Library·Nārada Purāṇa·2·2.27
इति श्रीबृहन्नारदीयपुराणोत्तरभागे मोहिनीचरिते षड्वविंशो ऽध्यायः अदस्तदा । आहूय जननीं शीघ्रं नाम्ना संध्यावलीं शुभाम्
iti śrībṛhannāradīyapurāṇottarabhāge mohinīcarite ṣaḍvaviṃśo 'dhyāyaḥ adastadā / āhūya jananīṃ śīghraṃ nāmnā saṃdhyāvalīṃ śubhām
Sanskrit only: no published translation is held for this verse.
सूर्यायुत समप्रख्यां तेजसा रुचिरस्तनाम् । पालयन्तीं धरां सर्वां पादविन्यासविक्रमैः
sūryāyuta samaprakhyāṃ tejasā rucirastanām / pālayantīṃ dharāṃ sarvāṃ pādavinyāsavikramaiḥ
Sanskrit only: no published translation is held for this verse.
पुत्रस्य वचनात्प्राप्ता तत्क्षणं नृपसन्निधौ । श्राविता मोहिनी वाक्यं पितुर्वाक्यं तथैव च
putrasya vacanātprāptā tatkṣaṇaṃ nṛpasannidhau / śrāvitā mohinī vākyaṃ piturvākyaṃ tathaiva ca
Sanskrit only: no published translation is held for this verse.
उभयोः संविदं कृत्वा परिसांत्वय्य मोहिनीम् । भोजनाय स्थितामेनां नृपस्य हरिवासरे
ubhayoḥ saṃvidaṃ kṛtvā parisāṃtvayya mohinīm / bhojanāya sthitāmenāṃ nṛpasya harivāsare
Sanskrit only: no published translation is held for this verse.
यथा नो च्यवते सत्याद्यथा भुङ्क्ते न मे पिता । तथा विधीयतामेवं कुशलं चोभयोर्भवेत्
yathā no cyavate satyādyathā bhuṅkte na me pitā / tathā vidhīyatāmevaṃ kuśalaṃ cobhayorbhavet
Sanskrit only: no published translation is held for this verse.
तत्पुत्रवचनं श्रुत्वा देवी संध्यावली नृप । मोहिनीं श्लक्ष्णया वाचा प्राह ब्रह्मसुता तदा
tatputravacanaṃ śrutvā devī saṃdhyāvalī nṛpa / mohinīṃ ślakṣṇayā vācā prāha brahmasutā tadā
Sanskrit only: no published translation is held for this verse.
माग्रहं कुरु वामोरु कथञ्चिदपि भूपतिः । नास्वादयति पापान्न संप्राप्ते हरिवासरे
māgrahaṃ kuru vāmoru kathañcidapi bhūpatiḥ / nāsvādayati pāpānna saṃprāpte harivāsare
Sanskrit only: no published translation is held for this verse.
अनुवर्तय राजान गुरुरेष सनातनः । सदा भवति या नारी भर्तुर्वचनकारिणी
anuvartaya rājāna gurureṣa sanātanaḥ / sadā bhavati yā nārī bharturvacanakāriṇī
Sanskrit only: no published translation is held for this verse.
तस्याः स्युरक्षयया लोकाः सावित्र्यास्तु यथामलाः । यद्यनेन पुरा देवि तव दत्तः करो गिरौ
tasyāḥ syurakṣayayā lokāḥ sāvitryāstu yathāmalāḥ / yadyanena purā devi tava dattaḥ karo girau
Sanskrit only: no published translation is held for this verse.
कामार्तेन विमूढेन तन्न यो ऽग्यं विचिन्तितम् । यद्देयं तद्ददात्येष ह्यदेयं प्रार्थयस्व मा
kāmārtena vimūḍhena tanna yo 'gyaṃ vicintitam / yaddeyaṃ taddadātyeṣa hyadeyaṃ prārthayasva mā
Sanskrit only: no published translation is held for this verse.
विपत्तिरपि भद्रैव सन्मार्गे संस्थितस्य तु । न भुक्तं येन सुभगे शैशवे ऽपि हरेर्दिने
vipattirapi bhadraiva sanmārge saṃsthitasya tu / na bhuktaṃ yena subhage śaiśave 'pi harerdine
Sanskrit only: no published translation is held for this verse.
स कथं भोक्ष्यते पुण्ये माधवस्य दिने ऽधुना । कामं वरय वामोरुवरमन्यं सुदुर्लभम्
sa kathaṃ bhokṣyate puṇye mādhavasya dine 'dhunā / kāmaṃ varaya vāmoruvaramanyaṃ sudurlabham
Sanskrit only: no published translation is held for this verse.
तं ददात्येव भूपालो निवृत्ता भव भोजने । मन्यसे यदि मां देवि धर्माङ्गदविरोहिणीम्
taṃ dadātyeva bhūpālo nivṛttā bhava bhojane / manyase yadi māṃ devi dharmāṅgadavirohiṇīm
Sanskrit only: no published translation is held for this verse.
अस्मज्जीवितसंयुक्तं राज्यं वरय सुव्रते । सप्तद्वीपसमेतं हि ससरिद्वनपर्वतम्
asmajjīvitasaṃyuktaṃ rājyaṃ varaya suvrate / saptadvīpasametaṃ hi sasaridvanaparvatam
Sanskrit only: no published translation is held for this verse.
कनिष्ठाया वरिष्ठाहं करिष्ये पादवन्दनम् । भर्तुरर्थे विशालाक्षि प्रसीद तनुमध्यमे
kaniṣṭhāyā variṣṭhāhaṃ kariṣye pādavandanam / bharturarthe viśālākṣi prasīda tanumadhyame
Sanskrit only: no published translation is held for this verse.
