Nārada Purāṇa 1.88

रयोव्यासेन शुचिना युतः स्यात्तदनन्तरम् । अत्यार्णां वह्निवासिन्या दूती नित्या समीरिताः

rayovyāsena śucinā yutaḥ syāttadanantaram / atyārṇāṃ vahnivāsinyā dūtī nityā samīritāḥ

Sanskrit only: no published translation is held for this verse.

षड्दीर्घस्वरयुक्तेन विद्यायाः स्यात्षडङ्गकम् । तेनैव पुटितैरर्णैर्न्यसेच्छ्रोत्रादिपञ्चसु

ṣaḍdīrghasvarayuktena vidyāyāḥ syātṣaḍaṅgakam / tenaiva puṭitairarṇairnyasecchrotrādipañcasu

Sanskrit only: no published translation is held for this verse.

षष्ठकं नसि विन्यस्य व्यापकं विद्यया न्यसेत् । निदाघकालमध्याह्नदिवाकरसमप्रभाम्

ṣaṣṭhakaṃ nasi vinyasya vyāpakaṃ vidyayā nyaset / nidāghakālamadhyāhnadivākarasamaprabhām

Sanskrit only: no published translation is held for this verse.

नवरत्नकिरीटां च त्रीक्षणामरुणांबराम् । नानाभरणसंभिन्नदेहकान्तिविराजिताम्

navaratnakirīṭāṃ ca trīkṣaṇāmaruṇāṃbarām / nānābharaṇasaṃbhinnadehakāntivirājitām

Sanskrit only: no published translation is held for this verse.

शुचिस्मितामष्टभुजा स्तूयमानां महर्षिभिः । पाशं खेटं गदां रत्नचषकं वामबाहुभिः

śucismitāmaṣṭabhujā stūyamānāṃ maharṣibhiḥ / pāśaṃ kheṭaṃ gadāṃ ratnacaṣakaṃ vāmabāhubhiḥ

Sanskrit only: no published translation is held for this verse.

दक्षिणैरङ्कुशं खड्गं कट्टारं कमलं तथा । दधानां साधकाभीष्टदानोद्यमसमन्विताम्

dakṣiṇairaṅkuśaṃ khaḍgaṃ kaṭṭāraṃ kamalaṃ tathā / dadhānāṃ sādhakābhīṣṭadānodyamasamanvitām

Sanskrit only: no published translation is held for this verse.

ध्यात्वैवं पृनयेद्देवीं दूतीं दुर्न्नीतिनाशिनीम् । इत्येषा कथिता तुभ्यं समस्तापन्निवारिणी

dhyātvaivaṃ pṛnayeddevīṃ dūtīṃ durnnītināśinīm / ityeṣā kathitā tubhyaṃ samastāpannivāriṇī

Sanskrit only: no published translation is held for this verse.

श्रीकरी शिवतावासकारिणी सर्वसिद्धिदा । अथ ते नवमीं नित्यां त्वरितां नाम नारद

śrīkarī śivatāvāsakāriṇī sarvasiddhidā / atha te navamīṃ nityāṃ tvaritāṃ nāma nārada

Sanskrit only: no published translation is held for this verse.

प्रवक्ष्यामि यशोविद्याधनारोग्यसुखप्रदाम् । आद्यं तु वह्निवासिन्या दूत्यादिस्तदनन्तरम्

pravakṣyāmi yaśovidyādhanārogyasukhapradām / ādyaṃ tu vahnivāsinyā dūtyādistadanantaram

Sanskrit only: no published translation is held for this verse.

हंसो धरा स्वयं युक्तस्तेजश्चरसमन्वितम् । वायुः प्रभाचरयुता ग्रासशक्तिसमन्वितः

haṃso dharā svayaṃ yuktastejaścarasamanvitam / vāyuḥ prabhācarayutā grāsaśaktisamanvitaḥ

Sanskrit only: no published translation is held for this verse.

हृदार येण दाहेन वह्निस्वाष्टमं तथा । हंसः क्ष्माखंयुतो ग्रासश्चरयुक्तो द्वितीयकः

hṛdāra yeṇa dāhena vahnisvāṣṭamaṃ tathā / haṃsaḥ kṣmākhaṃyuto grāsaścarayukto dvitīyakaḥ

Sanskrit only: no published translation is held for this verse.

द्वितिर्नादयुता नित्या त्वरिता द्वादशाक्षरी । विद्या चतुर्थवर्णादिसप्तभिस्त्वक्षरैस्तथा

dvitirnādayutā nityā tvaritā dvādaśākṣarī / vidyā caturthavarṇādisaptabhistvakṣaraistathā

Sanskrit only: no published translation is held for this verse.

कुर्यादङ्गानि युग्मार्णैः षट्क्रमेण कराङ्गयोः । शिरोललाटकण्ठेषु हृन्नाभ्याधारके तथा

kuryādaṅgāni yugmārṇaiḥ ṣaṭkrameṇa karāṅgayoḥ / śirolalāṭakaṇṭheṣu hṛnnābhyādhārake tathā

Sanskrit only: no published translation is held for this verse.

ऊरुयुग्मे तथा जानुद्वये जङ्घाद्वये तथा । पादयुग्मे तथा वर्णान्मन्त्रजान्दश विन्यसेत्

ūruyugme tathā jānudvaye jaṅghādvaye tathā / pādayugme tathā varṇānmantrajāndaśa vinyaset

Sanskrit only: no published translation is held for this verse.

द्वितीयोपान्त्यमध्यस्थैर्मन्त्रार्णैरितरैरपि । ताराद्यैः शृणु तद्ध्यानं सर्वसिद्धिविधायकम्

dvitīyopāntyamadhyasthairmantrārṇairitarairapi / tārādyaiḥ śṛṇu taddhyānaṃ sarvasiddhividhāyakam

Sanskrit only: no published translation is held for this verse.

