Pañcaviṃśa (Tāṇḍya) Brāhmaṇa of the Sāmaveda (in part) 14.1

आप्यन्ते वा एतत् स्तोमाश् छन्दांसि यत् षडह आप्यते

āpyante vā etat stomāś chandāṃsi yat ṣaḍaha āpyate

Sanskrit only: no published translation is held for this verse.

आप्ते षडहे छन्दांसि स्तोमान् कृत्वा प्रयन्ति

āpte ṣaḍahe chandāṃsi stomān kṛtvā prayanti

Sanskrit only: no published translation is held for this verse.

प्र काव्यम् उशनेव ब्रुवाण इति गायत्र्या रूपेण प्रयन्ति

pra kāvyam uśaneva bruvāṇa iti gāyatryā rūpeṇa prayanti

Sanskrit only: no published translation is held for this verse.

इयं वै गायत्र्य् अस्याम् एव प्रतिष्ठाय प्रयन्ति

iyaṃ vai gāyatry asyām eva pratiṣṭhāya prayanti

Sanskrit only: no published translation is held for this verse.

त्रिष्टुप् प्रतिपद् भवति

triṣṭup pratipad bhavati

Sanskrit only: no published translation is held for this verse.

ओजो वीर्यं त्रिष्टुब् ओजस्येव वीर्ये पराक्रम्य प्रयन्ति

ojo vīryaṃ triṣṭub ojasyeva vīrye parākramya prayanti

Sanskrit only: no published translation is held for this verse.

स्तोत्रीयस् तृचो भवति प्राणापानानाम् अवरुद्ध्यै

stotrīyas tṛco bhavati prāṇāpānānām avaruddhyai

Sanskrit only: no published translation is held for this verse.

हरिवत्यो भवन्ति छन्दोमानाम् अयातयामतायै

harivatyo bhavanti chandomānām ayātayāmatāyai

Sanskrit only: no published translation is held for this verse.

द्वादशर्चौ भवतः

dvādaśarcau bhavataḥ

Sanskrit only: no published translation is held for this verse.

द्वादश मासाः संवत्सरः संवत्सरम् एव तत्पूर्वस्मै षडहाय प्रत्युद्यच्छति सवीवधतायै

dvādaśa māsāḥ saṃvatsaraḥ saṃvatsaram eva tatpūrvasmai ṣaḍahāya pratyudyacchati savīvadhatāyai

Sanskrit only: no published translation is held for this verse.

चतुर्विंशतिर् भवन्ति चतुर्विंशतिर् अर्धमासाः संवत्सरः संवत्सरम् एव तत्पूर्वस्मै षडहाय प्रत्युद्यच्छति सवीवधतायै

caturviṃśatir bhavanti caturviṃśatir ardhamāsāḥ saṃvatsaraḥ saṃvatsaram eva tatpūrvasmai ṣaḍahāya pratyudyacchati savīvadhatāyai

Sanskrit only: no published translation is held for this verse.

दृत ऐन्द्रोत इति होवाचाभिप्रतारी काक्षसेनिर् ये महावृक्षस्याग्रं गच्छन्ति क्व ते ततो भवन्ति प्र राजन् पक्षिणः पतन्त्य् अवापक्षाः पद्यन्ते

dṛta aindrota iti hovācābhipratārī kākṣasenir ye mahāvṛkṣasyāgraṃ gacchanti kva te tato bhavanti pra rājan pakṣiṇaḥ patanty avāpakṣāḥ padyante

Sanskrit only: no published translation is held for this verse.

ये वै विद्वांसस् ते पक्षिणो ये ऽविद्वांसस् ते ऽपक्षास् त्रिवृत्पञ्चदशाव् एव स्तोमौ पक्षौ कृत्वा स्वर्गं लोकं प्रयन्ति

ye vai vidvāṃsas te pakṣiṇo ye 'vidvāṃsas te 'pakṣās trivṛtpañcadaśāv eva stomau pakṣau kṛtvā svargaṃ lokaṃ prayanti

Sanskrit only: no published translation is held for this verse.

चतुर्विंश एव स्तोमो भवति तेजसे ब्रह्मवर्चसाय

caturviṃśa eva stomo bhavati tejase brahmavarcasāya

Sanskrit only: no published translation is held for this verse.