Library·Pañcaviṃśa (Tāṇḍya) Brāhmaṇa of the Sāmaveda (in part)·15·15.5
त्वं सोमासि धारयुर् इति गायत्री भवत्य् अह्नो धृत्यै त्वम् इति बृहतो रूपं बार्हतं ह्य् एतद् अहः
tvaṃ somāsi dhārayur iti gāyatrī bhavaty ahno dhṛtyai tvam iti bṛhato rūpaṃ bārhataṃ hy etad ahaḥ
Sanskrit only: no published translation is held for this verse.
त्वं ह्यङ्ग दैव्येति त्वम् इति बृहतो रूपं बार्हतं ह्य् एतद् अहः
tvaṃ hyaṅga daivyeti tvam iti bṛhato rūpaṃ bārhataṃ hy etad ahaḥ
Sanskrit only: no published translation is held for this verse.
पवस्व देववीतय इति बृहतो रूपं बार्हतं ह्य् एतद् अहः
pavasva devavītaya iti bṛhato rūpaṃ bārhataṃ hy etad ahaḥ
Sanskrit only: no published translation is held for this verse.
परित्यं हर्यतं हरिम् इति परिवत्यो भवन्त्यन्तो वै नवमम् अहस् तस्यैताः पर्याप्त्यै
parityaṃ haryataṃ harim iti parivatyo bhavantyanto vai navamam ahas tasyaitāḥ paryāptyai
Sanskrit only: no published translation is held for this verse.
पवस्व सोम महे दक्षायेत्यक्षरपङ्क्तिः स्तोमानां प्रभूतिर् अथो एतद्ध्येवैतर्हि छन्दो ऽयातयाम यद् अक्षरपङ्क्तिस् तेन छन्दोमा अयातयामाः क्रियन्ते ब्रह्मवादिनो वदन्ति यत् षडहे स्तोमाश् छन्दांस्य् आप्यन्ते किंछन्दसश् छन्दोमा इत्य् एतच्छन्दसो यद् एता अक्षरपङ्क्तय इति ब्रूयात्
pavasva soma mahe dakṣāyetyakṣarapaṅktiḥ stomānāṃ prabhūtir atho etaddhyevaitarhi chando 'yātayāma yad akṣarapaṅktis tena chandomā ayātayāmāḥ kriyante brahmavādino vadanti yat ṣaḍahe stomāś chandāṃsy āpyante kiṃchandasaś chandomā ity etacchandaso yad etā akṣarapaṅktaya iti brūyāt
Sanskrit only: no published translation is held for this verse.
उपोषु जातम् अप्तुरम् इति गायत्र्यस् सत्यो जगत्यो रूपेण तस्मात् जगतीनां लोके क्रियन्ते
upoṣu jātam apturam iti gāyatryas satyo jagatyo rūpeṇa tasmāt jagatīnāṃ loke kriyante
Sanskrit only: no published translation is held for this verse.
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
Sanskrit only: no published translation is held for this verse.
आश्वसूक्तं भवति
āśvasūktaṃ bhavati
Sanskrit only: no published translation is held for this verse.
अग्निं वै पूर्वैर् अहर्भिर् आजुहोत्य् अथैतद् आदित्यदेवत्यम् अहः शुक्र आहुत इत्य् असौ वा आदित्यः शुक्रस् तम् एवैतेनाजुहोति
agniṃ vai pūrvair aharbhir ājuhoty athaitad ādityadevatyam ahaḥ śukra āhuta ity asau vā ādityaḥ śukras tam evaitenājuhoti
Sanskrit only: no published translation is held for this verse.
शाम्मदं भवति
śāmmadaṃ bhavati
Sanskrit only: no published translation is held for this verse.
शम्मद् वा एतेनाङ्गिरसो ऽञ्जसा स्वर्गं लोकम् अपश्यत् स्वर्गस्य लोकस्यानुख्यात्यै स्वर्गाल् लोकान् न च्यवते तुष्टुवानः
śammad vā etenāṅgiraso 'ñjasā svargaṃ lokam apaśyat svargasya lokasyānukhyātyai svargāl lokān na cyavate tuṣṭuvānaḥ
Sanskrit only: no published translation is held for this verse.
दावसुनिधनं भवति
dāvasunidhanaṃ bhavati
Sanskrit only: no published translation is held for this verse.
आशिषम् एवास्मा एतेनाशास्ते साम हि सत्याशीः
āśiṣam evāsmā etenāśāste sāma hi satyāśīḥ
Sanskrit only: no published translation is held for this verse.