श्यामवर्णशुभाकारां नवयौवनशोभिताम् । द्विद्विक्रमादष्टनागैः कल्पिताभरणोज्ज्वलैः

śyāmavarṇaśubhākārāṃ navayauvanaśobhitām / dvidvikramādaṣṭanāgaiḥ kalpitābharaṇojjvalaiḥ

Sanskrit only: no published translation is held for this verse.

ताटङ्कमङ्गदं तद्वद्रसना नूपुरं च तैः । विप्रक्षत्रियविट्शूद्रजातिभिर्भीमविग्रहैः

tāṭaṅkamaṅgadaṃ tadvadrasanā nūpuraṃ ca taiḥ / viprakṣatriyaviṭśūdrajātibhirbhīmavigrahaiḥ

Sanskrit only: no published translation is held for this verse.

पल्लवांशुकसंवीतां शिखिपिच्छकृतैः शुभैः । वलयैर्भूषितभुजां माणिक्यमुकुटोज्ज्वलाम्

pallavāṃśukasaṃvītāṃ śikhipicchakṛtaiḥ śubhaiḥ / valayairbhūṣitabhujāṃ māṇikyamukuṭojjvalām

Sanskrit only: no published translation is held for this verse.

बर्हिबर्हिकृतापीडां तच्छत्रां तत्पताकिनीम् । गुञ्जागुणलसद्वक्षः कुचकुङ्कुममण्डलाम्

barhibarhikṛtāpīḍāṃ tacchatrāṃ tatpatākinīm / guñjāguṇalasadvakṣaḥ kucakuṅkumamaṇḍalām

Sanskrit only: no published translation is held for this verse.

त्रिनेत्रां चारुवदनां मन्दस्मितमुखांबुजाम् । पाशाङ्कुशवराभीतिलसद्भुजचतुष्टयाम्

trinetrāṃ cāruvadanāṃ mandasmitamukhāṃbujām / pāśāṅkuśavarābhītilasadbhujacatuṣṭayām

Sanskrit only: no published translation is held for this verse.

ध्यात्वैवं तोतलां देवीं पूजयेच्छक्तिभिर्वृताम् । तदग्रस्था लु फट्कारी शरचापकरोज्ज्वला

dhyātvaivaṃ totalāṃ devīṃ pūjayecchaktibhirvṛtām / tadagrasthā lu phaṭkārī śaracāpakarojjvalā

Sanskrit only: no published translation is held for this verse.

प्रसीदेत्फलदाने च साधकानां त्वरान्वितां । एषा तु नवमी नित्या त्वरितोक्ता मुनीश्वर

prasīdetphaladāne ca sādhakānāṃ tvarānvitāṃ / eṣā tu navamī nityā tvaritoktā munīśvara

Sanskrit only: no published translation is held for this verse.

विध्नदुःस्वप्रशमनी सर्वाभीष्टप्रदायिनी । शुचिः स्वेन युतस्त्वाद्यो रसावह्निसमन्वितः

vidhnaduḥsvapraśamanī sarvābhīṣṭapradāyinī / śuciḥ svena yutastvādyo rasāvahnisamanvitaḥ

Sanskrit only: no published translation is held for this verse.

प्राणो द्वितीयः स्वयुतो वनदुच्छक्तिभिः परः । इतीरिता त्र्यक्षराख्या नित्येयं कुलसुंदरी

prāṇo dvitīyaḥ svayuto vanaducchaktibhiḥ paraḥ / itīritā tryakṣarākhyā nityeyaṃ kulasuṃdarī

Sanskrit only: no published translation is held for this verse.

यस्याः स्मरण मात्रेण सर्वज्ञत्वं प्रजायते । त्रिभिस्तैरुदितैर्मूलवर्णैः कुर्य्यात्षडङ्गकम्

yasyāḥ smaraṇa mātreṇa sarvajñatvaṃ prajāyate / tribhistairuditairmūlavarṇaiḥ kuryyātṣaḍaṅgakam

Sanskrit only: no published translation is held for this verse.

आदिमध्यावसानेषु पूजाजपविधिक्रमात् । प्रत्येक तैस्त्रिभिर्बीजैर्दीर्घस्वरसमन्वितैः

ādimadhyāvasāneṣu pūjājapavidhikramāt / pratyeka taistribhirbījairdīrghasvarasamanvitaiḥ

Sanskrit only: no published translation is held for this verse.

कुर्यात्कराङ्गवक्त्राणां न्यासं प्रोक्तं यथाविधि । ऊर्द्ध्वप्राग्दक्षिणोदक्च पश्चिमाधस्नाग्नभिः

kuryātkarāṅgavaktrāṇāṃ nyāsaṃ proktaṃ yathāvidhi / ūrddhvaprāgdakṣiṇodakca paścimādhasnāgnabhiḥ

Sanskrit only: no published translation is held for this verse.

सुविनद्यन्तरस्थैस्तन्नदात्मसु यथाक्रमम् । आधाररन्ध्रहृत्स्वेकं द्वितीयं लोचनत्रये

suvinadyantarasthaistannadātmasu yathākramam / ādhārarandhrahṛtsvekaṃ dvitīyaṃ locanatraye

Sanskrit only: no published translation is held for this verse.

तृतीयं श्रोत्रचिबुके चतुर्थं घ्राणतालुषु । पञ्चमं चांसनाभीषु ततः पाणिपदद्वये

tṛtīyaṃ śrotracibuke caturthaṃ ghrāṇatāluṣu / pañcamaṃ cāṃsanābhīṣu tataḥ pāṇipadadvaye

Sanskrit only: no published translation is held for this verse.

मूलमध्याग्रतो न्यस्येन्नवधा मूलवर्णकैः । लोहितां लोहिताकारशक्तिंबृदनिषेविताम्

mūlamadhyāgrato nyasyennavadhā mūlavarṇakaiḥ / lohitāṃ lohitākāraśaktiṃbṛdaniṣevitām

Sanskrit only: no published translation is held for this verse.