वाचा शपथदोषैस्तु संनिरुध्य पतिं हि या । अकार्यं कारयेत्पापा सा नारी निरये वसेत्
vācā śapathadoṣaistu saṃnirudhya patiṃ hi yā / akāryaṃ kārayetpāpā sā nārī niraye vaset
Sanskrit only: no published translation is held for this verse.
सा च्युता नरकाद्धोरात्सप्तजन्मानि पञ्च च । सूकरीं योनिमाप्नोति चाण्डालीं च ततः परम्
sā cyutā narakāddhorātsaptajanmāni pañca ca / sūkarīṃ yonimāpnoti cāṇḍālīṃ ca tataḥ param
Sanskrit only: no published translation is held for this verse.
एवं ज्ञात्वा मया देवि विक्रियां पापसंभवाम् । निवारितासि वामोरु सखीभावेन सुंदरि
evaṃ jñātvā mayā devi vikriyāṃ pāpasaṃbhavām / nivāritāsi vāmoru sakhībhāvena suṃdari
Sanskrit only: no published translation is held for this verse.
विपक्षस्यापि सद्बुद्धिर्दातव्या धर्ममिच्छता । किं पुनः सखिसंस्थायास्तव पद्मनिभानने
vipakṣasyāpi sadbuddhirdātavyā dharmamicchatā / kiṃ punaḥ sakhisaṃsthāyāstava padmanibhānane
Sanskrit only: no published translation is held for this verse.
संध्या वलीवचः श्रुत्वा मोहिनी मोहकारिणी । उवाच कनकाभां तां भर्तुर्ज्येष्ठां प्रियां तदा
saṃdhyā valīvacaḥ śrutvā mohinī mohakāriṇī / uvāca kanakābhāṃ tāṃ bharturjyeṣṭhāṃ priyāṃ tadā
Sanskrit only: no published translation is held for this verse.
माननीयासि मे सुभ्रु करोमि वचनं तव । विद्वद्भिर्मुनिभिर्य्यत्तु गीयते नारदादिभिः
mānanīyāsi me subhru karomi vacanaṃ tava / vidvadbhirmunibhiryyattu gīyate nāradādibhiḥ
Sanskrit only: no published translation is held for this verse.
यदि तन्नाचरेद्राजा भोजनं हरिवासरे । क्रियतामपरं देवि मरणादधिकं तव
yadi tannācaredrājā bhojanaṃ harivāsare / kriyatāmaparaṃ devi maraṇādadhikaṃ tava
Sanskrit only: no published translation is held for this verse.
ममापि दुःखदंह्येतद्दैवाज्जल्पाम्यहं शुभे । कस्येष्टमात्महननं कस्येष्टं विषभक्षणम्
mamāpi duḥkhadaṃhyetaddaivājjalpāmyahaṃ śubhe / kasyeṣṭamātmahananaṃ kasyeṣṭaṃ viṣabhakṣaṇam
Sanskrit only: no published translation is held for this verse.
पतनं वा गिरेर्मूर्ध्रः क्रीडा वापि बिलेशयैः । व्याघ्रसिंहाभिगमनं समुद्रतरणं तथा
patanaṃ vā girermūrdhraḥ krīḍā vāpi bileśayaiḥ / vyāghrasiṃhābhigamanaṃ samudrataraṇaṃ tathā
Sanskrit only: no published translation is held for this verse.
दरुक्तानृतवाक्यं वा परदाराभिमर्शनम् । अपथ्यभक्षणं लोके तथाभक्ष्यस्य भक्षणम्
daruktānṛtavākyaṃ vā paradārābhimarśanam / apathyabhakṣaṇaṃ loke tathābhakṣyasya bhakṣaṇam
Sanskrit only: no published translation is held for this verse.
मृगाटनमथाक्षैर्वा क्रीडनं साहसं तथा । छेदनं तृणकाष्ठानां लोष्टानामवमर्द्दनम्
mṛgāṭanamathākṣairvā krīḍanaṃ sāhasaṃ tathā / chedanaṃ tṛṇakāṣṭhānāṃ loṣṭānāmavamarddanam
Sanskrit only: no published translation is held for this verse.
हिंसनं सूक्ष्मदेवानां जलपावकखेलनम् । दैवाविष्टो वरारोहे नरः सर्वं करोति वै
hiṃsanaṃ sūkṣmadevānāṃ jalapāvakakhelanam / daivāviṣṭo varārohe naraḥ sarvaṃ karoti vai
Sanskrit only: no published translation is held for this verse.
त्रिवर्गविच्युतं घोरं यशोदेहहरं क्षितौ । नरकार्हे नरो देवि करोत्यशुभकर्म तत्
trivargavicyutaṃ ghoraṃ yaśodehaharaṃ kṣitau / narakārhe naro devi karotyaśubhakarma tat
Sanskrit only: no published translation is held for this verse.
साहं पापा दुराचारा वक्तुकामा सुनिर्घृणम् । यादृशेन हि भावेन योनौ शुक्रं समुत्सृजेत्
sāhaṃ pāpā durācārā vaktukāmā sunirghṛṇam / yādṛśena hi bhāvena yonau śukraṃ samutsṛjet
Sanskrit only: no published translation is held for this verse.
तादृशेन हि भावेन संतानं संभवेदिति । साहं विवादभावेन राज्ञो रुक्माङ्गदस्य हि
tādṛśena hi bhāvena saṃtānaṃ saṃbhavediti / sāhaṃ vivādabhāvena rājño rukmāṅgadasya hi
Sanskrit only: no published translation is held for this verse.
जाता जलजजातेन स्त्रीरूपा वरवर्णिनी । दुष्टभावा तथा जाता कर्त्री दुष्टं नृपस्य तु
jātā jalajajātena strīrūpā varavarṇinī / duṣṭabhāvā tathā jātā kartrī duṣṭaṃ nṛpasya tu
Sanskrit only: no published translation is held for this verse.
