Pañcaviṃśa (Tāṇḍya) Brāhmaṇa of the Sāmaveda (in part) 15.1

अक्रान् समुद्रः परमे विधर्मन्न् इति नवमस्याह्नः प्रतिपद् भवति

akrān samudraḥ parame vidharmann iti navamasyāhnaḥ pratipad bhavati

Sanskrit only: no published translation is held for this verse.

परमं वा एतद् अहर् विधर्म विधर्म वा एतद् अन्यैर् अहर्भिर् अहर् यन् नवमं ज्येष्ठं हि वरिष्ठम्

paramaṃ vā etad ahar vidharma vidharma vā etad anyair aharbhir ahar yan navamaṃ jyeṣṭhaṃ hi variṣṭham

Sanskrit only: no published translation is held for this verse.

मत्सि वायुम् इष्टये राधसे न इति वारुण्य् एषा भवति यद् वै यज्ञस्य दुरिष्टं तद् वरुणो गृह्णति तद् एव तद् अवयजति

matsi vāyum iṣṭaye rādhase na iti vāruṇy eṣā bhavati yad vai yajñasya duriṣṭaṃ tad varuṇo gṛhṇati tad eva tad avayajati

Sanskrit only: no published translation is held for this verse.

स्तोत्रीयस् तृचो भवति प्राणापानानाम् अवरुद्ध्यै

stotrīyas tṛco bhavati prāṇāpānānām avaruddhyai

Sanskrit only: no published translation is held for this verse.

दशर्चो भवति दशाक्षरा विराट् वैराजम् अन्नम् अन्नाद्यस्यावरुद्ध्यै

daśarco bhavati daśākṣarā virāṭ vairājam annam annādyasyāvaruddhyai

Sanskrit only: no published translation is held for this verse.

सप्रभृतयो भवन्तीन्द्रियस्य वीर्यस्य रसस्यानतिचाराय यत्र वै देवा इन्द्रियं वीर्यं रसम् अपश्यंस् तद् अनुन्यतुदन्

saprabhṛtayo bhavantīndriyasya vīryasya rasasyānaticārāya yatra vai devā indriyaṃ vīryaṃ rasam apaśyaṃs tad anunyatudan

Sanskrit only: no published translation is held for this verse.

अष्टर्चो भवति

aṣṭarco bhavati

Sanskrit only: no published translation is held for this verse.

अष्टाशफाः पशवः शफशस् तत् पशून् आप्नोति अष्टाक्षरा गायत्री तेजो ब्रह्मवर्चसं गायत्री तेज एव ब्रह्मवर्चसम् अवरुन्द्धे

aṣṭāśaphāḥ paśavaḥ śaphaśas tat paśūn āpnoti aṣṭākṣarā gāyatrī tejo brahmavarcasaṃ gāyatrī teja eva brahmavarcasam avarunddhe

Sanskrit only: no published translation is held for this verse.

षडृचा भवन्त्य् ऋतूनां धृत्यै

ṣaḍṛcā bhavanty ṛtūnāṃ dhṛtyai

Sanskrit only: no published translation is held for this verse.

चत्वारः षडृचा भवन्ति चतुर्विंशतिर् अर्धमासाः संवत्सरः संवत्सर एव प्रतितिष्ठति

catvāraḥ ṣaḍṛcā bhavanti caturviṃśatir ardhamāsāḥ saṃvatsaraḥ saṃvatsara eva pratitiṣṭhati

Sanskrit only: no published translation is held for this verse.

सवान् उत्तमः षडृचो भवत्य् उभयस्य परोक्षप्रत्यक्षस्यावरुद्ध्यै

savān uttamaḥ ṣaḍṛco bhavaty ubhayasya parokṣapratyakṣasyāvaruddhyai

Sanskrit only: no published translation is held for this verse.

तृच उत्तमो भवति येनैव प्राणेन प्रयन्ति तम् अभ्युद्यन्ति

tṛca uttamo bhavati yenaiva prāṇena prayanti tam abhyudyanti

Sanskrit only: no published translation is held for this verse.

अष्टाचत्वारिंश एव स्तोमो भवति प्रतिष्ठायै प्रजात्यै

aṣṭācatvāriṃśa eva stomo bhavati pratiṣṭhāyai prajātyai

Sanskrit only: no published translation is held for this verse.