Pañcaviṃśa (Tāṇḍya) Brāhmaṇa of the Sāmaveda (in part) 15.9

उच्चा ते जातम् अन्धस इत्य् उद्वत्यो गायत्र्यो भवन्त्य् उत्थानस्य रूपम्

uccā te jātam andhasa ity udvatyo gāyatryo bhavanty utthānasya rūpam

Sanskrit only: no published translation is held for this verse.

पुनानस् सोम धारयेति पन्थानम् एव तत् पर्यवयन्ति

punānas soma dhārayeti panthānam eva tat paryavayanti

Sanskrit only: no published translation is held for this verse.

आ जागृविर् विप्र ऋतं मतीनाम् इति यद् आप्ते प्रवतीः कुर्युर् अतिपद्येरन् यद् आवत्यो भवन्त्य् अनतिपादाय

ā jāgṛvir vipra ṛtaṃ matīnām iti yad āpte pravatīḥ kuryur atipadyeran yad āvatyo bhavanty anatipādāya

Sanskrit only: no published translation is held for this verse.

गायत्रं भवति यद् एव गायत्रस्य ब्राह्मणम्

gāyatraṃ bhavati yad eva gāyatrasya brāhmaṇam

Sanskrit only: no published translation is held for this verse.

आमहीयवं भवति क्ﾱप्तिश् चान्नाद्यं च क्ﾱप्तिं चैवैतेनान्नाद्यं चाभ्युत्तिष्ठन्ति

āmahīyavaṃ bhavati kﾱptiś cānnādyaṃ ca kﾱptiṃ caivaitenānnādyaṃ cābhyuttiṣṭhanti

Sanskrit only: no published translation is held for this verse.

आजिगं भवत्य् आजिजित्यायै

ājigaṃ bhavaty ājijityāyai

Sanskrit only: no published translation is held for this verse.

आजिर् वा एष प्रततो यत् द्वादशाहस् तस्यैतद् उज्जित्यै

ājir vā eṣa pratato yat dvādaśāhas tasyaitad ujjityai

Sanskrit only: no published translation is held for this verse.

आभीकं भवत्य् अभिक्रान्त्यै

ābhīkaṃ bhavaty abhikrāntyai

Sanskrit only: no published translation is held for this verse.

अङ्गिरसस् तपस् तेपानाः शुचम् अशोचंस् त एतत् सामापश्यंस् तान् अभीके ऽभ्यवर्षत् तेन शुचम् अशमयन्त यद् अभीके ऽभ्यवर्षत् तस्माद् आभीकं याम् एव पूर्वैर् अहर्भिः शुचं शोचन्ति ताम् एतेनात्र शमयित्वोत्तिष्ठन्ति

aṅgirasas tapas tepānāḥ śucam aśocaṃs ta etat sāmāpaśyaṃs tān abhīke 'bhyavarṣat tena śucam aśamayanta yad abhīke 'bhyavarṣat tasmād ābhīkaṃ yām eva pūrvair aharbhiḥ śucaṃ śocanti tām etenātra śamayitvottiṣṭhanti

Sanskrit only: no published translation is held for this verse.

उत्सेधो भवति

utsedho bhavati

Sanskrit only: no published translation is held for this verse.

उत्सेधेन वै देवाः पशून् उदसेधन् निषेधेन पर्यगृह्णन्

utsedhena vai devāḥ paśūn udasedhan niṣedhena paryagṛhṇan

Sanskrit only: no published translation is held for this verse.

अन्तरोत्सेधनिषेधौ यज्ञायज्ञीयम्

antarotsedhaniṣedhau yajñāyajñīyam

Sanskrit only: no published translation is held for this verse.

पशवो ऽन्नाद्यं यज्ञायज्ञीयं पशून् एव तद् अन्नाद्यम् उत्सेधनिषेधाभ्यां परिगृह्णाति

paśavo 'nnādyaṃ yajñāyajñīyaṃ paśūn eva tad annādyam utsedhaniṣedhābhyāṃ parigṛhṇāti

Sanskrit only: no published translation is held for this verse.

माध्यन्दिने वै पवमाने देवा यज्ञायज्ञीयेन यज्ञं संस्थाप्य स्वर्गं लोकम् आरोहंस् तद् य एवं वेद माध्यन्दिन एवैतत् पवमाने यज्ञायज्ञीयेन यज्ञं संस्थाप्य स्वर्गं लोकम् आरोहति

mādhyandine vai pavamāne devā yajñāyajñīyena yajñaṃ saṃsthāpya svargaṃ lokam ārohaṃs tad ya evaṃ veda mādhyandina evaitat pavamāne yajñāyajñīyena yajñaṃ saṃsthāpya svargaṃ lokam ārohati

Sanskrit only: no published translation is held for this verse.

अथो परोक्षम् अनुष्टुभं सम्पद्यते ऽहर् एषा वै प्रत्यक्षम् अनुष्टुप् यद् यज्ञायज्ञीयं तद् यत् तृतीयसवने कुर्युः प्रत्यक्षम् अनुष्टुभम् ऋच्छेयुस् तस्मान् माध्यन्दिने कुर्वन्ति तेन परोक्षम् अनुष्टुभम् उपयन्ति

atho parokṣam anuṣṭubhaṃ sampadyate 'har eṣā vai pratyakṣam anuṣṭup yad yajñāyajñīyaṃ tad yat tṛtīyasavane kuryuḥ pratyakṣam anuṣṭubham ṛccheyus tasmān mādhyandine kurvanti tena parokṣam anuṣṭubham upayanti

Sanskrit only: no published translation is held for this verse.

गौरीवितं भवति

gaurīvitaṃ bhavati

Sanskrit only: no published translation is held for this verse.

एतद् वै यज्ञस्य श्वस्तनं यद् गौरीवितम् एतदायतनो यजमानो यन् मध्यन्दिनो यद् गौरीवितं मध्यन्दिने भवति श्वस्तनम् एव तद् यजमान आत्मन् धत्ते स्तोमः

etad vai yajñasya śvastanaṃ yad gaurīvitam etadāyatano yajamāno yan madhyandino yad gaurīvitaṃ madhyandine bhavati śvastanam eva tad yajamāna ātman dhatte stomaḥ

Sanskrit only: no published translation is held for this verse.