गोवित् पवस्व वसुविद्धिरण्यविद् इति पञ्चमस्याह्नः प्रतिपद् भवति
govit pavasva vasuviddhiraṇyavid iti pañcamasyāhnaḥ pratipad bhavati
Sanskrit only: no published translation is held for this verse.
Library·Pañcaviṃśa (Tāṇḍya) Brāhmaṇa of the Sāmaveda (in part)·13
Pañcaviṃśa (Tāṇḍya) Brāhmaṇa of the Sāmaveda (in part) 13
गोविद् वा एतद् वसुविद्धिरण्यविद् यच्छक्वर्यः
govid vā etad vasuviddhiraṇyavid yacchakvaryaḥ
Sanskrit only: no published translation is held for this verse.
पशवश् शक्वर्यः सर्वं पशुभिर् विन्दते
paśavaś śakvaryaḥ sarvaṃ paśubhir vindate
Sanskrit only: no published translation is held for this verse.
त्वं सुवीरो असि सोम विश्वविद् इत्येष वाव सुवीरो यस्य पशवस् तद् एव तद् अभिवदति
tvaṃ suvīro asi soma viśvavid ityeṣa vāva suvīro yasya paśavas tad eva tad abhivadati
Sanskrit only: no published translation is held for this verse.
तास् ते क्षरन्तु मधुमद् घृतं पय इति मधुमद् वै घृतं पयः पशवः क्षरन्ति तद् एव तद् अभिवदति
tās te kṣarantu madhumad ghṛtaṃ paya iti madhumad vai ghṛtaṃ payaḥ paśavaḥ kṣaranti tad eva tad abhivadati
Sanskrit only: no published translation is held for this verse.
पवमानस्य विश्वविद् इत्य् अनुरूपो भवति
pavamānasya viśvavid ity anurūpo bhavati
Sanskrit only: no published translation is held for this verse.
विश्वम् एव तद् वित्तम् अभिवदति विश्वं हि पशुभिर् विन्दते
viśvam eva tad vittam abhivadati viśvaṃ hi paśubhir vindate
Sanskrit only: no published translation is held for this verse.
प्र ते सर्गा असृक्षतेति सृष्टानीव ह्येतर्ह्यहानि
pra te sargā asṛkṣateti sṛṣṭānīva hyetarhyahāni
Sanskrit only: no published translation is held for this verse.
पूर्वम् उ चैव तद् रूपम् अपरेण रूपेणानुवदति यत् पूर्वं रूपेणानुवदति तद् अनुरूपस्यानुरूपत्वम् अनुरूप एनं पुत्रो जायते य एवं वेद स्तोत्रीयानुरूपौ तृचौ भवतः प्राणापानानाम् अवरुद्ध्यै
pūrvam u caiva tad rūpam apareṇa rūpeṇānuvadati yat pūrvaṃ rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda stotrīyānurūpau tṛcau bhavataḥ prāṇāpānānām avaruddhyai
Sanskrit only: no published translation is held for this verse.
सप्तर्चौ भवतः छन्दसां धृत्यै
saptarcau bhavataḥ chandasāṃ dhṛtyai
Sanskrit only: no published translation is held for this verse.
चतुरृचो भवति प्रतिष्ठायै
caturṛco bhavati pratiṣṭhāyai
Sanskrit only: no published translation is held for this verse.
तृच उत्तमो भवति येनैव प्राणेन प्रयन्ति तम् अभ्युद्यन्ति
tṛca uttamo bhavati yenaiva prāṇena prayanti tam abhyudyanti
Sanskrit only: no published translation is held for this verse.
त्रिणव एव स्तोमो भवति प्रतिष्ठायै पुष्ट्यै त्रिवृद् वा एष पुष्टः
triṇava eva stomo bhavati pratiṣṭhāyai puṣṭyai trivṛd vā eṣa puṣṭaḥ
Sanskrit only: no published translation is held for this verse.
तव श्रियो वर्ष्यस्येव विद्युत इत्य् आग्नेयम् आज्यं भवति
tava śriyo varṣyasyeva vidyuta ity āgneyam ājyaṃ bhavati
Sanskrit only: no published translation is held for this verse.
श्रीर् वै पशवः श्रीः शक्वर्यः तद् एव तद् अभिवदति
śrīr vai paśavaḥ śrīḥ śakvaryaḥ tad eva tad abhivadati
Sanskrit only: no published translation is held for this verse.
अग्नेश् चिकित्र उषसाम् इवेतय इतीतानीव ह्येतर्ह्यहानीत्य् आ ते यतन्ते रथ्यो यथा पृथग् इत्य् एव ह्येतर्ह्यहानि यतन्ते
agneś cikitra uṣasām ivetaya itītānīva hyetarhyahānīty ā te yatante rathyo yathā pṛthag ity eva hyetarhyahāni yatante
Sanskrit only: no published translation is held for this verse.