न लग्नं न ग्रहा देवि न होरा पुण्यदर्शिनी । तत्कालभावना ग्राह्या तद्भावो जायते सुतः
na lagnaṃ na grahā devi na horā puṇyadarśinī / tatkālabhāvanā grāhyā tadbhāvo jāyate sutaḥ
Sanskrit only: no published translation is held for this verse.
तेन भावेन जातस्य दाक्षिण्यं नोपपद्यते । न च व्रीडा न च स्नेहो न धर्मो देवि विद्यते
tena bhāvena jātasya dākṣiṇyaṃ nopapadyate / na ca vrīḍā na ca sneho na dharmo devi vidyate
Sanskrit only: no published translation is held for this verse.
जानन्नपि यथायुक्तस्तं भावमनुवर्तते
jānannapi yathāyuktastaṃ bhāvamanuvartate
Sanskrit only: no published translation is held for this verse.
वक्ष्ये वचः प्राणहरं तवाधुना भर्तुः सलोकस्य वधूजनस्य । धर्मापहं वाच्यकरं ममापि कर्तुं न शक्यं मनसापि भीरु
vakṣye vacaḥ prāṇaharaṃ tavādhunā bhartuḥ salokasya vadhūjanasya / dharmāpahaṃ vācyakaraṃ mamāpi kartuṃ na śakyaṃ manasāpi bhīru
Sanskrit only: no published translation is held for this verse.
करोषि वाक्यं यदि मामकं हि भवेच्च कीर्तिर्महतीह लोके । भर्तुर्यशः स्यात्त्रिदिवे गतिस्ते पुत्रे प्रशंसा मम धिग्विवादः
karoṣi vākyaṃ yadi māmakaṃ hi bhavecca kīrtirmahatīha loke / bharturyaśaḥ syāttridive gatiste putre praśaṃsā mama dhigvivādaḥ
Sanskrit only: no published translation is held for this verse.
वसिष्ठ उवाच मोहिनीवचनं श्रुत्वा देवी संध्यावली विभो । धैर्यमालंब्य तां तन्वीं ब्रूहि ब्रूहीत्यचोदयत्
vasiṣṭha uvāca mohinīvacanaṃ śrutvā devī saṃdhyāvalī vibho / dhairyamālaṃbya tāṃ tanvīṃ brūhi brūhītyacodayat
Sanskrit only: no published translation is held for this verse.
कीदृशं वदसे वाक्यं येन दुःखं भवेन्मम । भर्तुर्मे सत्यकरणे न दुःखं जायते क्वचित् । आत्मनो निधने वापि पुत्रस्य निधने ऽपि वा । भर्तुरर्थे प्रकुर्वन्त्या राज्यनाशे न मे व्यथा
kīdṛśaṃ vadase vākyaṃ yena duḥkhaṃ bhavenmama / bharturme satyakaraṇe na duḥkhaṃ jāyate kvacit / ātmano nidhane vāpi putrasya nidhane 'pi vā / bharturarthe prakurvantyā rājyanāśe na me vyathā
Sanskrit only: no published translation is held for this verse.
यस्या दुःखी भवेद्भर्ता भार्याया वरवार्णिनी । समृद्धायाः सपापायास्तस्याः प्रोक्ता ह्यधोगतिः
yasyā duḥkhī bhavedbhartā bhāryāyā varavārṇinī / samṛddhāyāḥ sapāpāyāstasyāḥ proktā hyadhogatiḥ
Sanskrit only: no published translation is held for this verse.
सा याति नरकं पापा पूयाख्यं युगसप्ततिम् । ततश्छुछुन्दरी स्याच्च सप्त जन्मानि भारते
sā yāti narakaṃ pāpā pūyākhyaṃ yugasaptatim / tataśchuchundarī syācca sapta janmāni bhārate
Sanskrit only: no published translation is held for this verse.
ततः काकी ततः श्याली गोधा गोत्वेन शुद्ध्यति । भर्तुरर्थे तु या वित्तें विद्यमानं न यच्छति
tataḥ kākī tataḥ śyālī godhā gotvena śuddhyati / bharturarthe tu yā vitteṃ vidyamānaṃ na yacchati
Sanskrit only: no published translation is held for this verse.
जीवितं वा वरारोहे विष्ठायां सा भवेत्क्रिमिः । क्रिमियोनिविनिर्मुक्ता काष्ठीला जायते शुभे
jīvitaṃ vā varārohe viṣṭhāyāṃ sā bhavetkrimiḥ / krimiyonivinirmuktā kāṣṭhīlā jāyate śubhe
Sanskrit only: no published translation is held for this verse.
मम कौमारभावे तु मत्पितुः काष्ठपाटकः । अग्निप्रज्वालनाथ हि काष्ठं पाटयते चिरम्
mama kaumārabhāve tu matpituḥ kāṣṭhapāṭakaḥ / agniprajvālanātha hi kāṣṭhaṃ pāṭayate ciram
Sanskrit only: no published translation is held for this verse.
सखीभिः सहिता चाहं क्रीडासंसक्तमानसा । काष्ठं पाटयतस्तस्य समीपमगमं तदा
sakhībhiḥ sahitā cāhaṃ krīḍāsaṃsaktamānasā / kāṣṭhaṃ pāṭayatastasya samīpamagamaṃ tadā
Sanskrit only: no published translation is held for this verse.
तत्र दृष्टा मया सुभ्रु काष्ठीला दारुनिर्गता । नवनीतनिभं देहं बिभ्राणा चाञ्जनत्विषम्
tatra dṛṣṭā mayā subhru kāṣṭhīlā dārunirgatā / navanītanibhaṃ dehaṃ bibhrāṇā cāñjanatviṣam
Sanskrit only: no published translation is held for this verse.
