Pañcaviṃśa (Tāṇḍya) Brāhmaṇa of the Sāmaveda (in part) 5.1

वामदेव्यं महाव्रतं कार्यम्

vāmadevyaṃ mahāvrataṃ kāryam

Sanskrit only: no published translation is held for this verse.

त्रिवृच्छिरो भवति

trivṛcchiro bhavati

Sanskrit only: no published translation is held for this verse.

त्रिवृद्ध्येव शिरो लोम त्वग् अस्थि

trivṛddhyeva śiro loma tvag asthi

Sanskrit only: no published translation is held for this verse.

पाङ्क्त इतर आत्मा लोम त्वङ् मांसम् अस्थि मज्जा

pāṅkta itara ātmā loma tvaṅ māṃsam asthi majjā

Sanskrit only: no published translation is held for this verse.

सकृद्धिंकृतेन शिरसा पराचा स्तुवते

sakṛddhiṃkṛtena śirasā parācā stuvate

Sanskrit only: no published translation is held for this verse.

तस्माच्छिरो ऽङ्गानि मेद्यन्ति नानुमेद्यति न कृश्यन्त्यनुकृश्यति

tasmācchiro 'ṅgāni medyanti nānumedyati na kṛśyantyanukṛśyati

Sanskrit only: no published translation is held for this verse.

पुनर् अभ्यावर्तम् इतरेणात्मना स्तुवते तस्माद् इतर आत्मा मेद्यति च कृश्यति च

punar abhyāvartam itareṇātmanā stuvate tasmād itara ātmā medyati ca kṛśyati ca

Sanskrit only: no published translation is held for this verse.

अर्कवतीषु गायत्रीषु शिरो भवति

arkavatīṣu gāyatrīṣu śiro bhavati

Sanskrit only: no published translation is held for this verse.

अन्नं वा अर्को ब्रह्मवर्चसं गायत्र्य् अन्नाद्यं चैवैभ्यो ब्रह्मवर्चसं च मुखतो दधाति

annaṃ vā arko brahmavarcasaṃ gāyatry annādyaṃ caivaibhyo brahmavarcasaṃ ca mukhato dadhāti

Sanskrit only: no published translation is held for this verse.

पञ्चदशसप्तदशौ पक्षौ भवतः पक्षाभ्यां वै यजमानो वयो भूत्वा स्वर्गं लोकम् एति

pañcadaśasaptadaśau pakṣau bhavataḥ pakṣābhyāṃ vai yajamāno vayo bhūtvā svargaṃ lokam eti

Sanskrit only: no published translation is held for this verse.

ताव् आहुः समौ कार्यौ पञ्चदशौ वा सप्तदशौ वा सवीवधत्वाय

tāv āhuḥ samau kāryau pañcadaśau vā saptadaśau vā savīvadhatvāya

Sanskrit only: no published translation is held for this verse.

तद् व् आहुर् यत् समौ भवत एकवीर्यौ तर्हि भवत इति पञ्चदशसप्तदशाव् एव कार्यौ साचीव वै वयः पक्षौ कृत्वा पतीयः पतति

tad v āhur yat samau bhavata ekavīryau tarhi bhavata iti pañcadaśasaptadaśāv eva kāryau sācīva vai vayaḥ pakṣau kṛtvā patīyaḥ patati

Sanskrit only: no published translation is held for this verse.

दक्षिणतो बृहत् कार्यं दक्षिणो वा अर्ध आत्मनो वीर्यवत्तरः

dakṣiṇato bṛhat kāryaṃ dakṣiṇo vā ardha ātmano vīryavattaraḥ

Sanskrit only: no published translation is held for this verse.

अथो खल्व् आहुर् उत्तरत एव कार्यं ब्राह्मणाच्छंसिनो ऽर्धात् त्रैष्टुभं वै बृहत् त्रैष्टुभो वै ब्राह्मणाच्छंसी त्रैष्टुभः पञ्चदशस्तोमः

atho khalv āhur uttarata eva kāryaṃ brāhmaṇācchaṃsino 'rdhāt traiṣṭubhaṃ vai bṛhat traiṣṭubho vai brāhmaṇācchaṃsī traiṣṭubhaḥ pañcadaśastomaḥ

Sanskrit only: no published translation is held for this verse.

दक्षिणतो रथन्तरं कार्यं मैत्रावरुणस्यार्धाद् गायत्रं वै रथन्तरं गायत्रो मैत्रावरुणो गायत्रः सप्तदशस्तोमः

dakṣiṇato rathantaraṃ kāryaṃ maitrāvaruṇasyārdhād gāyatraṃ vai rathantaraṃ gāyatro maitrāvaruṇo gāyatraḥ saptadaśastomaḥ

Sanskrit only: no published translation is held for this verse.

एकविंशं पुच्छं भवति

ekaviṃśaṃ pucchaṃ bhavati

Sanskrit only: no published translation is held for this verse.

एकविंशो वै स्तोमानां प्रतिष्ठा तस्माद् वयः पुच्छेन प्रतिष्ठायोत्पतति पुच्छेन प्रतिष्ठाय निषीदति

ekaviṃśo vai stomānāṃ pratiṣṭhā tasmād vayaḥ pucchena pratiṣṭhāyotpatati pucchena pratiṣṭhāya niṣīdati

Sanskrit only: no published translation is held for this verse.

यज्ञायज्ञीयं पुच्छं कार्यं यज्ञायज्ञीयं ह्य् एव महाव्रतस्य पुच्छम्

yajñāyajñīyaṃ pucchaṃ kāryaṃ yajñāyajñīyaṃ hy eva mahāvratasya puccham

Sanskrit only: no published translation is held for this verse.

अथो खल्व् आहुर् अतिशयं वै द्विपदां यज्ञायज्ञीयं भद्रम् कार्यं समृद्ध्यै

atho khalv āhur atiśayaṃ vai dvipadāṃ yajñāyajñīyaṃ bhadram kāryaṃ samṛddhyai

Sanskrit only: no published translation is held for this verse.