Pañcaviṃśa (Tāṇḍya) Brāhmaṇa of the Sāmaveda (in part) 5.10

आ वा एते संव्वत्सरं प्याययन्ति य उत्सृजन्ति

ā vā ete saṃvvatsaraṃ pyāyayanti ya utsṛjanti

Sanskrit only: no published translation is held for this verse.

यथा वै दृतिर् आध्मात एवं संव्वत्सरो ऽनुत्सृष्टो यन् नोत्सृजेयुर् अमेहेन प्रमायुकाः स्युः

yathā vai dṛtir ādhmāta evaṃ saṃvvatsaro 'nutsṛṣṭo yan notsṛjeyur amehena pramāyukāḥ syuḥ

Sanskrit only: no published translation is held for this verse.

प्राणो वै संव्वत्सर उदाना मासा यद् उत्सृजन्ति प्राण एवोदानान् दधति यो दीक्षितः प्रमीयते या संव्वत्सरस्यानुत्सृष्टस्य शुक् सा तम् ऋच्छति

prāṇo vai saṃvvatsara udānā māsā yad utsṛjanti prāṇa evodānān dadhati yo dīkṣitaḥ pramīyate yā saṃvvatsarasyānutsṛṣṭasya śuk sā tam ṛcchati

Sanskrit only: no published translation is held for this verse.

तद् आहुर् उत्सृज्या३ं नोत्सृज्या३म् इति

tad āhur utsṛjyā3ṃ notsṛjyā3m iti

Sanskrit only: no published translation is held for this verse.

यद्य् उत्सृजेयुर् उक्थान्य् उत्सृजेयुस् तद् एवोत्सृष्टं तद् अनुत्सृष्टम्

yady utsṛjeyur ukthāny utsṛjeyus tad evotsṛṣṭaṃ tad anutsṛṣṭam

Sanskrit only: no published translation is held for this verse.

अथो खल्व् आहुर् एकत्रिकं कार्यं तद् एव साक्षाद् उत्सृष्टम् अभ्युत्षुण्वन्ति

atho khalv āhur ekatrikaṃ kāryaṃ tad eva sākṣād utsṛṣṭam abhyutṣuṇvanti

Sanskrit only: no published translation is held for this verse.

छिद्रो वा एतेषां संव्वत्सर इत्य् आहुर् ये स्तोमम् उत्सृजन्तीति

chidro vā eteṣāṃ saṃvvatsara ity āhur ye stomam utsṛjantīti

Sanskrit only: no published translation is held for this verse.

पशुम् आलभन्ते स्तोमम् एव तद् आलभन्ते स्तोमो हि पशुः

paśum ālabhante stomam eva tad ālabhante stomo hi paśuḥ

Sanskrit only: no published translation is held for this verse.

श्व उत्सृष्टाः स्म इति वत्सान् अपाकुर्वन्ति प्रातः पशुम् आलभन्ते तस्य वपया प्रचरन्ति ततस् सवनीयेनाष्टाकपालेन तत आग्नेयेनाष्टाकपालेन ततो दध्नैन्द्रेण ततश् चरुणा वैश्वदेवेन तत् प्रातःसवनं संतिष्ठते

śva utsṛṣṭāḥ sma iti vatsān apākurvanti prātaḥ paśum ālabhante tasya vapayā pracaranti tatas savanīyenāṣṭākapālena tata āgneyenāṣṭākapālena tato dadhnaindreṇa tataś caruṇā vaiśvadevena tat prātaḥsavanaṃ saṃtiṣṭhate

Sanskrit only: no published translation is held for this verse.

ततः पशुपुरोडाशेनैकादशकपालेन ततः सवनीयेनैकादशकपालेन ततो मरुत्वतीयेनैकादशकपालेन ततश् चरुणैन्द्रेण तन् माध्यन्दिनं सवनं संतिष्ठते

tataḥ paśupuroḍāśenaikādaśakapālena tataḥ savanīyenaikādaśakapālena tato marutvatīyenaikādaśakapālena tataś caruṇaindreṇa tan mādhyandinaṃ savanaṃ saṃtiṣṭhate

Sanskrit only: no published translation is held for this verse.

पशुना प्रचरन्ति ततः सवनीयेन द्वादशकपालेन ततो वैश्वदेवेन द्वादशकपालेन ततश् चरुणाग्निमारुतेन तत् तृतीयं सवनं संतिष्ठते

paśunā pracaranti tataḥ savanīyena dvādaśakapālena tato vaiśvadevena dvādaśakapālena tataś caruṇāgnimārutena tat tṛtīyaṃ savanaṃ saṃtiṣṭhate

Sanskrit only: no published translation is held for this verse.

पृषदाज्येन प्रचर्य पत्नीस् संयाजयन्ति

pṛṣadājyena pracarya patnīs saṃyājayanti

Sanskrit only: no published translation is held for this verse.