लोहितांशुकभूषास्रग्लेपनां षण्मुखांबुजाम् । अनर्ध्यरत्नघटितमाणिक्यमुकुटोज्वलाम्

lohitāṃśukabhūṣāsraglepanāṃ ṣaṇmukhāṃbujām / anardhyaratnaghaṭitamāṇikyamukuṭojvalām

Sanskrit only: no published translation is held for this verse.

रत्नस्तबकसंभिन्नलसद्वक्षःस्थलां शुभाम् । कारुण्यानन्दपरमा मरुणांबुजविष्टराम्

ratnastabakasaṃbhinnalasadvakṣaḥsthalāṃ śubhām / kāruṇyānandaparamā maruṇāṃbujaviṣṭarām

Sanskrit only: no published translation is held for this verse.

भुजैर्द्वादशभिर्युक्तां सर्वेषां सर्ववाढ्मयीम् । प्रवालाक्षस्रजं पद्मं कुण्डिकां रत्ननिर्मिताम्

bhujairdvādaśabhiryuktāṃ sarveṣāṃ sarvavāḍhmayīm / pravālākṣasrajaṃ padmaṃ kuṇḍikāṃ ratnanirmitām

Sanskrit only: no published translation is held for this verse.

रत्नपूर्णं तु चषकं लुङ्गीं व्याख्यानमुद्रिकाम् । दधानां दक्षिणैर्वामैः पुस्तकं चारुणोत्पलम्

ratnapūrṇaṃ tu caṣakaṃ luṅgīṃ vyākhyānamudrikām / dadhānāṃ dakṣiṇairvāmaiḥ pustakaṃ cāruṇotpalam

Sanskrit only: no published translation is held for this verse.

हैमीं च लेखनीं रत्नमालां कंबुवरं भुजैः । अभितः स्तूयमानां च देवगन्धर्वकिन्नरैः

haimīṃ ca lekhanīṃ ratnamālāṃ kaṃbuvaraṃ bhujaiḥ / abhitaḥ stūyamānāṃ ca devagandharvakinnaraiḥ

Sanskrit only: no published translation is held for this verse.

यक्षराक्षसदैत्यर्षिसिद्धविद्याधरादिभिः । ध्यात्वैवमर्चन्नित्यां वाग्लक्ष्मीकान्तिसिद्धये

yakṣarākṣasadaityarṣisiddhavidyādharādibhiḥ / dhyātvaivamarcannityāṃ vāglakṣmīkāntisiddhaye

Sanskrit only: no published translation is held for this verse.

सितां केवलवाक्सिद्ध्यै लक्ष्म्यै हेमप्रभामपि । धूमाभां वैरिविद्विष्ट्यै मृतये निग्रहाय च

sitāṃ kevalavāksiddhyai lakṣmyai hemaprabhāmapi / dhūmābhāṃ vairividviṣṭyai mṛtaye nigrahāya ca

Sanskrit only: no published translation is held for this verse.

नीलां च मूकीकरणे स्मरेत्तत्तदपेक्षया । इत्येषा दशमी नित्याप्रोक्ता ते कुलसुन्दरी

nīlāṃ ca mūkīkaraṇe smarettattadapekṣayā / ityeṣā daśamī nityāproktā te kulasundarī

Sanskrit only: no published translation is held for this verse.

नित्यानित्यां तु दशमीं त्रिकुटां वच्मि सांप्रतम् । हंसश्च हृत्प्राणरसादाहकर्णैः समन्वितः

nityānityāṃ tu daśamīṃ trikuṭāṃ vacmi sāṃpratam / haṃsaśca hṛtprāṇarasādāhakarṇaiḥ samanvitaḥ

Sanskrit only: no published translation is held for this verse.

विद्यया कुलसुंदर्या योजितः संप्रदायतः । नित्यानित्यत्रिवर्णेयं षड्भिः कूटाक्षरैर्युता

vidyayā kulasuṃdaryā yojitaḥ saṃpradāyataḥ / nityānityatrivarṇeyaṃ ṣaḍbhiḥ kūṭākṣarairyutā

Sanskrit only: no published translation is held for this verse.

प्रतिलोमादिभी रूपैर्द्विसप्ततिभिदा मता । यस्या भजनतः सिद्धो नरः स्यात्खेचरः सुखी

pratilomādibhī rūpairdvisaptatibhidā matā / yasyā bhajanataḥ siddho naraḥ syātkhecaraḥ sukhī

Sanskrit only: no published translation is held for this verse.

निग्रहानुग्रहौ कर्तुं क्षमः स्याद्भुवनत्रये । दीर्घस्वरसमेताभ्यां हंसहृभ्द्यां षडङ्गकम्

nigrahānugrahau kartuṃ kṣamaḥ syādbhuvanatraye / dīrghasvarasametābhyāṃ haṃsahṛbhdyāṃ ṣaḍaṅgakam

Sanskrit only: no published translation is held for this verse.

भ्रूमध्ये कण्ठहृन्नाभिगुह्याधारेषु च क्रमात् । विद्याक्षराणि क्रमशो न्यसेद्विन्दुयुतानि च

bhrūmadhye kaṇṭhahṛnnābhiguhyādhāreṣu ca kramāt / vidyākṣarāṇi kramaśo nyasedvinduyutāni ca

Sanskrit only: no published translation is held for this verse.

व्यापकं च समस्तेन विधाय विधिना पुनः । ध्यायेत्समस्तसंपत्तिहेतोः सर्वात्मिकां शिवाम्

vyāpakaṃ ca samastena vidhāya vidhinā punaḥ / dhyāyetsamastasaṃpattihetoḥ sarvātmikāṃ śivām

Sanskrit only: no published translation is held for this verse.

उद्यद्भास्करबिंबाभां माणिक्यमुकुटोज्ज्वलाम् । पद्मरागकृताकल्पामरुणांशुकधारिणीम्

udyadbhāskarabiṃbābhāṃ māṇikyamukuṭojjvalām / padmarāgakṛtākalpāmaruṇāṃśukadhāriṇīm

Sanskrit only: no published translation is held for this verse.

