Library·Pañcaviṃśa (Tāṇḍya) Brāhmaṇa of the Sāmaveda (in part)·14·14.11
पवस्व देव आयुषग् इन्द्रं गच्छतु ते मद इति गायत्री भवति मदवद् वै रसवत् तृतीयसवनं मदम् एव तद् रसं दधाति
pavasva deva āyuṣag indraṃ gacchatu te mada iti gāyatrī bhavati madavad vai rasavat tṛtīyasavanaṃ madam eva tad rasaṃ dadhāti
Sanskrit only: no published translation is held for this verse.
अभि द्युम्नं बृहद् यश इत्यमीति रथन्तरस्य रूपं बृहद् इति बृहत उभयोः सहरूपम् उपैत्युभौ हि वर्णावेतदहः
abhi dyumnaṃ bṛhad yaśa ityamīti rathantarasya rūpaṃ bṛhad iti bṛhata ubhayoḥ saharūpam upaityubhau hi varṇāvetadahaḥ
Sanskrit only: no published translation is held for this verse.
प्राणा शिशुर् महीनाम् इति प्राणवत्यो भवन्ति प्राणान् एव तद् यजमाने दधाति
prāṇā śiśur mahīnām iti prāṇavatyo bhavanti prāṇān eva tad yajamāne dadhāti
Sanskrit only: no published translation is held for this verse.
अभी नो वाजसातमम् इत्यभीति रथन्तरस्य रूपं राथन्तरं ह्य् एतद् अहः
abhī no vājasātamam ityabhīti rathantarasya rūpaṃ rāthantaraṃ hy etad ahaḥ
Sanskrit only: no published translation is held for this verse.
पवस्व सोम महान् समुद्र इत्य् अक्षरपङ्क्तिः स्तोमानां प्रभूतिर् अथो एतद्ध्येवैतर्हि छन्दो ऽयातयाम यद् अक्षरपङ्क्तिस् तेन छन्दोमा अयातयामानः क्रियन्ते ब्रह्मवादिनो वदन्ति यत् षडहे स्तोमाश्छन्दांस्याप्यन्ते किंछन्दसश् छन्दोमा इत्य् एतच्छन्दसो यद् एता अक्षरपङ्क्तय इति ब्रूयात्
pavasva soma mahān samudra ity akṣarapaṅktiḥ stomānāṃ prabhūtir atho etaddhyevaitarhi chando 'yātayāma yad akṣarapaṅktis tena chandomā ayātayāmānaḥ kriyante brahmavādino vadanti yat ṣaḍahe stomāśchandāṃsyāpyante kiṃchandasaś chandomā ity etacchandaso yad etā akṣarapaṅktaya iti brūyāt
Sanskrit only: no published translation is held for this verse.
हिन्वन्ति सूरम् उस्रय इति गायत्र्यः सत्यो जगत्यो रूपेण तस्माज्जगतीनां लोके क्रियन्ते
hinvanti sūram usraya iti gāyatryaḥ satyo jagatyo rūpeṇa tasmājjagatīnāṃ loke kriyante
Sanskrit only: no published translation is held for this verse.
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
Sanskrit only: no published translation is held for this verse.
स्वाशिराम् अर्को भवति
svāśirām arko bhavati
Sanskrit only: no published translation is held for this verse.
अन्नं वा अर्को ऽन्नाद्यस्यावरुद्ध्यै प्राणा वै स्वाशिरः प्राणानाम् अवरुद्ध्यै
annaṃ vā arko 'nnādyasyāvaruddhyai prāṇā vai svāśiraḥ prāṇānām avaruddhyai
Sanskrit only: no published translation is held for this verse.
सुरूपं भवति
surūpaṃ bhavati
Sanskrit only: no published translation is held for this verse.
पशवो वै सुरूपं पशूनाम् अवरुद्ध्यै
paśavo vai surūpaṃ paśūnām avaruddhyai
Sanskrit only: no published translation is held for this verse.
भासं भवति भाति तुष्टुवानः
bhāsaṃ bhavati bhāti tuṣṭuvānaḥ
Sanskrit only: no published translation is held for this verse.
