करः । एवमेतत्कपिश्रेष्ठ युदुक्तं पूजनं मम
etacchrutvā hanumato vacanaṃ prāha śaṅkaraḥ / evametatkapiśreṣṭha yuduktaṃ pūjanaṃ mama
Sanskrit only: no published translation is held for this verse.
सारभूतमहं तुभ्यमुपदेक्ष्यामि सांप्रतम् । आराधनं यथालिङ्गे विस्तरेण त्वयोदितम्
sārabhūtamahaṃ tubhyamupadekṣyāmi sāṃpratam / ārādhanaṃ yathāliṅge vistareṇa tvayoditam
Sanskrit only: no published translation is held for this verse.
मत्पादयुगलं प्रार्च्य पूजाफलमवाप्नुहि । ततः प्राह कपिश्रेष्ठो देवदेवमुमापतिम्
matpādayugalaṃ prārcya pūjāphalamavāpnuhi / tataḥ prāha kapiśreṣṭho devadevamumāpatim
Sanskrit only: no published translation is held for this verse.
गुरिणा लिङ्गपूजैव नियता परिकल्पिता । तां करोमि पुरा देव पश्चात्त्वत्पादपूजनम्
guriṇā liṅgapūjaiva niyatā parikalpitā / tāṃ karomi purā deva paścāttvatpādapūjanam
Sanskrit only: no published translation is held for this verse.
इत्युक्त्वेश नमस्कृत्य शिवलिङ्गार्चनाय च । सरसस्तीरमागत्य कृत्वा सैकतवेदिकाम्
ityuktveśa namaskṛtya śivaliṅgārcanāya ca / sarasastīramāgatya kṛtvā saikatavedikām
Sanskrit only: no published translation is held for this verse.
तालपत्रैर्विरचितमासनं पर्यकल्पयत् । प्रक्षाल्य पादौ हस्तौ च समाचम्य समाहितः
tālapatrairviracitamāsanaṃ paryakalpayat / prakṣālya pādau hastau ca samācamya samāhitaḥ
Sanskrit only: no published translation is held for this verse.
भस्मस्नानमथो चक्रे पुनराचम्य वाग्यतः । देववेद्यामथो चक्रे पद्मं च सुमनोहरम्
bhasmasnānamatho cakre punarācamya vāgyataḥ / devavedyāmatho cakre padmaṃ ca sumanoharam
Sanskrit only: no published translation is held for this verse.
अनन्तरं तालपत्रे पद्मासनगतः कपिः । प्राणानायम्य संन्यस्य शुल्कध्यानसमन्वितः
anantaraṃ tālapatre padmāsanagataḥ kapiḥ / prāṇānāyamya saṃnyasya śulkadhyānasamanvitaḥ
Sanskrit only: no published translation is held for this verse.
प्रणम्य गुरुमीशानं जपन्नासीदतः परम् । अथ देवार्यनं कर्त्तुं यत्नमास्थितवान्कपिः
praṇamya gurumīśānaṃ japannāsīdataḥ param / atha devāryanaṃ karttuṃ yatnamāsthitavānkapiḥ
Sanskrit only: no published translation is held for this verse.
पलाशपत्रपुटकद्वयानीतजलं शुचि । शिरः कमण्डलुगतं निधायाग्निनिमन्त्रितम्
palāśapatrapuṭakadvayānītajalaṃ śuci / śiraḥ kamaṇḍalugataṃ nidhāyāgninimantritam
Sanskrit only: no published translation is held for this verse.
आवाहनादि कृत्वाथ स्नानपर्यन्तमेव च । अथ स्नापयितुं देवमादाय करसंपुटे
āvāhanādi kṛtvātha snānaparyantameva ca / atha snāpayituṃ devamādāya karasaṃpuṭe
Sanskrit only: no published translation is held for this verse.
कृत्वा निरीक्षणं देवपीठं नो दृष्टवान्कपिः । लिङ्गमात्रं करगतं दृष्ट्वा भीतिसमन्वितः
kṛtvā nirīkṣaṇaṃ devapīṭhaṃ no dṛṣṭavānkapiḥ / liṅgamātraṃ karagataṃ dṛṣṭvā bhītisamanvitaḥ
Sanskrit only: no published translation is held for this verse.