दावसुर् वा एतद् आङ्गिरसः पशुकामः सामापश्यत् तेन सहस्रं पशून् असृजत् यद् एतत् साम भवति पशूनां पुष्ट्यै
dāvasur vā etad āṅgirasaḥ paśukāmaḥ sāmāpaśyat tena sahasraṃ paśūn asṛjat yad etat sāma bhavati paśūnāṃ puṣṭyai
Sanskrit only: no published translation is held for this verse.
प्रतीचीनेडं काशीतं भवति
pratīcīneḍaṃ kāśītaṃ bhavati
Sanskrit only: no published translation is held for this verse.
पराचीभिर् वा अन्याभिर् इडाभी रेतो दधदेत्य् अथैतत् प्रतीचीनेडं काशीतं प्रजात्यै तस्मात् पराञ्चो गर्भाः सम्भवन्ति प्रत्यञ्चः प्रजायन्ते तस्माद् उ ते ऽवाचीनबिलेभ्यो नावपद्यन्त एतेन ह्य् एव ते धृताः
parācībhir vā anyābhir iḍābhī reto dadhadety athaitat pratīcīneḍaṃ kāśītaṃ prajātyai tasmāt parāñco garbhāḥ sambhavanti pratyañcaḥ prajāyante tasmād u te 'vācīnabilebhyo nāvapadyanta etena hy eva te dhṛtāḥ
Sanskrit only: no published translation is held for this verse.
हाविष्कृतं भवति प्रतिष्ठायै कृतानुवाद एव सः
hāviṣkṛtaṃ bhavati pratiṣṭhāyai kṛtānuvāda eva saḥ
Sanskrit only: no published translation is held for this verse.
सौपर्णं भवति यद् एव सौपर्णस्य ब्राह्मणम्
sauparṇaṃ bhavati yad eva sauparṇasya brāhmaṇam
Sanskrit only: no published translation is held for this verse.
वैश्वमनसं भवति
vaiśvamanasaṃ bhavati
Sanskrit only: no published translation is held for this verse.
विश्वमनसं वा ऋषिम् अध्यायम् उद्व्रजितं रक्षो ऽगृह्णात् तम् इन्द्रो ऽचायद् ऋषिं वै रक्षो ऽग्रहीद् इति तम् अभ्यवदद् ऋषे कस् त्वैष इति स्थाणुर् इति ब्रूहीति रक्षो ऽब्रवीत् स स्थाणुर् इत्य् अब्रवीत् तस्मै वा एतेन प्रहरेत्य् अस्मा इषीकां वज्रं प्रयच्छन्न् अब्रवीत् तेनास्य सीमानम् अभिनत् सैषेन्द्रेणतेषीका पाप्मा वाव स तम् अगृह्णात् तं वैश्वमनसेनापाहताप पाप्मानं हते वैश्वमनसेन तुष्टुवानः
viśvamanasaṃ vā ṛṣim adhyāyam udvrajitaṃ rakṣo 'gṛhṇāt tam indro 'cāyad ṛṣiṃ vai rakṣo 'grahīd iti tam abhyavadad ṛṣe kas tvaiṣa iti sthāṇur iti brūhīti rakṣo 'bravīt sa sthāṇur ity abravīt tasmai vā etena praharety asmā iṣīkāṃ vajraṃ prayacchann abravīt tenāsya sīmānam abhinat saiṣendreṇateṣīkā pāpmā vāva sa tam agṛhṇāt taṃ vaiśvamanasenāpāhatāpa pāpmānaṃ hate vaiśvamanasena tuṣṭuvānaḥ
Sanskrit only: no published translation is held for this verse.
गौरीवितं भवति यद् एव गौरीवितस्य ब्राह्मणम्
gaurīvitaṃ bhavati yad eva gaurīvitasya brāhmaṇam
Sanskrit only: no published translation is held for this verse.
निहवो भवत्य् अन्नाद्यस्यावरुद्ध्यै
nihavo bhavaty annādyasyāvaruddhyai
Sanskrit only: no published translation is held for this verse.
हीति वा अन्नं प्रदीयत ईत्यग्निर् अन्नम् अत्ति
hīti vā annaṃ pradīyata ītyagnir annam atti
Sanskrit only: no published translation is held for this verse.