पुरूरुणा चिद्ध्य् अस्त्य् अवो नूनं वां वरुणेति मैत्रावरुणं यद् वै यज्ञस्य दुरिष्टं तद् वरुणो गृह्णाति तद् एव तद् अवयजति
purūruṇā ciddhy asty avo nūnaṃ vāṃ varuṇeti maitrāvaruṇaṃ yad vai yajñasya duriṣṭaṃ tad varuṇo gṛhṇāti tad eva tad avayajati
Sanskrit only: no published translation is held for this verse.
उत्तिष्ठन्न् ओजसा सहेत्य् ऐन्द्रम्
uttiṣṭhann ojasā sahety aindram
Sanskrit only: no published translation is held for this verse.
पञ्च वा ऋतव उत्थानस्य रूपम् ओजसा सहेत्य् ओजसैव वीर्येण सहोत्तिष्ठन्ति
pañca vā ṛtava utthānasya rūpam ojasā sahety ojasaiva vīryeṇa sahottiṣṭhanti
Sanskrit only: no published translation is held for this verse.
इन्द्राग्नी युवाम् इम इति राथन्तरम् ऐन्द्राग्नम्
indrāgnī yuvām ima iti rāthantaram aindrāgnam
Sanskrit only: no published translation is held for this verse.
रथन्तरम् एतत् परोक्षं यच्छक्वर्यो राथन्तरम् एव तद् रूपं निर्द्योतयति स्तोमः
rathantaram etat parokṣaṃ yacchakvaryo rāthantaram eva tad rūpaṃ nirdyotayati stomaḥ
Sanskrit only: no published translation is held for this verse.
अर्षा सोम द्युमत्तम इति विष्णुमत्यो गायत्र्यो भवन्ति
arṣā soma dyumattama iti viṣṇumatyo gāyatryo bhavanti
Sanskrit only: no published translation is held for this verse.
ब्रह्म वै गायत्री यज्ञो विष्णुर् ब्रह्मण्य् एव तद् यज्ञं प्रतिष्ठापयति
brahma vai gāyatrī yajño viṣṇur brahmaṇy eva tad yajñaṃ pratiṣṭhāpayati
Sanskrit only: no published translation is held for this verse.
सोम उष्वाण स्तोतृभिर् इति सिमानां रूपं स्वेनैवैतास् तद् रूपेण समर्धयति
soma uṣvāṇa stotṛbhir iti simānāṃ rūpaṃ svenaivaitās tad rūpeṇa samardhayati
Sanskrit only: no published translation is held for this verse.
यत् सोम चित्रम् उक्थ्यम् इति गायत्र्यः सत्यस् त्रिष्टुभो रूपेण तस्मात् त्रिष्टुभां लोके क्रियन्ते
yat soma citram ukthyam iti gāyatryaḥ satyas triṣṭubho rūpeṇa tasmāt triṣṭubhāṃ loke kriyante
Sanskrit only: no published translation is held for this verse.
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
Sanskrit only: no published translation is held for this verse.
यण्वं भवति पशवो वै यण्वं पशूनाम् अवरुद्ध्यै
yaṇvaṃ bhavati paśavo vai yaṇvaṃ paśūnām avaruddhyai
Sanskrit only: no published translation is held for this verse.
सन्ततं गायति यज्ञस्य संतत्यै
santataṃ gāyati yajñasya saṃtatyai
Sanskrit only: no published translation is held for this verse.
अध्यर्धेडं तथा ह्य् एतस्याह्नो रूपम्
adhyardheḍaṃ tathā hy etasyāhno rūpam
Sanskrit only: no published translation is held for this verse.
शाकलं भवति
śākalaṃ bhavati
Sanskrit only: no published translation is held for this verse.
एतेन वै शकलः पञ्चमे ऽहनि प्रत्यतिष्ठत् प्रतितिष्ठति शाकलेन तुष्टुवानः
etena vai śakalaḥ pañcame 'hani pratyatiṣṭhat pratitiṣṭhati śākalena tuṣṭuvānaḥ
Sanskrit only: no published translation is held for this verse.
वार्शं भवति
vārśaṃ bhavati
Sanskrit only: no published translation is held for this verse.
वृशो वैजानस् त्र्यरुणस्य त्रैधातवस्यैक्ष्वाकस्य पुरोहित आसीत् स ऐक्ष्वाको ऽधावयत् ब्राह्मणकुमारं रथेन व्यछिनत् स पुरोहितम् अब्रवीत् तव मा पुरोधायाम् इदम् ईदृग् उपागाद् इति तम् एतेन साम्ना समैरयत् तद् वाव स तर्ह्य् अकामयत कामसनि साम वार्शं कामम् एवैतेनावरुन्द्धे
vṛśo vaijānas tryaruṇasya traidhātavasyaikṣvākasya purohita āsīt sa aikṣvāko 'dhāvayat brāhmaṇakumāraṃ rathena vyachinat sa purohitam abravīt tava mā purodhāyām idam īdṛg upāgād iti tam etena sāmnā samairayat tad vāva sa tarhy akāmayata kāmasani sāma vārśaṃ kāmam evaitenāvarunddhe
Sanskrit only: no published translation is held for this verse.
अध्यर्धेडं तथा ह्य् एतस्याह्नो रूपम्
adhyardheḍaṃ tathā hy etasyāhno rūpam
Sanskrit only: no published translation is held for this verse.
