Pañcaviṃśa (Tāṇḍya) Brāhmaṇa of the Sāmaveda (in part) 11.4

अभि त्वा शूर नोनुम इत्य् अभीति रथन्तरस्य रूपं रथन्तरं ह्य् एतद् अहः

abhi tvā śūra nonuma ity abhīti rathantarasya rūpaṃ rathantaraṃ hy etad ahaḥ

Sanskrit only: no published translation is held for this verse.

कया नश् चित्र आभुवद् इति कवत्यस् तेन प्राजापत्याः को हि प्रजापतिः प्रजापतेर् आप्त्यै

kayā naś citra ābhuvad iti kavatyas tena prājāpatyāḥ ko hi prajāpatiḥ prajāpater āptyai

Sanskrit only: no published translation is held for this verse.

तं वो दस्मम् ऋतीषहं वसोर् मन्दानम् अन्धसो ऽभिवत्सं न स्वसरेषु धेनव इत्य् अभीति रथन्तरस्य रूपं रथन्तरं ह्य् एतद् अहः

taṃ vo dasmam ṛtīṣahaṃ vasor mandānam andhaso 'bhivatsaṃ na svasareṣu dhenava ity abhīti rathantarasya rūpaṃ rathantaraṃ hy etad ahaḥ

Sanskrit only: no published translation is held for this verse.

इन्द्रं गीर्भिर् हवामह इति हवन्त एवैनम्

indraṃ gīrbhir havāmaha iti havanta evainam

Sanskrit only: no published translation is held for this verse.

तरोभिर् वो विदद्वसुम् इति स्तोमो वै तरो यज्ञो विदद्वसुः स्तोमेन वै यज्ञो युज्यते यत् तरोभिर् वो विदद्वसुम् इत्य् आह यज्ञम् एव तद् युनक्ति

tarobhir vo vidadvasum iti stomo vai taro yajño vidadvasuḥ stomena vai yajño yujyate yat tarobhir vo vidadvasum ity āha yajñam eva tad yunakti

Sanskrit only: no published translation is held for this verse.

रथन्तरं भवति ब्रह्म वै रथन्तरं ब्रह्म प्रायणीयम् अहर् ब्रह्मण एव तद् ब्रह्माक्रम्य प्रयन्ति

rathantaraṃ bhavati brahma vai rathantaraṃ brahma prāyaṇīyam ahar brahmaṇa eva tad brahmākramya prayanti

Sanskrit only: no published translation is held for this verse.

इयं वै रथन्तरम् अस्याम् एव प्रतिष्ठाय सत्त्रम् आसते

iyaṃ vai rathantaram asyām eva pratiṣṭhāya sattram āsate

Sanskrit only: no published translation is held for this verse.

वामदेव्यं भवति पशवो वै वामदेव्यं पशूनाम् अवरुद्ध्यै प्राजापत्यं वै वामदेव्यं प्रजापताव् एव प्रतिष्ठाय सत्त्रम् आसते

vāmadevyaṃ bhavati paśavo vai vāmadevyaṃ paśūnām avaruddhyai prājāpatyaṃ vai vāmadevyaṃ prajāpatāv eva pratiṣṭhāya sattram āsate

Sanskrit only: no published translation is held for this verse.

नौधसं भवति ब्रह्म वै नौधसं ब्रह्म प्रायणीयम् अहर् ब्रह्मण एव तद् ब्रह्माक्रमन्ते

naudhasaṃ bhavati brahma vai naudhasaṃ brahma prāyaṇīyam ahar brahmaṇa eva tad brahmākramante

Sanskrit only: no published translation is held for this verse.

कालेयं भवति समानलोके वै कालेयं च रथन्तरं चेयं वै रथन्तरं पशवः कालेयम् अस्यां चैव पशुषु च प्रतिष्ठाय सत्त्रम् आसते

kāleyaṃ bhavati samānaloke vai kāleyaṃ ca rathantaraṃ ceyaṃ vai rathantaraṃ paśavaḥ kāleyam asyāṃ caiva paśuṣu ca pratiṣṭhāya sattram āsate

Sanskrit only: no published translation is held for this verse.

द्रवदिडं तथा ह्य् एतस्याह्नो रूपं स्तोमः

dravadiḍaṃ tathā hy etasyāhno rūpaṃ stomaḥ

Sanskrit only: no published translation is held for this verse.