इमौ वै लोकौ सहास्तां तौ वियन्ताव् अब्रूतां विवाहं विवहावहै सह नाव् अस्त्व् इति
imau vai lokau sahāstāṃ tau viyantāv abrūtāṃ vivāhaṃ vivahāvahai saha nāv astv iti
Sanskrit only: no published translation is held for this verse.
Library·Pañcaviṃśa (Tāṇḍya) Brāhmaṇa of the Sāmaveda (in part)·7·7.10
Pañcaviṃśa (Tāṇḍya) Brāhmaṇa of the Sāmaveda (in part) 7.10
तयोर् अयम् अमुष्मै श्यैतं प्रायच्छन् नौधसम् असाव् अस्मै
tayor ayam amuṣmai śyaitaṃ prāyacchan naudhasam asāv asmai
Sanskrit only: no published translation is held for this verse.
तत एनयोर् निधने विपर्यक्रामतां देवविवाहो वै श्यैतनौधसे
tata enayor nidhane viparyakrāmatāṃ devavivāho vai śyaitanaudhase
Sanskrit only: no published translation is held for this verse.
प्रवसीयांसं विवाहम् आप्नोति य एवं वेद
pravasīyāṃsaṃ vivāham āpnoti ya evaṃ veda
Sanskrit only: no published translation is held for this verse.
इतो वा इमे लोका ऊर्ध्वाः कल्पमाना यन्त्य् अमुतो ऽर्वाञ्चः कल्पमाना आयन्ति
ito vā ime lokā ūrdhvāḥ kalpamānā yanty amuto 'rvāñcaḥ kalpamānā āyanti
Sanskrit only: no published translation is held for this verse.
यद् रथन्तरेण स्तुवन्तीमं लोकं तेन युनक्त्य् अन्तरिक्षं वामदेव्येन नौधसेनामुं यद् बृहता स्तुवन्त्य् अमुं लोकं तेन युनक्त्य् अन्तरिक्षं वामदेव्येन श्यैतेनेमम्
yad rathantareṇa stuvantīmaṃ lokaṃ tena yunakty antarikṣaṃ vāmadevyena naudhasenāmuṃ yad bṛhatā stuvanty amuṃ lokaṃ tena yunakty antarikṣaṃ vāmadevyena śyaitenemam
Sanskrit only: no published translation is held for this verse.
क्ﾱप्तान् इमांल्लोकान् उपास्ते य एवं वेद
kﾱptān imāṃllokān upāste ya evaṃ veda
Sanskrit only: no published translation is held for this verse.
बृहद्रथन्तरे वै श्यैतनौधसे यद् रथन्तराय नौधसं प्रति प्रयुञ्जन्ति बृहद् एवास्मै तत् प्रति प्रयुञ्जन्ति बृहद्ध्य् एतत् परोक्षं यन् नौधसं यद् बृहते श्यैतं प्रति प्रयुञ्जन्ति रथन्तरम् एवास्मै तत् प्रति प्रयुञ्जन्ति रथन्तरं ह्य् एतत् परोक्षं यच्छ्यैतम्
bṛhadrathantare vai śyaitanaudhase yad rathantarāya naudhasaṃ prati prayuñjanti bṛhad evāsmai tat prati prayuñjanti bṛhaddhy etat parokṣaṃ yan naudhasaṃ yad bṛhate śyaitaṃ prati prayuñjanti rathantaram evāsmai tat prati prayuñjanti rathantaraṃ hy etat parokṣaṃ yacchyaitam
Sanskrit only: no published translation is held for this verse.
उभाभ्यां बृहद्रथन्तराभ्यां स्तुते य एवं वेद
ubhābhyāṃ bṛhadrathantarābhyāṃ stute ya evaṃ veda
Sanskrit only: no published translation is held for this verse.
देवा वै ब्रह्म व्यभजन्त तान्नोधाः काक्षीवत आगच्छत् ते ऽब्रुवन्न् ऋषिर् न आगंस्तस्मै ब्रह्म ददामेति तस्मा एतत् साम प्रायच्छंस् तस्मान् नौधसं ब्रह्म वै नौधसम्
devā vai brahma vyabhajanta tānnodhāḥ kākṣīvata āgacchat te 'bruvann ṛṣir na āgaṃstasmai brahma dadāmeti tasmā etat sāma prāyacchaṃs tasmān naudhasaṃ brahma vai naudhasam
Sanskrit only: no published translation is held for this verse.
ब्रह्मवर्चसकाम एतेन स्तुवीत ब्रह्मवर्चसी भवति
brahmavarcasakāma etena stuvīta brahmavarcasī bhavati
Sanskrit only: no published translation is held for this verse.
अथैतच्छ्यैतम्
athaitacchyaitam
Sanskrit only: no published translation is held for this verse.
प्रजापतिः पशून् असृजत ते ऽस्मात् सृष्टा अपाक्रामंस् तान् एतेन साम्नाभिव्याहरत् ते ऽस्मा अतिष्ठन्त ते शेत्या अभवन् यच्छेत्या अभवंस् तस्माच्छ्यैतं पशवो वै श्यैतम्
prajāpatiḥ paśūn asṛjata te 'smāt sṛṣṭā apākrāmaṃs tān etena sāmnābhivyāharat te 'smā atiṣṭhanta te śetyā abhavan yacchetyā abhavaṃs tasmācchyaitaṃ paśavo vai śyaitam
Sanskrit only: no published translation is held for this verse.
पशुकाम एतेन स्तुवीत पशुमान् भवति
paśukāma etena stuvīta paśumān bhavati
Sanskrit only: no published translation is held for this verse.
प्रजापतिः प्रजा असृजत ताः सृष्टा अशोचंस् ताः श्यैतेन हुंमा इत्य् अभ्यजिघ्रत् ततो वै ताः समैधन्त समेधन्ते तां समां प्रजा यत्रैवं विद्वाञ्छ्यैतेनोद्गायति
prajāpatiḥ prajā asṛjata tāḥ sṛṣṭā aśocaṃs tāḥ śyaitena huṃmā ity abhyajighrat tato vai tāḥ samaidhanta samedhante tāṃ samāṃ prajā yatraivaṃ vidvāñchyaitenodgāyati
Sanskrit only: no published translation is held for this verse.
एष वै यजमानस्य प्रजापतिर् यद् उद्गाता यच्छ्यैतेन हिंकरोति प्रजापतिर् एव भूत्वा प्रजा अभिजिघ्रति
eṣa vai yajamānasya prajāpatir yad udgātā yacchyaitena hiṃkaroti prajāpatir eva bhūtvā prajā abhijighrati
Sanskrit only: no published translation is held for this verse.
वसुनिधनं भवति पशवो वै वसु पशुष्व् एव प्रतितिष्ठति
vasunidhanaṃ bhavati paśavo vai vasu paśuṣv eva pratitiṣṭhati
Sanskrit only: no published translation is held for this verse.