ऋषयो वा इन्द्रं प्रत्यक्षं नापश्यन् स वसिष्ठो ऽकामयत कथम् इन्द्रं प्रत्यक्षं पश्येयम् इति स एतं निहवम् अपश्यत् ततो वै स इन्द्रं प्रत्यक्षम् अपश्यत् स एनम् अब्रवीद् ब्राह्मणं ते वक्ष्यामि यथा त्वत्पुरोहिता भरताः प्रजनिष्यन्ते ऽथ मान्येभ्य ऋषिभ्यो मा प्रवोच इति तस्मा एतान् स्तोमभागान् अब्रवीत् ततो वै वसिष्ठपुरोहिता भरताः प्राजायन्त सेन्द्रं वा एतत् साम यद् एतत् साम भवति सेन्द्रत्वाय
ṛṣayo vā indraṃ pratyakṣaṃ nāpaśyan sa vasiṣṭho 'kāmayata katham indraṃ pratyakṣaṃ paśyeyam iti sa etaṃ nihavam apaśyat tato vai sa indraṃ pratyakṣam apaśyat sa enam abravīd brāhmaṇaṃ te vakṣyāmi yathā tvatpurohitā bharatāḥ prajaniṣyante 'tha mānyebhya ṛṣibhyo mā pravoca iti tasmā etān stomabhāgān abravīt tato vai vasiṣṭhapurohitā bharatāḥ prājāyanta sendraṃ vā etat sāma yad etat sāma bhavati sendratvāya
Sanskrit only: no published translation is held for this verse.
यद्वाहिष्ठीयं भवति
yadvāhiṣṭhīyaṃ bhavati
Sanskrit only: no published translation is held for this verse.
ब्रह्मयशसं वा एतानि सामान्य् ऋचा श्रोत्रीयाणि ब्रह्मयशसी भवति यद्वाहिष्ठीयेन तुष्टुवानः
brahmayaśasaṃ vā etāni sāmāny ṛcā śrotrīyāṇi brahmayaśasī bhavati yadvāhiṣṭhīyena tuṣṭuvānaḥ
Sanskrit only: no published translation is held for this verse.
आसितं भवति यद् एवासितस्य ब्राह्मणम्
āsitaṃ bhavati yad evāsitasya brāhmaṇam
Sanskrit only: no published translation is held for this verse.
साध्रं भवति सिद्ध्यै
sādhraṃ bhavati siddhyai
Sanskrit only: no published translation is held for this verse.
आकूपारं भवति
ākūpāraṃ bhavati
Sanskrit only: no published translation is held for this verse.
अकूपारो वा एतेन कश्यपो जेमानं महिमानम् अगच्छज्जेमानं महिमानं गच्छत्य् आकूपारेण तुष्टुवानः
akūpāro vā etena kaśyapo jemānaṃ mahimānam agacchajjemānaṃ mahimānaṃ gacchaty ākūpāreṇa tuṣṭuvānaḥ
Sanskrit only: no published translation is held for this verse.
विधर्म भवति धर्मस्य विधृत्यै
vidharma bhavati dharmasya vidhṛtyai
Sanskrit only: no published translation is held for this verse.
ब्रह्मवादिनो वदन्ति यत् षडहे स्तोमाश् छन्दांस्याप्यन्ते किंछन्दसश्छन्दोमा इति पुरुषच्छन्दस इति ब्रूयात् पुरुषो वै पाङ्क्तः पुरुषो द्विपदा छन्दोमानाम् अयातयामतायै
brahmavādino vadanti yat ṣaḍahe stomāś chandāṃsyāpyante kiṃchandasaśchandomā iti puruṣacchandasa iti brūyāt puruṣo vai pāṅktaḥ puruṣo dvipadā chandomānām ayātayāmatāyai
Sanskrit only: no published translation is held for this verse.
श्रुध्यं भवति
śrudhyaṃ bhavati
Sanskrit only: no published translation is held for this verse.
पशवो वै श्रुध्यं पशूनाम् अवरुद्ध्यै
paśavo vai śrudhyaṃ paśūnām avaruddhyai
Sanskrit only: no published translation is held for this verse.
प्रजापतिः पशून् असृजत ते ऽस्मात् सृष्टा अपाक्रामंस् तान् एतेन साम्ना श्रूधिया एहियेत्य् अन्वह्वयत् त एनम् उपावर्तन्त यद् एतत् साम भवति पशूनाम् उपावृत्त्यै
prajāpatiḥ paśūn asṛjata te 'smāt sṛṣṭā apākrāmaṃs tān etena sāmnā śrūdhiyā ehiyety anvahvayat ta enam upāvartanta yad etat sāma bhavati paśūnām upāvṛttyai
Sanskrit only: no published translation is held for this verse.
उपैनं पशव आवर्तन्ते य एवं वेद
upainaṃ paśava āvartante ya evaṃ veda
Sanskrit only: no published translation is held for this verse.
गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्तीडान्ताः पवमाना भवन्ति पशवो वा इडा पशवश्छन्दोमाः पशुष्वेव तत् पशून् दधाति स्तोमः
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyantīḍāntāḥ pavamānā bhavanti paśavo vā iḍā paśavaśchandomāḥ paśuṣveva tat paśūn dadhāti stomaḥ
Sanskrit only: no published translation is held for this verse.