मानवं भवति
mānavaṃ bhavati
Sanskrit only: no published translation is held for this verse.
एतेन वै मनुः प्रजातिं भूमानम् अगच्छत् प्रजायते बहुर् भवति मानवेन तुष्टुवानः
etena vai manuḥ prajātiṃ bhūmānam agacchat prajāyate bahur bhavati mānavena tuṣṭuvānaḥ
Sanskrit only: no published translation is held for this verse.
आनूपं भवति
ānūpaṃ bhavati
Sanskrit only: no published translation is held for this verse.
एतेन वै वध्र्यश्व आनूपः पशूनां भूमानम् आश्नुत पशूनां भूमानम् अश्नुत आनूपेन तुष्टुवानः
etena vai vadhryaśva ānūpaḥ paśūnāṃ bhūmānam āśnuta paśūnāṃ bhūmānam aśnuta ānūpena tuṣṭuvānaḥ
Sanskrit only: no published translation is held for this verse.
वाम्रं भवति
vāmraṃ bhavati
Sanskrit only: no published translation is held for this verse.
सामार्षेयेण प्रशस्तं यं वै गाम् अश्वं पुरुषं प्रशंसन्ति वाम इति तं प्रशंसन्त्य् अहर् एवैतेन प्रशंसन्ति
sāmārṣeyeṇa praśastaṃ yaṃ vai gām aśvaṃ puruṣaṃ praśaṃsanti vāma iti taṃ praśaṃsanty ahar evaitena praśaṃsanti
Sanskrit only: no published translation is held for this verse.
अध्यर्धेडं तथा ह्य् एतस्याह्नो रूपम्
adhyardheḍaṃ tathā hy etasyāhno rūpam
Sanskrit only: no published translation is held for this verse.
त्रिणिधनम् आग्नेयं भवति प्रतिष्ठायै
triṇidhanam āgneyaṃ bhavati pratiṣṭhāyai
Sanskrit only: no published translation is held for this verse.
अग्निः सृष्टो नोददीप्यत तं प्रजापतिर् एतेन साम्नोपाधमत् स उददीप्यत दीप्तिश् च वा एतत् साम ब्रह्मवर्चसं च दीप्तिं चैवैतेन ब्रह्मवर्चसं चावरुन्द्धे
agniḥ sṛṣṭo nodadīpyata taṃ prajāpatir etena sāmnopādhamat sa udadīpyata dīptiś ca vā etat sāma brahmavarcasaṃ ca dīptiṃ caivaitena brahmavarcasaṃ cāvarunddhe
Sanskrit only: no published translation is held for this verse.
शैशवं भवति
śaiśavaṃ bhavati
Sanskrit only: no published translation is held for this verse.
शिशुर् वा आङ्गिरसो मन्त्रकृतां मन्त्रकृद् आसीत् स पितॄन् पुत्रका इत्य् आमन्त्रयत तं पितरो ऽब्रुवन् न धर्मं करोषि यो नः पितॄन् सतः पुत्रका इत्य् आमन्त्रयस इति सो ऽब्रवीद् अहं वाव वः पितास्मि यो मन्त्रकृद् अस्मीति ते देवेष्व् अपृच्छन्त ते देवा अब्रुवन्न् एष वाव पिता यो मन्त्रकृद् इति तद् वै स उदजयद् उज्जयति शैशवेन तुष्टुवानः
śiśur vā āṅgiraso mantrakṛtāṃ mantrakṛd āsīt sa pitṝn putrakā ity āmantrayata taṃ pitaro 'bruvan na dharmaṃ karoṣi yo naḥ pitṝn sataḥ putrakā ity āmantrayasa iti so 'bravīd ahaṃ vāva vaḥ pitāsmi yo mantrakṛd asmīti te deveṣv apṛcchanta te devā abruvann eṣa vāva pitā yo mantrakṛd iti tad vai sa udajayad ujjayati śaiśavena tuṣṭuvānaḥ
Sanskrit only: no published translation is held for this verse.
गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्ति
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti
Sanskrit only: no published translation is held for this verse.
विष्णुमत्यो गायत्र्यो भवन्ति तद् उ त्रैष्टुभाद् रूपान् न यन्ति स्तोमः
viṣṇumatyo gāyatryo bhavanti tad u traiṣṭubhād rūpān na yanti stomaḥ
Sanskrit only: no published translation is held for this verse.
इन्द्रः प्रजापतिम् उपाधावद् वृत्रं हनानीति तस्मा एतच्छन्दोभ्य इन्द्रियं वीर्यं निर्माय प्रायच्छद् एतेन शक्नुहीति तच्छक्वरीणां शक्वरीत्वं सीमानम् अभिनत् तत् सिमा मह्न्याम् अकरोत् तन् मह्न्या महान् घोष आसीत् तन् महानाम्न्यः
indraḥ prajāpatim upādhāvad vṛtraṃ hanānīti tasmā etacchandobhya indriyaṃ vīryaṃ nirmāya prāyacchad etena śaknuhīti tacchakvarīṇāṃ śakvarītvaṃ sīmānam abhinat tat simā mahnyām akarot tan mahnyā mahān ghoṣa āsīt tan mahānāmnyaḥ
Sanskrit only: no published translation is held for this verse.
