प्रतिज्ञाहानिः प्रतिज्ञान्तरं प्रतिज्ञाविरोधः प्रतिज्ञासंन्यासो हेत्वन्तरमर्थान्तरं निरर्थकम् अविज्ञातार्थम् अपार्थकम् अप्राप्तकालं न्यूनमधिकं पुनरुक्तम् अननुभाषणम् अज्ञानम् अप्रतिभा विक्षेपो मतानुज्ञा पर्यनुयोज्योपेक्षणं निरनुयोज्यानुयोगोपसिद्धान्तो हेत्वाभासाश्च निग्रहस्थानानि ॥
pratijñāhāniḥ pratijñāntaraṃ pratijñāvirodhaḥ pratijñāsaṃnyāso hetvantaramarthāntaraṃ nirarthakam avijñātārtham apārthakam aprāptakālaṃ nyūnamadhikaṃ punaruktam ananubhāṣaṇam ajñānam apratibhā vikṣepo matānujñā paryanuyojyopekṣaṇaṃ niranuyojyānuyogopasiddhānto hetvābhāsāśca nigrahasthānāni //
Sanskrit only: no published translation is held for this verse.
प्रतिदृष्टान्तधर्माभ्यनुज्ञा स्वदृष्टान्ते प्रतिज्ञाहानिः ॥
pratidṛṣṭāntadharmābhyanujñā svadṛṣṭānte pratijñāhāniḥ //
Sanskrit only: no published translation is held for this verse.
प्रतिज्ञातार्थप्रतिषेधे धर्मविकल्पात्तदर्थनिर्देशः प्रतिज्ञान्तरम् ॥
pratijñātārthapratiṣedhe dharmavikalpāttadarthanirdeśaḥ pratijñāntaram //
Sanskrit only: no published translation is held for this verse.
प्रतिज्ञाहेत्वोर्विरोधः प्रतिज्ञाविरोधः ॥
pratijñāhetvorvirodhaḥ pratijñāvirodhaḥ //
Sanskrit only: no published translation is held for this verse.
पक्षप्रतिषेधे प्रतिज्ञातार्थापनयनं प्रतिज्ञासंन्यासः ॥
pakṣapratiṣedhe pratijñātārthāpanayanaṃ pratijñāsaṃnyāsaḥ //
Sanskrit only: no published translation is held for this verse.
अविशेषोक्ते हेतौ प्रतिषिद्धे विशेषमिच्छतो हेत्वन्तरम् ॥
aviśeṣokte hetau pratiṣiddhe viśeṣamicchato hetvantaram //
Sanskrit only: no published translation is held for this verse.
प्रकृतादर्थादप्रतिसंबद्धार्थम् अर्थान्तरम् ॥
prakṛtādarthādapratisaṃbaddhārtham arthāntaram //
Sanskrit only: no published translation is held for this verse.
वर्णक्रमनिर्देशवद् निरर्थकम् ॥
varṇakramanirdeśavad nirarthakam //
Sanskrit only: no published translation is held for this verse.
परिषत्प्रतिवादिभ्यां त्रिरभिहितमप्यविज्ञातम् अविज्ञातार्थम् ॥
pariṣatprativādibhyāṃ trirabhihitamapyavijñātam avijñātārtham //
Sanskrit only: no published translation is held for this verse.
पौर्वापर्यायोगादप्रतिसंबद्धार्थम् अपार्थकम् ॥
paurvāparyāyogādapratisaṃbaddhārtham apārthakam //
Sanskrit only: no published translation is held for this verse.
॥ अवयवविपर्यासवचनमप्राप्तकालम् (सू। ११) ॥
// avayavaviparyāsavacanamaprāptakālam (sū. 11) //
Sanskrit only: no published translation is held for this verse.
हीनमन्यतमेनाप्यवयवेन न्यूनम् ॥
hīnamanyatamenāpyavayavena nyūnam //
Sanskrit only: no published translation is held for this verse.
हेतूदाहरणाधिकमधिकम् ॥
hetūdāharaṇādhikamadhikam //
Sanskrit only: no published translation is held for this verse.
शब्दार्थयोः पुनर्वचनं पुरुक्तमन्यत्रानुवादात् ॥
śabdārthayoḥ punarvacanaṃ puruktamanyatrānuvādāt //
Sanskrit only: no published translation is held for this verse.
अर्थादापन्नस्य स्यशब्देन पुनर्वचनं पुनरुक्तम् ॥
arthādāpannasya syaśabdena punarvacanaṃ punaruktam //
Sanskrit only: no published translation is held for this verse.
विज्ञातस्य परिषदा त्रिरभिहितष्याप्यप्रत्युच्चारणमननुभाषणम् ॥
vijñātasya pariṣadā trirabhihitaṣyāpyapratyuccāraṇamananubhāṣaṇam //
Sanskrit only: no published translation is held for this verse.
अविज्ञातं चाज्ञानम् ॥
avijñātaṃ cājñānam //
Sanskrit only: no published translation is held for this verse.
उत्तरस्याप्रतिपत्तिरप्रतिभा ॥
uttarasyāpratipattirapratibhā //
Sanskrit only: no published translation is held for this verse.
कार्यप्रसङ्गात् कथाविच्छेदो विक्षेपः ॥
kāryaprasaṅgāt kathāvicchedo vikṣepaḥ //
Sanskrit only: no published translation is held for this verse.
स्वपक्षदोषाभ्युपगमात् परपक्षे दोषप्रसङ्गो मतानुज्ञा ॥
svapakṣadoṣābhyupagamāt parapakṣe doṣaprasaṅgo matānujñā //
Sanskrit only: no published translation is held for this verse.
निग्रहस्थानप्राप्तस्यानिग्रहः पर्यनुयोज्योपेक्षणम् ॥
nigrahasthānaprāptasyānigrahaḥ paryanuyojyopekṣaṇam //
Sanskrit only: no published translation is held for this verse.
अनिग्रहस्थाने निग्रहस्थानाभियोगो निरनुयोज्यानुयोगः ॥
anigrahasthāne nigrahasthānābhiyogo niranuyojyānuyogaḥ //
Sanskrit only: no published translation is held for this verse.
सिद्धान्तमभ्युपेत्यानियमात्मकथाप्रसङ्गो ऽपसिद्धान्तः ॥
siddhāntamabhyupetyāniyamātmakathāprasaṅgo 'pasiddhāntaḥ //
Sanskrit only: no published translation is held for this verse.
हेत्वाभासाश्च यथोक्त ॥
hetvābhāsāśca yathokta //
Sanskrit only: no published translation is held for this verse.