Pañcaviṃśa (Tāṇḍya) Brāhmaṇa of the Sāmaveda (in part) 15.8

सुषमिद्धो न आवहेत्य् आप्रिय आज्यानि भवन्ति

suṣamiddho na āvahety āpriya ājyāni bhavanti

Sanskrit only: no published translation is held for this verse.

प्रजापतिः प्रजा असृजत स दुग्धो रिरिचानो ऽमन्यत स एतान्य् आप्रिय आज्यान्य् अपश्यत् तैर् आत्मानम् आप्रीणात् दुग्ध इव वा एष रिरिचानो यो दशभिर् अहर्भिस् तुष्टुवानो यद् एतान्य् आप्रिय आज्यानि भवन्त्य् आत्मानम् एवैतैर् आप्रीणाति

prajāpatiḥ prajā asṛjata sa dugdho riricāno 'manyata sa etāny āpriya ājyāny apaśyat tair ātmānam āprīṇāt dugdha iva vā eṣa riricāno yo daśabhir aharbhis tuṣṭuvāno yad etāny āpriya ājyāni bhavanty ātmānam evaitair āprīṇāti

Sanskrit only: no published translation is held for this verse.

यद् अद्य सूर उदित इति सूरवन् मैत्रावरुणम् अन्तो वै सूरो ऽन्त एतद् दशमम् अह्नाम् अन्त एव तद् अन्तेन स्तुवते प्रतिष्ठाया उत् त्वा मदन्तु सोमा इत्य् उद्वद् ऐन्द्रम् उत्थानस्य रूपम्

yad adya sūra udita iti sūravan maitrāvaruṇam anto vai sūro 'nta etad daśamam ahnām anta eva tad antena stuvate pratiṣṭhāyā ut tvā madantu somā ity udvad aindram utthānasya rūpam

Sanskrit only: no published translation is held for this verse.

इन्द्राग्नी आगतं सुतम् इति येनैव रूपेण प्रयन्ति तद् अभ्युद्यन्ति स्तोमः

indrāgnī āgataṃ sutam iti yenaiva rūpeṇa prayanti tad abhyudyanti stomaḥ

Sanskrit only: no published translation is held for this verse.