Pañcaviṃśa (Tāṇḍya) Brāhmaṇa of the Sāmaveda (in part) 5.4

प्राणेन पुरस्ताद् आहवनीयम् उपतिष्ठन्ते प्राणम् एव तज् जयन्ति

prāṇena purastād āhavanīyam upatiṣṭhante prāṇam eva taj jayanti

Sanskrit only: no published translation is held for this verse.

अपानेन पश्चात् पुच्छम् उपतिष्ठन्ते अपानम् एव तज् जयन्ति

apānena paścāt puccham upatiṣṭhante apānam eva taj jayanti

Sanskrit only: no published translation is held for this verse.

व्रतपक्षाभ्यां पक्षाव् उपतिष्ठन्ते दिश एव तज् जयन्ति

vratapakṣābhyāṃ pakṣāv upatiṣṭhante diśa eva taj jayanti

Sanskrit only: no published translation is held for this verse.

प्रजापतेर् हृदयेनापिकक्षम् उपतिष्ठन्ते ज्यैष्ठ्यम् एव तज् जयन्ति

prajāpater hṛdayenāpikakṣam upatiṣṭhante jyaiṣṭhyam eva taj jayanti

Sanskrit only: no published translation is held for this verse.

वसिष्ठस्य निहवेन चात्वालम् उपतिष्ठन्ते स्वर्गम् एव तल्लोकम् आप्त्वा श्रियं वदन्ते

vasiṣṭhasya nihavena cātvālam upatiṣṭhante svargam eva tallokam āptvā śriyaṃ vadante

Sanskrit only: no published translation is held for this verse.

वैश्वदेव्याम् ऋचि भवति विश्वरूपं वै पशूनां रूपं पशून् एव तज् जयन्ति

vaiśvadevyām ṛci bhavati viśvarūpaṃ vai paśūnāṃ rūpaṃ paśūn eva taj jayanti

Sanskrit only: no published translation is held for this verse.

सत्त्रस्यर्द्ध्याग्नीध्रम् उपतिष्ठन्त ऋद्धाव् एव प्रतितिष्ठन्ति

sattrasyarddhyāgnīdhram upatiṣṭhanta ṛddhāv eva pratitiṣṭhanti

Sanskrit only: no published translation is held for this verse.

चतुरक्षरणिधनं भवति चतुष्पादाः पशवः पशुष्व् एव प्रतितिष्ठन्ति

caturakṣaraṇidhanaṃ bhavati catuṣpādāḥ paśavaḥ paśuṣv eva pratitiṣṭhanti

Sanskrit only: no published translation is held for this verse.

आ तमितोर् निधनम् उपयन्त्य् आयुर् एव सर्वम् आप्नुवन्ति

ā tamitor nidhanam upayanty āyur eva sarvam āpnuvanti

Sanskrit only: no published translation is held for this verse.

श्लोकानुश्लोकाभ्यां हविर्धाने उपतिष्ठन्ते कीर्तिम् एव तज् जयन्ति

ślokānuślokābhyāṃ havirdhāne upatiṣṭhante kīrtim eva taj jayanti

Sanskrit only: no published translation is held for this verse.

यामेन मार्जालीयम् उपतिष्ठन्ते पितृलोकम् एव तज् जयन्ति

yāmena mārjālīyam upatiṣṭhante pitṛlokam eva taj jayanti

Sanskrit only: no published translation is held for this verse.

आयुर्णवस्तोभाभ्यां सद उपतिष्ठन्ते ब्रह्म चैव तत् क्षत्रं च जयन्ति

āyurṇavastobhābhyāṃ sada upatiṣṭhante brahma caiva tat kṣatraṃ ca jayanti

Sanskrit only: no published translation is held for this verse.

ऋश्यस्य साम्ना गार्हपत्यम् उपतिष्ठन्ते

ṛśyasya sāmnā gārhapatyam upatiṣṭhante

Sanskrit only: no published translation is held for this verse.

इन्द्रं सर्वाणि भूतान्य् अस्तुवंस् तस्यर्श्य एकम् अङ्गम् अस्तुतम् अचायत् तद् अस्यैतेनास्तौत् तेनास्य प्रियं धामोपागच्छत् प्रियम् एवास्यैतेन धामोपगच्छन्ति

indraṃ sarvāṇi bhūtāny astuvaṃs tasyarśya ekam aṅgam astutam acāyat tad asyaitenāstaut tenāsya priyaṃ dhāmopāgacchat priyam evāsyaitena dhāmopagacchanti

Sanskrit only: no published translation is held for this verse.

यत् परोक्षं निधनम् उपेयुर् ह्रीतमुखं प्रतिमुञ्चेरन् प्रत्यक्षम् उपयन्ति ह्रीतमुखम् एवापजयन्ति

yat parokṣaṃ nidhanam upeyur hrītamukhaṃ pratimuñceran pratyakṣam upayanti hrītamukham evāpajayanti

Sanskrit only: no published translation is held for this verse.