इदमाह महायोगी किंवा पापं मया कृतम् । यदेतत्पीठरहितं शिवलिङ्गं करस्थितम्
idamāha mahāyogī kiṃvā pāpaṃ mayā kṛtam / yadetatpīṭharahitaṃ śivaliṅgaṃ karasthitam
Sanskrit only: no published translation is held for this verse.
ममाद्य मरणं सिद्धं न पीठं चागमिष्यति । अथ रुद्रं जपिष्यामि तदायति महेश्वरः
mamādya maraṇaṃ siddhaṃ na pīṭhaṃ cāgamiṣyati / atha rudraṃ japiṣyāmi tadāyati maheśvaraḥ
Sanskrit only: no published translation is held for this verse.
इति निश्चित्य मनसा जजाप शतरुद्रियम् । यदा तु न समायातो महेशो ऽथ कपीश्वरः
iti niścitya manasā jajāpa śatarudriyam / yadā tu na samāyāto maheśo 'tha kapīśvaraḥ
Sanskrit only: no published translation is held for this verse.
रुद्रं न्यपातयद्भूमौ वीरभद्रः समागतः । किमर्थं रुद्यते भद्र रुदिते कारणं वद
rudraṃ nyapātayadbhūmau vīrabhadraḥ samāgataḥ / kimarthaṃ rudyate bhadra rudite kāraṇaṃ vada
Sanskrit only: no published translation is held for this verse.
तच्छ्रुत्वा प्राह हनुमान्वीरभद्रं मनोगतम् । पीठहीनमिदं लिङ्गं पश्य मे पापसंचयम्
tacchrutvā prāha hanumānvīrabhadraṃ manogatam / pīṭhahīnamidaṃ liṅgaṃ paśya me pāpasaṃcayam
Sanskrit only: no published translation is held for this verse.
वीरभद्रस्ततः प्राह श्रुत्वा कपिसमीरितम् । यदि नायाति पीठं ते लिङ्गे मा साहसं कुरु
vīrabhadrastataḥ prāha śrutvā kapisamīritam / yadi nāyāti pīṭhaṃ te liṅge mā sāhasaṃ kuru
Sanskrit only: no published translation is held for this verse.
दाहयिष्याम्यहं लोकान्यदि नायाति पीठकम् । पश्य दर्शय मे लिङ्गं पीठं चात्रागतं न वा
dāhayiṣyāmyahaṃ lokānyadi nāyāti pīṭhakam / paśya darśaya me liṅgaṃ pīṭhaṃ cātrāgataṃ na vā
Sanskrit only: no published translation is held for this verse.
अत दृष्ट्वा वीरभद्रो लिङ्गे पीठमनागतम् । दग्धुकामो ऽखिलांल्लोकान्वीरभद्रः प्रातापवान्
ata dṛṣṭvā vīrabhadro liṅge pīṭhamanāgatam / dagdhukāmo 'khilāṃllokānvīrabhadraḥ prātāpavān
Sanskrit only: no published translation is held for this verse.
अनलं भुवि चिक्षेप क्षणाद्दग्धा मही तदा । अथ सप्ततलान्दग्ध्वा पुनरूर्द्ध्वमवर्तत
analaṃ bhuvi cikṣepa kṣaṇāddagdhā mahī tadā / atha saptatalāndagdhvā punarūrddhvamavartata
Sanskrit only: no published translation is held for this verse.
पञ्चोर्द्ध्वलोकानदहज्जनलोकनिवासिनः । ललाटनेत्रसंभूतं नखेनादाय चानलम्
pañcorddhvalokānadahajjanalokanivāsinaḥ / lalāṭanetrasaṃbhūtaṃ nakhenādāya cānalam
Sanskrit only: no published translation is held for this verse.
जंबीरफलसंकाशं कृत्वा करतले विभुः । तपः सत्यं च संदग्धुमुद्यतो ऽभून्मुनीश्वरः
jaṃbīraphalasaṃkāśaṃ kṛtvā karatale vibhuḥ / tapaḥ satyaṃ ca saṃdagdhumudyato 'bhūnmunīśvaraḥ
Sanskrit only: no published translation is held for this verse.