कनिष्ठिकाङ्गुलिसमा स्थौल्ये ह्यङ्गुलिमानिका । तां दृष्ट्वा पतितां भूमौ हन्तुं ध्वाङ्क्षः समागतः
kaniṣṭhikāṅgulisamā sthaulye hyaṅgulimānikā / tāṃ dṛṣṭvā patitāṃ bhūmau hantuṃ dhvāṅkṣaḥ samāgataḥ
Sanskrit only: no published translation is held for this verse.
यावद्गृह्णाति वक्त्रेण काष्ठीलां क्षुधितः स तु । तावन्निवारितः सद्यो मया लोष्टेन तत्क्षणात्
yāvadgṛhṇāti vaktreṇa kāṣṭhīlāṃ kṣudhitaḥ sa tu / tāvannivāritaḥ sadyo mayā loṣṭena tatkṣaṇāt
Sanskrit only: no published translation is held for this verse.
सा मुक्ता ताडितेनेत्थं वायसेन वरानने । सक्षता तुण्डसंस्पृष्टा न च शक्ता पलायितुम्
sā muktā tāḍitenetthaṃ vāyasena varānane / sakṣatā tuṇḍasaṃspṛṣṭā na ca śaktā palāyitum
Sanskrit only: no published translation is held for this verse.
ततः सा वेपमाना तु प्राणत्यागमुपागमत् । सिक्ता किञ्चिज्जलैनैव ततः स्वास्थ्यमुपागता
tataḥ sā vepamānā tu prāṇatyāgamupāgamat / siktā kiñcijjalainaiva tataḥ svāsthyamupāgatā
Sanskrit only: no published translation is held for this verse.
तततः सा मानुषीवाचा मामाह वरवर्णिनी । संध्यावलीति संबोध्य सखीमध्यसमास्थिताम्
tatataḥ sā mānuṣīvācā māmāha varavarṇinī / saṃdhyāvalīti saṃbodhya sakhīmadhyasamāsthitām
Sanskrit only: no published translation is held for this verse.
सुमन्तुनाम्नो हि मुनेः सर्वज्ञस्य सुताभवम् । पूर्वजन्मनि पत्नी च कैण्डिन्यस्य शुभानने
sumantunāmno hi muneḥ sarvajñasya sutābhavam / pūrvajanmani patnī ca kaiṇḍinyasya śubhānane
Sanskrit only: no published translation is held for this verse.
न्यवसं कान्यकुब्जे तु सुसमृद्धा सुदर्पिता । जनन्या बन्धुवर्गस्य पितुरिष्टतमा ह्यहम्
nyavasaṃ kānyakubje tu susamṛddhā sudarpitā / jananyā bandhuvargasya pituriṣṭatamā hyaham
Sanskrit only: no published translation is held for this verse.
पित्रा दत्ता ततश्चाहं कैण्डिन्याय महात्मने । कुलीनाय सरूपाय स्त्रीसंगरहिताय च
pitrā dattā tataścāhaṃ kaiṇḍinyāya mahātmane / kulīnāya sarūpāya strīsaṃgarahitāya ca
Sanskrit only: no published translation is held for this verse.
शयनीयादिकं दत्तं यौतुकं जनकेन मे । श्वशुरेणापि मे दत्तं सुवर्णस्यायुतं पुरा
śayanīyādikaṃ dattaṃ yautukaṃ janakena me / śvaśureṇāpi me dattaṃ suvarṇasyāyutaṃ purā
Sanskrit only: no published translation is held for this verse.
पितृश्वशूरवित्ताभ्यां परिपूर्णाभवं तदा । गोमहिष्यादिसंयुक्ता धनधान्यसमन्विता
pitṛśvaśūravittābhyāṃ paripūrṇābhavaṃ tadā / gomahiṣyādisaṃyuktā dhanadhānyasamanvitā
Sanskrit only: no published translation is held for this verse.
इष्टा श्वशुरयोश्वाहं सौशीन्येन जनस्य च । कालेन पञ्चतां प्राप्तः श्वशुरो वेदतत्त्ववित्
iṣṭā śvaśurayośvāhaṃ sauśīnyena janasya ca / kālena pañcatāṃ prāptaḥ śvaśuro vedatattvavit
Sanskrit only: no published translation is held for this verse.
तं मृतं पतिमादाय श्वश्रूरग्निं विवेश सा । ततो भर्ताञ्जलिं दत्वा पित्रोः श्राद्धमथाकरोत्
taṃ mṛtaṃ patimādāya śvaśrūragniṃ viveśa sā / tato bhartāñjaliṃ datvā pitroḥ śrāddhamathākarot
Sanskrit only: no published translation is held for this verse.
गते मासद्वये देवि भर्ता मे राजमन्दिरम् । गतः कौतुकभावेनहृच्छयेन प्रपीडितः
gate māsadvaye devi bhartā me rājamandiram / gataḥ kautukabhāvenahṛcchayena prapīḍitaḥ
Sanskrit only: no published translation is held for this verse.
तत्र वेश्याः सुरूपाढ्या यौवनेन समन्विताः । प्रविशत्यां नृपगृहे दृष्टास्तेन द्विजन्मना
tatra veśyāḥ surūpāḍhyā yauvanena samanvitāḥ / praviśatyāṃ nṛpagṛhe dṛṣṭāstena dvijanmanā
Sanskrit only: no published translation is held for this verse.
तासां मध्यात्तु द्वे गृह्यवित्तदानेन भूरिणा । स्वगृहे धारयामास क्रीडार्थं दुर्मतिः पतिः
tāsāṃ madhyāttu dve gṛhyavittadānena bhūriṇā / svagṛhe dhārayāmāsa krīḍārthaṃ durmatiḥ patiḥ
Sanskrit only: no published translation is held for this verse.
