Pañcaviṃśa (Tāṇḍya) Brāhmaṇa of the Sāmaveda (in part) 14.10

क ईं वेद सुते सचेति सतोबृहत्यः

ka īṃ veda sute saceti satobṛhatyaḥ

Sanskrit only: no published translation is held for this verse.

अपभ्रंश इव वा एष यस् सप्तमे ऽहनि सतोबृहत्यो भवन्ति नाष्टमे तस्माद् अष्टमे कार्या अनपभ्रंशाय

apabhraṃśa iva vā eṣa yas saptame 'hani satobṛhatyo bhavanti nāṣṭame tasmād aṣṭame kāryā anapabhraṃśāya

Sanskrit only: no published translation is held for this verse.

तदाहुः शिथिलम् इव वा एतच्छन्दो यत् सतोबृहतीत्येषा वै प्रतिष्ठिता बृहती या पुनःपदा यद् इन्द्र प्राग् अपाग् उदग् इति दिशां विमर्शः प्रतिष्ठित्यै

tadāhuḥ śithilam iva vā etacchando yat satobṛhatītyeṣā vai pratiṣṭhitā bṛhatī yā punaḥpadā yad indra prāg apāg udag iti diśāṃ vimarśaḥ pratiṣṭhityai

Sanskrit only: no published translation is held for this verse.

तासु नैपातिथं ब्रह्मसाम

tāsu naipātithaṃ brahmasāma

Sanskrit only: no published translation is held for this verse.

सामार्षेयवत् स्वर्गाय युज्यते स्वर्गाल्लोकान् न च्यवते तुष्टुवानः

sāmārṣeyavat svargāya yujyate svargāllokān na cyavate tuṣṭuvānaḥ

Sanskrit only: no published translation is held for this verse.

उभयं शृणवच्च नेति

ubhayaṃ śṛṇavacca neti

Sanskrit only: no published translation is held for this verse.

यच्च पृष्ठानि यानि चैतान्यहानि तेषाम् उभयेषां सन्तत्यै

yacca pṛṣṭhāni yāni caitānyahāni teṣām ubhayeṣāṃ santatyai

Sanskrit only: no published translation is held for this verse.

तासु वैयश्वम्

tāsu vaiyaśvam

Sanskrit only: no published translation is held for this verse.

व्यश्वो वा एतेनाङ्गिरसो ऽञ्जसा स्वर्गं लोकम् अपश्यत् स्वर्गस्य लोकस्यानुख्यात्या एतत् पृष्ठानाम् अन्ततः क्रियते स्तोमः

vyaśvo vā etenāṅgiraso 'ñjasā svargaṃ lokam apaśyat svargasya lokasyānukhyātyā etat pṛṣṭhānām antataḥ kriyate stomaḥ

Sanskrit only: no published translation is held for this verse.