Pañcaviṃśa (Tāṇḍya) Brāhmaṇa of the Sāmaveda (in part) 5.5

आसन्दीम् आरुह्योद्गायति देवसाक्ष्य एव तद् उपरिषद्यं जयति

āsandīm āruhyodgāyati devasākṣya eva tad upariṣadyaṃ jayati

Sanskrit only: no published translation is held for this verse.

औदुम्बरी भवत्य् ऊर्ग् उदुम्बर ऊर्जम् एवावरुन्द्धे

audumbarī bhavaty ūrg udumbara ūrjam evāvarunddhe

Sanskrit only: no published translation is held for this verse.

प्रादेशमात्री भवत्य् अस्य लोकस्यानुद्धानाय

prādeśamātrī bhavaty asya lokasyānuddhānāya

Sanskrit only: no published translation is held for this verse.

छन्दोभिर् आरोहति स्वर्गम् एव तल् लोकम् आरोहति

chandobhir ārohati svargam eva tal lokam ārohati

Sanskrit only: no published translation is held for this verse.

छन्दोभिर् उपावरोहत्य् अस्मिंल्लोके प्रतितिष्ठति

chandobhir upāvarohaty asmiṃlloke pratitiṣṭhati

Sanskrit only: no published translation is held for this verse.

सर्वेणात्मना समुद्धृत्योद्गेयम् एषु लोकेषु नेद् व्याहितो ऽसानीति

sarveṇātmanā samuddhṛtyodgeyam eṣu lokeṣu ned vyāhito 'sānīti

Sanskrit only: no published translation is held for this verse.

एकस्यां स्तोत्रीयायाम् अस्तुतायां पादाव् उपाहरति

ekasyāṃ stotrīyāyām astutāyāṃ pādāv upāharati

Sanskrit only: no published translation is held for this verse.

सह निधनेन प्रतिष्ठाम् उपयन्त्य् एष्वेव लोकेषु प्रतितिष्ठन्ते

saha nidhanena pratiṣṭhām upayanty eṣveva lokeṣu pratitiṣṭhante

Sanskrit only: no published translation is held for this verse.

प्रेङ्खाम् आरुह्य होता शंसति महस एव तद् रूपं क्रियते

preṅkhām āruhya hotā śaṃsati mahasa eva tad rūpaṃ kriyate

Sanskrit only: no published translation is held for this verse.

यदा वै प्रजा मह आविशति प्रेङ्खास् तर्ह्य् आरोहन्ति

yadā vai prajā maha āviśati preṅkhās tarhy ārohanti

Sanskrit only: no published translation is held for this verse.

फलकम् आरुह्याध्वर्युः प्रतिगृणाति

phalakam āruhyādhvaryuḥ pratigṛṇāti

Sanskrit only: no published translation is held for this verse.

कूर्चान् इतरे ऽध्यासत ऊर्ध्वा एव तद् उत्क्रामन्तो यन्ति

kūrcān itare 'dhyāsata ūrdhvā eva tad utkrāmanto yanti

Sanskrit only: no published translation is held for this verse.

अभिगरापगरौ भवतो निन्दत्य् एनान् अन्यः प्रान्यः शंसति य एनान् निन्दति पाप्मानम् एषां सो ऽपहन्ति यः प्रशंसति यद् एवैषां सुष्टुतं सुशस्तं तत् सो ऽभिगृणाति

abhigarāpagarau bhavato nindaty enān anyaḥ prānyaḥ śaṃsati ya enān nindati pāpmānam eṣāṃ so 'pahanti yaḥ praśaṃsati yad evaiṣāṃ suṣṭutaṃ suśastaṃ tat so 'bhigṛṇāti

Sanskrit only: no published translation is held for this verse.

शूद्रार्यौ चर्मणि व्यायच्छेते तयोर् आर्यं वर्णम् उज्जापयन्ति

śūdrāryau carmaṇi vyāyacchete tayor āryaṃ varṇam ujjāpayanti

Sanskrit only: no published translation is held for this verse.

देवाश् च वा असुराश् चादित्ये व्यायच्छन्त तं देवा अभ्यजयंस् ततो देवा अभवन् परासुरा अभवन्न् आत्मना परास्य भ्रातृव्यो भवति य एवं वेद

devāś ca vā asurāś cāditye vyāyacchanta taṃ devā abhyajayaṃs tato devā abhavan parāsurā abhavann ātmanā parāsya bhrātṛvyo bhavati ya evaṃ veda

Sanskrit only: no published translation is held for this verse.

यदार्यं वर्णम् उज्जापयन्त्य् आत्मानम् एव तद् उज्जापयन्ति

yadāryaṃ varṇam ujjāpayanty ātmānam eva tad ujjāpayanti

Sanskrit only: no published translation is held for this verse.

परिमण्डलं चर्म भवत्य् आदित्यस्यैव तद् रूपं क्रियते

parimaṇḍalaṃ carma bhavaty ādityasyaiva tad rūpaṃ kriyate

Sanskrit only: no published translation is held for this verse.

सर्वासु स्रक्तिषु दुन्दुभयो वदन्ति या वनस्पतिषु वाक् ताम् एव तज् जयन्ति

sarvāsu sraktiṣu dundubhayo vadanti yā vanaspatiṣu vāk tām eva taj jayanti

Sanskrit only: no published translation is held for this verse.

भूमिदुन्दुभिर् भवति या पृथिव्यां वाक् ताम् एव तज् जयन्ति

bhūmidundubhir bhavati yā pṛthivyāṃ vāk tām eva taj jayanti

Sanskrit only: no published translation is held for this verse.

सर्वा वाचो वदन्ति येषु लोकेषु वाक् ताम् एव तज् जयन्ति

sarvā vāco vadanti yeṣu lokeṣu vāk tām eva taj jayanti

Sanskrit only: no published translation is held for this verse.

संनद्धाः कवचिनः परियन्तीन्द्रियस्यैव तद् रूपं क्रियते ऽथो महाव्रतम् एव महयन्ति

saṃnaddhāḥ kavacinaḥ pariyantīndriyasyaiva tad rūpaṃ kriyate 'tho mahāvratam eva mahayanti

Sanskrit only: no published translation is held for this verse.