ताभ्यां वित्तमशेषं तु क्षयं नीतं निषेवणात् । वर्षत्रये गते देवि निस्वो जातः पतिर्मम
tābhyāṃ vittamaśeṣaṃ tu kṣayaṃ nītaṃ niṣevaṇāt / varṣatraye gate devi nisvo jātaḥ patirmama
Sanskrit only: no published translation is held for this verse.
तता मां प्रार्थयामास देहि मे ऽङ्गविभूषणम् । तन्मया नहि दत्तं तु भर्त्रे व्यसनिने तदा
tatā māṃ prārthayāmāsa dehi me 'ṅgavibhūṣaṇam / tanmayā nahi dattaṃ tu bhartre vyasanine tadā
Sanskrit only: no published translation is held for this verse.
सुभगे सर्वमादाय गताहं मन्दिरं पितुः । ततः पितृगृहे वित्तं भृत्यादिकमशेषतः
subhage sarvamādāya gatāhaṃ mandiraṃ pituḥ / tataḥ pitṛgṛhe vittaṃ bhṛtyādikamaśeṣataḥ
Sanskrit only: no published translation is held for this verse.
विक्रीय दत्तं वैश्याभ्यां तच्चापि क्षयमागतम् । क्षेत्रधान्यादिकं यच्च सभाण्डं सपरिच्छदम्
vikrīya dattaṃ vaiśyābhyāṃ taccāpi kṣayamāgatam / kṣetradhānyādikaṃ yacca sabhāṇḍaṃ saparicchadam
Sanskrit only: no published translation is held for this verse.
स्वल्पमूल्येन विक्रीयगतो नदनदीपतिम् । नावमारुह्य मे भर्ता विवेशान्तर्महोदधेः
svalpamūlyena vikrīyagato nadanadīpatim / nāvamāruhya me bhartā viveśāntarmahodadheḥ
Sanskrit only: no published translation is held for this verse.
स गतो दूरमध्वानं पश्यमानो ऽद्भुतानि च । शुभे समुद्रजातानि जीवचेष्ठाङ्कितानि च
sa gato dūramadhvānaṃ paśyamāno 'dbhutāni ca / śubhe samudrajātāni jīvaceṣṭhāṅkitāni ca
Sanskrit only: no published translation is held for this verse.
प्रभञ्जनवशं प्राप्ता सा नौका शतयोजनम् । गता विशीर्णतां तत्र मृतास्ते नावमाश्रिताः
prabhañjanavaśaṃ prāptā sā naukā śatayojanam / gatā viśīrṇatāṃ tatra mṛtāste nāvamāśritāḥ
Sanskrit only: no published translation is held for this verse.
मत्पतिर्दैवयोगेन दीर्घ काष्ठं समाश्रितः । वायुना नीयमानो ऽसौ प्राचीनेन स्वकर्मणा
matpatirdaivayogena dīrgha kāṣṭhaṃ samāśritaḥ / vāyunā nīyamāno 'sau prācīnena svakarmaṇā
Sanskrit only: no published translation is held for this verse.
आससादाचलं देवि रत्नशृङ्गविभूषितम् । बहुनिर् झरणोपेतं बहुपक्षिसमन्वितम्
āsasādācalaṃ devi ratnaśṛṅgavibhūṣitam / bahunir jharaṇopetaṃ bahupakṣisamanvitam
Sanskrit only: no published translation is held for this verse.
बहुवृक्षैः समाकीर्णं नानापुष्पफलोपगैः । उल्लिखन्तं हि शिखरैः खमध्यं स्वात्मनस्त्रिभिः
bahuvṛkṣaiḥ samākīrṇaṃ nānāpuṣpaphalopagaiḥ / ullikhantaṃ hi śikharaiḥ khamadhyaṃ svātmanastribhiḥ
Sanskrit only: no published translation is held for this verse.
तं दृष्ट्वा पर्वतं दिव्यं त्यक्त्वा नौकाष्ठमद्भुतम् । आरुरोह मुदायुक्तो वित्ताकाङ्क्षी सुलोचने
taṃ dṛṣṭvā parvataṃ divyaṃ tyaktvā naukāṣṭhamadbhutam / āruroha mudāyukto vittākāṅkṣī sulocane
Sanskrit only: no published translation is held for this verse.
विशश्राम मुहूर्तं तु क्षुत्पिपासासमन्वितः । तत उत्थाय भक्ष्यार्थं वृक्षांस्तत्र व्यलोकयत्
viśaśrāma muhūrtaṃ tu kṣutpipāsāsamanvitaḥ / tata utthāya bhakṣyārthaṃ vṛkṣāṃstatra vyalokayat
Sanskrit only: no published translation is held for this verse.
सुपक्वास्तत्र मृद्वीका दृष्ट्वा भुक्त्वा मुदान्वितः । शान्तिं प्राप्तस्ततो ऽपश्यत्सालमेकं सुनिर्मलम्
supakvāstatra mṛdvīkā dṛṣṭvā bhuktvā mudānvitaḥ / śāntiṃ prāptastato 'paśyatsālamekaṃ sunirmalam
Sanskrit only: no published translation is held for this verse.
घनच्छायं मेघनिभं पञ्चाशत्पुरुषोच्छ्रयम् । तस्याधस्तात्स सुष्वाप स्वोत्तरीयं प्रसार्य च
ghanacchāyaṃ meghanibhaṃ pañcāśatpuruṣocchrayam / tasyādhastātsa suṣvāpa svottarīyaṃ prasārya ca
Sanskrit only: no published translation is held for this verse.
मोहिन्या निद्रया चैव संप्रघूर्णितलोचनः । तावत्सुप्तो ऽतिखिन्नो ऽसौ यावत्सूर्यो ऽस्ततां गतः
mohinyā nidrayā caiva saṃpraghūrṇitalocanaḥ / tāvatsupto 'tikhinno 'sau yāvatsūryo 'statāṃ gataḥ
Sanskrit only: no published translation is held for this verse.
