Pañcaviṃśa (Tāṇḍya) Brāhmaṇa of the Sāmaveda (in part) 1.5

ऋतस्य द्वारौ स्थो मा मा संताप्तम्

ṛtasya dvārau stho mā mā saṃtāptam

Sanskrit only: no published translation is held for this verse.

नमः सखिभ्यः पूर्वसद्भ्यो नमो ऽपरसद्भ्यः

namaḥ sakhibhyaḥ pūrvasadbhyo namo 'parasadbhyaḥ

Sanskrit only: no published translation is held for this verse.

श्येनो नृचक्षा अग्नेष्ट्वा चक्षुषावपश्यामि

śyeno nṛcakṣā agneṣṭvā cakṣuṣāvapaśyāmi

Sanskrit only: no published translation is held for this verse.

इन्दविन्द्रपीतस्य त इन्द्रियावतो गायत्रच्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvato gāyatracchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

ऊर्ध्वः सप्त ऋषीन् उपतिष्ठस्वेन्द्रपीतो वाचस्पते सप्तर्त्विजो ऽभ्युच्छ्रयस्व जुषस्व लोकम् मार्वाग् अवगाः

ūrdhvaḥ sapta ṛṣīn upatiṣṭhasvendrapīto vācaspate saptartvijo 'bhyucchrayasva juṣasva lokam mārvāg avagāḥ

Sanskrit only: no published translation is held for this verse.

सोम रारन्धि नो हृदि पिता नो ऽसि मम तन् मा मा हिंसीः

soma rārandhi no hṛdi pitā no 'si mama tan mā mā hiṃsīḥ

Sanskrit only: no published translation is held for this verse.

सोम गीर्भिष्ट्वा वयं वर्धयामो वाचोविदः सुमृडीको न आविश

soma gīrbhiṣṭvā vayaṃ vardhayāmo vācovidaḥ sumṛḍīko na āviśa

Sanskrit only: no published translation is held for this verse.

आप्यायस्व समेतु ते विश्वतः सोम वृष्ण्यं भवा वाजस्य संगथे

āpyāyasva sametu te viśvataḥ soma vṛṣṇyaṃ bhavā vājasya saṃgathe

Sanskrit only: no published translation is held for this verse.

अवमैस् त ऊर्वैस् ते काव्यैस् ते पितृभिर् भक्षितस्य मधुमतो नाराशंसस्य सर्वगणस्य सर्वगण उपहूत उपहूतस्य भक्षयामि

avamais ta ūrvais te kāvyais te pitṛbhir bhakṣitasya madhumato nārāśaṃsasya sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

दीक्षायै वर्णेन तपसो रूपेण मनसो महिम्ना वाचो विभूत्या प्रजापतिस् त्वा युनक्तु प्रजाभ्यो ऽपानाय

dīkṣāyai varṇena tapaso rūpeṇa manaso mahimnā vāco vibhūtyā prajāpatis tvā yunaktu prajābhyo 'pānāya

Sanskrit only: no published translation is held for this verse.

वायुर् युनक्तु मनसा स्तोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु

vāyur yunaktu manasā stomaṃ yajñāya voḍhave dadhātv indra indriyaṃ satyāḥ kāmā yajamānasya santu

Sanskrit only: no published translation is held for this verse.

वृषको ऽसि त्रिष्टुप्छन्दा अनु त्वा रभे स्वस्ति मा संपारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्

vṛṣako 'si triṣṭupchandā anu tvā rabhe svasti mā saṃpārayā mā stotrasya stotraṃ gamyād indravanto vanemahi bhakṣīmahi prajām iṣam

Sanskrit only: no published translation is held for this verse.

इन्दविन्द्रपीतस्य त इन्द्रियावतस्त्रिष्टुप्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvatastriṣṭupchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

सूर्यो युनक्तु वाचा स्तोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु

sūryo yunaktu vācā stomaṃ yajñāya voḍhave dadhātv indra indriyaṃ satyāḥ kāmā yajamānasya santu

Sanskrit only: no published translation is held for this verse.

स्वरो ऽसि गयो ऽसि जगच्छन्दा अनु त्वा रभे स्वस्ति मा संपारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्

svaro 'si gayo 'si jagacchandā anu tvā rabhe svasti mā saṃpārayā mā stotrasya stotraṃ gamyād indravanto vanemahi bhakṣīmahi prajām iṣam

Sanskrit only: no published translation is held for this verse.

इन्दविन्द्रपीतस्य त इन्द्रियावतस्त्रिष्टुप्छन्दसः सर्वगणस्य सर्वगण उपहूत उपहूतस्य भक्षयामि

indavindrapītasya ta indriyāvatastriṣṭupchandasaḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

आयुर् मे प्राणे मनसि मे प्राण आयुपत्न्याम् ऋचि यन् मे मनो यमं गतं यद् वा मे अपरागतं राज्ञा सोमेन तद् वयं पुनर् अस्मासु दध्मसि

āyur me prāṇe manasi me prāṇa āyupatnyām ṛci yan me mano yamaṃ gataṃ yad vā me aparāgataṃ rājñā somena tad vayaṃ punar asmāsu dadhmasi

Sanskrit only: no published translation is held for this verse.

यन् मे यमं वैवस्वतं मनो जगाम दूरगास् तन् म आवर्तया पुनर् जीवातवे न मर्तवे ऽथो अरिष्टतातये

yan me yamaṃ vaivasvataṃ mano jagāma dūragās tan ma āvartayā punar jīvātave na martave 'tho ariṣṭatātaye

Sanskrit only: no published translation is held for this verse.

येना ह्याजिम् अजयद् विचक्ष्य येन श्येनं शकुनं सुपर्णं यद् आहुश् चक्षुर् अदिताव् अनन्तं सोमो नृचक्षा मयि तद् दधातु

yenā hyājim ajayad vicakṣya yena śyenaṃ śakunaṃ suparṇaṃ yad āhuś cakṣur aditāv anantaṃ somo nṛcakṣā mayi tad dadhātu

Sanskrit only: no published translation is held for this verse.