Library·Pañcaviṃśa (Tāṇḍya) Brāhmaṇa of the Sāmaveda (in part)·1·1.6
ऐन्द्रं सहो ऽसर्जि तस्य त इन्दविन्द्रपीतस्येन्द्रियावतो ऽनुष्टुप्छन्दसो हरिवतः सर्वगणस्य सर्वगण उपहूत उपहूतस्य भक्षयामि
aindraṃ saho 'sarji tasya ta indavindrapītasyendriyāvato 'nuṣṭupchandaso harivataḥ sarvagaṇasya sarvagaṇa upahūta upahūtasya bhakṣayāmi
Sanskrit only: no published translation is held for this verse.
इन्दविन्द्रपीतस्य त इन्द्रियावतो ऽनुष्टुप्छन्दसः सर्वगणस्य सर्वगण उपहूत उपहूतस्य भक्षयामि
indavindrapītasya ta indriyāvato 'nuṣṭupchandasaḥ sarvagaṇasya sarvagaṇa upahūta upahūtasya bhakṣayāmi
Sanskrit only: no published translation is held for this verse.
स्तुतस्य स्तुतम् अस्य् ऊर्जस्वत् पयस्वद् आ मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्
stutasya stutam asy ūrjasvat payasvad ā mā stotrasya stotraṃ gamyād indravanto vanemahi bhakṣīmahi prajām iṣam
Sanskrit only: no published translation is held for this verse.
इष्टयजुषस् ते देव सोम स्तुतस्तोमस्य शस्तोक्थस्य तिरोह्न्यस्य यो ऽश्वसनिर् गोसनिर् भक्षस् तस्योपहूत उपहूतस्य भक्षयामि
iṣṭayajuṣas te deva soma stutastomasya śastokthasya tirohnyasya yo 'śvasanir gosanir bhakṣas tasyopahūta upahūtasya bhakṣayāmi
Sanskrit only: no published translation is held for this verse.
ऋतस्य त्वा देव स्तोमपदे विष्णोर् धामनि विमुञ्चाम्य् एतत् त्वं देव स्तोमान् अवकरम् अगन्न् अशीमहि वयं प्रतिष्ठाम्
ṛtasya tvā deva stomapade viṣṇor dhāmani vimuñcāmy etat tvaṃ deva stomān avakaram agann aśīmahi vayaṃ pratiṣṭhām
Sanskrit only: no published translation is held for this verse.
सोमेहानु मेहि सोम सह सदस इन्द्रियेण
somehānu mehi soma saha sadasa indriyeṇa
Sanskrit only: no published translation is held for this verse.
सुभूर् असि श्रेष्ठो रश्मिर् देवानां संसद् देवानां यातुर् यया तन्वा ब्रह्म जिन्वसि तया मा जिन्व तया मा जनय प्रकाशं मा कुरु
subhūr asi śreṣṭho raśmir devānāṃ saṃsad devānāṃ yātur yayā tanvā brahma jinvasi tayā mā jinva tayā mā janaya prakāśaṃ mā kuru
Sanskrit only: no published translation is held for this verse.
अपां पुष्पम् अस्य् ओषधीनां रस इन्द्रस्य प्रियतमं हविः स्वाहा
apāṃ puṣpam asy oṣadhīnāṃ rasa indrasya priyatamaṃ haviḥ svāhā
Sanskrit only: no published translation is held for this verse.
हारियोजनस्य ते देव सोमेष्टयजुषः स्तुतस्तोमस्य शस्तोक्थस्य यो ऽश्वसनिर् गोसनिर् भक्षस् तस्योपहूत उपहूतस्य भक्षयामि
hāriyojanasya te deva someṣṭayajuṣaḥ stutastomasya śastokthasya yo 'śvasanir gosanir bhakṣas tasyopahūta upahūtasya bhakṣayāmi
Sanskrit only: no published translation is held for this verse.
देवकृतस्यैनसो ऽवयजनम् असि पितृकृतस्यैनसो ऽवयजनम् असि मनुष्यकृतस्यैनसो ऽवयजनम् अस्य् अस्मत्कृतस्यैनसो ऽवयजनम् असि यद् दिवा च नक्तं चैनश् चकृम तस्यावयजनम् असि यत् स्वपन्तश् च जाग्रतश् चैनश् चकृम तस्यावयजनम् असि यद् विद्वांसश् चाविद्वांसश् चैनश् चकृम तस्यावयजनम् अस्य् एनस एनसो ऽवयजनम् असि
devakṛtasyainaso 'vayajanam asi pitṛkṛtasyainaso 'vayajanam asi manuṣyakṛtasyainaso 'vayajanam asy asmatkṛtasyainaso 'vayajanam asi yad divā ca naktaṃ cainaś cakṛma tasyāvayajanam asi yat svapantaś ca jāgrataś cainaś cakṛma tasyāvayajanam asi yad vidvāṃsaś cāvidvāṃsaś cainaś cakṛma tasyāvayajanam asy enasa enaso 'vayajanam asi
Sanskrit only: no published translation is held for this verse.
अप्सु धौतस्य ते देव सोम नृभिः सुतस्य
apsu dhautasya te deva soma nṛbhiḥ sutasya
Sanskrit only: no published translation is held for this verse.
मधुमन्तं भक्षं करोमि
madhumantaṃ bhakṣaṃ karomi
Sanskrit only: no published translation is held for this verse.
शम् अद्भ्य ओषधीभ्यः
śam adbhya oṣadhībhyaḥ
Sanskrit only: no published translation is held for this verse.
काम कामं म आवर्तय
kāma kāmaṃ ma āvartaya
Sanskrit only: no published translation is held for this verse.
ऊर्ग् अस्य् ऊर्जम् मयि धेहि
ūrg asy ūrjam mayi dhehi
Sanskrit only: no published translation is held for this verse.
प्राण सोमपीथे मे जागृहि
prāṇa somapīthe me jāgṛhi
Sanskrit only: no published translation is held for this verse.
दधिक्राव्णो अकारिषं जिष्णोर् अश्वस्य वाजिनः सुरभि नो मुखा करत् प्र न आयूंषि तारिषत्
dadhikrāvṇo akāriṣaṃ jiṣṇor aśvasya vājinaḥ surabhi no mukhā karat pra na āyūṃṣi tāriṣat
Sanskrit only: no published translation is held for this verse.