ततस्तु मुनयो दृष्ट्वातपोलोकनिवासिनः । दग्धुकामं वीरभद्रं गौतमाश्रममागताः
tatastu munayo dṛṣṭvātapolokanivāsinaḥ / dagdhukāmaṃ vīrabhadraṃ gautamāśramamāgatāḥ
Sanskrit only: no published translation is held for this verse.
न दृष्ट्वा तत्र देवेशं शङ्करं स्वात्मनि स्थितम् । अस्तुवन्भक्तिसंयुक्ताः स्तोत्रैर्वेदसमुद्भवैः
na dṛṣṭvā tatra deveśaṃ śaṅkaraṃ svātmani sthitam / astuvanbhaktisaṃyuktāḥ stotrairvedasamudbhavaiḥ
Sanskrit only: no published translation is held for this verse.
ॐ वेदवेद्याय देवाय तस्मै शुद्धप्रभाचिन्त्यरूपाय कस्मै । ब्रह्माद्यधीशाय सृष्ट्यादिकर्त्रे,विष्णुप्रियायार्तिहॄन्त्रेंऽतकर्त्रे
oṃ vedavedyāya devāya tasmai śuddhaprabhācintyarūpāya kasmai / brahmādyadhīśāya sṛṣṭyādikartre,viṣṇupriyāyārtihṝntreṃ'takartre
Sanskrit only: no published translation is held for this verse.
नमस्ते ऽखिलाधीश्वरायांबराय नमस्ते चरस्थावरव्यापकाय । नमो वेदगुह्याय भक्तप्रियाय नमः पाकभोक्त्रे मखेशाय तुभ्यम्
namaste 'khilādhīśvarāyāṃbarāya namaste carasthāvaravyāpakāya / namo vedaguhyāya bhaktapriyāya namaḥ pākabhoktre makheśāya tubhyam
Sanskrit only: no published translation is held for this verse.
नमस्ते शिवायादिदेवाय कुर्मो नमो व्यालयज्ञोपवीतप्रधर्त्ने । नमस्ते सुराबिन्दुवर्षापनाय त्रयीमूर्तये कालकालाय नाथ
namaste śivāyādidevāya kurmo namo vyālayajñopavītapradhartne / namaste surābinduvarṣāpanāya trayīmūrtaye kālakālāya nātha
Sanskrit only: no published translation is held for this verse.
धरित्रीमरुद्व्योमतोयेन्दुवह्निप्रभामण्डलात्माष्टधामूर्ति धर्त्रे । शिवायाशिवघ्नाय वीराय भूयात्सदा नः प्रसन्नो जगन्नाथकेज्यः
dharitrīmarudvyomatoyenduvahniprabhāmaṇḍalātmāṣṭadhāmūrti dhartre / śivāyāśivaghnāya vīrāya bhūyātsadā naḥ prasanno jagannāthakejyaḥ
Sanskrit only: no published translation is held for this verse.
कलानाथभालाय आत्मा महात्मा मनो ह्यग्रयानो निरूप्यो न वाग्भिः । जगज्जाड्यविध्वंसनोभुक्तिमुक्तिप्रदः स्तात्प्रसन्नः सदा शुद्ध कीर्तिः
kalānāthabhālāya ātmā mahātmā mano hyagrayāno nirūpyo na vāgbhiḥ / jagajjāḍyavidhvaṃsanobhuktimuktipradaḥ stātprasannaḥ sadā śuddha kīrtiḥ
Sanskrit only: no published translation is held for this verse.
यतः संप्रसूतं जगज्जातमीशात्स्थितं येन रक्षावता भावितं च । लयं यास्यते यत्र वाचां विदूरे स वै नः प्रसन्नो ऽस्तु कालत्रयात्मा
yataḥ saṃprasūtaṃ jagajjātamīśātsthitaṃ yena rakṣāvatā bhāvitaṃ ca / layaṃ yāsyate yatra vācāṃ vidūre sa vai naḥ prasanno 'stu kālatrayātmā
Sanskrit only: no published translation is held for this verse.