दिशः पञ्चपदा दाधारर्तून् षट्पदा छन्दांसि सप्तपदा पुरुषं द्विपदा
diśaḥ pañcapadā dādhārartūn ṣaṭpadā chandāṃsi saptapadā puruṣaṃ dvipadā
Sanskrit only: no published translation is held for this verse.
द्व्योपशाः संस्तुता भवन्ति तस्माद् द्व्योपशाः पशवः
dvyopaśāḥ saṃstutā bhavanti tasmād dvyopaśāḥ paśavaḥ
Sanskrit only: no published translation is held for this verse.
इडे अभितो ऽथकारं तस्माच्छृङ्गे तीक्ष्णीयसी स्तूपात्
iḍe abhito 'thakāraṃ tasmācchṛṅge tīkṣṇīyasī stūpāt
Sanskrit only: no published translation is held for this verse.
उपक्षुद्रा गायति तस्माद् उपक्षुद्राः पशवः
upakṣudrā gāyati tasmād upakṣudrāḥ paśavaḥ
Sanskrit only: no published translation is held for this verse.
असंश्लिष्टा गायति तस्माद् असंश्लिष्टाः पशवः
asaṃśliṣṭā gāyati tasmād asaṃśliṣṭāḥ paśavaḥ
Sanskrit only: no published translation is held for this verse.
नानारूपा गायति तस्मान् नानारूपाः पशवः
nānārūpā gāyati tasmān nānārūpāḥ paśavaḥ
Sanskrit only: no published translation is held for this verse.
आपो वै क्षीररसा आसंस्ते देवाः पापवसीयसाद् अबिभयुर् यद् अप उपनिधाय स्तुवते पापवसीयसो विधृत्यै
āpo vai kṣīrarasā āsaṃste devāḥ pāpavasīyasād abibhayur yad apa upanidhāya stuvate pāpavasīyaso vidhṛtyai
Sanskrit only: no published translation is held for this verse.
विधृतिः पापवसीयसो भवति य एवं वेद
vidhṛtiḥ pāpavasīyaso bhavati ya evaṃ veda
Sanskrit only: no published translation is held for this verse.
गायत्रम् अयनं भवति ब्रह्मवर्चसकामस्य स्वर्णिधनं मधुनामुष्मिंल्लोक उपतिष्ठते त्रैष्टुभम् अयनं भवत्य् ओजस्कामस्याथकारणिधनम् आज्येनामुष्मिंल्लोक उपतिष्ठते जागतम् अयनं भवति पशुकामस्येडानिधनं पयसामुष्मिंल्लोक उपतिष्ठते
gāyatram ayanaṃ bhavati brahmavarcasakāmasya svarṇidhanaṃ madhunāmuṣmiṃlloka upatiṣṭhate traiṣṭubham ayanaṃ bhavaty ojaskāmasyāthakāraṇidhanam ājyenāmuṣmiṃlloka upatiṣṭhate jāgatam ayanaṃ bhavati paśukāmasyeḍānidhanaṃ payasāmuṣmiṃlloka upatiṣṭhate
Sanskrit only: no published translation is held for this verse.
अञ्जसार्यो माल्यः शक्वरीः प्रारौत्सीद् इति होवाचालम्मं पारिजानतं रजनः कौणेयो यद्य् एनाः प्रतिष्ठापं शक्ष्यतीत्य् एतद् वा एतासाम् अञ्ज एतत् प्रतिष्ठिता य आभिः क्षिप्रं प्रस्तुत्य क्षिप्रम् उद्गायति
añjasāryo mālyaḥ śakvarīḥ prārautsīd iti hovācālammaṃ pārijānataṃ rajanaḥ kauṇeyo yady enāḥ pratiṣṭhāpaṃ śakṣyatīty etad vā etāsām añja etat pratiṣṭhitā ya ābhiḥ kṣipraṃ prastutya kṣipram udgāyati
Sanskrit only: no published translation is held for this verse.
शक्वरीभिः स्तुत्वा पुरीषेण स्तुवते
śakvarībhiḥ stutvā purīṣeṇa stuvate
Sanskrit only: no published translation is held for this verse.
पशवो वै शक्वर्यो गोष्ठः पुरीषं गोष्ठम् एव तत् पशुभ्यः पर्यस्यन्ति तम् एवैनान् प्रवर्तयन्त्य् अविस्रंसाय
paśavo vai śakvaryo goṣṭhaḥ purīṣaṃ goṣṭham eva tat paśubhyaḥ paryasyanti tam evainān pravartayanty avisraṃsāya
Sanskrit only: no published translation is held for this verse.
इन्द्रो मदाय वावृध इत्य् अवर्धन्त ह्य् एतर्हि
indro madāya vāvṛdha ity avardhanta hy etarhi
Sanskrit only: no published translation is held for this verse.
तासु बार्हद्गिरम्
tāsu bārhadgiram
Sanskrit only: no published translation is held for this verse.
