Nārada Purāṇa 1.88

पश्चादुक्तस्त्रयं वातो धरया च नभोन्वितम् । प्राणः स्वेन युतः पश्चाद्धृदयस्वयुतं रसः

paścāduktastrayaṃ vāto dharayā ca nabhonvitam / prāṇaḥ svena yutaḥ paścāddhṛdayasvayutaṃ rasaḥ

Sanskrit only: no published translation is held for this verse.

व्याप्तमेतत्त्रयं पश्चाद्दाहेनांबु समन्वितम् । गोत्राभरायुता स्पर्शो नादयुक्तो जवीयुतः

vyāptametattrayaṃ paścāddāhenāṃbu samanvitam / gotrābharāyutā sparśo nādayukto javīyutaḥ

Sanskrit only: no published translation is held for this verse.

दाहेन पूर्वपूर्वं च पूर्वं च मरुता युतम् । शून्यं मरुत्स्वसहितं हृद्दाहेनांबुना चरः

dāhena pūrvapūrvaṃ ca pūrvaṃ ca marutā yutam / śūnyaṃ marutsvasahitaṃ hṛddāhenāṃbunā caraḥ

Sanskrit only: no published translation is held for this verse.

स्पर्शो मरुत्स्वसहितो हृद्दाहेनांबुसंयुतम् । ज्याग्निः स्वसंयुतो हंसस्तथांबु मरुता सह

sparśo marutsvasahito hṛddāhenāṃbusaṃyutam / jyāgniḥ svasaṃyuto haṃsastathāṃbu marutā saha

Sanskrit only: no published translation is held for this verse.

हृद्रूप्रेण स्वेन युतं रसश्च स्वेन संयुतः । प्राणदाहौ धरायुक्तौ पुनस्तौ वह्निना वियत्

hṛdrūpreṇa svena yutaṃ rasaśca svena saṃyutaḥ / prāṇadāhau dharāyuktau punastau vahninā viyat

Sanskrit only: no published translation is held for this verse.

वार्द्दाहयुक्तमंबु स्यादिषष्ट्यासस्वसंयुतम् । पूर्वद्विरुक्तवर्णौ च शुद्धिः स्वेन युतस्तथा

vārddāhayuktamaṃbu syādiṣaṣṭyāsasvasaṃyutam / pūrvadviruktavarṇau ca śuddhiḥ svena yutastathā

Sanskrit only: no published translation is held for this verse.

स्थिरा रसा वतस्वेन दावौ हंसौ धरा स्वयुक् । युतिर्नादवती पश्चाद्धृदंबुमरुता युतम्

sthirā rasā vatasvena dāvau haṃsau dharā svayuk / yutirnādavatī paścāddhṛdaṃbumarutā yutam

Sanskrit only: no published translation is held for this verse.

हंसश्च मरुता विद्यः दशोत्तरशताक्षरी । वाराही पञ्चमी विश्वविजया भद्रकौमुदी

haṃsaśca marutā vidyaḥ daśottaraśatākṣarī / vārāhī pañcamī viśvavijayā bhadrakaumudī

Sanskrit only: no published translation is held for this verse.

वार्तालीति च विख्याता स्तंभनाद्यखिलेष्टदा । अङ्गानि कुर्यान्मन्त्रार्णैः सप्तभिषड्भिरेव च

vārtālīti ca vikhyātā staṃbhanādyakhileṣṭadā / aṅgāni kuryānmantrārṇaiḥ saptabhiṣaḍbhireva ca

Sanskrit only: no published translation is held for this verse.

दशभिः सप्तभिः सप्तसंख्यैर्जातिभिर्दिताः । त्रिकोणवृत्तषट्कोणवृत्तद्वयसमन्वितम्

daśabhiḥ saptabhiḥ saptasaṃkhyairjātibhirditāḥ / trikoṇavṛttaṣaṭkoṇavṛttadvayasamanvitam

Sanskrit only: no published translation is held for this verse.

विधाय चक्रं तत्रैव स्वनामालिख्यपूजयेत् । ध्यायेच्च देवीं कीलास्यां ततः काञ्चनसन्निभाम्

vidhāya cakraṃ tatraiva svanāmālikhyapūjayet / dhyāyecca devīṃ kīlāsyāṃ tataḥ kāñcanasannibhām

Sanskrit only: no published translation is held for this verse.

आकण्ठं वनितारूपां ज्वलत्पिङ्गसरोरुहाम् । त्रिनेत्रामष्टहस्तां च चक्रं शङ्खमथाङ्कुशम्

ākaṇṭhaṃ vanitārūpāṃ jvalatpiṅgasaroruhām / trinetrāmaṣṭahastāṃ ca cakraṃ śaṅkhamathāṅkuśam

Sanskrit only: no published translation is held for this verse.

पाशं च मुशलं शीर्षमभयं वरदं तथा । दधानां गरुडस्कन्धे सुखासीनां विचिन्तयेत्

pāśaṃ ca muśalaṃ śīrṣamabhayaṃ varadaṃ tathā / dadhānāṃ garuḍaskandhe sukhāsīnāṃ vicintayet

Sanskrit only: no published translation is held for this verse.

नित्यपूजासु तच्छक्तीस्तत्समानाः स्मरेन्मुने । प्रयोगेषु स्मरेद्देवीं सिंहस्थां व्याघ्रगामपि

nityapūjāsu tacchaktīstatsamānāḥ smarenmune / prayogeṣu smareddevīṃ siṃhasthāṃ vyāghragāmapi

Sanskrit only: no published translation is held for this verse.

गजारूढां हयारूढां तर्श्यारूढां च शक्तिभिः । श्यामामप्यरुणां पीतामसितांभोजविग्रहाम्

gajārūḍhāṃ hayārūḍhāṃ tarśyārūḍhāṃ ca śaktibhiḥ / śyāmāmapyaruṇāṃ pītāmasitāṃbhojavigrahām

Sanskrit only: no published translation is held for this verse.

तत्तत्त्प्रयोगेषु तथा ध्यायेत्तत्तदवाप्तये । अरुणां पञ्चमीं वश्ये पीतां स्तंभनके स्मरेत्

tattattprayogeṣu tathā dhyāyettattadavāptaye / aruṇāṃ pañcamīṃ vaśye pītāṃ staṃbhanake smaret

Sanskrit only: no published translation is held for this verse.

श्यामां च दुर्गमे मार्गे सितां युद्धे ऽरिनष्टये । धूम्रामुच्चाटने ध्यायेत्साधको द्विजसत्तमः

śyāmāṃ ca durgame mārge sitāṃ yuddhe 'rinaṣṭaye / dhūmrāmuccāṭane dhyāyetsādhako dvijasattamaḥ

Sanskrit only: no published translation is held for this verse.

एताः षोडश नित्यास्ते संक्षपात्समुदीरिताः । भजतामिष्टदाः सद्यः सर्वपापक्षयङ्कराः

etāḥ ṣoḍaśa nityāste saṃkṣapātsamudīritāḥ / bhajatāmiṣṭadāḥ sadyaḥ sarvapāpakṣayaṅkarāḥ

Sanskrit only: no published translation is held for this verse.