Pañcaviṃśa (Tāṇḍya) Brāhmaṇa of the Sāmaveda (in part) 14.12

प्रेष्ठं वो अतिथिम् इत्यातिथ्यस्यैव तद् रूपं क्रियते

preṣṭhaṃ vo atithim ityātithyasyaiva tad rūpaṃ kriyate

Sanskrit only: no published translation is held for this verse.

ऐन्द्र नो गधि प्रिय इतीन्द्रियस्य वीर्यस्यावरुद्ध्यै

aindra no gadhi priya itīndriyasya vīryasyāvaruddhyai

Sanskrit only: no published translation is held for this verse.

पुरां भिन्दुर् युवा कविर् अमितौजा अजायतेन्द्रो विश्वस्य कर्मणो धर्ता वज्री पुरुष्टुत इति धृत्या एव

purāṃ bhindur yuvā kavir amitaujā ajāyatendro viśvasya karmaṇo dhartā vajrī puruṣṭuta iti dhṛtyā eva

Sanskrit only: no published translation is held for this verse.

औशनं भवति

auśanaṃ bhavati

Sanskrit only: no published translation is held for this verse.

उशना वै काव्यो ऽकामयत यावान् इतरेषां काव्यानां लोकस् तावन्तं स्पृणुयाम् इति स तपो ऽतप्यत स एतद् औशनम् अपश्यत् तेन तावन्तं लोकम् अस्पृणोद् यावान् इतरेषां काव्यानाम् आसीत् तद् वाव स तर्ह्यकामयत कामसनि सामौशनं कामम् एवैतेनावरुन्द्धे

uśanā vai kāvyo 'kāmayata yāvān itareṣāṃ kāvyānāṃ lokas tāvantaṃ spṛṇuyām iti sa tapo 'tapyata sa etad auśanam apaśyat tena tāvantaṃ lokam aspṛṇod yāvān itareṣāṃ kāvyānām āsīt tad vāva sa tarhyakāmayata kāmasani sāmauśanaṃ kāmam evaitenāvarunddhe

Sanskrit only: no published translation is held for this verse.

सांवर्तं भवति

sāṃvartaṃ bhavati

Sanskrit only: no published translation is held for this verse.

देवानां वै यज्ञं रक्षांस्यजिघांसंस् तान्येतेन इन्द्रः संवर्तम् अपावपद् यत् संवर्तम् अपावपत् तस्मात् सांवर्तं पाप्मा वाव स तान् असचत तं सांवर्तेनापाघ्नताप पाप्मानं हते सांवर्तेन तुष्टुवानः

devānāṃ vai yajñaṃ rakṣāṃsyajighāṃsaṃs tānyetena indraḥ saṃvartam apāvapad yat saṃvartam apāvapat tasmāt sāṃvartaṃ pāpmā vāva sa tān asacata taṃ sāṃvartenāpāghnatāpa pāpmānaṃ hate sāṃvartena tuṣṭuvānaḥ

Sanskrit only: no published translation is held for this verse.

मारुतं भवति

mārutaṃ bhavati

Sanskrit only: no published translation is held for this verse.

मासा वै रश्मयो मरुतो रश्मयो मरुतो वै देवानां भूयिष्ठा भूयिष्ठा असामेति वै सत्त्रम् आसते भूयिष्ठा एव भवन्त्यृतुमन्ति पूर्वाण्यहान्य् अनृतवः छन्दोमा यद् एतत् साम भवति तेनैतान्य् अहान्य् ऋतुमन्ति भवन्ति

māsā vai raśmayo maruto raśmayo maruto vai devānāṃ bhūyiṣṭhā bhūyiṣṭhā asāmeti vai sattram āsate bhūyiṣṭhā eva bhavantyṛtumanti pūrvāṇyahāny anṛtavaḥ chandomā yad etat sāma bhavati tenaitāny ahāny ṛtumanti bhavanti

Sanskrit only: no published translation is held for this verse.

चतुश्चत्वारिंश एव स्तोमो भवत्योजस्येव तद् वीर्ये प्रतितिष्ठत्य् ओजो वीर्यं त्रिष्टुप्

catuścatvāriṃśa eva stomo bhavatyojasyeva tad vīrye pratitiṣṭhaty ojo vīryaṃ triṣṭup

Sanskrit only: no published translation is held for this verse.