Pañcaviṃśa (Tāṇḍya) Brāhmaṇa of the Sāmaveda (in part) 5.9

एकाष्टकायां दीक्षेरन्

ekāṣṭakāyāṃ dīkṣeran

Sanskrit only: no published translation is held for this verse.

एषा वै संव्वत्सरस्य पत्नी यद् एकाष्टकैतस्यां वा एतां रात्रिं वसति साक्षाद् एव तत् संव्वत्सरम् आरभ्य दीक्षन्ते

eṣā vai saṃvvatsarasya patnī yad ekāṣṭakaitasyāṃ vā etāṃ rātriṃ vasati sākṣād eva tat saṃvvatsaram ārabhya dīkṣante

Sanskrit only: no published translation is held for this verse.

तस्य सा निर्या यद् अपो ऽनभिनन्दन्तो ऽभ्यवयन्ति

tasya sā niryā yad apo 'nabhinandanto 'bhyavayanti

Sanskrit only: no published translation is held for this verse.

विच्छिन्नं वा एते संव्वत्सरस्याभिदीक्षन्ते य एकाष्टकायां दीक्षन्ते ऽन्तनामानाव् ऋतू भवेते

vicchinnaṃ vā ete saṃvvatsarasyābhidīkṣante ya ekāṣṭakāyāṃ dīkṣante 'ntanāmānāv ṛtū bhavete

Sanskrit only: no published translation is held for this verse.

आर्तं वा एते संव्वत्सरस्याभिदीक्षन्ते ये ऽन्तनामानाव् ऋतू अभिदीक्षन्ते

ārtaṃ vā ete saṃvvatsarasyābhidīkṣante ye 'ntanāmānāv ṛtū abhidīkṣante

Sanskrit only: no published translation is held for this verse.

तस्माद् एकाष्टकायां न दीक्ष्यम्

tasmād ekāṣṭakāyāṃ na dīkṣyam

Sanskrit only: no published translation is held for this verse.

फाल्गुने दीक्षेरन्

phālgune dīkṣeran

Sanskrit only: no published translation is held for this verse.

मुखं वा एतत् संव्वत्सरस्य यत् फाल्गुनो मुखत एव तत् संव्वत्सरम् आरभ्य दीक्षन्ते

mukhaṃ vā etat saṃvvatsarasya yat phālguno mukhata eva tat saṃvvatsaram ārabhya dīkṣante

Sanskrit only: no published translation is held for this verse.

तस्य सा निर्या यत् संमेघे विषुवान् सम्पद्यते

tasya sā niryā yat saṃmeghe viṣuvān sampadyate

Sanskrit only: no published translation is held for this verse.

चित्रापूर्णमासे दीक्षेरन्

citrāpūrṇamāse dīkṣeran

Sanskrit only: no published translation is held for this verse.

चक्षुर् वा एतत् संव्वत्सरस्य यच्चित्रापूर्णमासो मुखतो वै चक्षुर् मुखत एव तत् संव्वत्सरम् आरभ्य दीक्षन्ते तस्य न निर्यास्ति

cakṣur vā etat saṃvvatsarasya yaccitrāpūrṇamāso mukhato vai cakṣur mukhata eva tat saṃvvatsaram ārabhya dīkṣante tasya na niryāsti

Sanskrit only: no published translation is held for this verse.

चतुरहे पुरस्तात् पौर्णमास्या दीक्षेरन्

caturahe purastāt paurṇamāsyā dīkṣeran

Sanskrit only: no published translation is held for this verse.

तेषाम् एकाष्टकायां क्रयः सम्पद्यते तेनैकाष्टकां न संवट्कुर्वन्ति

teṣām ekāṣṭakāyāṃ krayaḥ sampadyate tenaikāṣṭakāṃ na saṃvaṭkurvanti

Sanskrit only: no published translation is held for this verse.

तेषां पूर्वपक्षे सुत्या सम्पद्यते पूर्वपक्षे मासाः संतिष्ठमाना यन्ति पूर्वपक्ष उत्तिष्ठन्ति तान् उत्तिष्ठतः पशव ओषधयो ऽनूत्तिष्ठन्ति तान् कल्याणी वाग् अभिवदत्य् अरात्सुर् इमे सत्त्रिण इति ते राध्नुवन्ति

teṣāṃ pūrvapakṣe sutyā sampadyate pūrvapakṣe māsāḥ saṃtiṣṭhamānā yanti pūrvapakṣa uttiṣṭhanti tān uttiṣṭhataḥ paśava oṣadhayo 'nūttiṣṭhanti tān kalyāṇī vāg abhivadaty arātsur ime sattriṇa iti te rādhnuvanti

Sanskrit only: no published translation is held for this verse.