पदनिधनं राथन्तरं ह्य् एतद् अहः
padanidhanaṃ rāthantaraṃ hy etad ahaḥ
Sanskrit only: no published translation is held for this verse.
स्वर्भानुर् वा आसुर आदित्यं तमसाविध्यत् स न व्यरोचत तस्यात्रिर् भासेन तमो ऽपाहन् स व्यरोचत यद् वै तद्भा अभवत् तद् भासस्य भासत्वम्
svarbhānur vā āsura ādityaṃ tamasāvidhyat sa na vyarocata tasyātrir bhāsena tamo 'pāhan sa vyarocata yad vai tadbhā abhavat tad bhāsasya bhāsatvam
Sanskrit only: no published translation is held for this verse.
तम इव वा एतान्य् अहानि यच्छन्दोमास् तेभ्य एतेन साम्ना विवासयति
tama iva vā etāny ahāni yacchandomās tebhya etena sāmnā vivāsayati
Sanskrit only: no published translation is held for this verse.
काक्षीवतं भवति
kākṣīvataṃ bhavati
Sanskrit only: no published translation is held for this verse.
कक्षीवान् वा एतेनौशिजः प्रजातिं भूमानम् अगच्छत् प्रजायते बहुर् भवति काक्षीवतेन तुष्टुवानः
kakṣīvān vā etenauśijaḥ prajātiṃ bhūmānam agacchat prajāyate bahur bhavati kākṣīvatena tuṣṭuvānaḥ
Sanskrit only: no published translation is held for this verse.
आसितं भवति
āsitaṃ bhavati
Sanskrit only: no published translation is held for this verse.
असितो वा एतेन दैवलस् त्रयाणां लोकानां दृष्टिम् अपश्यत् त्रयाणां कामानाम् अवरुद्ध्या आसितं क्रियते
asito vā etena daivalas trayāṇāṃ lokānāṃ dṛṣṭim apaśyat trayāṇāṃ kāmānām avaruddhyā āsitaṃ kriyate
Sanskrit only: no published translation is held for this verse.
ऐषिरं भवति प्रजातिर्वा ऐषिराणि प्रजायते बहुर्भवत्यैषिरेण तुष्टुवानः
aiṣiraṃ bhavati prajātirvā aiṣirāṇi prajāyate bahurbhavatyaiṣireṇa tuṣṭuvānaḥ
Sanskrit only: no published translation is held for this verse.
त्रैतं भवति प्रतिष्ठायै
traitaṃ bhavati pratiṣṭhāyai
Sanskrit only: no published translation is held for this verse.
पदनिधनं राथन्तरं राथन्तरं ह्य् एतद् अहः
padanidhanaṃ rāthantaraṃ rāthantaraṃ hy etad ahaḥ
Sanskrit only: no published translation is held for this verse.
नाथविन्दु साम विन्दते नाथं नाथविन्दून्य् एतान्यहानि यत् छन्दोमा नाथम् एवैतैर् विन्दते
nāthavindu sāma vindate nāthaṃ nāthavindūny etānyahāni yat chandomā nātham evaitair vindate
Sanskrit only: no published translation is held for this verse.
गौरीवितं भवति यद् एव गौरीवितस्य ब्राह्मणम्
gaurīvitaṃ bhavati yad eva gaurīvitasya brāhmaṇam
Sanskrit only: no published translation is held for this verse.
कौत्सं भवति
kautsaṃ bhavati
Sanskrit only: no published translation is held for this verse.
एतेन वै कुत्सो ऽन्धसो विपानम् अपश्यत् स ह स्म वै सुरादृतिनोपवसथं धावयत्य् उभयस्यान्नाद्यस्यावरुद्ध्यै कौत्सं क्रियते
etena vai kutso 'ndhaso vipānam apaśyat sa ha sma vai surādṛtinopavasathaṃ dhāvayaty ubhayasyānnādyasyāvaruddhyai kautsaṃ kriyate
Sanskrit only: no published translation is held for this verse.