चारुस्मितलसद्वक्त्रषट्सरोजविराजिताम् । प्रतिवक्त्रं त्रिनयनां भुजैर्द्वादशभिर्युताम्

cārusmitalasadvaktraṣaṭsarojavirājitām / prativaktraṃ trinayanāṃ bhujairdvādaśabhiryutām

Sanskrit only: no published translation is held for this verse.

पाशाक्षगुणपुण्ड्रेक्षुचापखेटत्रिशूलकान् । करैर्वामैर्दधानां च अङ्कुशं पुस्तकं तथा

pāśākṣaguṇapuṇḍrekṣucāpakheṭatriśūlakān / karairvāmairdadhānāṃ ca aṅkuśaṃ pustakaṃ tathā

Sanskrit only: no published translation is held for this verse.

पुष्पेषुमंबुजं चैव नृकपालाभये तथा । दधानां दक्षिणैर्हस्तैर्ध्यायेद्देवीमनन्यधीः

puṣpeṣumaṃbujaṃ caiva nṛkapālābhaye tathā / dadhānāṃ dakṣiṇairhastairdhyāyeddevīmananyadhīḥ

Sanskrit only: no published translation is held for this verse.

इत्येषैका दशी प्रोक्ता द्वादशीं शृणु नारद । त्वरितोयान्त्यमाद्यं स्याद्युतिदोहचरस्वयुक्

ityeṣaikā daśī proktā dvādaśīṃ śṛṇu nārada / tvaritoyāntyamādyaṃ syādyutidohacarasvayuk

Sanskrit only: no published translation is held for this verse.

हृञ्च दाहक्ष्मास्वयुतं वज्रेशीपञ्चमं तथा । मरुत्स्वयुक्तो मध्याढ्यो दशम्याः परतः पुनः

hṛñca dāhakṣmāsvayutaṃ vajreśīpañcamaṃ tathā / marutsvayukto madhyāḍhyo daśamyāḥ parataḥ punaḥ

Sanskrit only: no published translation is held for this verse.

भूमी रसाक्ष्मास्वयुता वज्रेशीत्यष्टमः क्रमात् । षडक्षराणि त्वरिता तृतीयं तदनन्तरम्

bhūmī rasākṣmāsvayutā vajreśītyaṣṭamaḥ kramāt / ṣaḍakṣarāṇi tvaritā tṛtīyaṃ tadanantaram

Sanskrit only: no published translation is held for this verse.

द्युतिर्दाहचरस्वेन अस्या आद्यमनन्तरम् । उक्ता नीलपताकाख्या नित्या सप्तदशाक्षरी

dyutirdāhacarasvena asyā ādyamanantaram / uktā nīlapatākākhyā nityā saptadaśākṣarī

Sanskrit only: no published translation is held for this verse.

द्विद्विपक्षाक्षिषड्वर्णैर्मन्त्रोत्थैरङ्गकल्पनम् । श्रोत्रादिनासायुगले वाचि कण्ठे हृदि क्रमात्

dvidvipakṣākṣiṣaḍvarṇairmantrotthairaṅgakalpanam / śrotrādināsāyugale vāci kaṇṭhe hṛdi kramāt

Sanskrit only: no published translation is held for this verse.

नाभावाधारके ऽथापि पादसंधिषु च क्रमात् । मन्त्राक्षराणि क्रमशो न्यसेत्सप्तदशापि च

nābhāvādhārake 'thāpi pādasaṃdhiṣu ca kramāt / mantrākṣarāṇi kramaśo nyasetsaptadaśāpi ca

Sanskrit only: no published translation is held for this verse.

व्यापकं च समस्तेन विदध्याञ्च यथाविधि । इन्द्रनीलनिभां भास्वन्मणिमौलिविराजिताम्

vyāpakaṃ ca samastena vidadhyāñca yathāvidhi / indranīlanibhāṃ bhāsvanmaṇimaulivirājitām

Sanskrit only: no published translation is held for this verse.

पञ्चवक्त्रां त्रिनयनामरुणांशुकधारिणीम् । दशहस्तां लसन्मुक्तामण्याभरणमण्डिताम्

pañcavaktrāṃ trinayanāmaruṇāṃśukadhāriṇīm / daśahastāṃ lasanmuktāmaṇyābharaṇamaṇḍitām

Sanskrit only: no published translation is held for this verse.

रत्नस्तबकसंपन्नदेहां चारुस्मिताननाम् । पाशं पताकां चर्मापि शार्ङ्गचापं वरं करैः

ratnastabakasaṃpannadehāṃ cārusmitānanām / pāśaṃ patākāṃ carmāpi śārṅgacāpaṃ varaṃ karaiḥ

Sanskrit only: no published translation is held for this verse.

दधानां वामपार्श्वस्थैः सर्वाभरणभूषितैः । अङ्कुशे च तथा शर्क्ति खङ्गं बाणं तथाभयम्

dadhānāṃ vāmapārśvasthaiḥ sarvābharaṇabhūṣitaiḥ / aṅkuśe ca tathā śarkti khaṅgaṃ bāṇaṃ tathābhayam

Sanskrit only: no published translation is held for this verse.

दधानां दक्षिणैर्हस्तैरासीनां पद्मविष्टरे । स्वाकारवर्णवेषास्यपाण्यायुधविभूषणैः

dadhānāṃ dakṣiṇairhastairāsīnāṃ padmaviṣṭare / svākāravarṇaveṣāsyapāṇyāyudhavibhūṣaṇaiḥ

Sanskrit only: no published translation is held for this verse.

शक्तिवृन्दैर्वृतां ध्यायेद्देवीं नित्यार्चनक्रमे । त्रिषट्कोणयुतं पद्ममष्टपत्रं ततो बहिः

śaktivṛndairvṛtāṃ dhyāyeddevīṃ nityārcanakrame / triṣaṭkoṇayutaṃ padmamaṣṭapatraṃ tato bahiḥ

Sanskrit only: no published translation is held for this verse.