यदार्दि च मध्यं तथान्तं न के ऽपि विजानन्ति विज्ञा अपि स्वानुमानाः । स वै सर्वमूर्तिः सदा नो विभूत्येप्रसन्नो ऽस्तु किं ज्ञापयामो ऽत्र कृत्यम्
yadārdi ca madhyaṃ tathāntaṃ na ke 'pi vijānanti vijñā api svānumānāḥ / sa vai sarvamūrtiḥ sadā no vibhūtyeprasanno 'stu kiṃ jñāpayāmo 'tra kṛtyam
Sanskrit only: no published translation is held for this verse.
एतां स्तुतिमथाकर्ण्य भगनेत्रप्रदः शिवः । विष्णुमाह मुनीनेतानानयस्व मदन्तिकम्
etāṃ stutimathākarṇya bhaganetrapradaḥ śivaḥ / viṣṇumāha munīnetānānayasva madantikam
Sanskrit only: no published translation is held for this verse.
अथ विष्णुः समागत्य तपोलोकनिवासिनः । मुनीन्सांत्वय्य विश्वेशं दर्शयामास शङ्करम्
atha viṣṇuḥ samāgatya tapolokanivāsinaḥ / munīnsāṃtvayya viśveśaṃ darśayāmāsa śaṅkaram
Sanskrit only: no published translation is held for this verse.
तानाह शङ्करो वाक्यं किमर्थं यूयमागताः । तपोलोकाद्भूमिलोकं मुनयो मुक्तकिल्बिषाः
tānāha śaṅkaro vākyaṃ kimarthaṃ yūyamāgatāḥ / tapolokādbhūmilokaṃ munayo muktakilbiṣāḥ
Sanskrit only: no published translation is held for this verse.
तच्छ्रुत्वा शूलिनो वाक्यं प्रोचुस्ते मुनिसत्तमाः । देव द्वादशलोकानां दृश्यन्ते भस्मराशयः
tacchrutvā śūlino vākyaṃ procuste munisattamāḥ / deva dvādaśalokānāṃ dṛśyante bhasmarāśayaḥ
Sanskrit only: no published translation is held for this verse.
स्थितमेकं वनमिदं पश्य तल्लोकसंक्षयम् । तच्छ्रुत्वा गिरिशः प्राह तान्मुनीनूर्द्धरेतसः
sthitamekaṃ vanamidaṃ paśya tallokasaṃkṣayam / tacchrutvā giriśaḥ prāha tānmunīnūrddharetasaḥ
Sanskrit only: no published translation is held for this verse.
भूर्लोकस्य तु संदाहे पातालानां तथैव च । सन्देहो नास्ति मुनयः स्थितानां नो रहःस्थले
bhūrlokasya tu saṃdāhe pātālānāṃ tathaiva ca / sandeho nāsti munayaḥ sthitānāṃ no rahaḥsthale
Sanskrit only: no published translation is held for this verse.
ऊर्द्धपञ्चकलोकानां दाहे संदेह एव नः । कथमङ्गारवृष्टिश्च कथं नो वा महाध्वनिः
ūrddhapañcakalokānāṃ dāhe saṃdeha eva naḥ / kathamaṅgāravṛṣṭiśca kathaṃ no vā mahādhvaniḥ
Sanskrit only: no published translation is held for this verse.
तदाकर्ण्य विभोर्वाक्यं शङ्करस्य मुनीश्वराः । प्रोचुः प्राञ्जलयो देवं ब्रह्मादिसुरसंगतम्
tadākarṇya vibhorvākyaṃ śaṅkarasya munīśvarāḥ / procuḥ prāñjalayo devaṃ brahmādisurasaṃgatam
Sanskrit only: no published translation is held for this verse.
भीतिरस्माकमधुना वर्तते वीरभद्रतः । स एवाङ्गार वृष्टिं च पिपासुरपिबद्विभोः
bhītirasmākamadhunā vartate vīrabhadrataḥ / sa evāṅgāra vṛṣṭiṃ ca pipāsurapibadvibhoḥ
Sanskrit only: no published translation is held for this verse.