स्वादोर् इत्था विषुवत इति विषुवान् वै पञ्चमम् अहस् तासु रायोवाजीयम्
svādor itthā viṣuvata iti viṣuvān vai pañcamam ahas tāsu rāyovājīyam
Sanskrit only: no published translation is held for this verse.
इन्द्रो यतीन् सालावृकेभ्यः प्रायच्छत् तेषां त्रय उदशिष्यन्त पृथुरश्मिर् बृहद्गिरी रायोवाजस् ते ऽब्रुवन् को न इमान् पुत्रान् भरिष्यतीत्य् अहम् इतीन्द्रो ऽब्रवीत् तान् अधिनिधाय परिचार्य चरन् वर्धयंस् तान् वर्धयित्वाब्रवीत् कुमारका वरान् वृणीध्वम् इति क्षत्रं मह्यम् इत्य् अब्रवीत् पृथुरश्मिस् तस्मा एतेन पार्थुरश्मेन क्षत्रं प्रायच्छत् क्षत्रकाम एतेन स्तुवीत क्षत्रस्यैवास्य प्रकाशो भवति ब्रह्मवर्चसं मह्यम् इत्य् अब्रवीत् बृहद्गिरिस् तस्मा एतेन बार्हद्गिरेण प्रायच्छत् ब्रह्मवर्चसकाम एतेन स्तुवीत ब्रह्मवर्चसी भवति पशून् मह्यम् इत्य् अब्रवीद् रायोवाजस् तस्मा एतेन रायोवाजीयेन पशून् प्रायच्छत् पशुकाम एतेन स्तुवीत पशुमान् भवति
indro yatīn sālāvṛkebhyaḥ prāyacchat teṣāṃ traya udaśiṣyanta pṛthuraśmir bṛhadgirī rāyovājas te 'bruvan ko na imān putrān bhariṣyatīty aham itīndro 'bravīt tān adhinidhāya paricārya caran vardhayaṃs tān vardhayitvābravīt kumārakā varān vṛṇīdhvam iti kṣatraṃ mahyam ity abravīt pṛthuraśmis tasmā etena pārthuraśmena kṣatraṃ prāyacchat kṣatrakāma etena stuvīta kṣatrasyaivāsya prakāśo bhavati brahmavarcasaṃ mahyam ity abravīt bṛhadgiris tasmā etena bārhadgireṇa prāyacchat brahmavarcasakāma etena stuvīta brahmavarcasī bhavati paśūn mahyam ity abravīd rāyovājas tasmā etena rāyovājīyena paśūn prāyacchat paśukāma etena stuvīta paśumān bhavati
Sanskrit only: no published translation is held for this verse.
पार्थुरश्मं राजन्याय ब्रह्मसाम कुर्यात् बार्हद्गिरं ब्राह्मणाय रायोवाजीयं वैश्याय स्वेनैवैनांस् तद् रूपेण समर्धयति स्तोमः
pārthuraśmaṃ rājanyāya brahmasāma kuryāt bārhadgiraṃ brāhmaṇāya rāyovājīyaṃ vaiśyāya svenaivaināṃs tad rūpeṇa samardhayati stomaḥ
Sanskrit only: no published translation is held for this verse.
असाव्य् अंशुर् मदायेति गायत्री भवति मदवद् वै रसवत् तृतीयसवनं मदम् एव तद् रसं दधाति
asāvy aṃśur madāyeti gāyatrī bhavati madavad vai rasavat tṛtīyasavanaṃ madam eva tad rasaṃ dadhāti
Sanskrit only: no published translation is held for this verse.
अभि द्युम्नं बृहद् यश इत्य् अभीति रथन्तरस्य रूपं बृहद् इति बृहत उभयोः सह रूपम् उपैत्युभौ हि वर्णावेतद् अहः
abhi dyumnaṃ bṛhad yaśa ity abhīti rathantarasya rūpaṃ bṛhad iti bṛhata ubhayoḥ saha rūpam upaityubhau hi varṇāvetad ahaḥ
Sanskrit only: no published translation is held for this verse.
प्राणा शिशुर् महीनाम् इति सिमानां रूपं मह्यो हि सिमाः स्वेनैवैनास् तद् रूपेण समर्धयति
prāṇā śiśur mahīnām iti simānāṃ rūpaṃ mahyo hi simāḥ svenaivainās tad rūpeṇa samardhayati
Sanskrit only: no published translation is held for this verse.
पवस्व वाजसातय इति वैष्णव्यो ऽनुष्टुभो भवन्ति
pavasva vājasātaya iti vaiṣṇavyo 'nuṣṭubho bhavanti
Sanskrit only: no published translation is held for this verse.
यज्ञो वै विष्णुर् यद् अत्र नापि क्रियते तद् विष्णुना यज्ञेनापि करोति
yajño vai viṣṇur yad atra nāpi kriyate tad viṣṇunā yajñenāpi karoti
Sanskrit only: no published translation is held for this verse.