अष्टास्रं भूपुरद्वन्द्वावृतं तत्पुरयुग्मकम् । चतुर्द्वारयुतं दिक्षु शाखाभिश्च समन्वितम्

aṣṭāsraṃ bhūpuradvandvāvṛtaṃ tatpurayugmakam / caturdvārayutaṃ dikṣu śākhābhiśca samanvitam

Sanskrit only: no published translation is held for this verse.

कृत्वा नामावृतां शक्तिं गणैस्तत्रार्चयेच्छिवाम् । एषा ते द्वादशी नित्या प्रोक्ता नीलपताकिनी

kṛtvā nāmāvṛtāṃ śaktiṃ gaṇaistatrārcayecchivām / eṣā te dvādaśī nityā proktā nīlapatākinī

Sanskrit only: no published translation is held for this verse.

समरे विजयं खङ्गपादुकाञ्जनसिद्धिदा । वेतालयक्षिणीचेटपिशाचादिप्रसाधिनी

samare vijayaṃ khaṅgapādukāñjanasiddhidā / vetālayakṣiṇīceṭapiśācādiprasādhinī

Sanskrit only: no published translation is held for this verse.

निधानबिलसिद्धान्नसाधिनी कामचोदिता । अथ त्रयोदेशीं नित्यां वक्ष्यामि शृणु नारद

nidhānabilasiddhānnasādhinī kāmacoditā / atha trayodeśīṃ nityāṃ vakṣyāmi śṛṇu nārada

Sanskrit only: no published translation is held for this verse.

रसो नभस्तथा दाहो व्याप्तक्ष्मावनपूर्विका । खेन युक्ता भवेन्नित्या विजयैकाक्षरा मुने

raso nabhastathā dāho vyāptakṣmāvanapūrvikā / khena yuktā bhavennityā vijayaikākṣarā mune

Sanskrit only: no published translation is held for this verse.

विद्याया व्यञ्जनैर्दीर्घस्वरयुक्तैश्चतुष्टयम् । शेषाभ्यां च द्वयं कुर्यात्षडङ्गानि कराङ्गयोः

vidyāyā vyañjanairdīrghasvarayuktaiścatuṣṭayam / śeṣābhyāṃ ca dvayaṃ kuryātṣaḍaṅgāni karāṅgayoḥ

Sanskrit only: no published translation is held for this verse.

ज्ञानेन्द्रियेषु श्रोत्रादिष्वथ चित्ते च विन्यसेत् । अक्षराणि क्रमाद्बिन्दुयुतान्यन्यत्तु पूर्ववत्

jñānendriyeṣu śrotrādiṣvatha citte ca vinyaset / akṣarāṇi kramādbinduyutānyanyattu pūrvavat

Sanskrit only: no published translation is held for this verse.

पञ्च वक्त्रां दशभुजां प्रतिवक्त्रं त्रिलोचनाम् । भास्वन्मुकुटविन्यासचन्द्रलेखाविराजिताम्

pañca vaktrāṃ daśabhujāṃ prativaktraṃ trilocanām / bhāsvanmukuṭavinyāsacandralekhāvirājitām

Sanskrit only: no published translation is held for this verse.

सर्वाभरणसंयुक्तां पीतांबरसमुज्ज्वलाम् । उद्यद्भास्वद्बिंबतुल्यदेहकान्तिं शुचिस्मिताम्

sarvābharaṇasaṃyuktāṃ pītāṃbarasamujjvalām / udyadbhāsvadbiṃbatulyadehakāntiṃ śucismitām

Sanskrit only: no published translation is held for this verse.

शङ्खं पाशं खेटचापौ कह्लारं वामबाहुभिः । चक्रं तथाङ्कुशं खङ्गं सायकं मातुलुं गकम्

śaṅkhaṃ pāśaṃ kheṭacāpau kahlāraṃ vāmabāhubhiḥ / cakraṃ tathāṅkuśaṃ khaṅgaṃ sāyakaṃ mātuluṃ gakam

Sanskrit only: no published translation is held for this verse.

दधानां दक्षिणैर्हस्तैः प्रयोगे भीमदर्शनाम् । उपासनेति सौम्यां च सिंहोपरि कृतासनाम्

dadhānāṃ dakṣiṇairhastaiḥ prayoge bhīmadarśanām / upāsaneti saumyāṃ ca siṃhopari kṛtāsanām

Sanskrit only: no published translation is held for this verse.

व्याघ्रारूढाभिरभितः शक्तिभिः परिवारिताम् । समरे पूजने ऽन्येषु प्रयोगेषु सुखासनाम्

vyāghrārūḍhābhirabhitaḥ śaktibhiḥ parivāritām / samare pūjane 'nyeṣu prayogeṣu sukhāsanām

Sanskrit only: no published translation is held for this verse.

शक्तयश्चापि पूजायां सुखासनसमन्विताः । सर्वा देव्याः समाकारमुखपाण्यायुधा अपि

śaktayaścāpi pūjāyāṃ sukhāsanasamanvitāḥ / sarvā devyāḥ samākāramukhapāṇyāyudhā api

Sanskrit only: no published translation is held for this verse.

चतुरस्रद्वयं कृत्वा चतुर्द्वारोपशोभितम् । शाखष्टकसमोपेतं तत्र प्राग्वत्समर्चयेत्

caturasradvayaṃ kṛtvā caturdvāropaśobhitam / śākhaṣṭakasamopetaṃ tatra prāgvatsamarcayet

Sanskrit only: no published translation is held for this verse.

तदन्तर्वृतयुग्मान्तरष्टकोणं विधाय तु । तदन्तश्च तथा पद्मं षोडशच्छदसंयुतम्

tadantarvṛtayugmāntaraṣṭakoṇaṃ vidhāya tu / tadantaśca tathā padmaṃ ṣoḍaśacchadasaṃyutam

Sanskrit only: no published translation is held for this verse.