देवो ऽथ वीरमाहूय किं वीरेत्यब्रवीद्वचः । वीरो ऽप्याह कपेर्लिङ्गे पीठाभावादिदं कृतम्
devo 'tha vīramāhūya kiṃ vīretyabravīdvacaḥ / vīro 'pyāha kaperliṅge pīṭhābhāvādidaṃ kṛtam
Sanskrit only: no published translation is held for this verse.
तच्छ्रुत्वाह शिवो देवो मुनींस्तान्भयविह्वलान् । कपेश्चित्तं परिज्ञातुं मया कृतमिदं द्विजाः
tacchrutvāha śivo devo munīṃstānbhayavihvalān / kapeścittaṃ parijñātuṃ mayā kṛtamidaṃ dvijāḥ
Sanskrit only: no published translation is held for this verse.
मा भैष्ट भवतां सौख्यं सदा संपादयाम्यहम् । इत्युक्त्वा तु यथापूर्वं देवदेवः कृपानिधिः
mā bhaiṣṭa bhavatāṃ saukhyaṃ sadā saṃpādayāmyaham / ityuktvā tu yathāpūrvaṃ devadevaḥ kṛpānidhiḥ
Sanskrit only: no published translation is held for this verse.
दग्धानप्यखिलांल्लोकान्पूर्वतः शोभनान्विभुः । कल्पयामास विश्वात्मा वीरभद्रमथाब्रवीत्
dagdhānapyakhilāṃllokānpūrvataḥ śobhanānvibhuḥ / kalpayāmāsa viśvātmā vīrabhadramathābravīt
Sanskrit only: no published translation is held for this verse.
साधु वत्स यतो भद्रं भक्तानामीहसे सदा । ततस्ते विपुला कीर्तिर्लोके स्थास्यति शाश्वती
sādhu vatsa yato bhadraṃ bhaktānāmīhase sadā / tataste vipulā kīrtirloke sthāsyati śāśvatī
Sanskrit only: no published translation is held for this verse.
इत्युक्त्वालिङ्ग्य शिरसि समाघ्राय महेश्वरः । तांबूलं वीरभद्राय दत्तवान्प्रीतमानसः
ityuktvāliṅgya śirasi samāghrāya maheśvaraḥ / tāṃbūlaṃ vīrabhadrāya dattavānprītamānasaḥ
Sanskrit only: no published translation is held for this verse.
अथासौ हनुमानीपूजनं कृतवान्यथा । समाप्तायां तु पूजायां हनुमान्प्रीतमानसः
athāsau hanumānīpūjanaṃ kṛtavānyathā / samāptāyāṃ tu pūjāyāṃ hanumānprītamānasaḥ
Sanskrit only: no published translation is held for this verse.
एकं वनचरं तत्र गन्धर्वं सविपञ्चकम् । ददर्श तमथाभ्याह वीणा मे दीयतामिति
ekaṃ vanacaraṃ tatra gandharvaṃ savipañcakam / dadarśa tamathābhyāha vīṇā me dīyatāmiti
Sanskrit only: no published translation is held for this verse.
गन्धर्वो ऽप्याह न मया त्याज्या वीणा प्रिया मम । ममापीष्टेहं गन्धर्व वीणेत्याह कपीश्वरः
gandharvo 'pyāha na mayā tyājyā vīṇā priyā mama / mamāpīṣṭehaṃ gandharva vīṇetyāha kapīśvaraḥ
Sanskrit only: no published translation is held for this verse.
यदा न दत्ते गन्धर्वो वल्लकीं कपये प्रियाम् । तदा मुष्टिप्रहारेण गन्धर्वः पातितः क्षितौ
yadā na datte gandharvo vallakīṃ kapaye priyām / tadā muṣṭiprahāreṇa gandharvaḥ pātitaḥ kṣitau
Sanskrit only: no published translation is held for this verse.
वीणामादाय महतीं स्वरतन्तुसमन्विताम् । हनुमान्वानरश्रेष्ठो गायन्प्रागाच्छिवान्तिकम्
vīṇāmādāya mahatīṃ svaratantusamanvitām / hanumānvānaraśreṣṭho gāyanprāgācchivāntikam
Sanskrit only: no published translation is held for this verse.
