Pañcaviṃśa (Tāṇḍya) Brāhmaṇa of the Sāmaveda (in part) 15.2

अगन्म महा नमसा यविष्ठम् इत्य् आग्नेयम् आज्यं भवति

aganma mahā namasā yaviṣṭham ity āgneyam ājyaṃ bhavati

Sanskrit only: no published translation is held for this verse.

गच्छन्तीव वा एते ये नवमम् अहर् गच्छन्ति

gacchantīva vā ete ye navamam ahar gacchanti

Sanskrit only: no published translation is held for this verse.

यो दीदाय समिद्ध स्वे दुरोण इति दीदायेव ह्य् एष यो नवभिर् अहर्भिस् तुष्टुवानः स्वाहुतम् इति स्वाहुतो ह्य् एष यो नवभिर् अहर्भिर् आहुतो विश्वतः प्रत्यञ्चम् इति विश्वतो ह्य् एष प्रत्यङ्

yo dīdāya samiddha sve duroṇa iti dīdāyeva hy eṣa yo navabhir aharbhis tuṣṭuvānaḥ svāhutam iti svāhuto hy eṣa yo navabhir aharbhir āhuto viśvataḥ pratyañcam iti viśvato hy eṣa pratyaṅ

Sanskrit only: no published translation is held for this verse.

त्वं वरुण उत मित्रो अग्न इति वारुण्येषा भवति यद् वै यज्ञस्य दुरिष्टं तद् वरुणो गृह्णति तद् एव तद् अवयजति

tvaṃ varuṇa uta mitro agna iti vāruṇyeṣā bhavati yad vai yajñasya duriṣṭaṃ tad varuṇo gṛhṇati tad eva tad avayajati

Sanskrit only: no published translation is held for this verse.

मित्रं हुवे पूतदक्षम् इति राथन्तरं मैत्रावरुणम्

mitraṃ huve pūtadakṣam iti rāthantaraṃ maitrāvaruṇam

Sanskrit only: no published translation is held for this verse.

उग्रगाधम् इव वा एतद् यच्छन्दोमास् तद् यथात उग्रगाधे व्यतिषज्य गाहन्त एवम् एवैतद् रूपे व्यतिषजति छन्दोमानाम् असंव्याथाय

ugragādham iva vā etad yacchandomās tad yathāta ugragādhe vyatiṣajya gāhanta evam evaitad rūpe vyatiṣajati chandomānām asaṃvyāthāya

Sanskrit only: no published translation is held for this verse.

महां इन्द्रो य ओजसेत्यैन्द्रम् अष्टमेन वै देवा अह्नेन्द्रम् अवाजयन् नवमेन पाप्मानम् अघ्नन्न् अहर् एवैतेन महयन्ति

mahāṃ indro ya ojasetyaindram aṣṭamena vai devā ahnendram avājayan navamena pāpmānam aghnann ahar evaitena mahayanti

Sanskrit only: no published translation is held for this verse.

ता हुवे ययोर् इदम् इति राथन्तरम् ऐन्द्राग्नम्

tā huve yayor idam iti rāthantaram aindrāgnam

Sanskrit only: no published translation is held for this verse.

उग्रगाधम् इव वा एतद् यच्छन्दोमास् तद् यथात उग्रगाधे व्यतिषज्य गाहन्त एवम् एवैतद् रूपे व्यतिषजति छन्दोमानाम् असंव्याथाय स्तोमः

ugragādham iva vā etad yacchandomās tad yathāta ugragādhe vyatiṣajya gāhanta evam evaitad rūpe vyatiṣajati chandomānām asaṃvyāthāya stomaḥ

Sanskrit only: no published translation is held for this verse.