तथैवाष्टच्छद पद्मं विधायावाह्य तत्र ताम् । तत्तच्छक्त्या वृतां सम्यगुपचारैस्तथार्चयेत्

tathaivāṣṭacchada padmaṃ vidhāyāvāhya tatra tām / tattacchaktyā vṛtāṃ samyagupacāraistathārcayet

Sanskrit only: no published translation is held for this verse.

एषा त्रघयोदशी प्रोक्ता वादेयुद्धे जयप्रदा । चतुर्दशीं प्रवक्ष्ये ऽथ नित्यां वै सर्वमङ्गलाम्

eṣā traghayodaśī proktā vādeyuddhe jayapradā / caturdaśīṃ pravakṣye 'tha nityāṃ vai sarvamaṅgalām

Sanskrit only: no published translation is held for this verse.

हृदंबुवनयुक्तं खं नित्या स्यात्सर्वमङ्गला

hṛdaṃbuvanayuktaṃ khaṃ nityā syātsarvamaṅgalā

Sanskrit only: no published translation is held for this verse.

एकाक्षर्यनया सिद्धो जायते खेचरः क्षणात् । षड्दीर्घाढ्यां मूलविद्यां षडङ्गेषु प्रविन्यसेत्

ekākṣaryanayā siddho jāyate khecaraḥ kṣaṇāt / ṣaḍdīrghāḍhyāṃ mūlavidyāṃ ṣaḍaṅgeṣu pravinyaset

Sanskrit only: no published translation is held for this verse.

तां नित्यां जातरूपाभां मुक्तामाणिक्यभूषणाम् । माणिक्यमुकुटां नेत्रद्वयप्रेङ्खद्दयापराम्

tāṃ nityāṃ jātarūpābhāṃ muktāmāṇikyabhūṣaṇām / māṇikyamukuṭāṃ netradvayapreṅkhaddayāparām

Sanskrit only: no published translation is held for this verse.

द्विभुजां शासनां पद्मे त्वष्टषोडशतद्द्वयैः । पत्रैरुपेते सचतुद्वारंभूसद्मयुग्मके

dvibhujāṃ śāsanāṃ padme tvaṣṭaṣoḍaśataddvayaiḥ / patrairupete sacatudvāraṃbhūsadmayugmake

Sanskrit only: no published translation is held for this verse.

मातुलुङ्गफलं दक्षे दधानां करपङ्कजे । वामेन निजभक्तानां प्रयच्छन्तीं धनादिकम्

mātuluṅgaphalaṃ dakṣe dadhānāṃ karapaṅkaje / vāmena nijabhaktānāṃ prayacchantīṃ dhanādikam

Sanskrit only: no published translation is held for this verse.

स्वसमानाभिरभितः शक्तिभिः परिवारिताम् । षट्सप्तातीभिरन्याभिरप्सरोत्थाभिरन्विताम्

svasamānābhirabhitaḥ śaktibhiḥ parivāritām / ṣaṭsaptātībhiranyābhirapsarotthābhiranvitām

Sanskrit only: no published translation is held for this verse.

प्रयोगेष्वन्यदा नित्यं सपर्यासूक्तशक्तिकाम् । एषा चतुर्दशी प्रोक्ता तथा पञ्चदशीं शृणु

prayogeṣvanyadā nityaṃ saparyāsūktaśaktikām / eṣā caturdaśī proktā tathā pañcadaśīṃ śṛṇu

Sanskrit only: no published translation is held for this verse.

भूः शून्यं नभसा भूश्च रसश्चाथ स्थिरांबु च । रयोग्निना युतीज्यांबुमरुद्युक्तारसा मरुत्

bhūḥ śūnyaṃ nabhasā bhūśca rasaścātha sthirāṃbu ca / rayogninā yutījyāṃbumarudyuktārasā marut

Sanskrit only: no published translation is held for this verse.

नभश्च मरुता युक्तं रसा शून्ये ऽपि संयुते । गोत्रा चरेण सहिता अंबुपूर्वाक्षरस्तथा

nabhaśca marutā yuktaṃ rasā śūnye 'pi saṃyute / gotrā careṇa sahitā aṃbupūrvākṣarastathā

Sanskrit only: no published translation is held for this verse.

अंब्वग्नी हृञ्च दाहांबुरसक्ष्मारयहृत्स्वयुक् । हंसश्च मरुता दाहः प्राणश्च मरुता युतः

aṃbvagnī hṛñca dāhāṃburasakṣmārayahṛtsvayuk / haṃsaśca marutā dāhaḥ prāṇaśca marutā yutaḥ

Sanskrit only: no published translation is held for this verse.

दाहः साग्निप्राणचरौ ज्यामरुत्सहितारयः । चरेणांबु च गोत्राहृत्साग्निर्ज्यांबुरसा स्वयुक्

dāhaḥ sāgniprāṇacarau jyāmarutsahitārayaḥ / careṇāṃbu ca gotrāhṛtsāgnirjyāṃburasā svayuk

Sanskrit only: no published translation is held for this verse.

रयः साग्निर्ज्यांबुरसा पुनरेते जवी ततः । दाहेनानेन ते द्विः स्याद्भस्वो दाहमरुत्स्वयुक्

rayaḥ sāgnirjyāṃburasā punarete javī tataḥ / dāhenānena te dviḥ syādbhasvo dāhamarutsvayuk

Sanskrit only: no published translation is held for this verse.

हंसः सदाहवह्निस्वो दाहक्ष्मास्वयुतश्च सः । सप्तदाहास्ततो ऽस्याः स्युरष्टमाद्यास्तु पञ्च ते

haṃsaḥ sadāhavahnisvo dāhakṣmāsvayutaśca saḥ / saptadāhāstato 'syāḥ syuraṣṭamādyāstu pañca te

Sanskrit only: no published translation is held for this verse.