ततो गानेन महता प्रसाद्य जगदीश्वरम् । बृहतीकुसुमैः शुद्धैर् देवपादावपूजयत्
tato gānena mahatā prasādya jagadīśvaram / bṛhatīkusumaiḥ śuddhair devapādāvapūjayat
Sanskrit only: no published translation is held for this verse.
ततः प्रसन्नो विश्वात्मा मुनीनां सन्निधौ तदा । दैत्यानां देवतानां च नृपाणां शङ्करो ऽपि च
tataḥ prasanno viśvātmā munīnāṃ sannidhau tadā / daityānāṃ devatānāṃ ca nṛpāṇāṃ śaṅkaro 'pi ca
Sanskrit only: no published translation is held for this verse.
तस्मै वरमथ प्रादात्कल्पान्तं जीवितं पुनः । समुल्लङ्घने शक्तिं शास्त्रज्ञत्वं बलोन्नतिम्
tasmai varamatha prādātkalpāntaṃ jīvitaṃ punaḥ / samullaṅghane śaktiṃ śāstrajñatvaṃ balonnatim
Sanskrit only: no published translation is held for this verse.
एवं दत्तं वरं प्राप्य महेशेन महात्मना । प्रत्यक्षं मम विप्रेन्द्र हनुमान्हर्षमागगतः
evaṃ dattaṃ varaṃ prāpya maheśena mahātmanā / pratyakṣaṃ mama viprendra hanumānharṣamāgagataḥ
Sanskrit only: no published translation is held for this verse.
समस्तभूषासु षिताङ्गः स्वदीप्तिर्मदीकृतदेवदीप्तिः । प्रसन्नमूर्तिस्तरुणः शिवांशः संभावयामास समस्तदेवान्
samastabhūṣāsu ṣitāṅgaḥ svadīptirmadīkṛtadevadīptiḥ / prasannamūrtistaruṇaḥ śivāṃśaḥ saṃbhāvayāmāsa samastadevān
Sanskrit only: no published translation is held for this verse.
आज्ञप्तो हनुमांस्तत्र मत्सेवायै मुनीश्वरः । महेशेनाहमप्येनं शशिमौलिमवैमि च
ājñapto hanumāṃstatra matsevāyai munīśvaraḥ / maheśenāhamapyenaṃ śaśimaulimavaimi ca
Sanskrit only: no published translation is held for this verse.
किं बहूक्तेन विप्रर्षे यादृशो वानरेश्वरः । बुद्धौ न्याये च वै धैर्ये तादृगन्यो ऽस्ति न क्वचित्
kiṃ bahūktena viprarṣe yādṛśo vānareśvaraḥ / buddhau nyāye ca vai dhairye tādṛganyo 'sti na kvacit
Sanskrit only: no published translation is held for this verse.
इति ते सर्वमाख्यातं चरितं पापनाशनम् । पठतां शृण्वतां चैव गच्छ विप्र यथासुखम्
iti te sarvamākhyātaṃ caritaṃ pāpanāśanam / paṭhatāṃ śṛṇvatāṃ caiva gaccha vipra yathāsukham
Sanskrit only: no published translation is held for this verse.
तच्छ्रुत्वा रामभद्रस्य रघुनाथस्य धीमतः । वचनं दक्षिणीकृत्य नत्वा चागां यथागतः
tacchrutvā rāmabhadrasya raghunāthasya dhīmataḥ / vacanaṃ dakṣiṇīkṛtya natvā cāgāṃ yathāgataḥ
Sanskrit only: no published translation is held for this verse.
एतत्ते ऽभिहितं विप्र चरितं च हनूमतः । सुखदं मोक्षदं सारं किमन्यच्छ्रोतुमिच्छसि
etatte 'bhihitaṃ vipra caritaṃ ca hanūmataḥ / sukhadaṃ mokṣadaṃ sāraṃ kimanyacchrotumicchasi
Sanskrit only: no published translation is held for this verse.