Pañcaviṃśa (Tāṇḍya) Brāhmaṇa of the Sāmaveda (in part) 15.4

श्रायन्त इव सूर्यम् इति सूर्यवत्यो भवन्ति

śrāyanta iva sūryam iti sūryavatyo bhavanti

Sanskrit only: no published translation is held for this verse.

आदित्यदेवत्यं ह्य् एतद् अहर् अन्तो वै सूरो ऽन्त एतन् नवमम् अह्नाम् अन्त एव तद् अन्तेन स्तुवते प्रतिष्ठायै

ādityadevatyaṃ hy etad ahar anto vai sūro 'nta etan navamam ahnām anta eva tad antena stuvate pratiṣṭhāyai

Sanskrit only: no published translation is held for this verse.

यत इन्द्र भयामहे ततो नो अभयं कृधि मघवञ्छग्धि तव तन् न ऊतये विद्विषो विमृधो जहीति द्विषश्चैव मृधश्च नवमेनाह्ना विहत्य दशमेनाह्नोत्तिष्ठन्ति

yata indra bhayāmahe tato no abhayaṃ kṛdhi maghavañchagdhi tava tan na ūtaye vidviṣo vimṛdho jahīti dviṣaścaiva mṛdhaśca navamenāhnā vihatya daśamenāhnottiṣṭhanti

Sanskrit only: no published translation is held for this verse.

श्रीर् वै श्रायन्तीयं श्रीर् नवमम् अहः श्रियम् एव तच्छ्रियां प्रतिष्ठापयति

śrīr vai śrāyantīyaṃ śrīr navamam ahaḥ śriyam eva tacchriyāṃ pratiṣṭhāpayati

Sanskrit only: no published translation is held for this verse.

समन्तं भवति

samantaṃ bhavati

Sanskrit only: no published translation is held for this verse.

समन्तेन पशुकामः स्तुवीत पुरोधाकामः समन्तेन स्तुवीत

samantena paśukāmaḥ stuvīta purodhākāmaḥ samantena stuvīta

Sanskrit only: no published translation is held for this verse.

आग्नेयी पृथिव्याग्नेयो ब्राह्मण ऐन्द्री द्यौर् ऐन्द्रो राजन्यो ऽन्तरिक्षेण द्यावापृथिवी समन्ते अन्तरिक्षेणैवैनं समन्तं करोति विन्दते पशून् प्र पुरोधाम् आप्नोति य एवं विद्वान् समन्तेन स्तुवते स्तोमः

āgneyī pṛthivyāgneyo brāhmaṇa aindrī dyaur aindro rājanyo 'ntarikṣeṇa dyāvāpṛthivī samante antarikṣeṇaivainaṃ samantaṃ karoti vindate paśūn pra purodhām āpnoti ya evaṃ vidvān samantena stuvate stomaḥ

Sanskrit only: no published translation is held for this verse.