सूर्ये ऽस्तं समनुप्राप्ते समायाते निशामुखे । अभ्यगाद्राक्षसो घोरो गर्जमानो यथा घनः
sūrye 'staṃ samanuprāpte samāyāte niśāmukhe / abhyagādrākṣaso ghoro garjamāno yathā ghanaḥ
Sanskrit only: no published translation is held for this verse.
अङ्केनादाय तन्वङ्गीं सीतामिव दशाननः । शुभां काशीपतेः पुत्रीं नाम्ना रत्नावलीं शुभाम्
aṅkenādāya tanvaṅgīṃ sītāmiva daśānanaḥ / śubhāṃ kāśīpateḥ putrīṃ nāmnā ratnāvalīṃ śubhām
Sanskrit only: no published translation is held for this verse.
अधौतपादां सुश्रोणीं सौम्यदिक्छीर्षशायिनीम् । पतिकामा कुमारी सा नाविन्दत्सदृशं पतिम्
adhautapādāṃ suśroṇīṃ saumyadikchīrṣaśāyinīm / patikāmā kumārī sā nāvindatsadṛśaṃ patim
Sanskrit only: no published translation is held for this verse.
सर्वयोषिद्वरा बाला रुदती निद्रयाकुला । पिता तस्याः प्रदाने तु चिन्ताविष्टो ह्यहर्न्निशम्
sarvayoṣidvarā bālā rudatī nidrayākulā / pitā tasyāḥ pradāne tu cintāviṣṭo hyaharnniśam
Sanskrit only: no published translation is held for this verse.
दीपच्छायाश्रिते तन्वि शयने सा व्यवस्थिता । अटमानेन पापेन दृष्टा सा रूपशालिनी
dīpacchāyāśrite tanvi śayane sā vyavasthitā / aṭamānena pāpena dṛṣṭā sā rūpaśālinī
Sanskrit only: no published translation is held for this verse.
दीपरत्नैः सुखचिते धारयन्ती च कङ्कणे । उभयोर्दश रत्नानि निष्के च दशपञ्च च
dīparatnaiḥ sukhacite dhārayantī ca kaṅkaṇe / ubhayordaśa ratnāni niṣke ca daśapañca ca
Sanskrit only: no published translation is held for this verse.
सीमन्ते सप्त रत्नानि केयूरे ऽष्टौ च पञ्च च । एवं रत्नाचितां बालां शातकुम्भसमप्रभाम्
sīmante sapta ratnāni keyūre 'ṣṭau ca pañca ca / evaṃ ratnācitāṃ bālāṃ śātakumbhasamaprabhām
Sanskrit only: no published translation is held for this verse.
जहार राजभवनात्तां तदा चारुहासिनीम् । वायुमार्गं समाश्रित्य क्षणात्प्राप्तः स्वमालयम्
jahāra rājabhavanāttāṃ tadā cāruhāsinīm / vāyumārgaṃ samāśritya kṣaṇātprāptaḥ svamālayam
Sanskrit only: no published translation is held for this verse.
तं पर्वतं स यत्रास्ते पतिर्मेशालमाश्रितः । तत्र तस्य गुहां दृष्ट्वा सुवर्णसदृशप्रभाम्
taṃ parvataṃ sa yatrāste patirmeśālamāśritaḥ / tatra tasya guhāṃ dṛṣṭvā suvarṇasadṛśaprabhām
Sanskrit only: no published translation is held for this verse.
तद्भयस्यासहा तत्र प्रविवेशास्य पश्यतः । अनेकैर्मणिविन्यासैः संयुक्तां चित्रमन्दिराम्
tadbhayasyāsahā tatra praviveśāsya paśyataḥ / anekairmaṇivinyāsaiḥ saṃyuktāṃ citramandirām
Sanskrit only: no published translation is held for this verse.
नानाद्रव्यसमाकीर्णां शयनासनसंयुताम् । भोजनैः पानपात्रैश्च भक्ष्यभोज्यैरनेकधा
nānādravyasamākīrṇāṃ śayanāsanasaṃyutām / bhojanaiḥ pānapātraiśca bhakṣyabhojyairanekadhā
Sanskrit only: no published translation is held for this verse.
प्रविश्य तत्र शय्यायां मुमोचोत्पललोचनाम् । रुदतीमतिसंत्रस्तां पीनश्रोणिपयोधराम्
praviśya tatra śayyāyāṃ mumocotpalalocanām / rudatīmatisaṃtrastāṃ pīnaśroṇipayodharām
Sanskrit only: no published translation is held for this verse.
तस्यास्तु रुदितं श्रुत्वा तस्य भार्या हि राक्षसी । आजगाम त्वरायुक्ता यत्रासौ राक्षसः स्थितः
tasyāstu ruditaṃ śrutvā tasya bhāryā hi rākṣasī / ājagāma tvarāyuktā yatrāsau rākṣasaḥ sthitaḥ
Sanskrit only: no published translation is held for this verse.
तां दृष्ट्वा चारुसर्वाङ्गीं तप्तकाञ्चनसप्रभाम् । पप्रच्छ निजभर्तारं क्रुद्धा निर्भर्त्सती सती
tāṃ dṛṣṭvā cārusarvāṅgīṃ taptakāñcanasaprabhām / papraccha nijabhartāraṃ kruddhā nirbhartsatī satī
Sanskrit only: no published translation is held for this verse.
किमर्थमाहृता चेयं जीवन्त्यां मयि निर्घृणं । अन्यां समीहसे भार्यां नाहं भार्यां भवामि ते
kimarthamāhṛtā ceyaṃ jīvantyāṃ mayi nirghṛṇaṃ / anyāṃ samīhase bhāryāṃ nāhaṃ bhāryāṃ bhavāmi te
Sanskrit only: no published translation is held for this verse.