इन्दुर् वाजी पवते गोन्योघा इति सिमानां रूपं स्वेनैवैनास् तद् रूपेण समर्धयति
indur vājī pavate gonyoghā iti simānāṃ rūpaṃ svenaivainās tad rūpeṇa samardhayati
Sanskrit only: no published translation is held for this verse.
त्रिष्टुभः सत्यो जगत्यो रूपेण तस्माज्जगतीनां लोके क्रियन्ते
triṣṭubhaḥ satyo jagatyo rūpeṇa tasmājjagatīnāṃ loke kriyante
Sanskrit only: no published translation is held for this verse.
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
Sanskrit only: no published translation is held for this verse.
संतनि भवति पञ्चमस्याह्नस् सन्तत्यै
saṃtani bhavati pañcamasyāhnas santatyai
Sanskrit only: no published translation is held for this verse.
वाग् वा एषा प्रतता यद् द्वादशाहस् तस्या एष विषुवान् यत् पञ्चमम् अहस् ताम् एवैतेन संतनोति
vāg vā eṣā pratatā yad dvādaśāhas tasyā eṣa viṣuvān yat pañcamam ahas tām evaitena saṃtanoti
Sanskrit only: no published translation is held for this verse.
च्यावनं भवति
cyāvanaṃ bhavati
Sanskrit only: no published translation is held for this verse.
प्रजातिर् वै च्यावनं प्रजायते बहुर् भवति च्यावनेन तुष्टुवानः
prajātir vai cyāvanaṃ prajāyate bahur bhavati cyāvanena tuṣṭuvānaḥ
Sanskrit only: no published translation is held for this verse.
एभ्यो वै लोकेभ्यो वृष्टिर् अपाक्रामत् तां प्रजापतिश् च्यावनेनाच्यावयद् यद् अच्यावयत् तच्च्यावनस्य च्यावनत्वं च्यावयति वृष्टिं च्यावनेन तुष्टुवानः
ebhyo vai lokebhyo vṛṣṭir apākrāmat tāṃ prajāpatiś cyāvanenācyāvayad yad acyāvayat taccyāvanasya cyāvanatvaṃ cyāvayati vṛṣṭiṃ cyāvanena tuṣṭuvānaḥ
Sanskrit only: no published translation is held for this verse.
क्रोशं भवति
krośaṃ bhavati
Sanskrit only: no published translation is held for this verse.
एतेन वा इन्द्र इन्द्रक्रोशे विश्वामित्रजमदग्नी इमा गाव इत्याक्रोशत् पशूनाम् अवरुद्ध्यै क्रोशं क्रियते
etena vā indra indrakrośe viśvāmitrajamadagnī imā gāva ityākrośat paśūnām avaruddhyai krośaṃ kriyate
Sanskrit only: no published translation is held for this verse.
गौरीवितं भवति यद् एव गौरीवितस्य ब्राह्मणम्
gaurīvitaṃ bhavati yad eva gaurīvitasya brāhmaṇam
Sanskrit only: no published translation is held for this verse.
ऋषभः शाक्वरो भवति
ṛṣabhaḥ śākvaro bhavati
Sanskrit only: no published translation is held for this verse.
पशवो वै शक्वर्यः पशुष्वेव तन् मिथुनम् अप्यर्जति प्रजात्यै न ह वा अनृषभाः पशवः प्रजायन्ते
paśavo vai śakvaryaḥ paśuṣveva tan mithunam apyarjati prajātyai na ha vā anṛṣabhāḥ paśavaḥ prajāyante
Sanskrit only: no published translation is held for this verse.
पार्थं भवति
pārthaṃ bhavati
Sanskrit only: no published translation is held for this verse.
एतेन वै पृथी वैन्य उभयेषां पशूनाम् आधिपत्यम् आश्नुतोभयेषां पशूनाम् आधिपत्यम् अश्नुते पार्थेन तुष्टुवानः
etena vai pṛthī vainya ubhayeṣāṃ paśūnām ādhipatyam āśnutobhayeṣāṃ paśūnām ādhipatyam aśnute pārthena tuṣṭuvānaḥ
Sanskrit only: no published translation is held for this verse.
अष्टेडः पदस्तोभो भवति
aṣṭeḍaḥ padastobho bhavati
Sanskrit only: no published translation is held for this verse.
इन्द्रो वृत्राय वज्रम् उदयच्छत् तं षोडशभिर् भोगैः पर्यभुजत् स एतं पदस्तोभम् अपश्यत् तेनापावेष्टयद् अपवेष्टयन्न् इव गायेत् पाप्मनो ऽपहत्यै
indro vṛtrāya vajram udayacchat taṃ ṣoḍaśabhir bhogaiḥ paryabhujat sa etaṃ padastobham apaśyat tenāpāveṣṭayad apaveṣṭayann iva gāyet pāpmano 'pahatyai
Sanskrit only: no published translation is held for this verse.
पाप्मा वाव स तम् अगृह्णात् तं पदस्तोभेनापाहताप पाप्मानं हते पदस्तोभेन तुष्टुवानः
pāpmā vāva sa tam agṛhṇāt taṃ padastobhenāpāhatāpa pāpmānaṃ hate padastobhena tuṣṭuvānaḥ
Sanskrit only: no published translation is held for this verse.