उपान्त्याधः स्थितं नीलपताकाया अनन्तरम् । त्वरिता त्वं च भेरुण्डाष्टमं च नवनं तथा

upāntyādhaḥ sthitaṃ nīlapatākāyā anantaram / tvaritā tvaṃ ca bheruṇḍāṣṭamaṃ ca navanaṃ tathā

Sanskrit only: no published translation is held for this verse.

सा ज्वालामालिनीनित्या त्रिषष्ट्यर्णा समीरिता । एकद्वयचतुःपञ्चचतुष्टयदशाक्षरैः

sā jvālāmālinīnityā triṣaṣṭyarṇā samīritā / ekadvayacatuḥpañcacatuṣṭayadaśākṣaraiḥ

Sanskrit only: no published translation is held for this verse.

कुर्यादङ्गानि मूलार्णैरादितः षट्कराङ्गयोः । शेषैस्तु व्यापकं कुर्यात्ततो ध्यायेत्सनातनीम्

kuryādaṅgāni mūlārṇairāditaḥ ṣaṭkarāṅgayoḥ / śeṣaistu vyāpakaṃ kuryāttato dhyāyetsanātanīm

Sanskrit only: no published translation is held for this verse.

ज्वलज्ज्वलनसंकाशां माणिक्यमुकुटोज्ज्वलाम् । षड्वक्त्रां द्वादशभुजां सर्वाभरणभूषिताम्

jvalajjvalanasaṃkāśāṃ māṇikyamukuṭojjvalām / ṣaḍvaktrāṃ dvādaśabhujāṃ sarvābharaṇabhūṣitām

Sanskrit only: no published translation is held for this verse.

पाशाङ्कुशौ खङ्गखेटौ चापबाणौ गदादरौ । शूलवह्नी वराभीती दधानां कपपङ्कजैः

pāśāṅkuśau khaṅgakheṭau cāpabāṇau gadādarau / śūlavahnī varābhītī dadhānāṃ kapapaṅkajaiḥ

Sanskrit only: no published translation is held for this verse.

स्वप्रमाणाभिरभितः शक्तिभिः परिवारिताम् । चारुस्मितलसद्वक्त्र सरोजां त्रीक्षणान्वताम्

svapramāṇābhirabhitaḥ śaktibhiḥ parivāritām / cārusmitalasadvaktra sarojāṃ trīkṣaṇānvatām

Sanskrit only: no published translation is held for this verse.

ध्यात्वैवमुपचारैस्तैरर्चयेत्तां तु नित्यशः । चतुरस्रद्वयं कृत्वा चतुर्द्वारसमन्वितम्

dhyātvaivamupacāraistairarcayettāṃ tu nityaśaḥ / caturasradvayaṃ kṛtvā caturdvārasamanvitam

Sanskrit only: no published translation is held for this verse.

सशाखमष्टपत्राब्जमन्तरा त्र्यस्रकं ततः । षट्कोणं मध्यतस्त्र्यस्रं विधायात्र शिवां जयेत्

saśākhamaṣṭapatrābjamantarā tryasrakaṃ tataḥ / ṣaṭkoṇaṃ madhyatastryasraṃ vidhāyātra śivāṃ jayet

Sanskrit only: no published translation is held for this verse.

एषा पञ्चदशी प्रोक्ता षोडशीं शृणु नारद । वायुप्रणवतत्त्वैस्तु चित्रास्यादक्षरद्वया

eṣā pañcadaśī proktā ṣoḍaśīṃ śṛṇu nārada / vāyupraṇavatattvaistu citrāsyādakṣaradvayā

Sanskrit only: no published translation is held for this verse.

या सिद्धा धनधान्यात्मनिधिलाभाय कल्प्यते । विद्याद्यवायुना कुर्याद्दीर्घस्वरयुजा क्रमात्

yā siddhā dhanadhānyātmanidhilābhāya kalpyate / vidyādyavāyunā kuryāddīrghasvarayujā kramāt

Sanskrit only: no published translation is held for this verse.

षडङ्गानि यथापूर्वं मातृकां विद्यया न्यसेत् । उद्यदादित्यबिंबाभां नवरत्नविभूषणाम्

ṣaḍaṅgāni yathāpūrvaṃ mātṛkāṃ vidyayā nyaset / udyadādityabiṃbābhāṃ navaratnavibhūṣaṇām

Sanskrit only: no published translation is held for this verse.

नवरत्नकिरीटां च चित्रपट्टांशुकोज्ज्वलाम् । चतुर्भुजां त्रिनयनां शुचिस्मितलसन्मुखीम्

navaratnakirīṭāṃ ca citrapaṭṭāṃśukojjvalām / caturbhujāṃ trinayanāṃ śucismitalasanmukhīm

Sanskrit only: no published translation is held for this verse.

सर्वानन्दमयीं नित्यां समस्तेप्सितदायिनीम् । चतुर्भुजेषु वै पाशमङ्कुशं वरदाभये

sarvānandamayīṃ nityāṃ samastepsitadāyinīm / caturbhujeṣu vai pāśamaṅkuśaṃ varadābhaye

Sanskrit only: no published translation is held for this verse.

दधानां मङ्गलां पद्मकर्णिकायोनिमध्यगाम् । तच्छक्तिभिश्च तच्चक्रे तथैवार्चनमीरितम्

dadhānāṃ maṅgalāṃ padmakarṇikāyonimadhyagām / tacchaktibhiśca taccakre tathaivārcanamīritam

Sanskrit only: no published translation is held for this verse.

प्राणदाहौ धरायुक्तो पुनराद्यं रसे मरुत् । व्यासं मरुच्छक्तियुतं भूः स्वयुक्ता ततस्त्रयम्

prāṇadāhau dharāyukto punarādyaṃ rase marut / vyāsaṃ marucchaktiyutaṃ bhūḥ svayuktā tatastrayam

Sanskrit only: no published translation is held for this verse.