एवं ब्रुवाणां तां भर्ता राक्षसीमसितेक्षणाम् । उवाच राक्षसो हर्षात्स्वां प्रियां चारुलोचनाम्
evaṃ bruvāṇāṃ tāṃ bhartā rākṣasīmasitekṣaṇām / uvāca rākṣaso harṣātsvāṃ priyāṃ cārulocanām
Sanskrit only: no published translation is held for this verse.
त्वदर्थमाहृतं भक्ष्यं मया कोश्याः शुभानने । दैवोपपादितं द्वारि द्वितीयं मम तिष्ठति
tvadarthamāhṛtaṃ bhakṣyaṃ mayā kośyāḥ śubhānane / daivopapāditaṃ dvāri dvitīyaṃ mama tiṣṭhati
Sanskrit only: no published translation is held for this verse.
शालवृक्षाश्रितः शेते विप्रश्चैको वरानने । तमानय त्वरायुक्ता येनाहं भक्ष्यमाचरे
śālavṛkṣāśritaḥ śete vipraścaiko varānane / tamānaya tvarāyuktā yenāhaṃ bhakṣyamācare
Sanskrit only: no published translation is held for this verse.
राक्षसस्य वचः श्रुत्वा कुमारी साब्रवीदिदम् । मिथ्या राक्षसि भर्ता ते भाषते त्वद्भयादयम्
rākṣasasya vacaḥ śrutvā kumārī sābravīdidam / mithyā rākṣasi bhartā te bhāṣate tvadbhayādayam
Sanskrit only: no published translation is held for this verse.
ज्ञात्वा त्वां जरयोपेतां विरूपामतिजिह्यगाम् । सुप्तां पितृगृहे रात्रौ मां समासाद्य कामतः
jñātvā tvāṃ jarayopetāṃ virūpāmatijihyagām / suptāṃ pitṛgṛhe rātrau māṃ samāsādya kāmataḥ
Sanskrit only: no published translation is held for this verse.
अनूढां रुदतीं भद्रे भार्यार्थं समुपानयत् । इतीरितमुपाकर्ण्य वचनं राजकन्यया
anūḍhāṃ rudatīṃ bhadre bhāryārthaṃ samupānayat / itīritamupākarṇya vacanaṃ rājakanyayā
Sanskrit only: no published translation is held for this verse.
क्रोधयुक्तातिमात्रं वै बभूव क्षिपती वचः । तस्याश्च रूपमालोक्य सत्यमेवावधारयत्
krodhayuktātimātraṃ vai babhūva kṣipatī vacaḥ / tasyāśca rūpamālokya satyamevāvadhārayat
Sanskrit only: no published translation is held for this verse.
चिन्तयामास चाप्येवं भार्यार्थे ह्याहृतेति च । अवश्यं मूर्घ्निं कीलं मे रोषयिष्यति राक्षसः
cintayāmāsa cāpyevaṃ bhāryārthe hyāhṛteti ca / avaśyaṃ mūrghniṃ kīlaṃ me roṣayiṣyati rākṣasaḥ
Sanskrit only: no published translation is held for this verse.
मास्म सीमन्तिनी काचिद्भेवत्सा भुवनत्रये । या सापत्न्येन दुःखेन पीड्यमाना हि जीवति
māsma sīmantinī kācidbhevatsā bhuvanatraye / yā sāpatnyena duḥkhena pīḍyamānā hi jīvati
Sanskrit only: no published translation is held for this verse.
सर्वेषामेव दुःखानां महच्चेदं न संशयः । सामान्यद्रव्यभोगादि निष्ठा चैवापरा भवेत्
sarveṣāmeva duḥkhānāṃ mahaccedaṃ na saṃśayaḥ / sāmānyadravyabhogādi niṣṭhā caivāparā bhavet
Sanskrit only: no published translation is held for this verse.
एवं सा बहु संचिन्त्य भर्तारं वाक्यमब्रवीत् । मदीया मम भक्ष्यार्थं त्वयानीता सुलोचना
evaṃ sā bahu saṃcintya bhartāraṃ vākyamabravīt / madīyā mama bhakṣyārthaṃ tvayānītā sulocanā
Sanskrit only: no published translation is held for this verse.
तं विप्रमानयिष्यामि भक्ष्यार्थं तव सुव्रत । ततः स राक्षसः प्राह गच्छगच्छेति सत्वरम्
taṃ vipramānayiṣyāmi bhakṣyārthaṃ tava suvrata / tataḥ sa rākṣasaḥ prāha gacchagaccheti satvaram
Sanskrit only: no published translation is held for this verse.
सृक्किणी स्रवते ऽत्यर्थं तस्य भक्षणकाम्यया । ततः सा राक्षसी घोरा श्रुत्वा पतिसमीरितम्
sṛkkiṇī sravate 'tyarthaṃ tasya bhakṣaṇakāmyayā / tataḥ sā rākṣasī ghorā śrutvā patisamīritam
Sanskrit only: no published translation is held for this verse.
निर्जगाम दुरन्ताशा ददर्श द्विजसत्तमम् । रूपयौवनसंयुक्तं विद्यारत्नविभूषितम्
nirjagāma durantāśā dadarśa dvijasattamam / rūpayauvanasaṃyuktaṃ vidyāratnavibhūṣitam
Sanskrit only: no published translation is held for this verse.
तं दृष्ट्वा मायया भूत्वा सुंदरी षोडशाब्दिका । हृच्छयेन समाविष्टा तदन्तिकमुपागमत्
taṃ dṛṣṭvā māyayā bhūtvā suṃdarī ṣoḍaśābdikā / hṛcchayena samāviṣṭā tadantikamupāgamat
Sanskrit only: no published translation is held for this verse.