पदोर् उत्तमम् अपश्यत् तत् पदस्तोभस्य पदस्तोभत्वम्
pador uttamam apaśyat tat padastobhasya padastobhatvam
Sanskrit only: no published translation is held for this verse.
द्वादशनिधनो भवति प्रतिष्ठायै
dvādaśanidhano bhavati pratiṣṭhāyai
Sanskrit only: no published translation is held for this verse.
दाशस्पत्यं भवति
dāśaspatyaṃ bhavati
Sanskrit only: no published translation is held for this verse.
यां वै गां प्रशंसन्ति दाशस्पत्येति तां प्रशंसन्त्य् अहर् एवैतेन प्रशंसन्ति
yāṃ vai gāṃ praśaṃsanti dāśaspatyeti tāṃ praśaṃsanty ahar evaitena praśaṃsanti
Sanskrit only: no published translation is held for this verse.
निधनान्ताः पवमाना भवन्त्य् अह्नो धृत्यै स्तोमः
nidhanāntāḥ pavamānā bhavanty ahno dhṛtyai stomaḥ
Sanskrit only: no published translation is held for this verse.
आ ते अग्न इधीमहि इति
ā te agna idhīmahi iti
Sanskrit only: no published translation is held for this verse.
अपच्छिद् इव वा एतद् यज्ञकाण्डं यद् उक्थानि यद् एति सलोमत्वायैव
apacchid iva vā etad yajñakāṇḍaṃ yad ukthāni yad eti salomatvāyaiva
Sanskrit only: no published translation is held for this verse.
इन्द्राय साम गायतेति पूर्णाः ककुभस् तेनानशनायुको भवति
indrāya sāma gāyateti pūrṇāḥ kakubhas tenānaśanāyuko bhavati
Sanskrit only: no published translation is held for this verse.
पुरुषो वै ककुप् पुरुषम् एव तन् मध्यतः प्रीणाति
puruṣo vai kakup puruṣam eva tan madhyataḥ prīṇāti
Sanskrit only: no published translation is held for this verse.
असावि सोम इन्द्र त इति सिमानां रूपं स्वेनैवैनांस् तद् रूपेण समर्धयति
asāvi soma indra ta iti simānāṃ rūpaṃ svenaivaināṃs tad rūpeṇa samardhayati
Sanskrit only: no published translation is held for this verse.
संजयं भवति
saṃjayaṃ bhavati
Sanskrit only: no published translation is held for this verse.
देवाश् च वा असुराश्च समदधत यतरे नः संजयांस् तेषां नः पशवो ऽसान् इति ते देवा असुरान् संजयेन समजयन् यत् समजयंस् तस्मात् संजयं पशूनाम् अवरुद्ध्यै संजयं क्रियते
devāś ca vā asurāśca samadadhata yatare naḥ saṃjayāṃs teṣāṃ naḥ paśavo 'sān iti te devā asurān saṃjayena samajayan yat samajayaṃs tasmāt saṃjayaṃ paśūnām avaruddhyai saṃjayaṃ kriyate
Sanskrit only: no published translation is held for this verse.
सौमित्रं भवति
saumitraṃ bhavati
Sanskrit only: no published translation is held for this verse.
दीर्घजिह्वी वा इदं रक्षो यज्ञहा यज्ञियान् अवलिहत्य् अचरत् ताम् इन्द्रः कयाचन मायया हन्तुं नाशंसताथ ह सुमित्रः कुत्सः कल्याण आस तम् अब्रवीद् इमाम् अच्छाब्रूष्वेति ताम् अच्छाब्रूत सैनम् अब्रवीन् नाहैतन्न शुश्रुव प्रियम् इव तु मे हृदयस्येति ताम् अज्ञपयत् तां संस्कृते ऽहतां तद् वाव तौ तर्ह्य् अकामयेतां कामसनि साम सौमित्रं कामम् एवैतेनावरुन्द्धे
dīrghajihvī vā idaṃ rakṣo yajñahā yajñiyān avalihaty acarat tām indraḥ kayācana māyayā hantuṃ nāśaṃsatātha ha sumitraḥ kutsaḥ kalyāṇa āsa tam abravīd imām acchābrūṣveti tām acchābrūta sainam abravīn nāhaitanna śuśruva priyam iva tu me hṛdayasyeti tām ajñapayat tāṃ saṃskṛte 'hatāṃ tad vāva tau tarhy akāmayetāṃ kāmasani sāma saumitraṃ kāmam evaitenāvarunddhe
Sanskrit only: no published translation is held for this verse.
सुमित्रः सन् क्रूरम् अकर् इत्य् एनं वाग् अभ्यवदत् तं शुग् आर्छत् स तपो ऽतप्यत स एतत् सौमित्रम् अपश्यत् तेन शुचम् अपाहताप शुचं हते सौमित्रेण तुष्टुवानः
sumitraḥ san krūram akar ity enaṃ vāg abhyavadat taṃ śug ārchat sa tapo 'tapyata sa etat saumitram apaśyat tena śucam apāhatāpa śucaṃ hate saumitreṇa tuṣṭuvānaḥ
Sanskrit only: no published translation is held for this verse.
