Pañcaviṃśa (Tāṇḍya) Brāhmaṇa of the Sāmaveda (in part) 10.7

अग्न इति प्रथमस्याह्नो रूपम् अग्निविभक्तेर् अग्निम् इति द्वितीयस्याग्निनेति तृतीयस्याग्निर् इति चतुर्थस्य

agna iti prathamasyāhno rūpam agnivibhakter agnim iti dvitīyasyāgnineti tṛtīyasyāgnir iti caturthasya

Sanskrit only: no published translation is held for this verse.

देवा वै श्रियम् ऐच्छंस् तां न प्रथमे ऽहन्य् अविन्दन् न द्वितीये न तृतीये तां चतुर्थे ऽहन्य् अविन्दन् विन्दते श्रियं य एवं वेदाग्नेर् इति पञ्चमस्य तेनो श्रीः प्रत्युपोदितेत्य् आहुः

devā vai śriyam aicchaṃs tāṃ na prathame 'hany avindan na dvitīye na tṛtīye tāṃ caturthe 'hany avindan vindate śriyaṃ ya evaṃ vedāgner iti pañcamasya teno śrīḥ pratyupoditety āhuḥ

Sanskrit only: no published translation is held for this verse.

अप्रतिवाद्य् एनं भ्रातृव्यो भवति य एवं वेद

aprativādy enaṃ bhrātṛvyo bhavati ya evaṃ veda

Sanskrit only: no published translation is held for this verse.

अग्न इति षष्ठस्य येनैव रूपेण प्रयन्ति तद् अभ्युद्यन्ति

agna iti ṣaṣṭhasya yenaiva rūpeṇa prayanti tad abhyudyanti

Sanskrit only: no published translation is held for this verse.

यस्माद् एषा समाना सत्य् अग्निविभक्तिर् नानारूपा तस्माद् यथर्त्वादित्यस् तपति

yasmād eṣā samānā saty agnivibhaktir nānārūpā tasmād yathartvādityas tapati

Sanskrit only: no published translation is held for this verse.