अस्या आद्यां रसायुग्मं चरणेन प्रयोजितम् । दाहेन वह्निशक्तिभ्यां युतो हंसस्ततः परम्

asyā ādyāṃ rasāyugmaṃ caraṇena prayojitam / dāhena vahniśaktibhyāṃ yuto haṃsastataḥ param

Sanskrit only: no published translation is held for this verse.

नभोदिर्हृत्सदाहांबुज्या शून्यं स्वेन संयुतम् । अंबु पश्चाद्विषयुक्तं मरुता तु नभोयुतम्

nabhodirhṛtsadāhāṃbujyā śūnyaṃ svena saṃyutam / aṃbu paścādviṣayuktaṃ marutā tu nabhoyutam

Sanskrit only: no published translation is held for this verse.

शून्यं व्याप्तं भुवा हंसः पूर्वान्त्यौ स्यान्मनुत्रयम् । अस्याः षष्ठादिपञ्चार्णा दैत्यास्यादाद्य ईरितः

śūnyaṃ vyāptaṃ bhuvā haṃsaḥ pūrvāntyau syānmanutrayam / asyāḥ ṣaṣṭhādipañcārṇā daityāsyādādya īritaḥ

Sanskrit only: no published translation is held for this verse.

एकादशाक्षरादन्त्या द्वितीयः खण्ड ईरितः । तृतीयः पञ्चविंशार्णः प्रोक्ता मन्त्रा इति क्रमात्

ekādaśākṣarādantyā dvitīyaḥ khaṇḍa īritaḥ / tṛtīyaḥ pañcaviṃśārṇaḥ proktā mantrā iti kramāt

Sanskrit only: no published translation is held for this verse.

बाला बीजत्रयाद्यैर्द्विस्त्रिभिर्मन्त्रैः षडगङ्कम् । विकीर्णकुन्तलां नग्रां रक्तामानन्दविग्रहाम्

bālā bījatrayādyairdvistribhirmantraiḥ ṣaḍagaṅkam / vikīrṇakuntalāṃ nagrāṃ raktāmānandavigrahām

Sanskrit only: no published translation is held for this verse.

दधानां चिन्तयेद्बाणचापपाशसृणीकरैः । तत्समानायुधाकारवर्णा देव्यास्तु वा

dadhānāṃ cintayedbāṇacāpapāśasṛṇīkaraiḥ / tatsamānāyudhākāravarṇā devyāstu vā

Sanskrit only: no published translation is held for this verse.

ऋतुस्राताः स्फुरद्योन्यः सदानन्दारुणेक्षणाः । इत्येषा कुरुकुल्लान्ते प्रोक्ता चन्द्रावलीस्वयम्

ṛtusrātāḥ sphuradyonyaḥ sadānandāruṇekṣaṇāḥ / ityeṣā kurukullānte proktā candrāvalīsvayam

Sanskrit only: no published translation is held for this verse.

वाराहीमभिधास्यामि ललितायाः परा तनुः । शुचिः स्वेनाथ शून्यं स्यान्नभसाभ्ररसिस्थिरा

vārāhīmabhidhāsyāmi lalitāyāḥ parā tanuḥ / śuciḥ svenātha śūnyaṃ syānnabhasābhrarasisthirā

Sanskrit only: no published translation is held for this verse.

अंबु पश्चाद्रयः साग्निर्मरुतांबुरयौ तथा । इलसायुतो ऽग्निरेतानि पुनरंबुमरुद्युतम्

aṃbu paścādrayaḥ sāgnirmarutāṃburayau tathā / ilasāyuto 'gniretāni punaraṃbumarudyutam

Sanskrit only: no published translation is held for this verse.

दाहांबुमरुताहंसस्त्वग्निनैतत्त्रयं पुनः । अम्बुदाहौ मरुद्युक्तौ हंसो ऽथ धरया नभः

dāhāṃbumarutāhaṃsastvagninaitattrayaṃ punaḥ / ambudāhau marudyuktau haṃso 'tha dharayā nabhaḥ

Sanskrit only: no published translation is held for this verse.

तेजोग्निना पुनः पञ्च वातः स्वेन समायुतः । तोयं चरेण तत्पूर्वं तोयमग्नियुतं ततः

tejogninā punaḥ pañca vātaḥ svena samāyutaḥ / toyaṃ careṇa tatpūrvaṃ toyamagniyutaṃ tataḥ

Sanskrit only: no published translation is held for this verse.

शून्यं व्याप्तेन शुचिना शून्यं शक्त्या नभो युतम् । दाहो धरा स्वसहरितस्तोयं चरसमन्वितम्

śūnyaṃ vyāptena śucinā śūnyaṃ śaktyā nabho yutam / dāho dharā svasaharitastoyaṃ carasamanvitam

Sanskrit only: no published translation is held for this verse.

एतत्पूर्वमधुः प्रोक्तं चतुष्टयमतः परम् । ज्याख्येन युक्ता सचरो रभश्चैतस्य पूर्वकम्

etatpūrvamadhuḥ proktaṃ catuṣṭayamataḥ param / jyākhyena yuktā sacaro rabhaścaitasya pūrvakam

Sanskrit only: no published translation is held for this verse.

रसो ऽग्निना पुनः प्रोक्तं चतुष्का अपयं ततः । शुभोभ्रता चरेणापि हंसः स्वेन सपूर्वकम्

raso 'gninā punaḥ proktaṃ catuṣkā apayaṃ tataḥ / śubhobhratā careṇāpi haṃsaḥ svena sapūrvakam

Sanskrit only: no published translation is held for this verse.

हंसो ऽग्निना प्राक् त्रितयं हृदयं स्वसमायुतम् । रसश्चरेण तत्पूर्वमग्निना च रसो युतः

haṃso 'gninā prāk tritayaṃ hṛdayaṃ svasamāyutam / rasaścareṇa tatpūrvamagninā ca raso yutaḥ

Sanskrit only: no published translation is held for this verse.