Pañcaviṃśa (Tāṇḍya) Brāhmaṇa of the Sāmaveda (in part) 7.9

पिता वै वामदेव्यं पुत्राः पृष्ठानि

pitā vai vāmadevyaṃ putrāḥ pṛṣṭhāni

Sanskrit only: no published translation is held for this verse.

एतस्माद् वा एतानि योनेर् असृज्यन्त

etasmād vā etāni yoner asṛjyanta

Sanskrit only: no published translation is held for this verse.

तस्मात् पृष्ठानां स्तोत्रं वामदेव्येनानुष्टुवन्ति शान्त्यै

tasmāt pṛṣṭhānāṃ stotraṃ vāmadevyenānuṣṭuvanti śāntyai

Sanskrit only: no published translation is held for this verse.

यद्धि पुत्रो ऽशान्तं चरति पिता तच्छमयति

yaddhi putro 'śāntaṃ carati pitā tacchamayati

Sanskrit only: no published translation is held for this verse.

अयं वै लोको मध्यमो वामदेव्यम् एतस्माद् वा इमौ लोकौ विष्वञ्चाव् असृज्येतां बृहच् च रथन्तरं च

ayaṃ vai loko madhyamo vāmadevyam etasmād vā imau lokau viṣvañcāv asṛjyetāṃ bṛhac ca rathantaraṃ ca

Sanskrit only: no published translation is held for this verse.

यद् रथन्तरेण स्तुवन्ति ये रथन्तराः पशवो ऽन्तरीक्षं त उपश्रयन्ति यद् बृहता स्तुवन्ति ये बार्हताः पशवो ऽन्तरीक्षं त उपश्रयन्ति ते वामदेव्यस्य स्तोत्रेणावरुद्धाः

yad rathantareṇa stuvanti ye rathantarāḥ paśavo 'ntarīkṣaṃ ta upaśrayanti yad bṛhatā stuvanti ye bārhatāḥ paśavo 'ntarīkṣaṃ ta upaśrayanti te vāmadevyasya stotreṇāvaruddhāḥ

Sanskrit only: no published translation is held for this verse.

ध्रुव आसीनो वामदेव्येनोद्गायेत् पशूनाम् उपवृत्त्यै

dhruva āsīno vāmadevyenodgāyet paśūnām upavṛttyai

Sanskrit only: no published translation is held for this verse.

उपैनं पशव आवर्तन्ते य एवं वेद

upainaṃ paśava āvartante ya evaṃ veda

Sanskrit only: no published translation is held for this verse.

अन्तरिक्षं वै वामदेव्यम् अधून्वतेवोद्गेयम् अधूतम् इवान्तरिक्षं पशवो वै वामदेव्यम् अहिंसतेवोद्गेयं पशूनाम् अहिंसायै

antarikṣaṃ vai vāmadevyam adhūnvatevodgeyam adhūtam ivāntarikṣaṃ paśavo vai vāmadevyam ahiṃsatevodgeyaṃ paśūnām ahiṃsāyai

Sanskrit only: no published translation is held for this verse.

कथम् इव वामदेव्यं गेयम् इत्य् आहुः

katham iva vāmadevyaṃ geyam ity āhuḥ

Sanskrit only: no published translation is held for this verse.

यथाङ्कुली पुत्रान् संदश्यासंभिन्दन्ती हरति यथा वातो ऽप्सु शनैर् वाति

yathāṅkulī putrān saṃdaśyāsaṃbhindantī harati yathā vāto 'psu śanair vāti

Sanskrit only: no published translation is held for this verse.

स्वधूर् वामदेव्यं गेयम्

svadhūr vāmadevyaṃ geyam

Sanskrit only: no published translation is held for this verse.

यो वै स्वधूर् वामदेव्यं गायति स्वधूर् भवति

yo vai svadhūr vāmadevyaṃ gāyati svadhūr bhavati

Sanskrit only: no published translation is held for this verse.

यात्य् अस्यान्यो नियानेन नान्यस्य नियानेन याति

yāty asyānyo niyānena nānyasya niyānena yāti

Sanskrit only: no published translation is held for this verse.

न बृहतो न रथन्तरस्यानुरूपं गेयं स्वेनैवायतनेन गेयम् आयतनवान् भवति

na bṛhato na rathantarasyānurūpaṃ geyaṃ svenaivāyatanena geyam āyatanavān bhavati

Sanskrit only: no published translation is held for this verse.

देवा वै पशून् व्यभजन्त ते रुद्रम् अन्तरायंस् तान् वामदेव्यस्य स्तोत्र उपेक्षते

devā vai paśūn vyabhajanta te rudram antarāyaṃs tān vāmadevyasya stotra upekṣate

Sanskrit only: no published translation is held for this verse.

अनिरुक्तं गेयम्

aniruktaṃ geyam

Sanskrit only: no published translation is held for this verse.

यन् निराह रुद्राय पशून् अपिदधाति रुद्रस् तां समां पशून् घातुको भवति

yan nirāha rudrāya paśūn apidadhāti rudras tāṃ samāṃ paśūn ghātuko bhavati

Sanskrit only: no published translation is held for this verse.

रेवतीषु वामदेव्येन पशुकामः स्तुवीत

revatīṣu vāmadevyena paśukāmaḥ stuvīta

Sanskrit only: no published translation is held for this verse.

आपो वै रेवत्यः पशवो वामदेव्यम् अद्भ्य एवास्मै पशून् प्रजनयति

āpo vai revatyaḥ paśavo vāmadevyam adbhya evāsmai paśūn prajanayati

Sanskrit only: no published translation is held for this verse.

अनवर्त्तिः पशुतो भवति प्रजा स्वस्य मीलितेव भवति

anavarttiḥ paśuto bhavati prajā svasya mīliteva bhavati

Sanskrit only: no published translation is held for this verse.

कवतीभ्यो ह्य् एति प्रजापतेः

kavatībhyo hy eti prajāpateḥ

Sanskrit only: no published translation is held for this verse.