अब्रवीत्सा पृथुश्रोणी तं विप्रं प्रीतिसंयुता । कस्त्वं कस्मादिहायतः किमर्थमिह तिष्ठसि
abravītsā pṛthuśroṇī taṃ vipraṃ prītisaṃyutā / kastvaṃ kasmādihāyataḥ kimarthamiha tiṣṭhasi
Sanskrit only: no published translation is held for this verse.
पृच्छामि पतिकामाहं राक्षसी हृच्छयातुरा । स्वभर्त्राहं परित्यक्ता त्वां पतिं कर्तुमागता
pṛcchāmi patikāmāhaṃ rākṣasī hṛcchayāturā / svabhartrāhaṃ parityaktā tvāṃ patiṃ kartumāgatā
Sanskrit only: no published translation is held for this verse.
तच्छ्रुत्वा वचनं तस्या भर्ता मे भयसंयुतः । उवाच वचनं प्राज्ञो धैर्यमालंब्य तां शुभे
tacchrutvā vacanaṃ tasyā bhartā me bhayasaṃyutaḥ / uvāca vacanaṃ prājño dhairyamālaṃbya tāṃ śubhe
Sanskrit only: no published translation is held for this verse.
रक्षोमानुषसंयोगः कथं राक्षसि संभवेत् । मानुषास्तु स्मृता भक्ष्या राक्षसानां न संशयः
rakṣomānuṣasaṃyogaḥ kathaṃ rākṣasi saṃbhavet / mānuṣāstu smṛtā bhakṣyā rākṣasānāṃ na saṃśayaḥ
Sanskrit only: no published translation is held for this verse.
तच्छ्रुत्वा वचनं सा तु पुनस्तं प्राह सादरम् । असंभाव्यं च जगति संभवेद्दैवयोगतः
tacchrutvā vacanaṃ sā tu punastaṃ prāha sādaram / asaṃbhāvyaṃ ca jagati saṃbhaveddaivayogataḥ
Sanskrit only: no published translation is held for this verse.
पुराणे श्रूयते ह्येतद्भविष्यं भारते स्थितम् । हिडंबा राक्षसी विप्र भीमभार्या भविष्यति
purāṇe śrūyate hyetadbhaviṣyaṃ bhārate sthitam / hiḍaṃbā rākṣasī vipra bhīmabhāryā bhaviṣyati
Sanskrit only: no published translation is held for this verse.
मानुषोत्पादितः पुत्रो भविष्यति घटोत्कचः । अवध्यः सर्वशस्त्राणां शक्त्या मृत्युमवाप्स्यति
mānuṣotpāditaḥ putro bhaviṣyati ghaṭotkacaḥ / avadhyaḥ sarvaśastrāṇāṃ śaktyā mṛtyumavāpsyati
Sanskrit only: no published translation is held for this verse.
तस्माद्विषादं मा विप्रकुरु त्वं दैवयोगतः । भार्या तवाहं संजाता दव हि बलवत्तरम्
tasmādviṣādaṃ mā viprakuru tvaṃ daivayogataḥ / bhāryā tavāhaṃ saṃjātā dava hi balavattaram
Sanskrit only: no published translation is held for this verse.
मर्त्यलोकं गते शक्त्रे वैरोचनिनिरीक्षणे । तदन्तरं समासाद्य भर्ता मे घोरराक्षसः
martyalokaṃ gate śaktre vairocaninirīkṣaṇe / tadantaraṃ samāsādya bhartā me ghorarākṣasaḥ
Sanskrit only: no published translation is held for this verse.
तद्गृहाच्छक्तिमहरद्दीप्तामग्रिशिखामिव । सेयं समाश्रिता चात्र शालवृक्षे तु वासवी
tadgṛhācchaktimaharaddīptāmagriśikhāmiva / seyaṃ samāśritā cātra śālavṛkṣe tu vāsavī
Sanskrit only: no published translation is held for this verse.
अहत्वैकं द्विजश्रेष्ठ नगच्छति पुरन्दरम् । यद्वधाय प्रक्षिपेत्तां सो ऽमरो ऽपि विनश्यति
ahatvaikaṃ dvijaśreṣṭha nagacchati purandaram / yadvadhāya prakṣipettāṃ so 'maro 'pi vinaśyati
Sanskrit only: no published translation is held for this verse.
साहमारुह्य शालाग्रं शक्तिमानीय भास्वराम् । त्वत्करे संप्रदास्यामि भर्तुर्निधनकाम्यया
sāhamāruhya śālāgraṃ śaktimānīya bhāsvarām / tvatkare saṃpradāsyāmi bharturnidhanakāmyayā
Sanskrit only: no published translation is held for this verse.
यदि त्वमनया शक्त्या न हिंससि निशाचरम् । खादयिष्यति दुर्मेधास्त्वां च मां च न सशयः
yadi tvamanayā śaktyā na hiṃsasi niśācaram / khādayiṣyati durmedhāstvāṃ ca māṃ ca na saśayaḥ
Sanskrit only: no published translation is held for this verse.
तव शत्रुर्महानेष ममापि च परन्तप । येनाहृता कुमारीह भार्यार्थं मन्दबुद्धिना
tava śatrurmahāneṣa mamāpi ca parantapa / yenāhṛtā kumārīha bhāryārthaṃ mandabuddhinā
Sanskrit only: no published translation is held for this verse.
सपत्नभावो जनितो मम भर्त्रा दुरात्मना । व्यापादिते ऽस्मिन्नुभयोः क्रीडनं संभविष्यति
sapatnabhāvo janito mama bhartrā durātmanā / vyāpādite 'sminnubhayoḥ krīḍanaṃ saṃbhaviṣyati
Sanskrit only: no published translation is held for this verse.