Library·Pañcaviṃśa (Tāṇḍya) Brāhmaṇa of the Sāmaveda (in part)·7·7.6
प्रजापतिर् अकामयत बहु स्यां प्रजायेयेति स तूष्णीं मनसाध्यायत् तस्य यन् मनस्य् आसीत् तद् बृहत् समभवत्
prajāpatir akāmayata bahu syāṃ prajāyeyeti sa tūṣṇīṃ manasādhyāyat tasya yan manasy āsīt tad bṛhat samabhavat
Sanskrit only: no published translation is held for this verse.
स आदीधीत गर्भो वै मे ऽयम् अन्तर्हितस् तं वाचा प्रजनया इति
sa ādīdhīta garbho vai me 'yam antarhitas taṃ vācā prajanayā iti
Sanskrit only: no published translation is held for this verse.
स वाचं व्यसृजत सा वाग् रथन्तरम् अन्वपद्यत
sa vācaṃ vyasṛjata sā vāg rathantaram anvapadyata
Sanskrit only: no published translation is held for this verse.
रथं मर्याः क्षेप्णातारीद् इति तद् रथन्तरस्य रथन्तरत्वम्
rathaṃ maryāḥ kṣepṇātārīd iti tad rathantarasya rathantaratvam
Sanskrit only: no published translation is held for this verse.
ततो बृहद् अनुप्राजायत बृहन् मर्या इदं स ज्योग् अन्तरभूद् इति तद् बृहतो बृहत्त्वम्
tato bṛhad anuprājāyata bṛhan maryā idaṃ sa jyog antarabhūd iti tad bṛhato bṛhattvam
Sanskrit only: no published translation is held for this verse.
यथा वै पुत्रो ज्येष्ठ एवं बृहत् प्रजापतेः
yathā vai putro jyeṣṭha evaṃ bṛhat prajāpateḥ
Sanskrit only: no published translation is held for this verse.
ज्येष्ठब्राह्मणं वा एतत्
jyeṣṭhabrāhmaṇaṃ vā etat
Sanskrit only: no published translation is held for this verse.
प्र ज्यैष्ठ्यम् आप्नोति य एवं वेद
pra jyaiṣṭhyam āpnoti ya evaṃ veda
Sanskrit only: no published translation is held for this verse.
यन् न्व् इत्य् आहुर् बृहत् पूर्वं प्रजापतौ समभवत् कस्माद् रथन्तरं पूर्वं योगम् आनश इति
yan nv ity āhur bṛhat pūrvaṃ prajāpatau samabhavat kasmād rathantaraṃ pūrvaṃ yogam ānaśa iti
Sanskrit only: no published translation is held for this verse.
बृहद् एव पूर्वं समभवद् रथन्तरं तु पूर्वं सृष्ट्यासृजत तस्मात् पूर्वं योगम् आनशे
bṛhad eva pūrvaṃ samabhavad rathantaraṃ tu pūrvaṃ sṛṣṭyāsṛjata tasmāt pūrvaṃ yogam ānaśe
Sanskrit only: no published translation is held for this verse.
तयोः समानं निधनम् आसीत् तस्मिन् नातिष्ठेतां त आजिम् ऐतां तयोर् हस् इति बृहत् प्राणम् उदजयद् अस् इति रथन्तरम् अपानम् अभिसमवेष्टत
tayoḥ samānaṃ nidhanam āsīt tasmin nātiṣṭhetāṃ ta ājim aitāṃ tayor has iti bṛhat prāṇam udajayad as iti rathantaram apānam abhisamaveṣṭata
Sanskrit only: no published translation is held for this verse.
प्राणापानौ वै बृहद्रथन्तरे ज्योग् आमयाविन उभे कुर्याद् अपक्रान्तौ वा एतस्य प्राणापानौ यस्य ज्योग् आमयति प्राणापानाव् एवास्मिन् दधाति
prāṇāpānau vai bṛhadrathantare jyog āmayāvina ubhe kuryād apakrāntau vā etasya prāṇāpānau yasya jyog āmayati prāṇāpānāv evāsmin dadhāti
Sanskrit only: no published translation is held for this verse.
यन् न्व् इत्य् आहुर् उभे बृहद्रथन्तरे बहिर्णिधने कस्माद् बृहद् बहिर्णिधनानि भजते ऽन्तर्णिधनानि रथन्तरम् इति
yan nv ity āhur ubhe bṛhadrathantare bahirṇidhane kasmād bṛhad bahirṇidhanāni bhajate 'ntarṇidhanāni rathantaram iti
Sanskrit only: no published translation is held for this verse.
प्राणो बृहत् तस्माद् बहिर्णिधनानि भजते बहिर् हि प्राणो ऽपानो रथन्तरं तस्माद् अन्तर्णिधनानि भजते ऽन्तर् ह्य् अपानः
prāṇo bṛhat tasmād bahirṇidhanāni bhajate bahir hi prāṇo 'pāno rathantaraṃ tasmād antarṇidhanāni bhajate 'ntar hy apānaḥ
Sanskrit only: no published translation is held for this verse.
महावृक्षौ वै बृहद्रथन्तरे निधने न समर्प्ये
mahāvṛkṣau vai bṛhadrathantare nidhane na samarpye
Sanskrit only: no published translation is held for this verse.
यद् वै महावृक्षौ समृच्छेते बहु तत्र विभग्नं प्रभग्नं शेते
yad vai mahāvṛkṣau samṛcchete bahu tatra vibhagnaṃ prabhagnaṃ śete
Sanskrit only: no published translation is held for this verse.
ऐरं वै बृहद् ऐडं रथन्तरं मनो वै बृहद् वाग् रथन्तरं साम वै बृहद् ऋग् रथन्तरं प्राणो वै बृहद् अपानो रथन्तरम् असौ वै लोको बृहद् अयं रथन्तरम् एतानि मनसान्वीक्ष्योद्गायेत् क्ﾱप्ताभ्याम् एवाभ्याम् उद्गायति
airaṃ vai bṛhad aiḍaṃ rathantaraṃ mano vai bṛhad vāg rathantaraṃ sāma vai bṛhad ṛg rathantaraṃ prāṇo vai bṛhad apāno rathantaram asau vai loko bṛhad ayaṃ rathantaram etāni manasānvīkṣyodgāyet kﾱptābhyām evābhyām udgāyati
Sanskrit only: no published translation is held for this verse.