महावैश्वामित्रं भवति
mahāvaiśvāmitraṃ bhavati
Sanskrit only: no published translation is held for this verse.
पाप्मानं हत्वा यद् अमहीयन्त तन् महावैश्वामित्रस्य महावैश्वामित्रत्वम्
pāpmānaṃ hatvā yad amahīyanta tan mahāvaiśvāmitrasya mahāvaiśvāmitratvam
Sanskrit only: no published translation is held for this verse.
हाया इहया ओहा ओहेति पशून् एवैतेन न्यौहन्त
hāyā ihayā ohā oheti paśūn evaitena nyauhanta
Sanskrit only: no published translation is held for this verse.
त्रीडं भवति त्रिरात्रस्य धृत्यै
trīḍaṃ bhavati trirātrasya dhṛtyai
Sanskrit only: no published translation is held for this verse.
द्रवन्तीम् इडाम् उत्तमाम् उपयन्ति षष्ठस्याह्नः सन्तत्यै
dravantīm iḍām uttamām upayanti ṣaṣṭhasyāhnaḥ santatyai
Sanskrit only: no published translation is held for this verse.
त्रिणव एव स्तोमो भवति प्रतिष्ठायै पुष्ट्यै त्रिवृद् वा एष पुष्टः
triṇava eva stomo bhavati pratiṣṭhāyai puṣṭyai trivṛd vā eṣa puṣṭaḥ
Sanskrit only: no published translation is held for this verse.
ज्योतिर् यज्ञस्य पवते मधु प्रियम् इति षष्ठस्याह्नः प्रतिपद् भवति
jyotir yajñasya pavate madhu priyam iti ṣaṣṭhasyāhnaḥ pratipad bhavati
Sanskrit only: no published translation is held for this verse.
ज्योतिर् वै गायत्री छन्दसां ज्योतिः रेवती साम्नां ज्योतिस् त्रयस्त्रिंशः स्तोमानां ज्योतिर् एव तत् सम्यक् संदधात्य् अपि ह पुत्रस्य पुत्रो ज्योतिष्मान् भवति
jyotir vai gāyatrī chandasāṃ jyotiḥ revatī sāmnāṃ jyotis trayastriṃśaḥ stomānāṃ jyotir eva tat samyak saṃdadhāty api ha putrasya putro jyotiṣmān bhavati
Sanskrit only: no published translation is held for this verse.
मधु प्रियम् इति पशवो वै रेवत्यो मधु प्रियं तद् एव तद् अभिवदति
madhu priyam iti paśavo vai revatyo madhu priyaṃ tad eva tad abhivadati
Sanskrit only: no published translation is held for this verse.
मदिन्तमो मत्सर इन्द्रियो रस इतीन्द्रियं वै वीर्यं रसः पशवस् तद् एव तद् अभिवदति
madintamo matsara indriyo rasa itīndriyaṃ vai vīryaṃ rasaḥ paśavas tad eva tad abhivadati
Sanskrit only: no published translation is held for this verse.
असृक्षत प्र वाजिन इत्य् अनुरूपो भवति
asṛkṣata pra vājina ity anurūpo bhavati
Sanskrit only: no published translation is held for this verse.
सृष्टानीव ह्य् एतर्ह्य् अहानि
sṛṣṭānīva hy etarhy ahāni
Sanskrit only: no published translation is held for this verse.
पूर्वम् उ चैव तद् रूपम् अपरेण रूपेणानुवदति यत् पूर्वं रूपम् अपरेण रूपेणानुवदति तद् अनुरूपस्यानुरूपत्वम् अनुरूप एनं पुत्रो जायते य एवं वेद स्तोत्रीयानुरूपौ तृचौ भवतः प्राणापानानाम् अवरुद्ध्यै
pūrvam u caiva tad rūpam apareṇa rūpeṇānuvadati yat pūrvaṃ rūpam apareṇa rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda stotrīyānurūpau tṛcau bhavataḥ prāṇāpānānām avaruddhyai
Sanskrit only: no published translation is held for this verse.
दशर्चौ भवतो दशाक्षरा विराट् वैराजम् अन्नम् अन्नाद्यस्यावरुद्ध्यै
daśarcau bhavato daśākṣarā virāṭ vairājam annam annādyasyāvaruddhyai
Sanskrit only: no published translation is held for this verse.
उत्तरो दशर्चो भवति सोदर्क इन्द्रियस्य वीर्यस्य रसस्यानतिक्षाराय
uttaro daśarco bhavati sodarka indriyasya vīryasya rasasyānatikṣārāya
Sanskrit only: no published translation is held for this verse.
यत्र वै देवा इन्द्रियं वीर्यं रसम् अपश्यंस् तद् अनुन्यतुदन्
yatra vai devā indriyaṃ vīryaṃ rasam apaśyaṃs tad anunyatudan
Sanskrit only: no published translation is held for this verse.
चतुरृचो भवति प्रतिष्ठायै
caturṛco bhavati pratiṣṭhāyai
Sanskrit only: no published translation is held for this verse.