वृशो वैजानस् त्र्यरुणस्य त्रैधातवस्यैक्ष्वाकस्य पुरोहित आसीत् स ऐक्ष्वाको ऽधावयत् ब्राह्मणकुमारं रथेन व्यछिनत् स पुरोहितम् अब्रवीत् तव मा पुरोधायाम् इदम् ईदृग् उपागाद् इति तम् एतेन साम्ना समैरयत् तद् वाव स तर्ह्य् अकामयत कामसनि साम वार्शं कामम् एवैतेनावरुन्द्धे

vṛśo vaijānas tryaruṇasya traidhātavasyaikṣvākasya purohita āsīt sa aikṣvāko 'dhāvayat brāhmaṇakumāraṃ rathena vyachinat sa purohitam abravīt tava mā purodhāyām idam īdṛg upāgād iti tam etena sāmnā samairayat tad vāva sa tarhy akāmayata kāmasani sāma vārśaṃ kāmam evaitenāvarunddhe

Sanskrit only: no published translation is held for this verse.

PB 13.3.13

अध्यर्धेडं तथा ह्य् एतस्याह्नो रूपम्

adhyardheḍaṃ tathā hy etasyāhno rūpam

Sanskrit only: no published translation is held for this verse.

PB 13.3.14

मानवं भवति

mānavaṃ bhavati

Sanskrit only: no published translation is held for this verse.

PB 13.3.15

एतेन वै मनुः प्रजातिं भूमानम् अगच्छत् प्रजायते बहुर् भवति मानवेन तुष्टुवानः

etena vai manuḥ prajātiṃ bhūmānam agacchat prajāyate bahur bhavati mānavena tuṣṭuvānaḥ

Sanskrit only: no published translation is held for this verse.

PB 13.3.16

आनूपं भवति

ānūpaṃ bhavati

Sanskrit only: no published translation is held for this verse.

PB 13.3.17

एतेन वै वध्र्यश्व आनूपः पशूनां भूमानम् आश्नुत पशूनां भूमानम् अश्नुत आनूपेन तुष्टुवानः

etena vai vadhryaśva ānūpaḥ paśūnāṃ bhūmānam āśnuta paśūnāṃ bhūmānam aśnuta ānūpena tuṣṭuvānaḥ

Sanskrit only: no published translation is held for this verse.

PB 13.3.18

वाम्रं भवति

vāmraṃ bhavati

Sanskrit only: no published translation is held for this verse.

PB 13.3.19

सामार्षेयेण प्रशस्तं यं वै गाम् अश्वं पुरुषं प्रशंसन्ति वाम इति तं प्रशंसन्त्य् अहर् एवैतेन प्रशंसन्ति

sāmārṣeyeṇa praśastaṃ yaṃ vai gām aśvaṃ puruṣaṃ praśaṃsanti vāma iti taṃ praśaṃsanty ahar evaitena praśaṃsanti

Sanskrit only: no published translation is held for this verse.

PB 13.3.20

अध्यर्धेडं तथा ह्य् एतस्याह्नो रूपम्

adhyardheḍaṃ tathā hy etasyāhno rūpam

Sanskrit only: no published translation is held for this verse.

PB 13.3.21

त्रिणिधनम् आग्नेयं भवति प्रतिष्ठायै

triṇidhanam āgneyaṃ bhavati pratiṣṭhāyai

Sanskrit only: no published translation is held for this verse.

PB 13.3.22

अग्निः सृष्टो नोददीप्यत तं प्रजापतिर् एतेन साम्नोपाधमत् स उददीप्यत दीप्तिश् च वा एतत् साम ब्रह्मवर्चसं च दीप्तिं चैवैतेन ब्रह्मवर्चसं चावरुन्द्धे

agniḥ sṛṣṭo nodadīpyata taṃ prajāpatir etena sāmnopādhamat sa udadīpyata dīptiś ca vā etat sāma brahmavarcasaṃ ca dīptiṃ caivaitena brahmavarcasaṃ cāvarunddhe

Sanskrit only: no published translation is held for this verse.

PB 13.3.23

शैशवं भवति

śaiśavaṃ bhavati

Sanskrit only: no published translation is held for this verse.

PB 13.3.24

शिशुर् वा आङ्गिरसो मन्त्रकृतां मन्त्रकृद् आसीत् स पितॄन् पुत्रका इत्य् आमन्त्रयत तं पितरो ऽब्रुवन् न धर्मं करोषि यो नः पितॄन् सतः पुत्रका इत्य् आमन्त्रयस इति सो ऽब्रवीद् अहं वाव वः पितास्मि यो मन्त्रकृद् अस्मीति ते देवेष्व् अपृच्छन्त ते देवा अब्रुवन्न् एष वाव पिता यो मन्त्रकृद् इति तद् वै स उदजयद् उज्जयति शैशवेन तुष्टुवानः

śiśur vā āṅgiraso mantrakṛtāṃ mantrakṛd āsīt sa pitṝn putrakā ity āmantrayata taṃ pitaro 'bruvan na dharmaṃ karoṣi yo naḥ pitṝn sataḥ putrakā ity āmantrayasa iti so 'bravīd ahaṃ vāva vaḥ pitāsmi yo mantrakṛd asmīti te deveṣv apṛcchanta te devā abruvann eṣa vāva pitā yo mantrakṛd iti tad vai sa udajayad ujjayati śaiśavena tuṣṭuvānaḥ

Sanskrit only: no published translation is held for this verse.

PB 13.3.25

गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्ति

gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti

Sanskrit only: no published translation is held for this verse.

PB 13.3.26

विष्णुमत्यो गायत्र्यो भवन्ति तद् उ त्रैष्टुभाद् रूपान् न यन्ति स्तोमः

viṣṇumatyo gāyatryo bhavanti tad u traiṣṭubhād rūpān na yanti stomaḥ

Sanskrit only: no published translation is held for this verse.