शुद्धाशुद्धीयं भवति
śuddhāśuddhīyaṃ bhavati
Sanskrit only: no published translation is held for this verse.
इन्द्रो यतीन् सालावृकेभ्यः प्रायच्छत् तम् अश्लीला वाग् अभ्यवदत् सो ऽशुद्धो ऽमन्यत स एतच्छुद्धाशुद्धीयम् अपश्यत् तेनाशुध्यच्छुध्यति शुद्धाशुद्धीयेन तुष्टुवानः
indro yatīn sālāvṛkebhyaḥ prāyacchat tam aślīlā vāg abhyavadat so 'śuddho 'manyata sa etacchuddhāśuddhīyam apaśyat tenāśudhyacchudhyati śuddhāśuddhīyena tuṣṭuvānaḥ
Sanskrit only: no published translation is held for this verse.
क्रौञ्चं भवति यद् एव क्रौञ्चस्य ब्राह्मणं यत् द्वितीये ऽहनि
krauñcaṃ bhavati yad eva krauñcasya brāhmaṇaṃ yat dvitīye 'hani
Sanskrit only: no published translation is held for this verse.
रयिष्ठं भवति
rayiṣṭhaṃ bhavati
Sanskrit only: no published translation is held for this verse.
पशवो वै रयिष्ठं पशूनाम् अवरुद्ध्यै
paśavo vai rayiṣṭhaṃ paśūnām avaruddhyai
Sanskrit only: no published translation is held for this verse.
औदलं भवति
audalaṃ bhavati
Sanskrit only: no published translation is held for this verse.
उदलो वा एतेन वैश्वामित्रः प्रजातिं भूमानम् अगच्छत् प्रजायते बहुर् भवत्यौदलेन तुष्टुवानः
udalo vā etena vaiśvāmitraḥ prajātiṃ bhūmānam agacchat prajāyate bahur bhavatyaudalena tuṣṭuvānaḥ
Sanskrit only: no published translation is held for this verse.
ब्रह्मवादिनो वदन्ति यत् षडहे स्तोमाश् छन्दांस्य् आप्यन्ते किंछन्दसश् छन्दोमा इति पुरुषछन्दस इति ब्रूयात् पुरुषो वै पाङ्क्तः पुरुषो द्विपदाश् छन्दोमानाम् अयातयामतायै
brahmavādino vadanti yat ṣaḍahe stomāś chandāṃsy āpyante kiṃchandasaś chandomā iti puruṣachandasa iti brūyāt puruṣo vai pāṅktaḥ puruṣo dvipadāś chandomānām ayātayāmatāyai
Sanskrit only: no published translation is held for this verse.
विशोविशीयं भवति
viśoviśīyaṃ bhavati
Sanskrit only: no published translation is held for this verse.
अग्निर् अकामयत विशो विशो ऽतिथिस् स्यां विशो विश आतिथ्यम् अश्नुवीयेति स तपो ऽतप्यत स एतद् विशोविशीयम् अपश्यत् तेन विशो विशो ऽतिथिर् अभवत् विशो विश आतिथ्यम् आश्नुत विशो विशो ऽतिथिर् भवति विशो विश आतिथ्यम् अश्नुते विशोविशीयेन तुष्टुवानः
agnir akāmayata viśo viśo 'tithis syāṃ viśo viśa ātithyam aśnuvīyeti sa tapo 'tapyata sa etad viśoviśīyam apaśyat tena viśo viśo 'tithir abhavat viśo viśa ātithyam āśnuta viśo viśo 'tithir bhavati viśo viśa ātithyam aśnute viśoviśīyena tuṣṭuvānaḥ
Sanskrit only: no published translation is held for this verse.
गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्ति
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti
Sanskrit only: no published translation is held for this verse.
इडान्ताः पवमाना भवन्ति पशवो वा इडा पशवश्छन्दोमाः पशुष्व् एव तत् पशून् दधाति स्तोमः
iḍāntāḥ pavamānā bhavanti paśavo vā iḍā paśavaśchandomāḥ paśuṣv eva tat paśūn dadhāti stomaḥ
Sanskrit only: no published translation is held for this verse.